23214	MAT 1:1	Iesu Keriso vouḡa nizeꞌe ꞌahi eꞌe. Aniꞌe kini Davida mariga ebu zuni Aberahamo mariga.
23215	MAT 1:2	Aberahamoꞌe Isako moga, Isakoꞌe Iakobo moga, Iakoboꞌe Iuda zu ane negoḡa duḡuru moze.
23217	MAT 1:4	Ramoꞌe Aminadabo moga, Aminadaboꞌe Nasona moga, Nasonaꞌe Salemona moga.
23220	MAT 1:7	Solomonaꞌe Rehoboamo moga, Rehoboamoꞌe Abia moga, Abiaꞌe Asa moga.
23221	MAT 1:8	Asaꞌe Iehosafate moga, Iehosafateꞌe Ioramo moga, Ioramoꞌe Uzia moga.
23222	MAT 1:9	Uziaꞌe Iotamo moga, Iotamoꞌe Ahaza moga, Ahazaꞌe Hezekia moga.
23223	MAT 1:10	Hezekiaꞌe Manase moga, Manaseꞌe Amono moga, Amonoꞌe Iosia moga.
23226	MAT 1:13	Zerubabelaꞌe Abiuda moga, Abiudaꞌe Eliakima moga, Eliakimaꞌe Azora moga.
23227	MAT 1:14	Azoraꞌe Zadoka moga, Zadokaꞌe Akima moga, Akimaꞌe Eluida moga.
23230	MAT 1:17	Eꞌanoꞌo Aberahamoꞌonoꞌo onao Davida madaḡano, zeḡe ega niduꞌaꞌe 14, Davidaꞌonoꞌo onao Isaraela azaḡa Babilonia habaꞌa tutuze onamiroteꞌe madaḡano zeḡe ega niduꞌaꞌe 14 ebu Babilonia habaꞌa tutuze onamiroteꞌe madaḡanonoꞌo onao Keriso madaḡano zeḡe ega niduꞌaꞌe 14.
23231	MAT 1:18	Iesu Kerisoꞌe ꞌahige fureraro. Ani viꞌa Mariaꞌe Iosefa iraꞌauḡa. Anianine izema hahurogano, Vine Zaḡoḡaonoꞌo Mariaꞌe ahiꞌeta reiro.
23233	MAT 1:20	Ani ꞌouge rae zamarirotene, Zuhiꞌa Boro tuḡure viga ꞌahoganiꞌa iḡunao fureraro. Ebu raenaꞌa, “Iosefa, Davida mariga! Maria teite hahuroga ago rihanoꞌi. Mazaḡa Mariaꞌe Vine Zaḡoḡaonoꞌo ene teha.
23234	MAT 1:21	Aniꞌe ubuga ꞌahoga furenoꞌidene, ani niḡaꞌe Iesu rae turahoꞌi. Mazaḡa aniꞌe ane vaze sauꞌazenonoꞌo ḡaboziꞌuma.
23235	MAT 1:22	Aꞌe ibite peroveta vazeḡaniꞌa Zuhiꞌa Boro ḡoere reiroteꞌeꞌa hudaro, raenaꞌa,
23240	MAT 2:2	“Iuda azaḡa kini raꞌeteꞌe vazeḡaꞌe mouma fureraneha? Mazaḡa eme madaꞌa iteꞌeteꞌe moneḡa habaꞌano buzuva ꞌahoga horoniro. Aꞌe kiniḡaniꞌa fureranateꞌe tahiḡa radu ani mazao kuranoga veize areha.”
23243	MAT 2:5	Zeḡeꞌa naenaeninaꞌa, “Aniꞌe Iudea habaꞌano Betelehema neḡano fureraꞌuma. Mazaḡa peroveta vazeḡaꞌe ꞌahige mirihiro, raenaꞌa,
23244	MAT 2:6	'O Iudea habaꞌano Betelehema neḡa, ḡaꞌe Iudea neḡa boroboro zamaḡano mene zuhuꞌa. Mazaḡa ḡaeꞌonoꞌo ibitoziniꞌeteꞌe vazeḡa ꞌahoganiꞌa onaiꞌuma. Aniꞌe, mamoe taufeꞌeteꞌe teige, Isaraela azaḡa, Badiꞌa vaze ibitoziniꞌuma zu taufiꞌuma.'”
23249	MAT 2:11	Zeḡeꞌa ne zamaḡa diuḡiro ebu tahiꞌa komeꞌaꞌe viꞌa Maria teite radiuꞌeteꞌe horoniro. Edeḡa azaḡaniꞌa ḡuḡuradu Iesu matuꞌo haro. Ebu ꞌumaze ḡau manomanoḡeta fuhiꞌadu ḡahuno nu ani haro. Aꞌe golo, ꞌuvahu hohoḡa manoḡa ebu murava hohoḡa manoḡa.
23253	MAT 2:15	Ebu eꞌea radiro, onamo Herodaꞌa rudaro. Aꞌe Zuhiꞌa Boroꞌa ibite peroveta vazeḡa mazao reiroteꞌe ḡoeꞌaniꞌa hudaro, raenaꞌa, “Izipi habaꞌanonoꞌo eḡe ubude hune ariro.”
23254	MAT 2:16	Kini Herodaꞌe edeḡa azaḡaniꞌa soꞌoniroteꞌe vesuꞌu ederirotene, ani maḡune rudaro. Aniꞌe edeḡa azaḡaniꞌa ihoniroteꞌe madaḡa idunaḡano meꞌodadu eneꞌe muri ꞌaheu heuḡa rae zamariro. Eꞌanoꞌo ane uti azaḡa tuḡuzadu Betelehema neḡa zu uhiḡa habaꞌa niduꞌa zamaḡano ohoze komeꞌa muri ꞌaheuonoꞌo oname guraḡa ḡonaga niduꞌa zimi hauḡiro.
23255	MAT 2:17	Aꞌe peroveta vazeḡa Eremiaꞌa Badiꞌa ḡoere reiroteꞌeꞌa hudaro, raenaꞌa,
23260	MAT 2:22	Rehano Akelaoꞌe moga Heroda iḡuri madu Iudea habaꞌa kiniḡa reiroteꞌe igirotene ani Iudea habaꞌa onamogaꞌe riharo. Eꞌanoꞌo iḡunao niroteꞌe idunaḡano, ze Galilea habaꞌa onamiro.
23261	MAT 2:23	Ze onamadu ne ꞌahoga Nazaretao radiro. Aꞌe peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Iesuꞌe Nazareta vazeḡa rae reꞌuma.”
23264	MAT 3:3	Ibite peroveta vazeḡa Isaiaꞌa Ioane Babatiso moneo ꞌahige reiro, raenaꞌa, “Vaze ꞌahoganiꞌa haba bohaꞌano huauꞌohe, raenaꞌa, 'Zuhiꞌa Boroꞌa onaꞌiuma! Ani ibi ruhiboꞌi, zu ani veize ibi mae dudunoꞌi.'”
23265	MAT 3:4	Ioane dabuaꞌe kamelo ogaḡa hina haḡairo zu boromakau ogaḡa miniḡa hina gabaiḡano utiro. Ebu fihore zu Avore godaga aro.
23270	MAT 3:9	Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e ziꞌohe, Badia'a hadi ꞌadi hina Aberahamo mariga haḡaine zuni idaḡa.
23272	MAT 3:11	Zaeꞌa sauꞌanonoꞌo ḡihurine, eꞌe tahiḡa veize, eḡeꞌa vu hina bapatizoziꞌohe. Rehano eḡe ḡaruna onaiteꞌe vazeḡa ani gigiꞌaniꞌe ufeta ḡihiꞌa. Aniꞌe eḡe vitihoga. Eḡe'a ani tamaka odoheꞌeteꞌe tuḡureḡa vazeḡa rae rouga zuni mene idaḡa. Aniꞌe Vine Zaḡoḡa ebu ire roga hina bapatizoziꞌuma.
23278	MAT 3:17	Ebu ago ꞌahoganiꞌa adureꞌono'o ḡoeriro, raenaꞌa, “ꞌAdiꞌe eḡe ubude. Eḡeꞌa zamare borofeꞌohe. E ani mazao matu'e rudau'ohe.”
23293	MAT 4:15	“Zebuloni zu Nafatali habaꞌaꞌe Galilea duꞌura genaḡano zu Ioridana vuḡa moneafao. Aꞌe Galilea habaꞌa raꞌohe, ebu eꞌe habaꞌano Iuda mene azaḡaniꞌa zuni radiuꞌohe.
23296	MAT 4:18	Mada ꞌahogano Iesuꞌa Galilea duꞌuraḡa genaḡano onameꞌenogano, vaze ꞌaheu horoziro. Zeꞌe ḡozone mauꞌeteꞌe azaḡa. Vaze tibaꞌe Simona, niḡa ꞌahogaꞌe Petero, ebu negoḡa Anderea. Ze duꞌurao reꞌeva feune radiunu.
23299	MAT 4:21	Iesuꞌa Galilea duꞌura genaḡano bare onamiro ebu vaze ꞌaheu negoḡeta horoziro. Anianineꞌe Zebedeo ubuga, Iakobo zu Ioane. Zeꞌe moze teite ḡasi zamaḡano reꞌeva zigoga faine radiunu. Ebu Iesuꞌa zeḡe ꞌaheu huziro. “Eḡe hegotoꞌi.”
23316	MAT 5:13	Damaꞌe ḡau manoḡa raꞌeteꞌe teige, zaꞌe, eḡe hegoteꞌeteꞌe azaḡa, raha ꞌadao dama heuḡa. Rehano dama iniganiꞌa dauḡine, iniga bare furenoga mene idaḡa. Ḡau ꞌahoga veize mene manoḡa. Aꞌe mae modadu vazeꞌa edene oname onaeꞌohe.
23337	MAT 5:34	Rehano e ziꞌohe, ḡoere nagiga ꞌahoga ago ḡoitoroꞌi. Adure niḡano ago ḡoitoroꞌi, mazaḡa adureꞌe Badiꞌaꞌa ehoreꞌeteꞌe habaꞌa.
23397	MAT 7:12	Eꞌanoꞌo vazeꞌa zae mazao haḡai manoḡa haḡaeꞌeteꞌe uratoꞌidene, zae zuni zeḡe mazao haḡai manoḡa haḡaoꞌi. ꞌAdiꞌe Mose goro ḡoeꞌa zu peroveta azaḡaniꞌa ihoziroteꞌe ḡoeꞌa raꞌohe.
23409	MAT 7:24	Eḡe ḡoere egadu haḡaeꞌeteꞌe vazeḡaꞌe huhuzaḡa. Aniꞌe vatava rana neḡa ogoraroteꞌe vazeḡa heuḡa.
23411	MAT 7:26	U eḡe ḡoere egadu mene haḡaeꞌeteꞌe vazeḡaꞌe hahizaḡa. Aniꞌe niꞌuri rana neḡa ogoraroteꞌe vazeḡa heuḡa.
23420	MAT 8:6	raenaꞌa, “Zuhiꞌa Boro, eḡe tuḡure vazeḡa ꞌahogaꞌe ahiꞌa haganoga mene idaḡa radu neo bazeꞌohe. Ahiꞌaniꞌa giginadu ḡaniḡanau radiuꞌohe.”
23423	MAT 8:9	Mazaḡa eꞌe zuni vaze ꞌahoga ꞌuꞌuḡano gaueꞌohe, zu eḡe uti azaḡaꞌe eḡe ꞌuꞌuḡano gaueꞌohe. Eḡeꞌa vaze ꞌahi ninaꞌa, 'Onamoꞌi' reine, aniꞌe onameꞌohe, ebu ꞌahoga omo ninaꞌa, 'Aroꞌi' reine, aniꞌe areꞌohe. Eḡeꞌa eḡe tuḡure vazeḡa ꞌahoga ninaꞌa, 'ꞌAdi haḡaoꞌi' reine, aniꞌe haḡaeꞌohe.”
23425	MAT 8:11	E ziꞌohe, Iuda mene azaḡa ḡehaḡaniꞌa madaꞌa iteꞌeteꞌe moneonoꞌo zu madaꞌa zubureꞌeteꞌe moneonoꞌo onaiꞌuma, ebu Badiꞌaꞌa ibitohauꞌeteꞌe zamaḡano Aberahamo, Isako zu Iakobo teite ehoradu ogau tiburaꞌuma.
23427	MAT 8:13	Ebu Iesuꞌa uti azaḡa ḡihiꞌaḡa niro, raenaꞌa, “Onamoꞌi. Ḡaꞌe eḡe mazao fieꞌeteꞌe teige, ḡae tuḡure vazeḡaꞌe manoriꞌuma.” Aniꞌa ꞌouge reirotene madaḡano tuḡure vazeḡa eꞌe manoriro.
23428	MAT 8:14	Ebu Iesuꞌa Petero ne diuḡirotene Petero emoḡa roḡaeḡaꞌe uginadu baze radoga horoniro. ꞌAhiꞌaꞌe gigiꞌa bagaḡa.
23430	MAT 8:16	Ḡoravareꞌeteꞌe zamaḡano, vine sauꞌaniꞌa ragano reiroteꞌe azaḡa ḡehaḡa Iesu vaḡe tutuze onairo. Aniꞌe ḡoere hina vine sauꞌa hegoze buziro ebu ugi azaḡa niduꞌa faiziro.
23431	MAT 8:17	Aꞌe peroveta vazeḡa Isaiaꞌa Badiꞌa ḡoere reiroteꞌeꞌa hudaro, raenaꞌa, “Ani emeḡe gigiꞌa meiro ebu emeḡe ugi mae vaḡiniro.”
23446	MAT 8:32	Ani vine sauꞌa zinaꞌa, “Onamoꞌi!” ꞌOuge reirotene, ze vaze ꞌaheu mazaonoꞌo buanadu aba zamaḡano diuḡiro. Ebu aba eꞌe niduꞌa maḡa gagagaꞌonoꞌo dure ovoadu duꞌurao diuḡiro ebu hunuhune rudaro.
23453	MAT 9:5	Ani mazao nougenouge nine, ufiḡa? 'Ḡae sauꞌa ꞌai rae modeha' rae niꞌeteꞌe ga 'Iḡunadu onamoꞌi' rae niꞌeteꞌe?
23470	MAT 9:22	Ebu Iesuꞌa tehadu roḡae eꞌe ḡianiro, raenaꞌa, “Aboe, zamaḡo rinedoꞌi! Ḡaeꞌa eḡe mazao fiateꞌe uꞌano ugiḡoꞌa manoreha.” ꞌOuge reiroteꞌe madaḡano roḡae ꞌai manoriro.
23472	MAT 9:24	Ebu aniꞌa ziro, raenaꞌa, “Zae niduꞌa buanoꞌi! Roḡae tahiꞌaḡaꞌe mene rudaneha. Aniꞌe bazeꞌohe.” Rehano zeꞌe Iesu eḡofoharo.
23482	MAT 9:34	Rehano Farisea azaḡaniꞌa raenaꞌa, “Aniꞌe vine sauꞌa zuhiꞌaḡa gigiꞌaḡano vine sauꞌa hegone buneha.”
23488	MAT 10:2	Iesu tahiꞌa 12 nizeꞌe ahi eꞌe: Ibiꞌaꞌe Simona, niḡa ꞌahogaꞌe Petero zu ane negoḡa Aniderea, Zebedeo ubuga ꞌaheu Iakobo zu ane negoḡa Ioane,
23489	MAT 10:3	Filipo, Batolomeo, Tomasi, takesi vazeḡa Mataio, Alefeo ubuga Iakobo, Tadeo,
23498	MAT 10:12	Ani ne diuḡoꞌidene, 'Badiꞌaꞌa manohuga ziniꞌuma,' rae zenoꞌi.
23514	MAT 10:28	ꞌAhiri daꞌo maꞌeteꞌe u vine manoga mene idaḡa raꞌeteꞌe azaḡaꞌe ago rihozoꞌi. Rehano Badiꞌa daꞌo rihonoꞌi, mazaḡa aniꞌe vine zu ahiriꞌe ire rogao hufi haonoga idaḡa.
23522	MAT 10:36	Agire azaḡaꞌe zae ne tiba azaḡa reꞌuma.
23538	MAT 11:10	Ioane moneo Buka Zaḡoḡano ꞌahige mirihiro, raenaꞌa, 'Ḡianoꞌi. Badiꞌaꞌa ḡae zamao vaze ꞌahoga ibite tuḡuniꞌuma. Aniꞌe ḡae zamao ḡae ibi ruhibiꞌuma.'
23547	MAT 11:19	U eḡe, Vaze Ubugaꞌe onaadu ogomu auꞌohe ebu vaini vuḡa gageꞌohe. Rehano za raenaꞌa, 'Aniꞌe ogomu fuꞌa zu vaini vuḡa fuꞌa. Ebu ani takesi azaḡa zu haḡai sauꞌa azaḡa teite tiburuꞌohe.' Rehano Badiꞌa hegoteꞌeteꞌe azaḡa huhuzaḡaꞌe eḡe zu Ioaneꞌe duduḡa rae reꞌuma.
23549	MAT 11:21	Aniꞌa zinaꞌa, “Korasini azaḡa zu Betesaida azaḡa, za fase vetuḡaḡa, aduga boro hidiꞌuma. Zae mazao haḡai gigiꞌaḡa haḡainutaꞌaꞌe Turo zu Sidona azaḡa mazao haḡaro reifone, zeꞌe sauꞌaonoꞌo garihe zamare ḡihurifo. Ze dabua ḡuꞌa vidau ehoradu vega vadinizeo rurubeꞌenaꞌa, zeḡeꞌa zamare ḡihurifo.
23555	MAT 11:27	Ebu aniꞌa vaze ziro, raenaꞌa, “Eḡe Mamaꞌa ḡau niduꞌa eḡe iniro. Vaze ꞌahogaꞌe eꞌe aḡuꞌa, rehano eḡe Mama daꞌo edeḡa. Ebu vaze ꞌahogaꞌe eḡe Mama aḡuꞌa, rehano eḡe, Ane Ubuga daꞌo edeḡa. Ebu e eḡe Mama moneo ihozoga veize ohoteꞌeteꞌe azaḡa daꞌo eḡe Mama edeḡa.
23559	MAT 12:1	Eꞌe madaḡano, Iesuꞌe Bana Madaḡano vuidi mebaḡa zamaḡano onamiro. Ani tahiꞌatahiꞌaꞌe viniziroteꞌe uꞌano, vuidi maḡa ririꞌe madu aro.
23561	MAT 12:3	Aniꞌa naenaeziro, raenaꞌa, “Zaꞌe Buka Zaḡoḡa zamaḡano Davidaꞌa nagini haḡairotaꞌaꞌe meꞌodiro ga? Davidaꞌa ane ḡatiniroteꞌe azaḡa teite ogomuze hauḡadu vinize ruziro.
23563	MAT 12:5	Zu zaꞌe Mose goro ḡoeꞌa meꞌodirohe? Ani raenaꞌa, 'Bana Madaḡano dibuꞌo azaḡaniꞌa kuru neḡao gaueꞌetaꞌaꞌe mene veꞌoḡa.'
23569	MAT 12:11	Aniꞌa ziro, raenaꞌa, “Zae boꞌaḡano iniuꞌa mamoe tibuhugaḡeta radu Bana Madaḡano mamoeḡaniꞌa iduo uite ovoine, iduonoꞌo mae vaḡiniꞌuma.
23571	MAT 12:13	Ebu aniꞌa vaze eꞌe niro, raenaꞌa, “ꞌEvoꞌo einoꞌi.” Aniꞌa ꞌevoꞌa einirotene naeḡa ꞌevoꞌa teige ꞌevoꞌaḡaniꞌa manoriro.
23575	MAT 12:17	Aꞌe peroveta vazeḡa Isaiaꞌa Badiꞌa ḡoere reiroteꞌeꞌa hudaro, raenaꞌa,
23576	MAT 12:18	“ꞌAhiꞌe eꞌa ohotirotaꞌaꞌe, eḡe tuḡure vazeḡa. Aniꞌe eḡe zamarone, eḡe matuꞌoniꞌeteꞌe vazeḡa. Eḡeꞌa Vinehe ane rana ohoniꞌuma, ebu aniꞌa habaꞌahabaꞌano Badiꞌa kota moneo harame fureniꞌuma.
23577	MAT 12:19	Aniꞌe mene rotetiꞌuma ga mene hounaiꞌuma, ebu aniꞌa ne hunio mene hounae ḡoeriꞌuma.
23580	MAT 12:22	Ebu vazeꞌa vine sauꞌaniꞌa agatoharoteꞌe vaze ꞌahoga Iesu vaḡe tutune ariro. Aniꞌe ubumaḡa kuruḡa zu mumutafa. Iesuꞌa ani fainadu aniꞌe ḡoeriro zu ehamaro.
23581	MAT 12:23	Vaze ḡuḡuvaḡa niduꞌa zaguzaganadu raenaꞌa, “Ahiꞌe kini Davida mariga, Keriso gaogi!”
23582	MAT 12:24	Rehano Farisea azaḡaniꞌa ḡoereze igirotene, raenaꞌa, “Aniꞌe vine sauꞌa zuhiꞌaḡa Belezebulo inaraḡa hina vine sauꞌasauꞌa hegoze buzeꞌohe.”
23602	MAT 12:44	Ebu ani ꞌahige raꞌohe, raenaꞌa, 'E eḡeꞌa vaḡinateꞌe vazeḡa vaḡe bare onamiꞌuma.' Ani baradu vaze eꞌe horoneꞌetene, vazeḡaꞌe, neḡa huga oꞌoꞌa, deheḡa hune zu idaidane touga heuḡa.
23606	MAT 12:48	Aniꞌa naenaeninaꞌa, “Iniuꞌe eḡe nanu? Iniuꞌe eḡe nego duḡuru?”
23622	MAT 13:14	Aꞌe peroveta vazeḡa Isaiaꞌa reirotaꞌaꞌe hudaro, raenaꞌa, 'Zeꞌe Badiꞌaꞌa nagini raeꞌetaꞌaꞌe igiꞌuma rehano, mene hune ederiꞌuma. Zeꞌe Badiꞌaꞌa nagini haḡaeꞌetaꞌaꞌe horoniꞌuma rehano, mene hune horoniꞌuma.
23630	MAT 13:22	Ezone ve renoga zamaḡano rururarotaꞌaꞌe ꞌahiguḡa: Vazeꞌa Badiꞌa ḡoere igiꞌohe. Rehano raha ḡauḡa zamare aduduꞌohe zu oboneꞌeteꞌe toheḡa ufeta zamareꞌohe. Aꞌe Badiꞌa ḡoere uadu ze mene iniꞌohe.
23636	MAT 13:28	Aniꞌa naenaeniro, raenaꞌa, 'Agire vazeḡa ꞌahoganiꞌa ꞌougiro.' Tuḡure azaḡaniꞌa ḡadininaꞌa, 'Ḡaꞌe eme onamadu ve eꞌe ḡoroga uratehehe?'
23637	MAT 13:29	Aniꞌa naenaezinaꞌa, 'Mene, zaꞌa ve ḡurine vuidi zuni ḡuriꞌuma gaogi.
23639	MAT 13:31	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe Kuava* maḡa tiba vaze ꞌahoganiꞌa madu nebaḡano ḡoraroteꞌe heuḡa.
23640	MAT 13:32	Aniꞌe maḡa niduꞌa boꞌaḡano komeꞌa fase, rehano ḡuhurine meba ḡauḡa niduꞌa boꞌaḡano ufeta bororanadu ire boro raꞌohe. Ebu butu niniꞌa rafiu are ezagano kamadu neze ogoraꞌuma.”
23641	MAT 13:33	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe isiti heuḡa. Roḡae ꞌahoganiꞌa isiti tahiḡa madu uvahuḡa ḡehaḡa teite mirune tibuneꞌohe ebu hena uvahu niduꞌaꞌe ubaruꞌohe.”
23642	MAT 13:34	Iesuꞌa hari idaidaḡa hina ḡoere ꞌahi niduꞌa vaze ḡuḡuvaḡa ziro. Aniꞌe hari idaidaḡa hina daꞌo vaze mazao ḡoeriro.
23643	MAT 13:35	Aꞌe, peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Eꞌe hari idaidaḡa hina ziꞌuma. Raha ꞌadi haḡairoteꞌe madaḡanonoꞌo ꞌuꞌuru tirotaꞌaꞌe eḡeꞌa fureraꞌuma.”
23644	MAT 13:36	Ebu aniꞌa vaze ḡuḡuvaḡa muhizadu ne zamaḡa diuḡiro. Ane tahiꞌatahiꞌaꞌa hegote diuḡadu niro, raenaꞌa, “Mebao ḡoraroteꞌe ve hari idaidaḡa huga ihofoꞌi.”
23645	MAT 13:37	Aniꞌa naenaezinaꞌa, “Ezone manoḡa ḡoraroteꞌe vazeḡaꞌe eḡe, Vaze Ubuga.
23647	MAT 13:39	Agire vazeḡaniꞌa ve ḡorarotaꞌaꞌe Diabolo. Hiriveꞌeteꞌe madaḡaꞌe mada ḡonaḡa, ebu hiriveꞌeteꞌe azaḡaꞌe tuḡure viga.
23654	MAT 13:46	Aniꞌa hadi manomano eꞌe horonirotene, ne onamadu ane ḡau niduꞌa seroniro ebu hadi eꞌe hoitiro.
23660	MAT 13:52	Aniꞌa ziro, raenaꞌa, “Mose goro ḡoeꞌa ihozeꞌeteꞌe azaḡa niduꞌaꞌe Badiꞌaꞌa ibitoziniꞌeteꞌe moneo ederifone, zeꞌe godogo neḡa ḡianeꞌeteꞌe azaḡa ḡihiꞌaḡaḡihiꞌaḡa heuḡa reifo. Zeꞌe godogo zamaḡano ḡau manomano amahiḡa zu ḡau manomano iziga ederadu vaze ihozeꞌohe.”
23663	MAT 13:55	Ahiꞌe ne ogoruꞌeteꞌe vazeḡa ubuga. Ani viꞌaꞌe Maria, ani negoḡanegoḡaꞌe Iakobo, Iosefa, Simona zu Iuda.