23231	MAT 1:18	Jesus Cristo mur vỹ ge nĩ, ha mẽ. Ti mỹnh fi vỹ tỹ José prũnh ke fi nĩ. Hã ra fag tóg ver jagnẽ mré nỹ ja tũ nĩgtĩ. Ẽn kã Topẽ kuprĩg tóg fi mỹ gĩr han, hã kỹ fi tóg kufy nĩ ha, fi tỹ ũ mré nỹ tũ ra.
23239	MAT 2:1	Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.
23240	MAT 2:2	Ag tỹ Jerusalém tá junjun kỹ ag tóg sir: “ũ tỹ ũri mur mũ tag vỹ tỹ Israel ag pã'i mág nĩnh ke mũ,” he mũ. “Ti kri ẽg krĩg vé, ẽg tỹ ẽg jamã tá nỹtĩn kỹ. Ẽg tỹ ti mỹ nén ũ há gé kãmũ vẽ,” he ag tóg.
23264	MAT 3:3	Hã ra Isaías tóg tag rán ja nĩ: “ẽmã tũ ja tá tóg jẽnh ke mũ, ga kórég tá. Tá tóg ag mỹ jamã há ra: ”ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. Kỹ tag ri ke han nĩ. Ãjag jykre pãno tugvãnh nĩ,” he jé tóg ke mũ,” he ja tóg nĩ, Isaías ti. Ti tỹ João mur to hã ti kãmén jan hã vẽ.
23267	MAT 3:6	Ti tỹ ag mỹ: “ãjag jykre pãno tovãnh nĩ,” hen kỹ ũ ag tóg: “Topẽ vĩ mranh ja sóg nĩgtĩ,” he mũ. Ẽn ag kygpég tóg mũ sir, goj tỹ Jordão ki.
23271	MAT 3:10	Ẽg tỹ ka tóg gỹn kỹ tỹ pĩ han ri ke tóg nĩ. Ãjag tỹ vẽjykre há han sór tũ nỹtĩn kỹ Topẽ tóg, pĩ ki ãjag vãm ke mũ,” he tóg.
23274	MAT 3:13	Ẽn kã kejẽn Jesus tóg João tá jun mũ gé sir, goj tỹ Jordão tá. Ga tỹ Galiléia tá tóg kãtĩ mũ. Kỹ tóg João mỹ: “ha inh kypé,” he mũ sir.
23282	MAT 4:4	Kỹ tóg ti mỹ: “hã ra tag tóg rán kỹ nĩ, ha mẽ,” he mũ. “Ẽg pijé ẽmĩ tãvĩ jamẽn kỹ rĩnrĩr mũgtĩ'. Topẽ vĩ hã jamẽn kỹ ẽg tóg rĩnrĩr mũgtĩ, he tóg, Topẽ vĩ tỹ rán kỹ nĩ ki. Kỹ tóg isỹ ti vĩ mranh jãvãnh tĩ, ẽmĩ to,” he tóg.
23288	MAT 4:10	Kỹ tóg ti mỹ: “ha tĩg, Satanás,” he mũ. “Ẽg pã'i tỹ Topẽ hã krẽm ẽg tóg ẽg jakrĩ tỹ grĩnh ke tĩ, ti hã to ẽg tóg: “Topẽ vẽ,” he tĩ, hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.
23291	MAT 4:13	Ẽmã tỹ Nazaré tá kãkutẽ kỹ tóg, ẽmã tỹ Cafarnaum ra tĩ mũ, tá nĩ jé, goj nig mág ẽn tá, Zebulom ag jamã tá, Naftali ag jamã tá.
23317	MAT 5:14	“Ga kri mũn kỹ ãjag tóg, jẽngrẽ ri ke nỹtĩ, ãjag tỹ vẽjykre há han kỹ, ag tỹ ãjag ki Topẽ jykre há ve jé. Ẽmã mág tỹ pãnónh kri nỹn kỹ tóg kuvar há tá ve há nĩgtĩ. Ti pijé vẽnh péju kỹ nỹ'.
23318	MAT 5:15	Ri ke ti nĩ, néj gru ti. Ẽg tỹ grug kỹ ẽg pijé lata krẽm fẽg tĩ'. Ti fẽg jafã hã kri ẽg tóg fẽg tĩ. Kỹ ĩn kã tá nỹtĩ kar tóg ẽn vég tĩ sir.
23338	MAT 5:35	Kỹ ón kỹ: “ũ tỹ tỹ ga kri ke ẽn vỹ, ki kanhró nĩ,” he tũg nĩ gé. Topẽ tũ vẽ, ga ti. Kỹ ón kỹ: “ũ tỹ Jerusalém tá ke ag ki rĩr tĩ ẽn vỹ, ki kanhró nĩ,” he tũg nĩ gé. Ẽg pã'i mág tũ vẽ mỹr, Jerusalém ti.
23351	MAT 5:48	Hã kỹ vẽnh kar to vẽjykre kuryj han kỹ nỹtĩm nĩ, ũ tỹ ãjag kato vãsãnsãn mũ ag mré hã, fag mré hã. Ẽg jóg tỹ kanhkã tá nĩ ẽn ri ke han nĩ. Ti hã ne tóg, vẽnh kar to vẽjykre kuryj han kỹ nĩ nĩ'. Ti ri ke han nĩ,” he tóg, Jesus ti.
23355	MAT 6:4	Kỹ ãjag tỹ ag jagãgtãn kỹ ẽg jóg tỹ kanhkã tá nĩ ẽn tóg, ãjag vég mũ sir, kỹ tóg ãjag mỹ nĩm ke mũ sir, ãjag ganho ti. Ẽg tỹ vẽnh vatánh tá nén han mũ ẽn ve kãn tóg tĩ, Topẽ ti,” he tóg, Jesus ti.
23357	MAT 6:6	Ag jãvo ãjag tỹ Topẽ mré vẽmén kỹ ãjag ĩn kã ra gem nĩ. Kỹ jãnkã nĩfénh nĩ. Kỹ tá Topẽ mré vĩm nĩ sir, ẽg jóg mré, ẽg tỹ ũn vég tũ ẽn mré. Kỹ tóg kanhkã tá ãjag mỹ nĩm ke mũ, ãjag ganho ti. Ẽg tỹ vẽnh kar vatánh tá nén han mũ ẽn vég tóg tĩ mỹr, Topẽ ti,” he tóg, Jesus ti.
23358	MAT 6:7	“Ãjag tỹ ti mré vẽmén kỹ fagrĩnh mỹ ti mré vẽmén mág han tũg nĩ. Ũ tỹ Topẽ vĩ ki kagtĩg ag ri ke han tũg nĩ. Ag jãnjãn kỹ ag tóg ón kỹ vĩ jagy han tĩ. “Ẽg tỹ vĩ jagy han kỹ ti hỹn ẽg vĩ mẽnh mũ,” he ag tóg tĩ, ón kỹ, fag ke gé.
23359	MAT 6:8	Ag ri ke han tũg nĩ. Ẽg jóg vỹ nén kar ki kanhró nĩ. Ãjag tỹ ti mỹ tó tũ ra tóg ki kanhró nĩ,” he tóg.
23360	MAT 6:9	“Ãjag tỹ Topẽ mré vĩ kỹ tag tóm nĩ, ha mẽ: “Ẽg jóg mág, kanhkã tá ã tóg nĩ nĩ. Ã jiji tó ẽg tóg tĩ, kỹ vẽnh kar jé ã tỹ tỹ ũn mág nĩ vé.
23361	MAT 6:10	Ẽg jé kãnhmar ã tỹ tỹ ẽg pã'i nĩ vé. Vẽnh kar jé ã tỹ nén to jykrén mũ ẽn han sór, ga tá ke kar, ag jé kanhkã tá ke kar ag ri ke han.
23362	MAT 6:11	Ẽg mỹ ũri ẽg jẽn ti nĩm, ẽg tỹ kurã kar ki ko tĩ ẽn.
23369	MAT 6:18	Hã kỹ ag tóg vég tũ nĩ, ãjag vãkrég mũ ti. Ẽg jóg hã ne vég mũ inhhã', ẽg tỹ ũn vég tũ ẽn hã vỹ vég mũ. Kỹ tóg kanhkã tá ãjag mỹ ãjag ganho nĩm ke mũ. Ẽg tỹ vẽnh kar vatánh tá nén han mũ vég tóg tĩ, Topẽ ti,” he tóg, Jesus ti.
23373	MAT 6:22	“Ẽg kanẽ tỹ ẽg tóg vég tĩ. Kỹ tóg ẽg mỹ kurã nĩ, ẽg kanẽ há nĩn kỹ.
23374	MAT 6:23	Ti kórég nĩn kỹ tóg, ẽg mỹ kuty tĩnh mũ. kỹ kuty tag vỹ kuty kar kãfór nĩ. Ge ti nĩ, ẽg jykre kórég nĩn kỹ. Ẽg kanẽ kórég ri ke ti nĩ,” he tóg, Jesus ti.
23378	MAT 6:27	Topẽ tỹ ẽg kã ũ jé prẽr kỹ ẽg tóg ter ke mũ, ẽg ter sór tũ ra. Ẽg tỹ to krĩ kufy han mũ ra ẽg tóg ter ke mũ. Ẽg krĩ kufy ẽn pijé ẽg kren han mũ'.
23462	MAT 9:14	Kỹ João Batista mré mũ tĩ ag tóg, Jesus tá junjun kỹ ti mỹ: “ẽg hã ne tóg vãkrég tĩ', Fariseu mré ke ag ke gé. Ẽg jãvo ã mré mũ tĩ ag tóg vãkrég tũ nĩgtĩ. Hẽ ri ken kỹ?“ he ag tóg.
23463	MAT 9:15	Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.
23464	MAT 9:16	“Ẽg pijé kur tãg tỹ kur si jar kã nĩm tĩ'. Ke tũ nĩ mũ ra tóg jagnẽ ki par tũ nĩnh mũ. Kỹ tóg kórég nĩ sir,” he tóg. Ti tỹ ti jykre tãg tón hã vẽ.
23465	MAT 9:17	Kỹ tóg ag mỹ: “kỹ vinho vỹ ge nĩgtĩ gé,” he mũ gé. “Ẽg pijé uva me kajãg mũ tỹ nén ũ fár tỹ sako há si ki kujẽg tĩ'. Ke tũ nĩ mũ ra tóg, kunãnh kỹ jaran kenh mũ. Kỹ vinho ẽn tóg tũ' henh mũ, sako ke gé. Vinho kajãg mũ tỹ nén ũ fár tãg ki kujẽn ke vẽ mỹr',” he tóg. Ti tỹ ti jykre tãg tón hã vẽ gé.
23469	MAT 9:21	Ẽn fi vỹ: “sỹ ti kur mẽ kỹ inh hỹn hẽn ri ke mũn há' henh mũ,” he mũ, to jykrén kỹ. Kỹ fi tóg ti kur tóv mẽg mũ sir.
23475	MAT 9:27	Kỹ Jesus tóg ĩn ẽn tá kãkutẽ mũ sir. Hã ra ũn kyvó régre ag tóg, ti nón mũ mũ. Kỹ ag tóg ti jé prẽr kỹ ti mỹ: “!..Davi krẽ'krẽ'..! !..Ẽg jagãgtãn ra..!“ he mũ, prẽnprẽr kỹ.
23478	MAT 9:30	Kỹ ag kanẽ tóg há' he mũ sir. Ẽvãnh há' he ag tóg mũ sir. Kỹ tóg ag mỹ vĩ tar han kỹ: “ker ũ mỹ tó hẽ',” he mũ.
23497	MAT 10:11	“Kỹ ãjag tóg kejẽn, ẽmã ũ tá junjun ke mũ. Tá ũn jykre há jãvãnh nĩ. Kỹ ẽn ĩn ra gem nĩ. Ẽn ĩn krẽm ãjag tỹ kurã ki kã panh ke mũ ẽn tá krỹg nĩ.
23501	MAT 10:15	Ha mẽ, ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, jagtar nỹtĩnh mũ sir, ag tỹ ãjag vĩ mẽ jãvãnh nỹtĩn kỹ. Ẽmã tỹ Sodoma mré ẽmã tỹ Gomorra tá ke ag tóg jykre pãno nỹtĩ ja nĩgtĩ. Kỹ ag tóg jagtar nỹtĩnh ke mũ gé. Hã ra ũn tỹ ãjag vĩ jẽmẽ jãvãnh ẽn ag tóg ag jagtar kãfór han ke mũ mỹr, ha vem nĩ,” he tóg.
23503	MAT 10:17	Ẽprã ke ag tóg, ãjag vóg kónãn ke mũ, isugrĩn. Ag pã'i ag mỹ ag tóg ãjag kãmén ke mũ, ag tỹ ãjag vóg kónãn jé. Ag vẽnh kanhrãn jafã krẽm ag tóg, ãjag mrãnmrãn ke mũ.
23506	MAT 10:20	Hã kỹ ãjag tỹ tó tũ vẽ sir. Ẽg jóg kuprĩg tỹ ãjag mỹ tón hã vẽ,” he tóg.
23512	MAT 10:26	“Ge ra ag kamẽg tũg nĩ, pã'i ag. Ẽg tỹ vẽnh péju kỹ nén han mũ tóg vẽnh ven kãn ke mũ. Ẽg tỹ vẽnh kar vatánh tá nén to jykrén mũ tóg vẽnh ven kãn ke mũ gé.
23514	MAT 10:28	Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.
23516	MAT 10:30	Ẽg ki rĩr tóg tĩ gé. Hã kỹ tóg ẽg gãnh kar nĩgkrén ja nĩ gé, Topẽ ti.
23527	MAT 10:41	Ũ tóg Topẽ vĩ tó tĩ ag mỹ: “ha kãrã,” he tĩ, ag tỹ Topẽ vĩ tó tĩ tugrĩn. Ti tỹ ag mỹ vĩ há han kỹ tóg, Topẽ mỹ há tĩ sir. Kỹ tóg kejẽn ti mỹ nén ũ há tónh ke mũ, Topẽ ti. Ũ tóg ũn jykre kuryj ag mỹ: “ha kãrã,” he tĩ gé, ag jykre kuryj nỹtĩ tugrĩn. Ẽn mỹ tóg nén ũ há tónh ke mũ gé, Topẽ ti.
23528	MAT 10:42	Ũ tóg kejẽn ũn sĩ mỹ nén ũ nĩm tĩ, goj hẽn ri ke mũn. Ũn sĩ tỹ inh ki rã kỹ nĩ tugrĩn tóg, ti mỹ nén ũ nĩm tĩ. Ẽn mỹ tóg nén ũ há tónh ke mũ gé, Topẽ ti. Nén ũ há ve jé tóg ke mũ mỹr,” he tóg, Jesus ti.
23531	MAT 11:3	Kỹ tóg Jesus mỹ: “ã hã mỹ'?“ he mũ. “Ẽg tỹ ũn jãvãnh mũ mỹ tỹ ã nĩ'? Topẽ tỹ ũn jẽnẽg mũ hã mỹ tỹ ã nĩ'? Ẽg mỹ ũ jãvãnh mãn ke tũ nĩ ha', ã pãte'?“ he tóg.
23539	MAT 11:11	Ki hã sóg tó mũ, ha mẽ. Ẽprã ke ag kãfór kar ti nĩ, Topẽ vĩ tón ki. Ge ra ũ tỹ Topẽ tỹ tỹ ẽg pã'i nĩ vég mũ ag vỹ ti kãfór nỹtĩnh mũ, ag kãsir nỹtĩ ra,” he tóg.
23549	MAT 11:21	Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.
23551	MAT 11:23	“Sỹ ẽmã tỹ Cafarnaum tá ke ag mỹ tag tó sór vẽ gé, ha mẽ. Ũri tóg ãjag mỹ sér tĩ. Kanhkã ra ẽg mũnh mũ, he ãjag tóg tĩ, to jykrén kỹ. Hã ra ãjag tóg nũgme ki vár kãn ke mũ, ha vem nĩ. Ẽmã tỹ Sodoma tá ke ag vỹ, ag jykre pãno to kãgter. Ag tỹ sỹ nén han mũ ve ra ag vãsỹ to jykrén mũ vẽ, kỹ ag kãgter ke tũ nĩ vẽ. Kỹ ag ũri ẽg mré nỹtĩnh mũ vẽ.
23570	MAT 12:12	“Ẽg mré ke vỹ tỹ, ẽg mẽg kãfór nĩ mỹr. Kỹ tóg há nĩ, ẽg tỹ ẽg mré ke kygtãg ti kỹ, tỹ vẽnhkán ke kurã ra,” he tóg.
23572	MAT 12:14	Kỹ pã'i ag tóg, jũgjũ kỹ pa mũ sir. “Ẽg hỹn hẽ ri kenh mũ, ẽg tỹ ti tén jé?“ he ag tóg mũ, Jesus to.
23578	MAT 12:20	Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.
23579	MAT 12:21	Ẽn kã ũ tỹ ti ki ge kỹ nỹtĩ ag hã vỹ krenkren ke mũ, fóg ag mré hã, kanhgág ag mré hã ke gé, he tóg, Topẽ ti,” he ja tóg nĩ, Isaías ti, Jesus to.
23583	MAT 12:25	Hã ra Jesus tóg, ag tỹ nén to jykrén mũn ki kanhró nĩ. Kỹ tóg ag mỹ: “pã'i pir krẽm ke ag tỹ jagnẽ kato tẽgtẽn kỹ ag tóg jagnẽ kãgtén kãn ke mũ,” he mũ. “Ẽmã pir ki ke ag tỹ jagnẽ kato tẽgtẽ kỹ, ĩn pir krẽm ke fag tỹ jagnẽ kato tẽgtẽ kỹ fag tóg, vẽnh kãpãm kỹ nỹtĩnh mũ, kỹ fag tóg jagnẽ kãgtén kãn ke mũ.
23587	MAT 12:29	“Ẽg tỹ ũn jũ mẽ tũ mãn sór kỹ ẽg tóg ti se vén tĩ, ke tũ nĩ mũ ra tóg ti tũ ki rĩr ke mũ. Ẽg tỹ ti se kar kỹ hã ẽg tóg ti tũ mãn ke mũ sir,” he tóg. “Ge ti nĩgtĩ, sỹ nén han mũ ti. Japo vỹ tar nĩ. Hã ra sóg hur ti sé, hã kỹ sóg ti tũ ag kygvãn ke mũ sir. Ag jagrẽ kórég pan jé sóg ke mũ gé,” he tóg.
23591	MAT 12:33	“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.
23592	MAT 12:34	Pỹn ri ke ãjag nỹtĩ. Kórég tãvĩ ãjag nỹtĩ, hã ra ãjag tóg, ón kỹ nén ũ há tó sór tĩ. Ẽg jẽnky ki tóg kãkutẽ tĩ, ẽg tỹ nén to jykrén mũ ti. Ẽg jykre kórég tãvĩ nỹtĩn kỹ ẽg tóg, nén ũ kórég tãvĩ tó tĩ. Hã kỹ ãjag pijé tó há han tĩ'.
23636	MAT 13:28	Kỹ tóg ag mỹ: “ẽg kato tẽ ẽn rãnhrãj hã vẽ,” he mũ. “Ẽn hã vỹ isũ kókég mũ'. “Kỹ ag tóg ti mỹ: “kỹ ẽg mỹ vãnh ẽn kunũnh ke tũ nĩ'?“ he mũ.
23641	MAT 13:33	Kỹ tóg fag mỹ: “Topẽ tỹ tỹ ẽg pã'i nĩ vỹ ũn tỹtá fag tỹ ẽmĩ han ri ke nĩ,” he mũ gé. “Ẽmĩ han jé fag tóg, ẽmĩ jãgja jafã tỹ fermento ẽn tỹ farĩnh mré jãgjãg tĩ. Kỹ tóg tỹ són ke kãn tĩ,” he tóg.
23644	MAT 13:36	Ag mỹ kãmén kãn kar kỹ tóg, vẽnh e ẽn ré kỹ ĩn kã ra rã mũ, Jesus ti. Kỹ ti mré mũ tĩ ag tóg, ti to kãmũ mũ, ti ki jẽmẽ jé. “Ẽg mỹ ã tỹ ag mỹ kãmén ja ẽn ti tó mãn nĩ, ã tỹ ag mỹ ẽkré mré vãnh tó ja ẽn ti. Ẽg tỹ ver to jykrén tũ tóg tĩ,” he ag tóg mũ.
23649	MAT 13:41	Ẽprã ke fi kósin ẽn, inh hã vỹ, isỹ jẽgnẽ jafã ẽn ag jẽgnẽnh ke mũ sir, kỹ ag tóg, ũ tỹ vẽjykre pãno han mũ kar ag génh kãn ke mũ, ũ tỹ ũ ag mỹ: “ha jatun mỹ Topẽ vĩ mranh,” he mũ kar ag ke gé.
23653	MAT 13:45	“Ẽg tỹ ũ tỹ kanhkã tá nĩ ẽn tỹ tỹ ẽg pã'i nĩ venh ke vỹ tag ri ke nĩ gé, ha mẽ,” he tóg mũ gé. “Negociante ũ tóg jãnka han jafã tỹ negociar he tĩ, pérola tỹ. Hã kỹ tóg ũn há kuprẽg tĩgtĩ.
23655	MAT 13:47	“Ẽg tỹ Topẽ tỹ tỹ ẽg pã'i nĩ venh ke kãme ũ vẽ gé, ha mẽ,” he tóg mũ gé. “Rede ri ke tóg nĩ, ẽg tỹ tỹ pirã kugmĩ jafã ẽn. Ti fón ẽg tóg tĩ, goj kã ki, ẽg tỹ pirã kugmĩ jé, kãkufár ke gé.
23660	MAT 13:52	Kỹ tóg ag mỹ: “kỹ tóg há tĩ,” he mũ. “Ũ tỹ Topẽ vĩ to ẽg kanhrãn tĩ ẽn, ti tỹ kanhkã tá nĩ ẽn jykre han kỹ tóg ge nĩ, ha mẽ. Ẽg panh ri ke ti nĩ. Kejẽn tóg ẽg mỹ ti tỹ nén sĩnvĩ ven tĩ, ti tỹ ũri mãg mũ ti, ti tỹ vãsỹ mãn ja ẽn ke gé,” he tóg. Ti tỹ ẽg tỹ Topẽ vĩ to vẽnh kanhrãn mág han tón hã vẽ.
23683	MAT 14:17	Kỹ ag tóg ti mỹ: “hã ra tóg tũ tĩ, vẽjẽn tĩ,” he mũ. “Ẽmĩ tỹ 5 (ke) hã vỹ ki nỹtĩ, pirã régre ke gé,” he ag tóg.
23687	MAT 14:21	Ẽmĩ ko mũ ẽn ag tóg tỹ ũn tỹ 5 mil (ke) ag nỹtĩ, ũn tỹtá mré tó tũ, fag krẽ mré tó tũ, hã ra fag tóg tá e nỹtĩ gé mỹr, ha mẽ.
23704	MAT 15:2	“ã mré mũ tĩ ag ne tóg ẽg jykre si mranh tĩ',” he mũ. “Ẽg jykre si ki ẽg tóg ẽg jẽn ke jo nĩgpég tĩ. Jãvo ag tóg ag nĩgpég tũ ra jẽg tĩ, ã mré mũ tĩ ag“ he ag tóg.
23713	MAT 15:11	“Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.
23722	MAT 15:20	Nén tỹ ẽg ki kãpan hã vẽ, ẽg kavénh tĩn hã vẽ. Ẽg tỹ nĩgpég tũ ra jẽn kỹ ti pijé ẽg kavénh tĩ',” he tóg, Jesus ti.
23725	MAT 15:23	Hã ra Jesus tóg fi mỹ vĩ tũ nĩ. Kỹ ti mré mũ tĩ ag tóg ti mỹ: “ã mỹ fi ve sór tũ'? Ẽg nón fi tóg ẽg jé prẽr mũ, kỹ tóg ẽg mỹ e tĩ,” he mũ.
23728	MAT 15:26	Hã ra Jesus tóg fi mỹ: “há tũ tóg nĩ, ã tỹ nén to vĩ mũ ti,” he mũ. “Ẽg krẽ jamĩ vỹ tỹ ẽg krẽ tũ nĩ, kỹ ẽg tóg kasor mỹ fón tũ nĩgtĩ,” he tóg.
23735	MAT 15:33	Kỹ ti mré mũ tĩ ag tóg ti mỹ: “ki tóg ẽmã tũ nĩ, ki tóg ga kórég nĩ,” he mũ. “Ẽg hỹn hẽ tá vẽjẽn venh mũ, ẽg tỹ ũn e tag ag jẽn jé?“ he ag tóg ti mỹ.
23750	MAT 16:9	Ver tóg ãjag tỹ to jykrén tũ tĩ'. Ẽmĩ tỹ 5 (ke) ẽn mĩ ẽkrén nĩ. Ũ tỹ 5 mil (ke) ag tóg ko kãn, hã ra tóg kén, ag kar tỹ ko mũ ra. Ti ke hỹn kẽj tỹ hẽ ri ke fãn?“ he tóg. Kỹ ag tóg ti mỹ tó mũ sir.
23752	MAT 16:11	Kỹ tóg ag mỹ: “kỹ inh vĩ to jykrén nĩ,” he mũ. “Ẽmĩ tó tũ sóg nĩ. Fermento pẽ tó tũ sóg nĩ gé. To jykrén há han nĩ, ha mẽ. Fariseu mré Saduceu ag tỹ fermento há kamẽg nĩ,” he tóg, Jesus ti.
23758	MAT 16:17	Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.
23760	MAT 16:19	Ẽprã ke ag vỹ kanhkã ra mũnh ke mũ, ã vĩ ki. Ã hã mỹ sóg ti nón jafã finh ke mũ sir, save ti. Kỹ ã tỹ ũ mỹ: “kanhkã ra tĩg jé ã tóg ke mũ,” hen kỹ tóg ra tĩg mũ. Kỹ ã tỹ ũ mỹ: “kanhkã ra tĩg ke tũ ã nĩ,” hen kỹ tóg ra tĩg ke tũ nĩ,” he tóg, Pedro mỹ.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23767	MAT 16:26	Hẽn ri ke mũn ãjag hỹn ẽprã nén ũ há kar ve sór mũ, hã ra ãjag kuprĩg vỹ vãfor ke mũ. Kỹ tóg kórég nỹ. Ẽg tỹ ne tỹ ẽg kuprĩg kajãm ke tóg tũ tĩ, ẽg tỹ ti ve mãn jé,” he tóg.
23769	MAT 16:28	Ha vé, ki hã sóg tó mũ. Ãjag kã mĩ ũ ag tóg Topẽ tỹ tỹ ẽg pã'i nĩ venh ke mũ, ag ter ke to hã, tag ki ẽg mré nỹtĩ ũ ag. Ẽprã ke fi kósin ẽn ve jé ag tóg ke mũ, ti tỹ tỹ pã'i nĩ ti. Inh hã vẽ,” he tóg, Jesus ti.
23773	MAT 17:4	Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.
23791	MAT 17:22	Kejẽn ag tóg ga tỹ Galiléia tá nỹtĩ. Kỹ Jesus tóg ag mỹ: “ẽprã ke fi kósin vỹ jagtar nĩnh mũ. Inh hã vẽ,” he mãn mũ. “Ẽprã ke ag vỹ ag tỹ inh ki nén han sór mũ ẽn han ke mũ.
23794	MAT 17:25	Kỹ tóg ag mỹ: “vó, kajãm ti tĩ,” he mũ. Kỹ tóg ti ĩn tá jun mũ sir. Ti tỹ ver nén ũ tó tũ ra Jesus tóg ti mỹ: “Simão', pã'i ag mỹ ã mỹ: “ha imposto kajãm,” he ja tũ nĩ?“ he mũ. “Tag to jykrén, ha mẽ. Ẽprã pã'i ag mỹ ag krẽ mỹ: “kajãm nĩ,” he tĩ', ag mré ke tũ ag mỹ, vó'?“ he tóg.
23797	MAT 18:1	Kỹ Jesus mré mũ tĩ ag tóg ti mỹ: “kejẽn ẽg tóg Topẽ tỹ tỹ ẽg pã'i nĩ venh ke mũ. Ẽg tỹ ti ve kỹ ũ tỹ hẽ nỹ hỹn ẽg kãfór kar nĩnh mũ?“ he mũ.
23802	MAT 18:6	“Ũn sĩ tag tóg inh ki rã kỹ jẽ. Hã ra ũ tóg kejẽn ti tỹ isovãnh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ, goj nig mág ki ti fón kỹ tóg há nỹnh mũ vẽ, ti tỹ goj ki ter jé. Jagy tãvĩ tóg nĩ,” he tóg.
23841	MAT 19:10	Kỹ tóg ti mré mũ tĩ ag mỹ e tĩ, ti vĩ tag, hã kỹ ag tóg ti mỹ: “ã tỹ ge kỹ tóg tỹ ũ nỹ, ẽg prũg kỹ,” he mũ. “Ẽg tỹ ẽg prũ fi fón sór mũ ra fi fón tũ nĩn kỹ tóg vẽnh mỹ nỹ, kỹ ẽg hỹn prũg sór ke tũ nĩ,” he ag tóg.
23860	MAT 19:29	“Jó ũ tóg isugrĩn ti jamã ré kỹ tĩ mũ, ti kãke, ti jãvy, ti ve, ti panh, ti mỹnh, ti japỹ ré kỹ tóg tĩ mũ, inh jykre tugrĩn. Ẽn vỹ tóg vẽnh kato ti tỹ ẽprã ré kỹ tĩg ja ẽn e ri ke venh ke mũ, tag ki, ẽprã. Kỹ tóg rĩr krỹg ja tũ ẽn venh ke mũ gé,” he tóg.
23879	MAT 20:18	“Ha vé,” he tóg. “Jerusalém ra ẽg tóg mũ mũ. Ẽprã ke fi kósin ẽn vỹ jagtar ke mũ. Inh hã vẽ. Topẽ tũ to pã'i ag tóg ag tỹ isỹ nén han sór mũ ẽn han ke mũ, Topẽ vĩ to ẽg kanhrãn tĩ ag ke gé. Ag tỹ iso: “ter jé tóg ke mũ,” henh ke vẽ.
23897	MAT 21:2	“ẽmã ẽn ra mũjẽg, ẽg jo ẽmã nĩ ẽn ra,” he mũ. “Tá ãjag tóg burrica fi venh mũ. Se kỹ fi jẽ. Fi kósin vỹ fi mré jẽ nĩ. Ẽn fi kavãn kỹ fi pére kãmũm nĩ.
23904	MAT 21:9	Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.
23912	MAT 21:17	Tag tó kar kỹ tóg ag ré kỹ tĩ mũ sir. Ẽmã ẽn tá tóg kãkutẽ mũ, ẽmã tỹ Betfagé ra tĩg jé. Tá tóg sir nũr mũ.
23920	MAT 21:25	“João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han ja nĩgtĩ', ẽprã vẽjykre vó? Ũ nỹ ti jẽnẽ?“ he tóg. Kỹ ag tóg ti vĩ to jykrén mũ jagnẽ mré. “Ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: kỹ ãjag tỹ ne jé ti vĩ kri fig tũ nĩ nẽ? henh ke mũ.
23921	MAT 21:26	Ẽg tỹ hã ra ti mỹ: ẽprã ke jykre ja vẽ, hen kỹ ẽg tóg vẽnh kar kato tẽ mũ sir. Vẽnh kar vỹ João to: Topẽ vĩ tó tĩ pẽ ja vẽ, he tĩ. Kỹ ẽg tóg ag kamẽg mũ, vẽnh e ẽn,” he ag tóg mũ, jagnẽ mỹ, pã'i ag.
23937	MAT 21:42	Kỹ tóg ag mỹ: “hỹ,” he mũ. “Kỹ Topẽ vĩ rá tag to jykrén nĩ gé, ha mẽ: “pó tỹ ĩn han jafã fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg hã tỹ ĩn nũna han mũ. Ẽg Senhor mág tỹ há vẽ mỹr, hã kỹ tóg ẽg mỹ e tĩ,” he ja tóg nĩ, Topẽ vĩ rá ki,” he tóg, Jesus ti.
23940	MAT 21:45	Kỹ pã'i ag tóg vãhã Jesus vĩ tag mẽ kỹ to jykrén mũ. “Ẽg hã to tóg: uva ki rĩr tĩ kórég ag, he ja nĩ,” he ag tóg mũ sir.
23958	MAT 22:17	Hã kỹ ẽg mỹ ã tỹ nén to jykrén mũ tóm nĩ. Mỹ há nỹ', ẽg tỹ governo mỹ imposto kajãm jé'? Ẽg mỹ hỹn ti mỹ nĩm mũ', vó mỹ vó?“ he ag tóg mũ.
23964	MAT 22:23	Kỹ kejẽn Saduceu ag tóg, ón kỹ Jesus ki jẽmẽ sór mũ gé. Ẽn ag tóg: “ẽg ter ja tá ẽg vỹnvỹn kenh ke tũ nĩ, rĩr mãn ke tũ ẽg tóg nĩ,” he tĩ.
23971	MAT 22:30	Ẽg rĩnrĩr mãn kỹ ẽg tóg, prũg mãn ke tũ nĩ sir, kỹ fag mén mãn ke tũ nĩ gé. Topẽ tỹ jẽgnẽ jafã ri ke ẽg nỹtĩnh mũ, kanhkã tá.
23981	MAT 22:40	Vẽnh jyvẽn tag vỹ vẽnh jyvẽn kar kãfór nỹtĩ. Régre ti nỹtĩ, Topẽ tỹ ẽg jyvẽn kãfór ti. Ẽg tỹ tag ki króm kỹ ẽg tóg Topẽ jykre ki króm kãn mũ,” he tóg, Jesus ti.
23994	MAT 23:7	Ẽmã kuju ki vẽnh kar tóg ag mỹ: “ã mỹ há?” he tĩ, kỹ tóg ag mỹ sér tĩ. Kỹ ag tóg ag to: “Senhor,” he tĩ gé, kỹ tóg ag mỹ sér tĩ.
24003	MAT 23:16	“Topẽ vỹ ãjag ve kónãn mỹr,” he tóg. “Kyvó ãjag nỹtĩ, hã ra ãjag tóg ũ tỹ ki kagtĩg ag tatĩn sór mũ. Kỹ ãjag tóg ag kanhrãn kónãn tĩ. “Ẽg tỹ ón kỹ: tag han jé sóg ke mũ, he sór kỹ ẽg tóg: Topẽ ĩn krẽm nĩ ẽn vỹ ki kanhró nĩ, henh ke mũ,” he ãjag tóg tĩ. “Ẽg tỹ hã ra: Topẽ ĩn krẽm ouro tãn ẽn vỹ ki kanhró nĩ, hen kỹ ẽg tóg ón ke tũ nĩ,” he ãjag tóg tĩ gé.
24005	MAT 23:18	“Ãjag vĩ vẽnh mỹ ũ vỹ nĩ gé. Ón kỹ ẽg tóg: ẽg tỹ mesa kri ũn mỹ nén ũ pũn mũ ẽn vỹ ki kanhró nĩ, henh ke mũ,” he ãjag tóg tĩ gé. “Ẽg tỹ hã ra: ẽg tỹ ũn mỹ ẽg mẽg pũn tĩ ẽn vỹ ki kanhró nĩ, hen kỹ ẽg ón ke tũ nĩ,” he ãjag tóg tĩ gé.
24006	MAT 23:19	Vẽnh mỹ ti nĩ gé, ãjag vĩ tag ti. Kyvó ãjag nỹtĩ mỹr. Ẽg tỹ Topẽ mỹ ẽg mẽg pũn mũ mỹ mesa kãfór nĩ'? Vó'. Topẽ ĩn krẽm mesa kri ẽg tóg ẽg mẽg ti pũn tĩ, hã kỹ tóg Topẽ mỹ há tĩ, ẽg mẽg ti, ẽg tỹ ti ĩn tá ti mỹ mesa kri pũn tugrĩn.
24018	MAT 23:31	Hã ki ãjag tóg ãjag jógjóg ag tó tĩ. “Ẽg jógjóg ag vỹ ag kãgtén, Topẽ vĩ tó tĩ ag,” he ãjag tóg tĩ. “Ũ tỹ ag kãgtén mũ ag krẽ'krẽ vỹ tỹ ẽg nỹtĩ,” he ãjag tóg tĩ.
24021	MAT 23:34	Hã kỹ sóg ãjag mỹ, Topẽ vĩ tó tĩ pẽ ag jẽgnẽnh ke mũ, vẽnh vĩ hapẽ tó mũ ag, Topẽ vĩ rán tĩ pẽ ag, ag tỹ ãjag jyvẽn jé. Kỹ ãjag tóg ag kãgtén ke mũ gé, ha vem nĩ. Ka to ãjag tóg ag sanh ke mũ. Ag mrãnmrãn jé ãjag tóg ke mũ, ãjag tỹ vẽnh kanhrãn jafã krẽm. Ẽmã kar mĩ ãjag tóg ag nón mũnh mũ, ãjag tỹ ag vóg kónãn jé.