23214	MAT 1:1	ዳዉቴ ና፥ ኣብራሃሜ ና ጊዲዳ ዬሱስ ኪርስቶሳ ዬሌቴꬃ ዛርኬይ ሃይሳፌ ካሊዛይሳ፤
23229	MAT 1:16	ያቆቤይካ ኪርስቶሳ ጌቴቲዳይሳ ዬሱሳ ዬሊዳ ማራሞ ኤካና ጊጊሲዳ ዮሴፌ ዬሊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23234	MAT 1:21	ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23238	MAT 1:25	ጊዶ ኣቲን ባዳ ኢዛ ኮይሮ ናዛ ዬላና ጋካናስ ኢዞ ኤኪቤና። ዬሌቲዳ ጉꬃ ናዛ ሱንꬃ “ዬሱሳ” ጊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23274	MAT 3:13	ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23279	MAT 4:1	ሄሳፌ ጉዬ ፂሎ ኣያናይ ፃላዔን ፓጬታና ማላ ዬሱሳ ዱጌ ባዞ ቢታ ኤፊዴስ።
23280	MAT 4:2	ኦይዱ ታሙ ጋላሲኔ ኦይዱ ታሙ ቃማ ፆሚዳፔ ጉዬ ዬሱሲ ጋፊዴስ።
23281	MAT 4:3	ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ።
23282	MAT 4:4	ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ።
23283	MAT 4:5	ቃሴካ ፃላዔይ ዬሱሳ ጌሻ ካታማዮ ኤፊ ፆሳ ኬꬃ ቁስቴ ቦላ ኬሲዲ፥
23285	MAT 4:7	ዬሱሲካ “ጌሻ ማፃፋን ‘ኔ ጎዳ ፆሳ ፓጮፋ’ ጌቴቲ ፃፌቲዴስ” ጊዲ ዛሪዴስ።
23286	MAT 4:8	ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥
23288	MAT 4:10	ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ።
23290	MAT 4:12	ዬሱሲ፥ ዮሃኒሲ ቃሼቲዳይሳ ሲይዲ ጌዴ ጋሊላ ሲሚዴስ።
23295	MAT 4:17	ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23297	MAT 4:19	ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ።
23298	MAT 4:20	ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23304	MAT 5:1	ዳሮ ዴሬይ ሺቂዳይሳ ቤዪዲ ዬሱሲ ፑዴ ዙማ ቦላ ኬዚ ኡቲዴስ፤ ኢዛ ካሊዛይቲካ ኢዛኮ ዪዳ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23379	MAT 6:28	“ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።
23400	MAT 7:15	“ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ።
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23410	MAT 7:25	ዴፆ ኢራይ ቡኪን፤ ሃሮይካ ሃሮቲዴስ፤ ጫርኮይካ ጫርኪዴስ፤ ኬꬃካ ሱጊዴስ ሺን ዛላ ቦላ ኬፄቲዳ ጊሽ ኩንዲቤና።
23412	MAT 7:27	ዴፆ ኢራይ ቡኪን ሃሮይካ ሃሮቲዴስ፤ ጫርኮይካ ጫርኪዴስ፤ ሄ ኬꬃካ ሱጊዴስ፤ ኬꬃይካ ኢታ ኩንዴꬅ ኩንዲዴስ” ጊዴስ።
23413	MAT 7:28	ዬሱሲ ታማርሲ ዉርሲን ኣሳይ ኢዛ ቲሚርቴዛን ማላሌቲዴስ።
23415	MAT 8:1	ዬሱሲ ዙማ ቦላፌ ዎꬊን ዳሮ ዴሬይ ኢዛ ካሊዴስ።
23416	MAT 8:2	ኢሲ ኢንቺራቻ ሃርጌይ ዲዛዴይ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ኔ ኮይኮ ታና ፓꬃናስ ዳንዳያሳ” ጊዴስ
23417	MAT 8:3	ዬሱሲ ባ ኩሼ ዬዲዲ “ታ ዶሳዲስ፤ ፓፃ!” ጊን ኣዴዚ ሄ ሃርጌዛፔ ሄራካ ፓፂዴስ።
23418	MAT 8:4	ቃሴካ ዬሱሲ ኣዴዛ “ኔ ፓፂዳይሳ ኦናስካ ዮቶፓ፤ ጊዶ ኣቲን ባዳ ኔና ቄሴስ ቤሳ። ኢስቲ ኣዛዚዳ ያርሾዛ ጋꬃ፤ ሄሲካ ኢስታስ ማርካ ጊዳና” ጊዴስ።
23419	MAT 8:5	ዬሱሲ ቂፊርናሆሜ ጋኪዳ ማላ ማቶ ሃላቃይ ኢዛኮ ሺቂዲ ኢዛ ሂዝጊ ዎሲዴስ።
23421	MAT 8:7	ዬሱሲካ ኢዛስ “ታ ባዳ ፓꬃና” ጊዴስ።
23424	MAT 8:10	ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።
23427	MAT 8:13	ዬሱሲካ ማቶ ሃላቃስ “ኔ ባ ኔ ኣማኖ ማላ ኔስ ሃኖ” ጊዴስ፤ ኣሽካራዚ ሄራካ ፓፂዴስ።
23428	MAT 8:14	ዬሱሲካ ቡሮ ጴፅሮሳ ኬꬄ ጌልሺን ጴፅሮሳ ቦሎቴያ ሚሾ ሃርጌ ሳኬታዳ ኢቺዳሮ ቤዪዴስ።
23429	MAT 8:15	ኢዚ ኩሼ ዬሱሲ ቦቺን ሚሾ ሃርጌይ ኣጊዴስ። ኢዛካ ዴንዳዳ ዬሱሳ ሞካዱስ።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23432	MAT 8:18	ዳሮ ኣሳይ ኢዛ ጊዶꬂዳይሳ ቢዪዲ ዬሱሲ ኣሳ ኣባፌ ሄ ፒንꬅ ፒናና ማላ ኣዛዚዴስ።
23434	MAT 8:20	ዬሱሲካ ኢዛስ ዛሪዲ “ዎርካናታስ ኦላይ ዴስ፤ ሳሎ ካፎታስ ኬꬂ ዴስ፤ ታስ ኣሳ ናስ ጊዲኮ ሁዔ ጌልꬂዛሶይ ባዋ” ጊዴስ።
23437	MAT 8:23	ሄሳፌ ጉዬ ዬሱሲካ ዎጎሎን ጌሊን ኢዛ ካሊዛይቲካ ኢዛራ ኢሲፌ ቢዳ።
23438	MAT 8:24	ቆፖንታ ኣባ ጊዶን ዳምባላይ ዴንዲዲ ዎጎሎዮ ሚታና ጋካናስ ኢስታ ዋይሲዴስ። ሄሲ ዉሪ ሃኒሺን ዬሱሲ ꬊስኪዴስ።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23445	MAT 8:31	ዳይዳንꬃቲ ዬሱሳ “ኔ ኑና ኬሳና ጊዲኮ ሃይታን ዳሮ ጉዱንꬃታን ኑ ጌላና ማላ ኑስ ፒቃዴ ኢማ” ጊዲ ዎሲዳ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23448	MAT 8:34	ካታማ ኣሳይ ዉሪ ዬሱሳራ ጋጋናስ ኬዚዴስ። ዬሱሳ ቤዪዲኔ ኢስታ ዴሬ ዬዲ ባና ማላ ኢዛ ዎሲዳ።
23449	MAT 9:1	ሄሳፌ ጉዬ ዬሱሲ ኣባ ቦላ ዎጎሎራ ፒኒዲ ካሴ ባ ዲዛ ካታማ ዪዴስ።
23450	MAT 9:2	ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።
23452	MAT 9:4	ዬሱሲ ኢስታ ቆፋ ኤሪዲ “ኢንቴ ዎዝናን ኢታ ዮዖ ኣዛስ ቆፔቲ?
23457	MAT 9:9	ዬሱሲ ሄፔ ዴንዲዲ ቢሼ ኢሲ ማቶሳ ጌቴቲዛዴይ ቃራፃ ቃንፂሲዛሶን ኡቲዳይሳ ቤዪዲ “ታና ካላ!” ጊን፥ ዴንዲዲ ኢዛ ካሊዴስ።
23458	MAT 9:10	ዬሱሲ ማቶሳሶን ማዳ ቦላ ዲሺን ዳሮ ቃራፃ ቃራፂዝይቲኔ ናጋራንቻቲ ኢዛኮ ዪዲ ኢዛራኔ ኢዛ ካሊዛይታራ ኢሲፌ ማናስ ኡቲዳ።
23459	MAT 9:11	ፋርሳዌቲ ሄሳ ቢዪዲ ዬሱሳ ካሊዛይታ “ኢንቴና ታማርሲዛይሲ ቃራፃ ቃንፂሲዛይታራኔ ናጋራንቻታራ ዎስቲ ኢስታራ ኢሲፌ ካꬅ ሚዜ?” ጊ ኦይቺዳ።
23460	MAT 9:12	ዬሱሲካ ኢስቲ ጊዛይሳ ሲይዲ ኢስታ “ኣኪሜይ ኮሺዛይ ሳኬቲዳይታስ ኣቲን ሳኬቶንታ ፓፃታስ ጊዴና።
23462	MAT 9:14	ፃማቂዛ ዮሃኒሳ ካሊዛይቲ ዬሱሳኮ ዪዲ “ኑኒኔ ፋርሳዌቲ ፆሚሺን ኔና ካሊዛይቲ ኣዛስ ፆሜቴኔ?” ጊ ኦይቺዳ።
23463	MAT 9:15	ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና።
23466	MAT 9:18	ዬሱሲ ኣሳ ሃሳይሶን ዲሺን ኢሲ ሹሜይ ኢዛ ሲንꬃን ኩንዲዲ “ታስ ና ዳራ ሃይቃና ጋዉስ። ኢዛ ፓፃ ዳና ማላ ያዳ ኔ ኩሼ ኢዚ ቦላ ዎꬃርኪ?” ጊን፥
23467	MAT 9:19	ዬሱሲ ዴንዲዲ ኢዛራ ቢዴስ፤ ዬሱሳ ካሊዛይቲካ ኢዛራ ቢዳ።
23468	MAT 9:20	ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ።
23470	MAT 9:22	ዬሱሲካ ጉዬ ሲሚ ፄሊዲ ማጫሳዮ “ኣይኮይ ባ፥ ታ ናዬ፤ ኔና ኔ ኣማኖይ ፓꬂዴስ” ጊን ማጫሳያ ሄራካ ፓፃጋዱስ።
23471	MAT 9:23	ዬሱሲካ ሹሜዛ ሶ ማታ ጋኪሺን ዴሬይ ዛዬራኔ ዲንኬራ ዋሲሼ ዬኪዛይሳ ቤዒዲ፥
23475	MAT 9:27	ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ።
23476	MAT 9:28	ቆቄቲካ ዬሱሲ ጌሊዳ ኬꬃ ኢዛ ካሊዲ ጌሊዳ። ዬሱሲካ ኢስታ “ታ ኢንቴ ኣይፌ ፓꬃና ዳንዳዒዛይሳ ኣማኔቲ?” ጊዲ ኦይቺዴስ። ኢስቲካ “ኤ፥ ጎዶ!” ጊዳ።
23477	MAT 9:29	ሄሳፌ ጉዬ ዬሱሲ ኢስታ ኣይፌ ቦቺዲ “ኢንቴ ኣማኖ ማላ ኢንቴስ ሃኖ!” ጊዴስ።
23478	MAT 9:30	ኢስታ ኣይፌይካ ፄሊዴስ። ዬሱሲካ “ሃይሳ ኦኒካ ኤሮንታ ማላ” ጊዲ ሚንꬂ ዮቲዴስ።
23479	MAT 9:31	ጊዶ ኣቲን ኢስቲ ቢዲ፥ ሄራ ኡባሶን ዬሱሳ ጊሽ ዎሬሲዳ።
23480	MAT 9:32	ኢስቲ ሄፔ ኬዚሺን ዳይዳንꬂ ኦይኪዳ ኢሲ ዱና ዱዴ ኣስ ዬሱሳኮ ኤሂዳ።
23483	MAT 9:35	ዬሱሲ ኣይሁዳታ ዎሳ ኬꬃን ኣይሁዳታ ታማርሲሼኔ ፆሳ ካዎቴꬃ ሚሺራቾ ቃላ ዮቲሼ ቃሴካ ሃርጌ ኡባፌ ኣሳ ፓꬂሼ ጉታታን ጉታታን ዩዪዴስ።
23487	MAT 10:1	ዬሱሲ ባና ካሊዛ ታማኔ ናምዓታ ባኮ ፄይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ።
23488	MAT 10:2	ታማኔ ናምዑ ሃዋሬታ ሱንꬃይ ሃይሳፌ ካሊዛይሳ፤ ኮይሮ ጴፅሮሳ ጌቴቲዛ ሲሞና፥ ኢዛ ኢሻ ኢንዲራሳ፥ ዛቢዶሳ ና ያቆቤኔ ኢዛ ኢሻ ዮሃኒሳ፥
23490	MAT 10:4	ባ ባጋስ ሚሼቲዛ ሲሞናኔ ጉዬፔ ዬሱሳ ሃይቆስ ኣꬂ ኢሚዳ ኣስቆሮንቶ ዩሁዳ።
23502	MAT 10:16	“ታ ኢንቴና ዶርሳ ማላ ካና ሱይቴታ ጊዶራ ኪታይስ። ሄሳ ጊሽ ሾሻ ማላ ጪንጫታኔ ሃራጴ ማላ ኣሽኬታ ጊዲቴ።
23529	MAT 11:1	ዬሱሲካ ባና ካሊዛ ታማኔ ናምዑ ኣሳታስ ኣዛዞ ኢሚ ዉርሲዳፔ ጉዬ ታማርሳናሲኔ ሳባካናስ ጋሊላን ዲዛ ካታማታ ቢዴስ።
23532	MAT 11:4	ዬሱሲካ ዛሪዲ “ቢዲ ኢንቴ ሲዳይሳኔ ኢንቴ ቤዪዳይሳ ዮሃኒሳስ ዮቲቴ።
23535	MAT 11:7	ዮሃኒሳ ካሊዛይቲ ቢዳፔ ጉዬ ዬሱሲካ ኣሳስ ዮሃኒሳ ጊሽ “ኣይ ቤያናስ ዱጌ ባዞ ቢዴቲ? ጫርኮይ ቃꬂዛ ሾምቦቆ ቤያናስ ዪዴቲ?
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23553	MAT 11:25	ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።
23559	MAT 12:1	ሄሳፌ ጉዬ ዬሱሲ ሳምባታ ጋላስ ካꬃ ጊዶራ ኣꬊ ቢዴስ። ኢዛ ካሊዛይቲካ ጋፊዳ ጊሽ ቲያ ዱꬂዲ ሺጌቺ ሙስ ኦይኪዳ።
23560	MAT 12:2	ፋርሳዌቲ ሄሳ ቤዪዲ ዬሱሳ “ሄኮ ኔና ካሊዛይቲ ሳምባታ ጋላስ ኦꬄታናስ ቤሶንታይሳ ኦꬄቴስ” ጊዳ።
23568	MAT 12:10	ሄንካ ኢሲ ኩሼ ሲሊዳዴይ ዴስ። ዬሱሳ ሞታናስ ጋሶ ኮይዲ “ሳምባታ ጋላስ ፓꬃናስ ቤሲዜ?” ጊዲ ኢዛ ኦይቺዴስ።
23572	MAT 12:14	ጊዶ ኣቲን ፋርሳዌቲ ሄፔ ኬዚዲ፥ ዬሱሳ ዎስቲ ኦይኪ ዎꬋናኮኔ ባ ጊዶን ዞሬቲዳ።
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23580	MAT 12:22	ሄሳፌ ጉዬ ዳይዳንꬂ ኦይኪን ፄላናሲኔ ሃሳያናስ ዳንዳዮንታ ኢሲ ኣስ ዬሱሳኮ ኤኪ ዪዳ። ዬሱሲካ ኢዛ ፓꬂን ኣዴዚ ፄላናሲኔ ሃሳያናስ ዳንዳዪዴስ።
23583	MAT 12:25	ዬሱሲካ ኢስታ ቆፋ ኤሪዲ “ባ ጊዶን ኢሶይ ኢሳፌ ሻኬቲዛ ካዎቴꬂ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬꬃ ኣሲ ሚኔና።