23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23272	MAT 3:11	ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23322	MAT 5:19	ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።
23324	MAT 5:21	“ካሴ ኣሳታስ ‘ዎꬎፓ፤ ዎꬊዳዴ ቦላ ፒርዴታና’ ጌቴቲዳይሳ ኢንቴ ሲዪዴታ።
23338	MAT 5:35	ቢታይ ፆሳ ቶሆይ ዬꬊዛሶ ጊዲዳ ጊሽ ቢታንካ ጫቆፍቴ። ዎጋ ካዎ ካታማ ጊዲዳ ጊሽ ዬሩሳላሜንካ ጫቆፍቴ።
23396	MAT 7:11	ሂስቲን ኢንቴ ኢታታ ጊዲ ኡቲዲ ኢንቴ ናይታስ ሎዖ ሚሽ ኢሞ ኤሪዛይታ ጊዲኮ ኢንቴ ሳሎ ኣዋይ ኢዛ ዎሲዛይታስ ዋኒዲ ኣꬊዛ ሎዖ ሚሽ ኢሜኔ?
23415	MAT 8:1	ዬሱሲ ዙማ ቦላፌ ዎꬊን ዳሮ ዴሬይ ኢዛ ካሊዴስ።
23438	MAT 8:24	ቆፖንታ ኣባ ጊዶን ዳምባላይ ዴንዲዲ ዎጎሎዮ ሚታና ጋካናስ ኢስታ ዋይሲዴስ። ሄሲ ዉሪ ሃኒሺን ዬሱሲ ꬊስኪዴስ።
23472	MAT 9:24	“ኪቺቴ! ናያ ꬊስካዱስ ኣቲን ሃይቃቤኩ” ጊን ኢስቲ ኢዛ ቦላ ሚጪዳ።
23507	MAT 10:21	“ኢሻይ ባ ኢሻ ሃይቆስ ኣꬂ ኢማና፤ ኣዋይ ባ ና ቦላ፥ ናይቲ ባና ዬሊዳይታ ቦላ ማካላቴꬃን ዴንዲዲ ሃራ ኣሳን ዎꬊሳና።
23514	MAT 10:28	ኣሾ ዎꬊኮፌ ኣቲን ሼምፖ ዎꬋናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋꬂ ጋናሜ ታማን ꬋይሳናስ ዳንዳዪዛይሳስ ባቢቴ።
23517	MAT 10:31	ሄሳ ጊሽ ባቦፍቴ። ዳሮ ሲኔ ካፎታፔ ኢንቴ ዋጋይ ኣꬊ ቦንቼቲዳዛ።
23537	MAT 11:9	ሂስቲን ኣይ ቤያና ኬዚዴቲ? ናቤ ቤያና ኬዚዴቲ? ኤ፥ ታ ኢንቴስ ጋይስ ናቤፔ ኣꬊዛይሳ ቤያናሳ።
23550	MAT 11:22	ሄሳ ጊሽ ታኒ ኢንቴስ ጊዛይ ፒርዳ ጋላስ ኢንቴፌ ኣꬊ ፂሮሴሲኔ ሲዶናስ ቂፃቴይ ካዉያና።
23559	MAT 12:1	ሄሳፌ ጉዬ ዬሱሲ ሳምባታ ጋላስ ካꬃ ጊዶራ ኣꬊ ቢዴስ። ኢዛ ካሊዛይቲካ ጋፊዳ ጊሽ ቲያ ዱꬂዲ ሺጌቺ ሙስ ኦይኪዳ።
23564	MAT 12:6	ጊዲኮካ ታ ኢንቴስ ጊዛይ ፆሳ ኬꬃፌ ኣꬊዛዴይ ሃን ዴስ።
23567	MAT 12:9	ሄፔ ኢዚ ጌዴ ኣꬊሼ ኣይሁዳታ ዎሳ ኬꬃን ጌሊዴስ።
23599	MAT 12:41	ናናዌ ኣሳይ ፒርዳ ጋላስ ሃይሳ ሃ ዬሌታራ ዴንዲዲ ሃ ዬሌታ ቦላ ፒርዳና፤ ጋሶይካ ናናዌ ኣሳይ ዮናሳ ማርካቴꬃን ማሮቴꬅ ጌሊዳ ጊሻሳ። ሄኮ ዮናሳፔ ኣꬊዛዴይ ሃን ዴስ።
23600	MAT 12:42	ዱጌሃ ዴሬ ካዎያ ሶሎሞኔ ኤራቴꬅ ሲያናስ ቢታ ጋፃፔ ዴንዳዳ ዪዳ ጊሽ ፒርዳ ጋላስ ኢዛ ሃይሳ ዬሌቴꬃራ ዴንዳዳ ሃ ዬሌቴꬃ ቦላ ፒርዳና። ሄኮ ሶሎሞኔፔ ኣꬊዛዴይ ሃይሳን ዴስ።
23610	MAT 13:2	ዳሮ ዴሬይ ኢዛ ዩዪ ኣꬊ ጊዶꬂዳ ጊሽ ኣሳ ኣባ ጋፃን ኣጊዲ ዎጎሎ ጊዶ ጌሊ ኡቲዲ፥
23612	MAT 13:4	ኢዚ ዜሪሺን ኢሲ ኢሲ ዜሬꬂ ኦጌ ዱናን ዎꬊን ካፎቲ ዪዲ ማፂ ሚዳ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23615	MAT 13:7	ኢሲ ኢሲ ዜሬꬃይ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጫሬቻ ጩሊዴስ።
23616	MAT 13:8	ሃራ ዜሬꬂካ ሎዖ ኦርዴ ቢታን ዎꬊዲ ኣይፌካ ኣይፊዴስ፤ ኢሶይ ፄቱ፥ ኢሶይ ኡሱፑን ታሙ ኢሶይ ሄꬑ ታሙ ኣይፌ ኢሚዴስ።
23627	MAT 13:19	ካዎቴꬃ ቃላ ሲይዲ ዩሺ ቆፖንታ ኣይ ኣሳ ዎዝናፔካ ፃላዔይ ዪዲ ዜሬቲዳ ዜሬꬃ ኤሶን ማፂቻና። ሄሲካ ኦጌ ቦላ ዎꬊዳ ዜሬꬃ።
23680	MAT 14:14	ዬሱሲካ ዎጎሎዛፔ ዎꬊሼ ዳሮ ኣሳ ቤዪዲ ኣሳስ ሚሼቲዴስ። ሳኬቲዛይታካ ፓꬂዴስ።
23695	MAT 14:29	ዬሱሲ ኢዛ “ሃያ!” ጊዴስ። ጴፅሮሲካ ዎጎሎዛፔ ዎꬊዲ ሃꬃ ቦላራ ሃሙቲዲ ዬሱሳኮ ዪዴስ።
23729	MAT 15:27	ኢዛካ “ኤ ጎዶ፤ ቡታላቲካ ባ ጎዳ ማዳፔ ጋዴን ዎꬊዳ ካꬅ ማፂ ሜቴስ” ጋዱስ።
23778	MAT 17:9	ኢስቲ ዙማ ቦላፌ ዎꬊሺን ዬሱሲ “ኣሳ ናይ ሃይቆፔ ዴንዳና ጋካናስ ኢንቴ ቤዮይሳ ኦናስካ ዮቶንታ ማላ” ጊ ኣዛዚዴስ።
23812	MAT 18:16	ኢዚ ኔ ጊዛይሳ ሲዮንታ ኢፂኮ ዮዖይ ዉሪ ናምዑ ማርካን ዎይኮ ሄꬑ ማርካን ላꬊዛ ጊሽ ኢሳዴ ዎይኮ ናምዑ ኣስ ኔናራ ኤካ ባዳ ኢዛ ሃሳይሳ።
23835	MAT 19:4	ኢዚካ ኢስታስ “ፆሲ ኮይሮፔ ማጫኔ ኣዴ ሜꬊዳይሳ ናባቢቤይኬቲ? ጊዴስ።
23860	MAT 19:29	ታ ሱንꬃ ጊሽ ጊዲ ባ ኬꬄ፥ ባ ኢሻታ፥ ባ ሚቼታ፥ ባ ኣዋ፥ ባ ኣዮኔ ባ ናይታ፥ ዎይኮ ባ ቢታ ኣጊዛ ኣሲ ዉሪ ፄቱ ኩሼ ዳኮ ኤካና፤ ሜꬊና ዴዖካ ላታና።
23879	MAT 20:18	“ሂያ ኑኒ ዬሩሳላሜ ባና ጎስ፤ ኣሳ ናይ ቄሴታ ሃላቃሲኔ ሙሴ ዎጋ ታማርሲዛይታስ ኣꬊ ኢሜታና፤ ኢስቲካ ኢዚ ሃይቃና ማላ ኢዛ ቦላ ፒርዳና።
23880	MAT 20:19	ኢዛ ቦላ ቂꬊ ካዓናሲኔ ጋራፋና ማላ፥ ዎꬋና ማላካ ዴሬታስ ኣꬂ ኢማና፤ ሄꬓንꬆ ጋላስ ኢዚካ ሃይቆፔ ዴንዳና” ጊዴስ።
23891	MAT 20:30	ሄን ኣይፌይ ቆቂዳ ናምዑ ኣሳቲ ኦጌ ዱናን ኡቲ ዴቴስ። ዬሱሲ ኣꬊ ቢዛይሳ ሲይዲ “ጎዶ! ዳዉቴ ናዉ ኑና ማራ!” ጊዲ ዋሲዳ።
23930	MAT 21:35	ጋዴዛ ጎይዛይቲ ኣሽካራታ ኦይኪዲ ኢሳ ዎꬊዳ፤ ኢሳ ቃሴ ሹቻን ጫዲዳ።
23931	MAT 21:36	ጋዳ ጎዳይ ካሴይታፔ ኣꬊዛ ሃራ ኣሽካራታ ዬዲዴስ። ጎይዛይቲ ሃዒካ ካሴይታ ቦላ ኦꬂዳይሳ ማላካ ኢስታ ቦላካ ፖሊዳ።
23933	MAT 21:38	ጊዶ ኣቲን ጋዳ ጎይዛይቲ ናዛ ቤዪዳ ማላ ‘ሃይሲ ኢዛ ላታናይሳኮ! ኣኔ ሃ ዪቴ፥ ኢዛ ዎꬊዲ ጋዳ ላቶስ’ ጊዳ።
23934	MAT 21:39	ናዛ ኦይኪዲ ዎይኔይ ቶኬቲዳሶፔ ጌዴ ካሬ ኬሲዲ ዎꬊዳ።
23936	MAT 21:41	ኢስቲካ “ሄይታንታ ኢታታ ዳሮ ዋይሲ ዎꬊዲ ዎይኔይ ቶኬቲዛ ጋዳፔ ቤሲዛ ዎይኔ ኣይፌ ዎዴራ ኢዛስ ኢሚዛ ሃራ ጋዴ ጎይዛይታስ ኪራሳና” ጊዲ ኢዛስ ዛሪዳ።
23937	MAT 21:42	ዬሱሲካ ኢስታስ “ጌሻ ማፃፋን ‘ጊምቤ ኬፂዛይቲ ኢታ ጊዲ ዎራ ዬጊዳ ሹቻይ ኬꬃስ ማዛኔ ቦላ ዎꬊዛ ሹች ጊዲዴስ፤ ፆሲ ሃይሳ ኦꬂዴስ፤ ኢዛ ኦሶይካ ኑ ኣይፌስ ማላሊሲዛዝ’ ጌቴቲ ፃፌቲዳይሳ ናባቢቤኬቲ?
23939	MAT 21:44	ሃይሳ ሹቻ ቦላ ኩንዲዛይ ሜቃና፤ ሹቻይ ኢዛ ቦላ ዎꬊዛዴይካ ሊቃና” ጊዴስ።
23945	MAT 22:4	“ቃሴካ ሃራ ኣሽካራታ ‘ካሴ ኢስታስ ዮቲዳይታ ሄኮ ታ ሳንጋ ቦራታኔ ሞꬊዳ ሜሄታ ሹካዳ ዲጊሳ ጊጊሳዲስ፤ ዉሪካ ጊጌቲዳ ጊሽ ሳርጌሶ ሃ ዪቴ!’ ጊዲ ዮቲቴ።
23947	MAT 22:6	ሃንኮ ኣቲዳይታ፥ ኣሽካራቲ ኦይኪዲ ዳሮ ዋይሲዲ ዎꬊዳ።
23948	MAT 22:7	“ካዎይካ ሃንቄቲዲ ዎታዳራታ ዬዲዲ ኣሽካራ ዎꬊዳይታ ꬋይሲዴስ፤ ኢስታ ካታማ ፁጊዴስ።
23976	MAT 22:35	ኢስታ ጊዶፌ ኢሲ ሙሴ ዎጋ ሎዔꬂ ኤሪዛዴይ ዬሱሳ ፓጫናስ ኮይዲ “ኣስታማሬ! ሙሴ ዎጋታ ጊዶን ኡባፌ ኣꬊዛይ ኣዋይሴ?” ጊዲ ኦይቺዴስ።
23979	MAT 22:38	ሃይሲ ኮይሮኔ ኡባፌ ኣꬊዛ ኣዛዞ።
23998	MAT 23:11	ኢንቴ ጊዶን ኡባፌ ኣꬊዛዴይ ኢንቴስ ኦꬂዛዴ ጊዳና።
24004	MAT 23:17	ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?
24006	MAT 23:19	ኢንቴኖ ቆቄቶ! ያርሾፔኔ ያርሾ ሺሺዛሶፔ ኣዋይሴ ኣꬊዛይ?
24010	MAT 23:23	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ።
24017	MAT 23:30	ኑ ኣዋቲ ናቤታ ዎꬊዛ ዎዴ ኑ ዲዛኮ ኢስታራ ዙፔቶኮኮ ሺን፥
24018	MAT 23:31	ኢንቴ ናቤታ ዎꬊዳ ኣሳታ ናይታ ጊዲዳይሳ ኢንቴ ዱናራ ኢንቴርካ ኢንቴ ኢንቴ ቦላ ማርካቴታ።
24022	MAT 23:35	ሄሳ ጊሽ ፂሎ ኣቤሌ ሱꬃፌ ሃ ሲሚን ፆሳ ኬꬃኒኔ ያርሾ ያርሺዛሶ ጊዶን ኢንቴ ዎꬊዳ ባራኪዮ ና ዛካራሳ ሱꬃ ጋካናስ ቢታ ቦላ ጉኪዳ ፂሎታ ሱꬃ ኡባስ ኢንቴ ኦይሼታና።
24023	MAT 23:36	ታ ኢንቴስ ቱሙ ጋይስ፤ ካሴ ኣꬊዳ ዮዖ ኡባስ ሃይሲ ሃ ዬሌታይ ኦይሼታና።
24024	MAT 23:37	“ሃኔ ዬሩሳላሜ! ናቤታ ዎꬊዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳሌሜ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያባካ።
24082	MAT 25:5	ማቺዮ ኤካና ሚሺራይ ዮንታ ጋምዒን ꬊስኮይ ዴፂን ኣሳይ ዉሪካ ꬊስኪዴስ።
24087	MAT 25:10	ኢስቲ ላምባ ሻማና ቢ ኪቺን ሚሺራዚ ጋኪ ዎꬊዴስ። ካሴ ጊጌቲ ኡቲዳ ጌላዖቲ ቡላቻሶ ኢዛራ ጌሊዳ፤ ካሬይካ ጎርዴቲዴስ።
24093	MAT 25:16	ኢቻሹ ሺ ቢራ ኤኪዳ ኣዴዚ ሄራካ ሚሻን ዛልዔ ኦይኪዲ ሃራ ኢቻሹ ሺ ቢራ ዎꬊሲዴስ።
24094	MAT 25:17	ቃሴካ ናምዑ ሺ ቢራ ኤኪዳይሲ ሃራ ናምዑ ሺ ቢራ ዎꬊሲዴስ።
24097	MAT 25:20	ኢቻሹ ሺ ቢራ ኤኪዳ ኣሽካራይ ሃራ ኢቻሹ ሺ ቢራ ዎꬊሲዳይሳ ኤኪ ዪዲ ‘ጎዶ! ኔ ታስ ኢቻሹ ሺ ቢራ ኢማዳሳ ሺን ሄኮ ሃይሳ ታ ሃራ ኢቻሹ ሺ ቢራ ዎꬊሳዲስ’ ጊዴስ።
24099	MAT 25:22	“ሄሳꬆካ ናምዑ ሺ ቢራ ኤኪዳይሲ ጎዳዛኮ ሺቂዲ ‘ጎዶ! ኔ ታስ ናምዑ ሺ ቢራ ኢማዳሳ ሺን ሄኮ ሃራ ናምዑ ሺ ቢራ ዎꬊሳዲስ’ ጊዴስ።
24124	MAT 26:1	ዬሱሲ ሄሳ ሃሳዪ ዉርሲዳፔ ጉዬ ባና ካሊዛይታስ “ናምዑ ጋላሳፌ ጉዬ ፓዚጋ ጊዲዳይሳ ኤሬቲ? ኣሳ ናይ ካቄታናስ ኣꬊ ኢሜታና” ጊዴስ።
24126	MAT 26:3	ሄሳፌ ጉዬ ቄሴታ ሃላቃቲኔ ዴሬ ጪማቲ ቃያፋ ጌቴቲዛ ቄሴታ ሃላቃ ጊቤን ሺቂዲ ሂላራ ዬሱሳ ኦይꬂዲ ዎꬊሳናስ ማቄቲዳ።
24163	MAT 26:40	ሄሳፌ ሲሚዲ ባና ካሊዛይታኮ ዪዲ ኢስቲ ꬊስኪሺን ዴሚዴስ። ጴፅሮሳካ “ሃይቶ ኣሳቶ! ኢንቴ ታናራ ኢሲ ሳቴኮኔ ሚናናስ ፆኒዴ?
24166	MAT 26:43	ቃሴካ ኢዚ ዪሺን ኢስታ ኣይፌን ꬊስኮይ ዴፂዳ ጊሽ ኢቺዳይታ ቤዪዴስ።
24168	MAT 26:45	ሄሳፌ ባና ካሊዛይታኮ ሲሚዲ “ሃዒካ ሼምፒዲ ꬊስኪዴቲ? ሄኮ ሃዒ ሳቴይ ማቲዴስ፤ ኣሳ ናይ ናጋራንቻታ ኩሼን ኣꬊ ኢሜታና።
24182	MAT 26:59	ሄ ዎዴ ቄሴታ ሃላቃቲኔ ኣይሁዳታ ዱላታይ ኩሜꬅ ዬሱሳ ዎꬊሳናስ ዎርዶ ማርካ ኮዪዴስ።
24188	MAT 26:65	ሄ ዎዴ ቄሴታ ሃላቃይ ባ ማይዖ ዳኪዲ “ፆሳ ቦላ ጫሻ ቃላ ሃሳዪዴስ፤ ኑስ ሃይሳፌ ኣꬊዛ ሃራ ኣዛ ማርካ ኮሺዜ! ፆሳ ቦላ ጫሻ ቃላ ኢዚ ሃሳዪሺን ኢንቴ ኢንቴ ሃይꬃራ ሲዪዴታ።
24205	MAT 27:7	ባ ጊዶን ዞሬቲዲ ኢማꬅ ጊዲዳ ኣሳታስ ዱፎ ጊዳና ማላ ኢሲ ኡርቃ ሚሽ ሜꬊዛ ሂላዛ ጋዴ ሻሚዳ።
24207	MAT 27:9	ኢዛስ ዋጋ ጊዳና ማላ “ኢስራዔሌ ናይቲ ሄሬጊዳ ሄꬑ ታሙ ቢራ ቆዲ ኤኪዳ። ፆሲ ታና ኣዛዚዳ ማላ ኡርቃ ሜꬊዛ ሂላዛ ጋዴስ ኢሚዳ” ጌቴቲዲ ናቤ ኤርማሳ ዱናን ዮቴቲዳይሲ ፖሌቲዴስ።
24227	MAT 27:29	ኣጉንꬃ ኣክሊሌ ፃፂዲ ጊጊሲዳ፤ ኢዛ ሁዔ ቦላ ዎꬂዳ፤ ሾምቦቆ ጉፌ ኡሻቻ ኩሼን ኦይꬂዲኔ ኢዛ ሲንꬃን ጉልባቲዲ “ኣይሁዳ ካዎ! ኢንቴስ ቶ!” ጊዲ ኢዛ ቂꬊዳ።
24229	MAT 27:31	ኢዛ ቦላ ቂꬊ ካዒዳይሳፌ ጉዬ ቃሴካ ዞዖ ማይዖዛ ቃሪ ኤኪዲኔ ካሴ ኢዛ ማይዖዛ ዛሪ ማይዚዲ ካቃናሶ ኤኪ ቢዳ።
24237	MAT 27:39	ኦጌራ ኣꬊ ቢዛ ኣሳይ ጫዪሼኔ ሁዔ ቃꬂሼ “ፆሳ ኬꬃ ላላዳ ሄꬑ ጋላሳን ሃራ ኬፃና ጊዛይሶ! ኣኔ ኔና ኣሻ፥ ኔ ፆሳ ና ጊዲኮ ኣኔ ማስቃሌ ቦላፌ ዎꬋ” ጊዳ።
24239	MAT 27:41	ቄሴታ ሃላቃቲ ዴሬ ጪማታራ ጊዲዲ ኢዛ ቦላ ቂꬊሼ፤
24265	MAT 28:1	ሳምባታይ ኣꬊዳፔ ጉዬ ሳሚንታፔ ኮይሮ ጋላስ ቡሮ ሳሎይ ዞዒሺን ማግዳሌ ማራማኔ ሃራ ማራማ ዱፎዛ ቤያና ቢዳ።
24266	MAT 28:2	ቆፖንታ ዲሺን ጊታ ቢታ ቃꬂ ሃኒዴስ፤ ጎዳ ኪታንቻይካ ሳሎፔ ዎꬊ ዱፋኮ ቢዲ ሹቻ ጌንዴርሲዲ ኢዛ ቦላ ኡቲዴስ።
24276	MAT 28:12	ቄሴታ ሃላቃቲካ ዴሬ ጪማታራ ሺቄቲዲ ዞሬቲዳ፤ ዎታዳራታስ ጊዲዛ ሚሽ ኢሚዲ “ ‘ኑኒ ꬊሲኪዳሺን ኢዛ ካሊዛይቲ ቃማራ ዪዲ ካይሶቲ ኤፊዳ’ ጊቴ ጊዳ።
24281	MAT 28:17	ዬሱሳ ቤዪዳ ማላ ኢዛስ ጎይኒዳ፥ ኢስታ ጋራሳፌ ጉፂዛ ባጋቲ ሲꬊዳ።
24288	MRK 1:4	ሄሳꬆካ ፃማቂዛ ዮሃኒሲ ኣሳ ፃማቂሼኔ “ኢንቴ ናጋራፔ ሲሚዲ ፃማቄቲቴ፥ ፆሲ ኢንቴ ናጋራ ኣቶ ጋና” ጊ ኣዋጂሼ ባዞራ ኬዚ ዎꬊዴስ።
24291	MRK 1:7	ኢዚ “ታኒ ሆካዳ ኢዛ ጫማ ቃሾ ቢርሻናስ ቤሶንታዴይ፥ ታፔ ኣꬊዛዴይ ታፔ ጉዬራ ያና።
24294	MRK 1:10	ዬሱሲ ፃማቄቲዲ ሃꬃፌ ኬዚዳ ማላ ሳሎይ ዶዬቲን ፂሎ ኣያናይ ኢዛ ቦላ ሃራጴ ካፎ ሚሳቲዲ ዎꬊሺን ቤዪዴስ።
24300	MRK 1:16	ዬሱሲ ጋሊላ ኣባ ኣቻራ ኣꬊን ሲሞናይኔ ኢዛ ኢሻ ኢንዲራሲ ሞሌ ኦይኪዛይታ ጊዲዳ ጊሽ ኢስቲ ሞሌ ኦይኪዛ ጊቴ ኣባን ዬጊሺን ቤዪዴስ።
24303	MRK 1:19	ጉꬅ ጌዴ ሲንꬄ ኣꬊዲ ዛቢዶሳ ና ያቆቤይኔ ኢዛ ኢሻ ዮሃኒሲ ዎጎሎን ኡቲዲ ሞሌ ጊቴ ጊጊሲሺን ቤዪዲኔ ሄራካ ኢስታ ፄይጊዴስ።
24343	MRK 2:14	ኢዚ ኦጌራ ኣꬊ ቢሺን ኢልፊዮሳ ና ሌዌይ ቃራፃ ሺሺዛሶን ኡቲዳይሳ ቤዪዲ “ሃያ ታና ካላ” ጊዴስ። ኢዚካ ዴንዲዲ ዬሱሳ ካሊዴስ።
24350	MRK 2:21	“ጋልዓ ማይዖ ቦላ ኦራꬃ ዎሶ ዎꬂ ሲኪዛዴይ ኦኒካ ዴና፤ ሄሳꬆ ኦꬂኮ ኦራꬃዚ ጋልዓ ዳኪ ዳኪ ዬጌስ፤ ዳኬꬃይካ ካሴፔ ጌዴ ኣꬊ ኢቴስ።
24352	MRK 2:23	ዬሱሲ ኣይሁዳታ ሳምባታ ጋላስ ጊስቴ ቲያ ጊዶራ ኣꬊሺን ኢዛ ካሊዛይቲ ኢዛራ ኢሲፌ ቢሼ ቲያ ፁጶ ኦይኪዳ።
24362	MRK 3:5	ኢስታ ዎዝና ሹቻቴꬃን ሚሼቲዲ ኢዛ ጊዶꬂዲ ዩዪ ኣꬊ ኤቂዳ ኣሳ ሃንቆራ ፄሊዲ ኣዴዛ “ኔ ኩሼዛ ፒዲሳ!” ጊዴስ። ኣዴዚካ ባ ኩሼ ፒዲሲን ኩሼዚ ሙሌራ ፓꬂዴስ።
24389	MRK 3:32	ኢዛ ዩዪ ኣꬊ ኡቲዳ ዳሮ ኣሳይ “ሄኮ ኔ ኣዬያኔ ኔ ኢሻቲ ካሬን ኤቂዲ ኔና ኮዬቴስ” ጊዳ።
24396	MRK 4:4	ኢዚ ዜሪሺን ኢሲ ኢሲ ዜሬꬂ ኦጌ ቦላ ዎꬊዴስ። ኦጌ ቦላ ዎꬊዳ ዜሬꬃ ካፎቲ ማፂ ሚዳ።
24397	MRK 4:5	ባጋይ ሜላ ቢታን ዎꬊዴስ። ሄ ቢታይ ሜላ ጊዲዳ ጊሽ ሄራካ ጫሪዴስ።