23221	MAT 1:8	ኣሳፌይ ዮሳፒፄ ዬሊዴስ፤ ዮሳፒፄይ ኢዮራሜ ዬሊዴስ፤ ኢዮራሜይ ኦዚያ ዬሊዴስ፤
23222	MAT 1:9	ኦዚያኔይ ኢዮዓታሜ ዬሊዴስ፤ ኢዮዓታሜይ ኣካዜ ዬሊዴስ፤ ኣካዜይ ሂዚቃሴ ዬሊዴስ፤
23223	MAT 1:10	ሂዚቃሲ ሚናሴ ዬሊዴስ፤ ሚናሴይ ኣሞፄ ዬሊዴስ፤ ኣሞፄይካ ዮሲያሳ ዬሊዴስ፤
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23234	MAT 1:21	ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ።
23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23242	MAT 2:4	ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23246	MAT 2:8	ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23260	MAT 2:22	ጊዶ ኣቲን ኣርካላዎሲ ባ ኣዋ ሄርዶሳ ሶን ዩሁዳን ካዎቲዳይሳ ሲይዲኔ ሄ ባናስ ባቢዴስ፤ ጎዳይ ኣጉሞራ ኢዚ ሄ ቦንታ ማላ ዮቲዳ ጊሽ ጋሊላ ኣዉራጃ ቢዴስ።
23261	MAT 2:23	ናዚሬቴ ጌቴቲዛ ካታማዮ ቢዲ ሄን ዱስ ኦይኪዴስ። ሄሳንካ ካሴ ናቤታን “ናዚሬቴ ኣስ ጌቴታና” ጌቴቲዲ ካሴቲዲ ሲንꬃፌስ ሃሳዬቲዳይሲ ኩሚዴስ።
23265	MAT 3:4	ዮሃኒሲ ጋሜላ ኢሲኬፌ ኦሴቲዳ ማይዖ ማይዔስ። ባ ፄሳን ዳፎ ጊፄስ፤ ኢዚ ሚዛ ቁማይ ዴጌራ ኤሳኔ ቦሌ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23272	MAT 3:11	ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23278	MAT 3:17	ሳሎፔካ “ታኒ ኢዛን ኡፋዬቲዛ ናዚኔ ታ ሲቂዛ ታ ናዚ ሃይሳ” ጊዛ ቃላይ ሲዬቲዴስ።
23282	MAT 4:4	ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ።
23291	MAT 4:13	ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ።
23304	MAT 5:1	ዳሮ ዴሬይ ሺቂዳይሳ ቤዪዲ ዬሱሲ ፑዴ ዙማ ቦላ ኬዚ ኡቲዴስ፤ ኢዛ ካሊዛይቲካ ኢዛኮ ዪዳ።
23305	MAT 5:2	ኢዚካ ኢስታ ሂዝጊ ታማርሶ ኦይኪዴስ፤
23311	MAT 5:8	ዎዚና ፂሎቲ ኣንጄቲዳይታ፤ ኣይሲ ጊኮ ኢስቲ ፆሳ ቤያና።
23326	MAT 5:23	ሄሳ ጊሽ ኔኒ ያርሾ ሺሺዛሶን ፆሳስ ያርሻና ጊሺን ኔ ኢሻይ ኔ ቦላ ሚሼቲዳዚ ኔስ ቆፔቲኮ፥
23329	MAT 5:26	ታ ኔስ ቱሙ ጋይስ፤ ኢዚ ፒርዲሲ ዉርሲዳ ጊዲኮ ዉርሴꬃ ሳንቲዮ ቃንፃና ጋካናስ ቃሾፔ ቢርሼታካ።
23331	MAT 5:28	ታኒ ጊዲኮ ኢንቴና ሂዝጋይስ፤ ማጫሳ ኣሞ ኣይፌራ ፄሊዳዴይ ዉሪ ባ ዎዝናን ኢዚራ ላይማቲዴስ።
23334	MAT 5:31	“ ‘ማቾ ኣንጂ ዬዲዛዴይ ፒርማ ዋራቃታ ኢዚስ ኢማና ቤሴስ’ ጌቴቲዴስ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23359	MAT 6:8	ጊዶ ኣቲን ኢንቴ ኣዋይ ኢንቴ ዎሳናፔ ካሴቲዲ ኢንቴስ ኣዚ ኮሺዛኮኔ ኤሪዛ ጊሽ ኢንቴ ኢስታ ሚሳቶፒቴ።
23369	MAT 6:18	ሄሳꬆ ኔ ፆሚኮ ጌማን ዲዛ ኔ ኣዋይ ፃላላ ኤሪዛዚኔ ኣሲ ኦኒካ ኤሮንታ ቆታን ጊዳና። ቆታን ኦሴቲዳይሳ ቤዪዛ ኔ ኣዋይካ ኔ ዋጋ ኔስ ኢማና።
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23414	MAT 7:29	ጋሶይካ ሙሴ ዎጋ ታማርሲዛይታ ማላ ጊዶንታ ኢዚ ጎዳቴꬂ ዲዛ ኣሳ ማላ ታማርሲዴስ።
23417	MAT 8:3	ዬሱሲ ባ ኩሼ ዬዲዲ “ታ ዶሳዲስ፤ ፓፃ!” ጊን ኣዴዚ ሄ ሃርጌዛፔ ሄራካ ፓፂዴስ።
23418	MAT 8:4	ቃሴካ ዬሱሲ ኣዴዛ “ኔ ፓፂዳይሳ ኦናስካ ዮቶፓ፤ ጊዶ ኣቲን ባዳ ኔና ቄሴስ ቤሳ። ኢስቲ ኣዛዚዳ ያርሾዛ ጋꬃ፤ ሄሲካ ኢስታስ ማርካ ጊዳና” ጊዴስ።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23427	MAT 8:13	ዬሱሲካ ማቶ ሃላቃስ “ኔ ባ ኔ ኣማኖ ማላ ኔስ ሃኖ” ጊዴስ፤ ኣሽካራዚ ሄራካ ፓፂዴስ።
23429	MAT 8:15	ኢዚ ኩሼ ዬሱሲ ቦቺን ሚሾ ሃርጌይ ኣጊዴስ። ኢዛካ ዴንዳዳ ዬሱሳ ሞካዱስ።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23431	MAT 8:17	ኢሳያሲ “ኢዚ ኑ ሃርጌ ኤኪዴስ፤ ኑ ሳኮካ ቶኪዴስ” ጊዳ ቃላይ ሃይሳን ፖሌቲዴስ።
23432	MAT 8:18	ዳሮ ኣሳይ ኢዛ ጊዶꬂዳይሳ ቢዪዲ ዬሱሲ ኣሳ ኣባፌ ሄ ፒንꬅ ፒናና ማላ ኣዛዚዴስ።
23436	MAT 8:22	ኢዚ ቃሴ “ሃይቂዳይቲ ባ ሃይቄꬅ ሞጌቶ፤ ኔኒ ጊዲኮ ታና ካላ” ጊዴስ።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23441	MAT 8:27	ኢስቲካ “ሃይሲ ኣባይኔ ጫርኮይካ ኢዛስ ኣዛዜቲዛዴይ ኢዚ ዋኒዳዴ?” ጊዲ ማላሌቲዳ።
23442	MAT 8:28	ኢዚ ኣባ ፒኒዲ ጌርጌሴኖኔ ጌቴቲዛ ዴሬ ጋኪዳ ማላ ዳይዳንꬂ ኦይኪዳ ናምዑ ኣስ ዳይቲ ባ ዲዛ ዱፎፔ ኬዚዲ ኢዛራ ጋጊዳ። ኣሲ ሄ ኦጌዛራ ኣꬋናስ ዳንዳዬቶንታ ማላ ኣሳስ ዳሮ ኬሂ ሜቶ ጊዲ ዴቴስ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23448	MAT 8:34	ካታማ ኣሳይ ዉሪ ዬሱሳራ ጋጋናስ ኬዚዴስ። ዬሱሳ ቤዪዲኔ ኢስታ ዴሬ ዬዲ ባና ማላ ኢዛ ዎሲዳ።
23455	MAT 9:7	ጉንዳ ኣዴዚካ ዴንዲዲ ባሶ ቢዴስ።
23463	MAT 9:15	ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና።
23464	MAT 9:16	“ጋልዓ ማይዖ ቦላ ኦራꬃ ዎሶ ዎꬂ ሲኪዛ ኣሲ ዴና። ጋልዓ ቦላ ኦራꬅ ዎꬂ ሲኪኮ ኦራꬃዚ ጋላዓዛ ፔꬌሬꬂዲ ሃ ዳሲ ዳሪሳና።
23465	MAT 9:17	ኦኒካ ኦራꬃ ዎይኔ ጫጄ ጋልዓ ሉካሞን ጉጄና። ጉጂዛ ጊዲኮ ሉካሞዚ ꬉቃና፤ ዎይኔ ጫጄዚካ ጉካና፤ ሉካሞዚካ ጎዓይ ባይንዳዚ ጊዳና። ጊዶ ኣቲን ኦራꬃ ዎይኔ ጫጄይ ኦራꬃ ሉካሞዛን ጉጄቴስ። ሄሳ ማላራ ዎይኔ ጫጄዚኔ ሉካሞዚ ሎዖ ናጌቲዲ ጋምዓና” ጊዴስ።
23466	MAT 9:18	ዬሱሲ ኣሳ ሃሳይሶን ዲሺን ኢሲ ሹሜይ ኢዛ ሲንꬃን ኩንዲዲ “ታስ ና ዳራ ሃይቃና ጋዉስ። ኢዛ ፓፃ ዳና ማላ ያዳ ኔ ኩሼ ኢዚ ቦላ ዎꬃርኪ?” ጊን፥
23468	MAT 9:20	ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ።
23469	MAT 9:21	ኢዛ ሄሳ ኦꬂዳይ “ታ ኢዛስ ኣፋላ ማጫራ ቦቺዳኮ ፓፃና” ጊዛ ኣማኖይ ኢዚ ዎዝናን ዲዛ ጊሽ ቦቻዱስ።
23473	MAT 9:25	ዴሬይ ዉሪ ኬꬃፌ ኬዚን ኢዚ ኬꬄ ጌሊዲ ናይ ኩሼ ኦይኪዴስ፤ ናያካ ዴንዳ ኤቃዱስ።
23480	MAT 9:32	ኢስቲ ሄፔ ኬዚሺን ዳይዳንꬂ ኦይኪዳ ኢሲ ዱና ዱዴ ኣስ ዬሱሳኮ ኤሂዳ።
23481	MAT 9:33	ዳይዳንꬃዚ ኬዚዳፔ ጉዬ ሄ ዱና ዱዴ ኣዴዚ ሃሳያ ኦይኪዴስ፤ ዴሬዚካ ማላሌቲዲ “ሃይሳ ማላ ሃኖይ ኢስራዔሌ ቢታን ሃኒን ኑ ቤዪ ኤሮኮ” ጊዳ።
23496	MAT 10:10	ኦሳንቻስ ሃቺስ ሃቺስ ጊዲዛዚ ኮሺዛ ጊሽ ኢንቴ ኦጌስ ጊዲ ሺንቄ፥ ኮሾንታ ማይዖ፥ ጫማ ዎይኮ ጉፌ ኤኪ ቦፒቴ።
23500	MAT 10:14	ኣይ ኣሲካ ኢንቴና ሞኪ ኤካናሲኔ ኢንቴ ጊዛ ሲያናስ ኮዮንታዴ ጊዲኮ ሄሳዴ ኬꬃፌ ዎይኮ ሄ ካታማፔ ኬዚሼ ኢስታ ቦላ ዪዛ ጎሜፔ ኢንቴ ኣቲዳይሳስ ማርካ ጊዳና ማላ ኢንቴ ቶሆ ቦላ ዲዛ ጉዱላ ፒቲዲ ኬዚቴ።
23505	MAT 10:19	ኢንቴና ኢስቲ ኦይኪዛ ዎዴ ‘ኑ ኣይ ጊ ሃሳዪኖ? ዎዝጊ ዛሮ ኢሚኖ?’ ጊ ሂርጎፍቴ። ሄ ዎዴ ኢንቴ ጋናዚ ኢንቴስ ኢሜታና።
23508	MAT 10:22	ታ ጊሽ ኣሲ ዉሪካ ኢንቴና ኢፃና። ጊዶ ኣቲን ዉርሴꬅ ጋካናስ ሚቅኒ ኤቂዳይ ኢዚ ኣታና።
23536	MAT 11:8	ዎይኮ ኣይ ቤያናስ ኬዚዴቲ? ሎዖ ማይዖ ማይዒዲ ሎዒ ኡቲዳዴ ቤያና ዪዴቲ? ሎዖ ማይዖ ማይዒዲ ሎዒዛይቲ ካዎታ ኬꬃን ዴቴስ።
23537	MAT 11:9	ሂስቲን ኣይ ቤያና ኬዚዴቲ? ናቤ ቤያና ኬዚዴቲ? ኤ፥ ታ ኢንቴስ ጋይስ ናቤፔ ኣꬊዛይሳ ቤያናሳ።
23542	MAT 11:14	ሂስቲኮ ኢንቴ ኤካና ኮይኮ ኢዚ ያና ጌቴቲዳ ኤላሲ ኢዛኮ!
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23546	MAT 11:18	ዮሃኒሲ ሙሳፌኔ ኡሻፌ ናጌቲዲ ዪዳ ጊሽ ‘ኢዚ ዳይዳንꬃራ ዴስ’ ጊዳ።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23555	MAT 11:27	“ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሽ ኤሪዛ ኣስ ባዋ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣስ ባዋ።
23561	MAT 12:3	ኢዚካ ኢስታስ ዛሪዲ “ዳዉቴይኔ ኢዛራ ዲዛ ኣሳቲ ጋፊዳ ዎዴ ኢዚ ኣይ ኦꬂዳኮኔ ናባቢቤኬቲ?
23567	MAT 12:9	ሄፔ ኢዚ ጌዴ ኣꬊሼ ኣይሁዳታ ዎሳ ኬꬃን ጌሊዴስ።
23569	MAT 12:11	ኢዚካ ኢስታ “ኢንቴፌ ኢሳዴ ዶርሲ ሳምባታ ጋላስ ኦላን ጌሊኮ ባ ዶርሳ ኢዚ ጌሊዲ ኦላፌ ጎቺ ኬሲ ኤሬኔ?
23571	MAT 12:13	ቃሴካ ኣዴዛ “ኔ ኩሼ ፒዲሳ!” ጊዴስ፤ ኣዴዚካ ባ ኩሼ ፒዲሲን ሂንኮ ኩሼዛ ማላ ፓፃ ጊዲዴስ።
23572	MAT 12:14	ጊዶ ኣቲን ፋርሳዌቲ ሄፔ ኬዚዲ፥ ዬሱሳ ዎስቲ ኦይኪ ዎꬋናኮኔ ባ ጊዶን ዞሬቲዳ።
23574	MAT 12:16	ኢዚ ኦናኮኔ ኣሳስ ዮቶንታ ማላ ኢስታ ኣዛዚዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23580	MAT 12:22	ሄሳፌ ጉዬ ዳይዳንꬂ ኦይኪን ፄላናሲኔ ሃሳያናስ ዳንዳዮንታ ኢሲ ኣስ ዬሱሳኮ ኤኪ ዪዳ። ዬሱሲካ ኢዛ ፓꬂን ኣዴዚ ፄላናሲኔ ሃሳያናስ ዳንዳዪዴስ።
23581	MAT 12:23	ኣሳይ ዉሪካ ማላሌቲዲ “ሃይሲ ኣዴዚ ዳዉቴ ናሻ?” ጊዴስ።
23582	MAT 12:24	ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ።
23592	MAT 12:34	ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ።
23597	MAT 12:39	ኢዚ ኢስታስ ዛሪዲ “ሃ ኢታኔ ላይማ ዬሌታይ ማላታ ኦይቼስ፤ ጊዶ ኣቲን ናቤ ዮናሳ ማላታፔ ኣቲን ሃራ ማላታይ ኢሜቴና።
23601	MAT 12:43	“ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።