23232	MAT 1:19	ኢዞ ጊጊሲ ዎዳ ዮሴፎ ፂሎ ኣሳ ጊዴዳ ዲራው፥ ኢዞ ካዉሻናው ኮዪቤና፤ ኢባ ቆንጪሴናን ኢዞ ኣጋናው ቆፔዳ።
23238	MAT 1:25	ሺን ናዓይ ዬሌታና ጋካናው ዮሴፎ ኢዚኮ ሺቂቤና፤ ቃሲ ናዓካ ዬሱሳ ጊዴ ሱንዳ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23289	MAT 4:11	ሄዋፔ ጉዪያን፥ ፃላሂ ዬሱሳ ኣጊና፥ ኪታንቻቱ ዪዴ፥ ኣው ኦዲኖ።
23302	MAT 4:24	ኣ ዋሪ ሶሪያ ጋዲያ ኡባ ጋኬዳ፤ ዱማ ዱማ ሃርጊያን ኦይቄቲዴ ሃርጌዳ ኣሳ ኡባ፥ ፃላሃቱዋን ኦይቄቴዳዋንታ፥ ዪጩዋ ሳኩ ዴዒያዋንታ፥ ቃሲ ጉንዴድዳዋንታ ኣሳይ ዬሱሳኮ ኣሄዳ፤ ኢ ኡንቱንታ ፓዳ።
23318	MAT 5:15	ፆምፒያ ፆምፒዴ፥ ሶዪን ዴዒያ ኣሳ ኡባው ፖዓና ማላ፥ ቂያ ሳን ዎፔ ኣቲን፥ ካሚያ ሚሻ ጊዶን ቁምዒ ዎያ ኣሳይ ኦኒኔ ባዋ።
23352	MAT 6:1	«ሂንቴ ሎዖ ኦሱዋ ኣሳ ቤሳናው ኣሳ ሲንን ኦና ማላ ናጌቲቴ፤ ሄዌ ዮፔ፥ ሳሉዋን ዴዒያ ሂንቴ ኣዉ ሂንቴው ጋቲያ ኢሜና።
23354	MAT 6:3	ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።
23411	MAT 7:26	«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23470	MAT 9:22	ሺን ዬሱሲ ዩዪ ኢዞ ፄሊዴ፥ «ታ ናቴ፥ ያዮፓ፤ ኔና ኔ ኣማኑ ፓዳ» ያጌዳ። ሄ ማንዒያንካ ሚሺራታ ፓፃ ኣጋዱ።
23512	MAT 10:26	«ሲሚ ኣሳሲ ያዮፒቴ፤ ኣዪሲ ጎፔ፥ ጌን ዎዳባይ ቆንጪያ ኬሴናን ኣቴና፤ ቆሴዳባይካ ኤሬቴናን ኣቴና።
23530	MAT 11:2	ፃማቂያ ዮሃኒሲ ቃሾ ጎሌን ዴዒዴ፥ ዬሱሲ ኦዳዋ ሲሲዴ፥ ባሬና ካሊያዋንታ ኣኮ ኪቲዴ፥
23548	MAT 11:20	ሄዋፔ ጉዪያን፥ ዬሱሲ ባሬ ማላታፔ ዳሪያ ባጋ ኦዳ ካታማቱዋን ዴዒያ ኣሳይ ባሬንቱ ናጋራፔ ሲሚቤና ዲራው፥ ኡንቱንታ ሃዋዳን ያጊዴ፥ ቶሺያ ዶሜዳ፤
23549	MAT 11:21	«ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን።
23551	MAT 11:23	ቃሲ ቂፊሪናሆማ ካታማው፥ ኔኒ ሳሉዋ ፑዴ ቁ ጋናው ኮያዲ? ኔኒ ሲዖሊያ ዱጌ ዬጌታና፤ ኣዪሲ ጎፔ፥ ኔ ቦላ ፆሳይ ኦዳ ማላታይ ሶዶማ ካታማን ኦሴቶዋ ጊዲንቶ፥ ሶዶማ ካታማይ ሃቼ ጋካናሲካ ዴዓናዋሺን።
23561	MAT 12:3	ሺን ዬሱሲ ኡንቱንቱሲ ሃዋዳን ያጌዳ፤ «ዳዊቴኔ ኣናና ዴዒያዋንቱ ኮሻቴዳ ዎዴ፥ ዳዊቴ ኦዳዋ ናባቢቤይኪቴ?
23573	MAT 12:15	ሺን ዬሱሲ ኡንቱንቱ ዞሬታ ኤሪዴ፥ ሄዋፔ ኣጊዴ ቢያ ዎዴ፥ ዳሮ ኣሳይ ኣ ካሌዳ፤ ሃርጌዳ ኡባ ፓዳ።
23578	MAT 12:20	ሱሬ ፒርዳይ ፆኒ ኬሳና ጋካናው፥ ቲንጬቴዳ ማቃ ሜንና ቃሲ ጩዋቲያ ሙቃዳ ቁንጩቲያካ ኢ ቶዪሴና።
23580	MAT 12:22	ሄዋፔ ጉዪያን፥ ኣማሬዳ ኣሳቱ ኢታ ኣያናይ ኦይቂና ዱዴዳ ኢቲ ቆቃ ቢታኒያ ዬሱሳኮ ኣሄዲኖ፤ ዬሱሲ ሄ ዱዴ ቢታኒያ ፓዳ፤ ቢታኒካ ሃሳያኔ ፄላ ዶሜዳ።
23636	MAT 13:28	«ሄዋፔ ጉዪያን ጎዳይ፥ ‹ሄዋ ሞርኪ ኦዳ› ያጌዳ። «ቆማቱ፥ ‹ኑኒ ቢዴ ሾዳናዳን ዶሳይ?› ያጌዲኖ።
23660	MAT 13:52	ኢ፥ «ሄዋ ዲራው፥ ሳሉዋ ካዉቴ ፁራ ሎይ ኤሪያ፥ ሂጊያ ታማሪሲያ ኡባይ፥ ባሬ ሚሻ ሺሺ ዎዳ ጎሊያፔ ኦራ ሚሻኔ ኤጫ ሚሻ ሻኪ ኬሲያ ኢዛዋ ማላቴ» ያጊ ዛሬዳ።
23669	MAT 14:3	ኣዪሲ ጎፔ፥ ሄሮዲሲ ባሬ ኢሻ ፒሊጶሳ ማቻቲ ሄሮዲያዲ ጋሶታን ዮሃኒሳ ኦይ ቃሺሲዴ፥ ቃሾ ጎሌን ዬጊ ዎዳ።
23680	MAT 14:14	ዬሱሲ ዎንጊሪያፔ ኬሴዳ ዎዴ፥ ዳሮ ኣሳ ቤዒዴ፥ ሄ ኣሳው ቃሬቴዳ፤ ያቲዴ ኡንቱንቱና ዴዒያ ሃርጋንቻቱዋ ፓዳ።
23686	MAT 14:20	ኣሳይ ኡባይ ሚዴ ካሌዳ፤ ኣቴዳ ሱፓ ዶካ ታማኔ ላዑ ዛምቤሊያ ኩሜዳዋ ዴንዲኖ።
23711	MAT 15:9	ኣሳይ ታው ሜላ ጎዪኔ፤ ኣዪሲ ጎፔ፥ ኣሳይ ኦዳ ኣዛዙዋ ፆሳ ሂጊያ ማላቲሲዴ ታማሪሴዲኖ» ጌዳ› » ያጌዳ።
23732	MAT 15:30	ዳሮ ኣሳይ ዎባቱዋ፥ ቆቃቱዋ፥ ቁናቱዋኔ ዱዴቱዋ፥ ቃሲ ሃራ ጮራቱዋ ኣኮ ኣሂዴ፥ ኣ ማታን ዎዳ። ዬሱሲ ኡንቱንታ ፓዳ።
23738	MAT 15:36	ሄ ላፑ ኡኪኔ ሞሊያ ኦይቂዴ፥ ፆሳ ጋላቴዳ፤ ሜንሬዴ ባሬና ካሊያዋንቱሲ ኢሜዳ፤ ቃሲ ኡንቱንቱ ጮራ ኣሳሲ ኢሜዲኖ።
23739	MAT 15:37	ኣሳይ ኡባይ ሚዴ ካሌዳ፤ ሚና ኣቴዳ ላፑ ዛምቤሊያ ኩሜዳ ሱፓ ኣ ካሊያዋንቱ ዴንዲኖ።
23750	MAT 16:9	ሃዒካ ሂንቴንቶ ጌሊቤኔ? ታኒ ኢቼሹ ኡኪ ኢቼሹ ሻዓ ኣሳ ሚዛዴ ካሊሴዳዋ፥ ቃሲ ሂንቴንቱ ኣፑን ዛምቤሊያ ኩንዴ ኣቴዳ ሱፓ ዴንዲቴንቶ ዎዛና ኣኪቴ?
23751	MAT 16:10	ዎይ ታኒ ላፑ ኡኪ ኦይዱ ሻዓ ኣሳ ሚዛ ካሊሴዳዋ፥ ቃሲ ሂንቴንቱ ኣፑን ዛምቤሊያ ኩንዴ ኣቴዳ ሱፓ ዴንዲቴንቶ ዎዛና ኣኪቴ?
23781	MAT 17:12	ሺን ታኒ ሂንቴንቶ ኦዳይ፤ ኤላስ ሃዋፔ ካሴ ዪዲጌዳ። ሄዎዴ ኣሳይ ኣ፥ ባሬንቶ ኮዬዳዋዳን ኡባ ኦዳዋፔ ኣቲን ኣ ኤሪቤይኪኖ፤ ሄዋዳንካ፥ ቃሲ ታና፥ ኣሳ ናዓ፥ ኣሳይ ዋዪሳናዋ» ያጌዳ።
23827	MAT 18:31	ሄዋ ዲራው፥ ኣ ላጌ ቆማቱ ሄዋ ቤዒዴ፥ ዳሮ ዪሎቴዲኖ፤ ባሬንቱ ጎዳኮ ቢዴ፥ ኢ ኦዳ ኡባባ ኣው ኦዴዲኖ።
23831	MAT 18:35	«ሂንቴንቱ ሁጲያን ሁጲያን ሂንቴንቱ ኢሻው ዎዛናፔ ኣቶ ጋና ዮፔ፥ ሄ ጎዳይ ባሬ ቆማ ኦዳዋዳን፥ ሳሉዋን ዴዒያ ታ ኣቡካ ሂንቴንታ ሄዋዳን ኦና» ያጌዳ።
23833	MAT 19:2	ዳሮ ኣሳይ ኣ ካሊዴ ቤዳዋ ሄዋን ፓዳ።
23835	MAT 19:4	ዬሱሲ ዛሪዴ፥ ሃዋዳን ያጌዳ፤ «ፆሳይ ኮይሮ ኡንቱንታ ሜዴ፥ ኣቱማዋኔ ማጫዉኖ ኦዳ።
23846	MAT 19:15	ሄዋፔ ሲሚዴ ባሬ ኩሺያ ኡንቱንቱ ቦላ ዎዳዋፔ ጉዪያን፥ ሄዋፔ ባሺ ቤዳ።
23863	MAT 20:2	ኢ ሄ ኦሳንቻቶ ሃቼ ሃቼ ኦዳዋ ዎልቃ ጋቲያ ጪጋናው ኡንቱንቱና ጊጊዴ፥ ባሬ ዎዪኒያ ቱራ ጊዱዋ ኦሲሳናው ኡንቱንታ ዬዴዳ።
23866	MAT 20:5	ላዔዋካ ኡሱፑን ሳቲያኒኔ ኡዱፑ ሳቲያን ኬሲዴ፥ ሄዋዳን ኦዳ።
23867	MAT 20:6	ታማኔ ኢቲ ሳቲያ ሄራን ኢ ኬሲያ ዎዴ፥ ሃራንቱ ሄዋን ኤቄዳዋንታ ዴሚዴ፥ ‹ኦሱዋ ኦናን ኩሜን ጋላሳ ሃዋን ኣያው ኤቂ ፔሼዲቴ?› ያጌዳ።
23872	MAT 20:11	ሄዋፔ ጉዪያን፥ ‹ሃ ጉዬፔ ዬዳዋንቱ ኢቲ ሳቲያ ፃላላ ኦዲኖ፤ ኩሜን ጋላሳ ዳቡሪዴ ጫዎቴዳ ኑዋና ኡንቱንቱ ኦሱዋ ዲርጉዋ ቃራ ኦዳ› ያጊዴ ባሬንታ ኦሱዋን ጌሊሴዳዋ ቦላ ዙዙሜዲኖ።
23884	MAT 20:23	ዬሱሲ፥ «ታና ጋኪያ ዎሊቃማ ሜቱዋ ቱማካ ሂንቴንቱ ሜቶታኒታ፤ ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶራናው ታው ማታይ ባዋ፤ ሺን ሄ ሳዓይ ታ ኣቡ ኢማናው ጊጊሲ ዎዳዋንቱሳ» ያጌዳ።
23901	MAT 21:6	ኣ ካሊያዋንቱ ቢዴ፥ ዬሱሲ ባሬንታ ኣዛዞዋዳን ኦዲኖ።
23902	MAT 21:7	ሃራቶኔ ሃሬ ማራ ኣሂዴ፥ ባሬንቱ ማዩዋ ኡንቱንቱ ዞኪያን ዎዲኖ፤ ሄዋፔ ሲሚና ዬሱሲ ቶጌዳ።
23909	MAT 21:14	ቆቃቱኔ ጌዲ ሲሌዳዋንቱ ዬሱሳኮ ጌሻ ጎሊያ ዪና፥ ኢ ኡንቱንታ ፓዳ።
23916	MAT 21:21	ዬሱሲ ዛሪዴ፥ «ታኒ ሂንቴንቶ ቱሙዋ ጋይ፤ ሂንቴንቱ ኣማኑ ዴዒያዋንታኔ ሲናዋንታ ጊዶፔ፥ ሃ ባላሳቶ ታኒ ኦዳዋ ማላ ፃላላ ኦኪታ፤ ሺን ሃራይ ኣቶ ሂንቴንቱ ሃ ዴሪያ፥ ‹ዴንዳዴ ኣባን ኩንዳ› ጊንቶካ ሃናና፤
23926	MAT 21:31	ሃ ላዑ ናናፔ ባሬ ኣዉ ኮዬዳዋ ኦዳዌ ሃቃዌ?» ያጌዳ። ኡንቱንቱ፥ «ባይራ» ያጌዲኖ። ዬሱሲ ኡንቱንታ ሃዋዳን ያጌዳ፤ «ታኒ ሂንቴንቶ ቱሙዋ ጋይ፤ ቃራፃ ኣኪያዋንቱኔ ዎሹሚያዋንቱ ሂንቴፔ ሲንቲዴ፥ ፆሳ ካዉቴ ጌላና።
23931	MAT 21:36	ቃሲካ ሄ ቢታኒ ካሴዋንቱፔ ዳሪያ ሃራ ቆማቱዋ ኪቴዳ፤ ኮዋቱ ሄ ቆማቱዋካ ካሴዋንቱዋዳን ኦዲኖ።
23937	MAT 21:42	ዬሱሲ ኡንቱንታ ሃዋዳን ያጌዳ፤ « ‹ጊምቢያዋንቱ ካዴ ኢፄዳ ሹቻይ ጎዳ ፃጱዋ ሚኒሲያ፥ ኡባፔ ኣያ ሹቻ ጊዴዳ። ሃዌ ጎዳይ ኦዳዋ፤ ቃሲ ኑ ፄላዉካ ማላሊሲያዋ› ያጊያዋ ፆሳ ማፃፋፔ ኡባካ ናባቢቤይኪቴ?
23944	MAT 22:3	ሄ ካቲ ቡላቻው ኦዲ ዎዳ ኣሳቱዋ ፄሳናው ባሬ ቆማቱዋ ኪቴዳ፤ ሺን ኣሳቱ ያናው ኮዪቤይኪኖ።
23951	MAT 22:10	ሄ ቆማቱ ቃ ቢዴ፥ ባሬንቱ ዴሜዳ ኣሳ ኡባ ሎዑዋ ኢታ ሺሺዴ፥ ቡላቻ ዳሲያ ኩንዲኖ።
23975	MAT 22:34	ሺን ዬሱሲ ሳዱቃዋናቱዋ ጮዑ ኦዳዋ ፓሪሳዋቱ ሲሴዳ ዎዴ፥ ኢቲሳ ሺቄዲኖ።
24012	MAT 23:25	«ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ሂንቴንቶ ኣዬሮ። ኣዪሲ ጎፔ፥ ሂንቴንቱ ሻታኔ ኬሪያ ቦላ ባጋ ጌሺታ፤ ሺን ኣ ጊዱዋን ቦንቂያኒኔ ኡዜቴን ኩንዲታ።
24030	MAT 24:4	ዬሱሲ ዛሪዴ፥ ኡንቱንታ ሃዋዳን ያጌዳ፤ «ሂንቴንታ ኦኒኔ ባሌና ማላ ናጌቲቴ።
24071	MAT 24:45	«ያቲና፥ ባሬ ሶይ ኣሳው ቁማ ኮሺያ ዎዲያን ኢማና ማላ፥ ኣ ጎዳይ ሱንዳ ኣማኔቴዳ ዎዛናማ ቆማይ ኦኔ?
24104	MAT 25:27	ያቲና፥ ኔኒ ታ ሚሻ ዎሲያዋንቱ ማታን ዎዳዋ ጊዲንቶ፥ ታኒ ሲሚያ ዎዴ ታ ሚሻ ዎያና ኣካናዋሺን ኣቴዳ።
24117	MAT 25:40	ታኒ ካቲ ዛራዴ፥ ‹ታኒ ሂንቴንቶ ቱሙዋ ኦዳይ፤ ሂንቴንቱ ሃ ታ ኢሻቱዋ ኡባፔ ሃራይ ኣቶ፥ ላፊያ ኢቶ ኦዳዋ ጊዲንቶካ፥ ሄዋ ታው ኦዲታ› ያጋና።
24136	MAT 26:13	ታኒ ሂንቴንቶ ቱሙዋ ኦዳይ፤ ሳዓ ኡባን ሃ ዎንጋላ ሚሺራቹዋ ኦዲያሳን ሃቃኒኔ፥ ኣሳይ ኢዞ ዎዛና ኣና ማላ፥ ኢዛ ኦዳዌ ኦዴታናዋ» ያጌዳ።
24149	MAT 26:26	ኡንቱንቱ ሚሺን፥ ዬሱሲ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንሬዴ፥ ባሬና ካሊያዋንቱሲ ኢሚዴ፥ «ሄይቴ፤ ሚቴ፤ ሃዌ ታ ኣሹዋ» ያጌዳ።
24166	MAT 26:43	ቃሲካ ሲሚ ዪዴ፥ ኣ ካሊያዋንቱ ኣይፊያ ጌሚዒሹ ጎዚ ዎዳ ዲራው፥ ጌሚዒሾዋንታ ዴሜዳ።
24171	MAT 26:48	ዬሱሳ ኣ ኢሚያዌ ሄ ጮራ ኣሳ፥ «ታኒ ዬሪያዌ ኣ፤ ኣ ኦይቂቴ» ያጊዴ ማላ ኦዲ ዎዳ።
24201	MAT 27:3	ዬሱሳ ሄ ዎዴ ኦይዳ ዪሁዳይ ጲላፆሲ ዬሱሳ ቦላ ፒርዴዳዋ ቤዒዴ፥ «ኣዬሮ! ኦይናን ኣጋሪኪታ!» ያጊዴ፥ ሄ ማንዒያንካ ሃታሙ ቢራ ቄሳቱዋ ካፓቶኔ ጋዲያ ጪማቶ ጉዬ ዛሪዴ፥
24216	MAT 27:18	ኣዪሲ ጎፔ፥ ኡንቱንቱ ቃናቲዴ ዬሱሳ ኦዳዋ ኢ ኤሬ።
24221	MAT 27:23	ጲላፆሲ ኣሳ፥ «ኣዪሲ? ኣይ ኢታባ ኦዴ?» ያጌዳ። ሺን ኣሳይ ካሴዋፔካ ባሬንቱ ኮሻ ቁ ኦዴ፥ «ማስቃሊያ ቦላ ሚሲማሪያን ሼቲዴ ኢ ካቄቶ» ያጌዲኖ።
24227	MAT 27:29	ቃሲ ኣጉን ኣኪሊሊያ ጊጊሲዴ፥ ኣ ሁጲያን ዎዲኖ፤ ኣ ኡሼቻ ኩሺያን ማቃ ፃምዓ ኦይዴ፥ ኣ ሲንን ጉልባቲዴ፥ «ኣዪሁዳቱዋ ካቴው፥ ሳሮ ዴዓይ!» ያጊዴ፥ ኣ ቦላ ቂሊጬዲኖ።
24235	MAT 27:37	ቃሲ፥ «ሃዌ ኣዪሁዳቱ ካቲያ ዬሱሳ» ያጊዴ ሞቱ ፃፌቶዋ ኣ ሁጴ ባጋና ዎዲኖ።
24258	MAT 27:60	ፃፂዴ ባሬው ሞጌታናው ሹቻ ዎጬዳ ኦራ ጎንጎሉዋ ጊዶን ኣ ኣኃ ዎዳ፤ ቃሲ ሄ ጎንጎሉዋ ዶናን ዎጋ ሹቻ ጎንዶርሲ ዎዴ፥ ባሺ ቤዳ።
24279	MAT 28:15	ዎታዳራቱ ሚሻ ኣኪዴ፥ ባሬንቶ ኦዴዳዋዳን ኦዲኖ። ሃ ዬዉ ኣዪሁዳቱዋ ማታን ሃቼ ጋካናው፥ ኦዴቲዴ ዴዔ።
24297	MRK 1:13	ዬሱሲ ኣሳይ ባዪናሳኒ ባሬና ሴፃናይ ፓጪሺን፥ ኦይታሙ ጋላሳ ጋዳ፤ ዱዓናካ ዴዔዳ፤ ኪታንቻቱካ ዪዴ፥ ኣው ኦዲኖ።
24333	MRK 2:4	ኣሳይ ጮሬዳ ዲራው፥ ቢታኒያ ዬሱሳኮ ኣፋናው ኡንቱንቶ ዳንዳዬቴናን ኢፂና፥ ዬሱሲ ዴዒያ ባጋና ጎሊያ ቃሪዴ፥ ካራ ሉኬዲኖ፤ ሄ ሉኬዳሳና ቢታኒያ ኢ ጊሴዳ ሻንቻማና ዱጌ ዎዲኖ።
24350	MRK 2:21	«ኤጫ ማዩዋ ቦላ ኦራ ፊያ ዎ ሲኪያ ኣሳይ ባዋ፤ ኤጫ ዎ ሲኮፔ፥ ኦራ ፊ ኤጫ ማዩዋ ፔሬ፤ ፔይካ ኮይሮዋፔ ዳራና።
24354	MRK 2:25	ዬሱሲ ኡንቱንታ፥ «ዳዊቴ ኮሻቲዴ፥ ሚያባ ኮዬዳ ዎዴ፥ ባሬናና ዴዒያዋንቱና ኦዳዋ ኡባካ ናባቢቤይኪቴ?
24355	MRK 2:26	ኣቢያታሪ ቄሳቶ ኡባቶ ካፖ ጊዴዳ ዎዴ፥ ዳዊቴ ፆሳ ጎሊያ ጌሊዴ፥ ቄሳቱዋ ፃላላይ ማናፔ ኣቲን፥ ኦኒኔ ማናው ሂጌ ጊዴናዋ ጎዳ ሲንን ዎዳ ቁማ ሚዴ፥ ባሬናና ዴዒያዋንቶካ ኢሜዳ» ያጌዳ።
24365	MRK 3:8	ቃሲካ ጮራ ኣሳይ ዪሁዳፔ፥ ዬሩሳላሜፔ፥ ኤዶሚያሳፔ፥ ዮርዳኖሳ ሻፋፔ ሄፊን ባጋፔ፥ ፂሮሳ ካታማፔኔ ሲዶና ካታማፔ ዬሱሲ ኦዳዋ ሲሲዴ፥ ኣኮ ዬዳ።
24366	MRK 3:9	ዬሱሲ ጮራ ኣሳይ ባሬና ሱጊ ኡንዔና ማላ፥ ባሬና ካሊያዋንታ ዎንጊሪያ ባሬው ጋሚዔና ማላ ኣዛዜዳ።
24367	MRK 3:10	ዳሮ ኣሳ ኢ ፓዳ ዲራው፥ ሃርጊያ ኣሳይ ኡባይ ኣ ቦቻናው ሱጌሬቴ።
24373	MRK 3:16	ኢ ዶሬዳ ታማኔ ላዓቱ ሃዋንታ፡ ጴፂሮሳ ያጊዴ ሱንዳ ሲሞና፥
24374	MRK 3:17	ቦዓኔርጌሳ ያጊዴ ሱንዳ ዛቢዲዮሳ ናና ያዪቆባኔ ያዪቆባ ኢሻ ዮሃኒሳ። «ቦዓኔርጌሳ» ጊያዌ «ዎልቃማ ኣሳቱዋ» ጊያዋ።
24413	MRK 4:21	ዬሱሲ ጉጂዴ፥ «ፆምፒያ ኣሂዴ፥ ጊላፔ ዎይ ኣርሳፔ ጋርሳና ዎያ ኣሳይ ዴዒ? ቃሳን ዎኔ?
24414	MRK 4:22	ኣዪሲ ጎፔ፥ ቆሴዳባይ ኡባይ ቆንጪያ ኬሳናዋ፤ ቃሲ ጌማን ዎዳባይ ኡባይ ቤቴናን ኣቴና።
24437	MRK 5:4	ኣዪሲ ጎፔ፥ ኢ ዳሮ ዎዴ ኡቂናኒኔ ሳንላታን ቃሼቲዴ ዴዔ፤ ሺን ሳንላታ ዱሴሬዳ፤ ኡቂናካ ሜንሬዳ፤ ኣ ፆናናው ዳንዳዬዳዌ ኦኒኔ ባዋ።
24452	MRK 5:19	ሺን ዬሱሲ ኢፂዴ ኣ፥ «ኔ ሶይ ሲማዴ፥ ጎዳይ ኔው ኣይ ማላ ዎልቃማባ ኦዴንቶኔ ቃሲ ኢ ኔው ኣይ ማላ ኬኬንቶ ኔ ሶይ ኣሳው ኦዳ» ያጌዳ።
24453	MRK 5:20	ቢታኒ ቢዴ፥ ታሙ ካታማ ጊያሳን ዩዪዴ፥ ዬሱሲ ባሬው ኣይ ማላ ዎልቃማባ ኦዴንቶ፥ ኦዱዋ ዶሜዳ፤ ኢ ኦዴዳዋ ሲሴዳ ኣሳይ ኡባይ ማላሌቴዳ።
24457	MRK 5:24	ዬሱሲ ያዒሮሳና ቤዳ፤ ኢ ቢሺን ጮራ ኣሳይ ኣ ካሊዴ ሜቶዲኖ።
24465	MRK 5:32	ዬሱሲ ሄዋ ኦኔ ኦዴንቶኔ ቤዓናው ዩሺ ኣዴ ፄሌዳ፤
24467	MRK 5:34	ዬሱሲ ኢዞ፥ «ታ ናቴ፥ ኔና ኔ ኣማኑ ፓዳ፤ ሳሩዋን ባ፤ ኔ ዋዪያፔኔ ፓፃ» ያጌዳ።
24481	MRK 6:5	ኢ ሄዋን ባሬ ኩሺያ ኣማሬዳ ኣሳቱዋ ቦላ ዎዴ፥ ኡንቱንታ ፓዳዋፔ ኣቲን፥ ጮራ ማላታ ኦናው ኣይኔ ዳንዳይቤና።
24489	MRK 6:13	ኡንቱንቱ ኣሳፔ ዳሮ ኢታ ኣያናቱዋ ኬሲዴ፥ ሃርጊያ ኣሳ ጮራ ዛይቲያ ኦኪዴ ፓዲኖ።
24493	MRK 6:17	ኣዪሲ ጎፔ፥ ሄሮዲሴ ባሬ ኢሻ ፒሊጶሳ ማቻቶ ሄሮዲያዶ ኣኪ ዎዳ፤ ሄሮዲሴ ኢዚ ዲራው፥ ባሬ ሁጴው ኣሳ ኪቲዴ፥ ዮሃኒሳ ኦይዴ፥ ቃሺሲ ዎዳ።
24494	MRK 6:18	ኣዪሲ ጎፔ፥ ዮሃኒሲ ሄሮዲሳ፥ «ኔኒ ኔ ኢሻ ማቻቶ ኣካናው ቤሴና» ያጊ ዎዳ።
24496	MRK 6:20	ዮሃኒሲ ፂሎ ኣሳኔ ጌሻ ኣሳ ጊዴዳዋ ሄሮዲሴ ኤሬዳ ዲራው፥ ኣው ያዪዴ፥ ሎይ ናጊ ዎዳ፤ ዮሃኒሲ ጊያዋ ሲሲዴ፥ ባሬ ዎዛናን ዳሪሲ ሜቶቲዴካ ኣባ ናሼቻን ሲሴዳ።
24506	MRK 6:30	ዬሱሲ ኪቴዳዋንቱ ሲሚዴ፥ ዬሱሳና ጋኬቲዴ፥ ባሬንቱ ኦዳባኔ ባሬንቱ ታማርሴዳባ ኡባ ዬሱሳሲ ኦዴዲኖ።
24507	MRK 6:31	ቢያ ኣሳይኔ ዪያ ኣሳይ ዳሪና፥ ሃራይ ኣቶ ቁማ ማናዉካ ኡንቱንታ ጋናን ኢፄዳ ዲራው፥ ዬሱሲ ኡንቱንታ፥ «ኑሬካ ጉ ሼምፒ ኣካናው ኣሳይ ባይናሳ ቦይቴ» ያጌዳ።
24519	MRK 6:43	ሄዋፔ ጉዬ ኣቴዳ ዳቦቱዋ ዶካይኔ ሞሊያ ዶካይ ታማኔ ላዑ ዛምቤሊያ ኩሜዳዋ ዬሱሳ ካሊያዋንቱ ዴንዲኖ።
24538	MRK 7:6	ዬሱሲ ኡንቱንታ ሃዋዳን ያጌዳ፤ «ኢሲያሲ ቲምቢቲያ ኦዴዳ ዎዴ፥ ሂንቴንቱባ፥ ሎዓ ማላቲያ ኢታቱባ ፃፌዳዋዳንካ፥ ‹ፆሳይ፥ «ሃዌ ኣሳይ ታና ባሬ ቦላ ዶናን ቦንቼ። ሺን ኡንቱንቱ ዎዛናይ ታፔ ሃኩዋን ዴዔ፤ ኣሳይ ታው ሜላ ጎዪኔ። ኣዪሲ ጎፔ፥ ኣሳይ ኦዳ ኣዛዙዋ ፆሳ ሂጊያ ማላቲሲዴ ታማርሴ» ጌዳ› ያጊዴ ቲምቢቲያ ቱሙዋ ኦዴዳ።
24569	MRK 7:37	ሄዋ ሲሴዳ ኣሳይ ኡባይ ዳሮ ማላሌቲዴ፥ «ኡባባካ ኢ ሎይ ኦ። ሃራይ ኣቶ ቱሊያካ ሲሴ፤ ቃሲ ዱዲያካ ሃሳዪሴ» ያጌዲኖ።
24577	MRK 8:8	ኣሳይ ኡባይ ሚዴ ካሊና ኣቴዳ ዶካይ ላፑ ዛምቤሊያ ኩሜዳዋ ኣ ካሊያዋንቱ ዴንዲኖ።
24588	MRK 8:19	ታኒ ኢቼሹ ዳቡዋ ኢቼሹ ሻዓ ኣሳው ሜን ኢሜዳ ዎዴ፥ ኣፑን ዛምቤሊያ ኩሜዳ ዶካ ዴንዲቴ?» ያጌዳ። ኡንቱንቱ፥ «ታማኔ ላዑ ዛምቤሊያ ኩሜዳ ዶካ ዴንዶ» ያጌዲኖ።