5	GEN 1:5	O Del diňa le svetloske nav “džives” a le kaľipnaske diňa nav “rat”. Sas rat a sas tosara – o ešebno džives.
8	GEN 1:8	Ole bare thaneske andro luftos diňa o Del nav “ňebos”. Sas rat a sas tosara – o dujto džives.
13	GEN 1:13	Sas rat a sas tosara – o trito džives.
19	GEN 1:19	Sas rat a sas tosara – o štarto džives.
23	GEN 1:23	Sas rat a sas tosara – o pandžto džives.
31	GEN 1:31	O Del dikhľa, hoj savoro, so kerďa, sas igen mištes. Sas rat a sas tosara – o šovto džives.
155	GEN 6:17	Me dava baro paňi pre phuv, hoj te zňičinav savoro, andre kaste hin o dichos le dživipnaskero – savoro, so hin tel o ňebos, the savoro, so hin pre phuv.
203	GEN 8:19	Savore džvirini, savore čirikle the ola, so pes cirden pal e phuv, gele avri andral o korabos – dojekh pal peskero rodos.
338	GEN 14:1	Andre oda časos o štar kraľa – o Šinariko kraľis Amrafel, o Ellasariko kraľis Arjoch, o Elamiko kraľis Kedorlaomer the o Gojimiko kraľis Tidal –
344	GEN 14:7	Paľis pes visarde a doavle ko En-Mišpat – oda hin ko Kadeš – a ňerinde (zviťazinde) upral caľi phuv le Amalekengeri the upral o Amoreja, save dživenas andro Chacecon-Tamar.
345	GEN 14:8	Akor avle o kraľa andral e Sodoma, andral e Gomora, andral e Adma, andral o Cebojim the andral e Bela – so hin o Coar – a zgele pes jekhetane pro mariben andre dolina Siddim.
346	GEN 14:9	Zgele pes pro mariben pro Elamiko kraľis Kedorlaomer, pro Gojimiko kraľis Tidal, pro Šinariko kraľis Amrafel the pro Ellasariko kraľis Arjoch – pandž kraľa džanas pro štar.
354	GEN 14:17	Sar avelas pale o Abram, avke paľis, sar ňerinďa upral o kraľis Kedorlaomer the aver kraľa, save sas leha, avľa ke leste o Sodomiko kraľis pro than Šave maškar o brehi – oda hin le Kraľiskeri Dolina.
361	GEN 14:24	Na mukav mange ňič olestar, ča oda, so imar chale mire manuša. Ale ola, ko avle manca – o Aner, o Eškol the o Mamre – mi chuden peskero kotor olestar.”
914	GEN 31:40	O kham man labarelas prekal o džives a prekal e rat fadžinavas – na sas man aňi soviben.
1035	GEN 35:23	La Leja sas čhave o Ruben – ešebno (peršo) čhavo le Jakoboskero – o Šimeon, o Levi, o Juda, o Jissachar the o Zebulun.
1060	GEN 36:19	Kala kmeňi avle le Ezavostar – le Edomostar.
1240	GEN 41:44	Paľis phenďa o Faraonos le Jozefoske: “Me som o Faraonos, ale bijal tiro lav ňiko andre calo Egipt našťi ňič kerel – našťi čhalavel le vasteha, aňi le pindreha.”
1312	GEN 43:21	Sar avľam pro than, kaj ačhiľam te presovel, phundraďam o gone a dojekh amendar arakhľam peskere love – ajci, keci počinďam. Akana tumenge anas ola love pale.
1370	GEN 45:11	Ode tumen me dava o chaben. Bo mek pandž berš ľikerela e bokh a na kamav, hoj vareko olendar, save hine tuha, te bokhaľon – aňi tu aňi tiri famelija.’ ”
1393	GEN 46:6	Ile peha o stadi the o barvaľipen, so skidle andro Kanaan, a avle andro Egipt – o Jakob the savori leskeri famelija.
1395	GEN 46:8	Kala hine o nava le Izraeloskere čhavengere – oda hin o Jakob the leskere čhave – save avle andro Egipt: Leskero ešebno (peršo) čhavo sas o Ruben.
1499	GEN 49:25	Mi pomožinel tuke o Del tire dadeskero! Mi požehňinel tut o Nekzoraleder Del le brišindeha andral o ňebos the le paňeha andral e phuv – a mi del tut but stadi the čhaven!
1588	EXO 3:8	Vašoda me avľom tele, hoj len te zachraňinav andral o vasta le Egipťanengere. Avľom len te lel avri andral odi phuv a te ľidžal len andre odi phuv, so hiňi igen bari the lačhi, a andre savi čuľal o thud the medos – e phuv, kaj bešen o Kanaančana, o Chetitana, o Amoreja, o Perizeja, o Chivija the o Jebuseja.
1595	EXO 3:15	A mek o Del phenďa le Mojžišoske: “Le Izraelitenge phen kada: ‘O RAJ man bičhaďa man ke tumende, o Del tumare dadengero – o Del le Abrahamoskero, le Izakoskero the le Jakoboskero. Kada hin miro nav pro furt, savo tumenge leperena a saveha man vičinena pokoleňje pro pokoleňje.’
1596	EXO 3:16	Dža, zvičin le Izraelike vodcen a phen lenge: ‘Sikaďa pes mange o RAJ, o Del tumare dadengero – o Del le Abrahamoskero, le Izakoskero the le Jakoboskero.’ Ov mange phenďa: ‘Me dikhavas mištes pre savoro, so tumenca keren andro Egipt,
1607	EXO 4:5	Paľis o RAJ phenďa: “Ker ada, hoj o Izraeliti tuke te pačan, hoj pes tuke sikaďa o Del lengere dadengero – o Del le Abrahamoskero, le Izakoskero the le Jakoboskero.”
1746	EXO 9:3	potrestinava tut avke, hoj bičhavava baro nasvaľiben pre savoro tiro dobitkos – pro graja, somara, ťavi, gurumňa, bakre the pro kozi.
1826	EXO 12:9	Našťi chan oda mas jalo aňi tado, ale ča peko pre jag – le šereha, le pindrenca the le gojenca.
1873	EXO 13:5	Sar tumen o RAJ ľidžala andre phuv le Kanaančanengeri, le Chetitanengeri, le Amorejengeri, le Chivijengeri the le Jebusejengeri, so tumare dadenge la veraha phenďa, hoj la dela tumenge – e phuv, andre savi čuľal o thud the o medos – akor sako berš andre oda čhon oslavinena kada inepos.
2025	EXO 18:25	Avke o Mojžiš andral calo Izrael kidňa avri muršen, save sas goďaver a ačhaďa len vodcenge upral o manuša – upral o ezeros, šel, penda the deš.
2100	EXO 21:22	Te pes o murša maškar peste marena a demena varesava khabňa džuvľa a oj našavela peskere čhavores, ale oj korkori oda predživela, oda dženo mušinel te počinel oda, so lestar mangela lakero rom – ajci, keci domukena o sudci.
2114	EXO 21:36	Ale te pes džanelas, hoj oda bikos angloda avke kerelas a leskero chulaj pre leste na merkinelas, mušinel vaše te počinel – o bikos vaš o bikos – a o murdalo bikos ačhela leske.
2255	EXO 26:19	Prekal ole biš rami ker saranda (40) rupune podstavci – duj tel dojekh ramos prekal leskere duj pindre.
2257	EXO 26:21	the saranda rupune podstavci – duj tel dojekh ramos.
2261	EXO 26:25	Savore rami pre paluňi sera ena ochto a ena thode pro dešušov (16) rupune podstavci – duj tel dojekh ramos.
2378	EXO 29:41	Dujte bakrores obetineha rači – avke sar the e tosaraskeri obeta – la moľaha the le areha mišimen le olejoha, so ela šukar saga: e obeta kerďi la jagaha prekal o RAJ.
2407	EXO 30:24	the šov kili kassia – savoro važin avke, sar pes važinel andro Sentno Stanos. Zmišin oda le štar ľitri olivove olejoha
2408	EXO 30:25	a avke kereha sentno olejos pro pomakhľipen – oda ela zmišimen voňavo parfumos, avke sar kerel o olejkaris. Oda ela sentno olejos pro pomakhľipen.
2439	EXO 31:18	Sar o RAJ dovakerďa le Mojžišoha pro verchos Sinaj, diňa leske o Sveďectvoskere tabli – o duj barune tabli, pre save o Del pisinďa o prikazaňja peskere angušteha.
2502	EXO 34:5	O RAJ avľa tele andre chmara, ačhiľa paš o Mojžiš pro verchos a phenďa peskero sentno nav – o RAJ.
2518	EXO 34:21	Šov dživesa kereha buči, ale eftato džives tuke odpočovineha la bučatar – the akor sar orineha a sar kideha e žatva.
2525	EXO 34:28	O Mojžiš sas ode le RAJEHA saranda (40) dživesa the saranda rača, so na chaľa maro aňi na piľa paňi. Pro barune tabli pisinďa la zmluvakere lava – o Deš Prikazaňja.
2534	EXO 35:2	Šov dživesa kerena tumari buči, ale eftato džives – o Šabbat – ela tumen sentno džives le odpočinkoskero, so hino oddino le RAJESKE. Dojekh, ko oda džives kerela varesavi buči, mušinel te merel.
2593	EXO 36:26	the saranda (40) rupune podstavci – duj tel sako ramos.
2597	EXO 36:30	Pre paluňi sera sas ochto rami a sas thode pro dešušov (16) rupune podstavci – duj tel dojekh ramos.
2673	EXO 39:8	Avke sar o efodos, kerde the e žeba pre brekh – phandľi le nekbaredere rašajenge pašal o jilo – la fijalova, ľoľa the purpurova vlnatar the le sane pochtanestar.
3808	NUM 5:15	ov la mušinel te lel ko rašaj a vaš lake anela kilos sano aro sar daros pre obeta. Pre kadi obeta našťi čhivel avri ňisavo olejos aňi našťi pridel kaďidlos, bo oda hin e obeta vaš e žarľivosť – e obeta, so sikavel, či hiňi vinovato abo na.
3828	NUM 6:4	Calo časos, sar ela Nazarejos, našťi chal ňič olestar, so hin le viňičostar – aňi o zrnka andral aňi o cipi pal o hroznos.
3854	NUM 7:3	On ande anglo Sentno Stanos anglo RAJ šov zaučharde verdana the dešuduje (12) guruven – duj vodci dine po jekh verdan a dojekh vodcas anďa jekh guruv.
3999	NUM 10:10	Andre ola dživesa, sar oslavinena – ešebno (peršo) džives le neve čhoneskero the tumare aver inepi – trubinena pro trubi paš o labarde the smiromoskere obeti. Akor mange leperava pre tumende. Me som o RAJ, tumaro Del.”
4040	NUM 11:15	Te kames manca kavke te kerel, feder mange ela, te man murdareha, hoj te na dikhav pre miro trapišagos – te som tuke pre dzeka.”
4050	NUM 11:25	Akor o RAJ avľa andre chmara a prevakerďa ko Mojžiš. Iľa le Duchostar, so sas pro Mojžiš, a diňa le eftavardeš vodcenge. Sar avľa pre lende oda Duchos, prorokinenas – no ča akor, paľis imar na prorokinenas.
4138	NUM 14:29	Pre kadi pušťa ačhena mule ťela savoredženengere, kaske sas akor, sar sas pisimen andre, biš (20) berš the buter – savore tumendar, save pre ma reptinenas.
4143	NUM 14:34	Avke sar saranda dživesa predikhenas e phuv – jekh berš pes rachinela vaš jekh džives – saranda berš cerpinena vaš peskero nalačhipen, hoj te sprindžaren, so oda hin, te me džav pre tumende.
4158	NUM 15:4	Sar kerena kala obeti, avke oda, ko anela peskeri obeta le RAJESKE, pridela paš dojekh džviros e chabeneskeri obeta – kilos aro mišimen le ľitra olivove olejoha.
4177	NUM 15:23	– savore le Devleskere prikazendar, so sas dine ole dživesestar, kanastar o Del chudľa te del o zakoni tumen the savore tumare potomken pro furt –
4267	NUM 18:9	Le neksentneder darendar – le chabeneskera obetatar, la obetatar vaš o binos the la obetatar vaš e vina – o kotor, so pes na zlabarela pro oltaris, ela tumaro. Savore neksentneder dari, so mange anena, ela tuke the tire čhavenge.
4427	NUM 23:10	Le Jakoboskere potomki hine ajci but sar e poši – o Izrael pes na del te zgenel. Te muľomas avke, sar meren o čačipnaskere! Te dopeľomas avke sar on!”
4577	NUM 27:21	Ov pes ačhavela anglo rašaj Eleazar, savo pes dophučela vaš leste pre le Devleskeri voľa – prekal o losi Urim the Tummim. Kavke o Eleazar phenela le Jozuaske the le manušenge, kana te džan andro mariben a kana te avel pale.”
4692	NUM 31:26	“Tu, o rašaj Eleazar, the o Izraelike vodci zgenen savoro, so zaiľan – le manušen the o dobitkos.
4716	NUM 31:50	Avke amen anas o somnakune veci – o naramki, o čati, o angrusa, o čeňa the o lancici – le RAJESKE sar obeta, hoj te el odmukle amare bini.”
4758	NUM 32:38	Kale trin forenge, so pale ačhade – o Nebo, o Baal-Meon the e Sibma – dine aver nava.
4901	DEU 1:7	Sthoven o taboris a muken pes pro drom. Džan pre le Amorejengere brehi the andre savore fori andre dolina Araba – pro verchi the tele pre ňižina; the andro Negev the paš o moroskero brehos a džan andro Kanaan the Libanon dži ko baro paňi Eufrat.
4902	DEU 1:8	Dikhen, dav tumenge kadi phuv. Džan andre a zalen odi phuv, pal savi o RAJ diňa lav la veraha, hoj la dela tumare dadenge – le Abrahamoske, le Izakoske, le Jakoboske – the lengere potomkenge.’ ”
4933	DEU 1:39	Paľis o RAJ phenďa amenge savorenge: ‘Džana andre tumare cikne čhavore, pal save phenenas, hoj ena zaile – o čhavore, save adadžives mek na džanen, so hin lačho a so na. Lenge la dava a on la zalena.
4950	DEU 2:10	(Angloda ode bešenas o baro narodos o Emimčana – o manuša, so sas igen uče, ajse sar o Anaka.
4961	DEU 2:21	On sas baro narodos – manuša, so sas igen uče, ajse sar o Anaka – ale o RAJ len zňičinďa, hoj o Ammončana te zalen odi phuv a te bešen ode.
4990	DEU 3:13	Diňom aver jepaš phuv le Gileadostar the calo Bašan – o kraľišagos le Ogoskero – le jepaš kmeňoske Menašše. Oda hin caľi phuv Argob. Calo Bašan angloda vičinenas e phuv le Refajengeri.
4991	DEU 3:14	O Jair andral o kmeňos Menašše zaiľa caľi phuv Argob dži paš e Gešurengeri the Maachatengeri phuv andro Bašan a diňa lenge nav pal peste – Chavvot-Jair. Avke oda hin dži adadžives.
4996	DEU 3:19	Ča tumare romňa, čhave the dobitkos – džanav, hoj tumen hin but dobitkos – šaj ačhen andre tumare fori, so tumen diňom.
5025	DEU 4:19	A sar dikhena upre pro ňebos a dikhena o kham, o čhon the o čercheňa – savoro, so hin andro ňebos – ma den tumen te scirdel, hoj tumen lenge te klaňinen a te lašaren len. Se o RAJ, tumaro Del, len diňa savore narodenge tel calo ňebos.
5053	DEU 4:47	Zaile leskeri phuv the e phuv le kraľiskeri Ogoskeri andral o Bašan – e phuv le duje Amorejengere kraľengeri pro vichodos le Jordanostar.
5098	DEU 6:10	Sar tut o RAJ, tiro Del, ľidžala andre phuv, pal savi la veraha diňa lav tire dadenge – le Abrahamoske, le Izakoske the le Jakoboske – hoj tuke dela kadi phuv le lačhe the bare forenca, save tu na ačhaďal;
5114	DEU 7:1	“O RAJ tut anela andre phuv, so džas te zalel, a tradela avri angle tute but naroden: le Amorejen, le Chetitanen, le Girgašejen, le Chivijen, le Perizejen, le Kanaančanen the le Jebusejen – efta naroden bareder the zoraleder, sar san tumen.
5141	DEU 8:2	Leperen peske pre savore droma, sar o RAJ, tumaro Del, tumen ľidžalas saranda (40) berš pal e pušťa, hoj tumen te pokorinel a te probaľinel (skušinel), hoj te džanel, so tumen hin andro jile – či doľikerena leskere prikazaňja, abo na.
5158	DEU 8:19	Ale te bisterena pro RAJ, tumaro Del, a visaľona ke aver devla, lašarena len a služinena lenge – adadžives tumenge phenav, hoj čačes merena.
5167	DEU 9:8	Choľarďan le RAJES pro verchos Choreb – avke choľisaľiľa, hoj tumen kamľa te murdarel avri.
5189	DEU 10:1	“Paľis o RAJ phenďa mange: ‘Le barestar okresin duj barune tabli – ajse, sar sas ešebnovar (peršovar) a av ke ma upre pro verchos. Ker the kaštuňi archa.
5191	DEU 10:3	Avke kerďom e archa le akacijakere kaštestar a okresinďom duj barune tabli – ajse, sar sas ešebnovar – a geľom pre verchos le tablenca andre vasta.
5219	DEU 11:9	a hoj te dživen but andre odi phuv, pal savi o RAJ diňa lav tumare dadenge the lengere potomkenge – e phuv, kaj čuľal o medos the o thud.
5232	DEU 11:22	Te doľikerena savore kala prikazaňja the zakoni, so tumenge dav – hoj te kamen le RAJES, tumare Devles, a te keren savoro pal leskeri voľa a te ľikeren pes lestar –
5263	DEU 12:21	Te ela dur tumendar oda than pro lašariben, so peske kidela avri o RAJ, tumaro Del, šaj murdaren a chan ode, kaj bešen, ajci keci kamen, andral o dobitkos the bakre, so tumenge diňa o RAJ – avke sar tumenge phenďom.
5289	DEU 13:16	mušinen la šabľaha te murdarel sakones andre oda foros; mušinen les calkom te zňičinel – le manušen the le dobitkos.
5340	DEU 15:19	“Dojekh ešebno (peršo) samcos, so uľola – e gurumňi, o bakro abo e koza – pes mušinel te del le RAJESKE, tumare Devleske. Ňisave ešebne bikoha na kereha buči a ňisave ešebne bakres na strihineha.
5374	DEU 17:8	“Te ela vareso igen pharo prekal tumende te rozsudzinel: o murdaripen, o vesekedišagi, abo te vareko zraňinela avre dženes – varesavo dokeriben andre tiro foros – akor dža oleha pre oda than, so o RAJ, tiro Del, kidľa avri.
5387	DEU 18:1	“Le levitske rašajen – calo kmeňos Levi – na ela andro Izrael ňisavo kotor aňi ďeďictvos. On dživena le RAJESKERE jagale obetendar, bo ada hin lengero ďeďictvos.
5562	DEU 25:13	Te na avel tut dvojita vahi – phareder the lokeder –
5563	DEU 25:14	a ma klamin ňikas oleha, hoj tut ela andro kher dvojito mira – bareder the cikneder.
5577	DEU 26:9	Anďa amen pre kada than a diňa amenge kadi phuv – e phuv, kaj čuľal o thud the o medos.
5624	DEU 28:11	O RAJ tumen dela but lačhipen – požehňimen ena o čhave, so tumenge uľona, the o uľipen tumara phuvakero the o gurumňora tumare dobitkostar andre kadi phuv, so phenďa la veraha tumare dadenge.
5666	DEU 28:53	Sar tumare ňeprijaťeľa ena rozačhade pašal tumare fori, avena ajse bokhale, hoj chana oda so tumendar uľila – o mas tumare čhavengero the čhajengero, saven tumenge diňa o RAJ, tumaro Del.
5670	DEU 28:57	hoj chala počoral peskere čhavores, savo lake mekča uľola, a the oda, so latar avela avri pal o ločhuviben – a na dela len ňič olestar te chal. Bo na ela ňič aver te chal andre oda pharipen, sar tumen o ňeprijaťeľis phandela andre, akor sar pes rozthovela pašal tumare fori.
5706	DEU 29:24	Aver odphenena: ‘Vašoda, bo na doľikerde e zmluva le RAJESKERI, le Devleskeri tumare dadengeri – e zmluva, so lenca phandľa akor, sar len iľa avri andral o Egipt.
5742	DEU 31:12	Zvičinen savore manušen – le muršen, le romňijen, le čhaven the le cudzincen, save bešen andre tumare fori – hoj te šunen a te sikľon te del pačiv le RAJES, tumare Devles, a hoj te doľikeren pačivalones leskere prikazaňja the zakoni.
5777	DEU 32:17	Na obetinenas le Devleske, ale le demonenge – le devlenge, saven angloda na prindžarenas, le neve devlenge, savendar lengere dada na daranas.
5807	DEU 32:47	Kala lava nane ča ajse chocsave lava – hine tumaro dživipen! Te len šunena, dživena but andre odi phuv, so džan te zalel, sar predžana o paňi Jordan.”
5841	DEU 33:29	Bachtalo sal Izrael! Ko hin ajso sar tu – sar o narodos zachraňimen le RAJESTAR? Ov hino tumaro šťitos, so tut chraňinela; tiri slavno šabľa, so tuke dela te ňerinel (zviťazinel). Tire ňeprijaťeľa pes angle tute pokorinena, ale tu lenge uštareha pre meň.”
5871	JOS 1:18	Dojekh, ko na šunela oda, so tu prikazines – choc te so leske phenďalas – a na kamľahas oda te kerel, mi merel! Ča av zoralo a ma dara tut ňisostar!”
5898	JOS 3:3	a phende le manušenge: “Soča dikhena le rašajen, le Leviten, hoj ľidžana e Zmluvakeri Archa – e Archa le Rajeskeri, tumare Devleskeri – džan pal lende,