23231	MAT 1:18	ዬሱሲ ኪሪስቶሳ ዬሌታይ ሃዋ ማላ፤ ኣ ዳያ ማይራማ ዮሴፎ ኦሼታ ቃሼታ ኡታዱ። ሄ ዎዴ ዮሴፎና ጋኬቴናን ዴዓዴ፥ ጌሻ ኣያናን ሻሃራዱ።
23233	MAT 1:20	ሺን ኢ ሄዋ ቆፒሺን፥ ጎዳ ኪታንቻይ ኣኩሙዋን ኣናና ጋኬቲዴ፥ «ዳዊቴ ናዓ ዮሴፎ፥ ማይራማ ጌሻ ኣያናን ሻሃሬዳ ዲራው ኢዞ ኣካናው ያዮፓ።
23240	MAT 2:2	«ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23260	MAT 2:22	ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ።
23272	MAT 3:11	«ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23286	MAT 4:8	ቃሲ ፃላሂ ዬሱሳ ኢቲ ዳሮ ዎልቃማ ዴሪያ ፄራ ኬሲዴ፥ ሃ ኣላሚያን ዴዒያ ካዉቴ ኡባኔ ኡንቱንቱ ቦንቹዋ
23291	MAT 4:13	ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።
23294	MAT 4:16	ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ።
23302	MAT 4:24	ኣ ዋሪ ሶሪያ ጋዲያ ኡባ ጋኬዳ፤ ዱማ ዱማ ሃርጊያን ኦይቄቲዴ ሃርጌዳ ኣሳ ኡባ፥ ፃላሃቱዋን ኦይቄቴዳዋንታ፥ ዪጩዋ ሳኩ ዴዒያዋንታ፥ ቃሲ ጉንዴድዳዋንታ ኣሳይ ዬሱሳኮ ኣሄዳ፤ ኢ ኡንቱንታ ፓዳ።
23304	MAT 5:1	ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ።
23308	MAT 5:5	ኣሺኬ ጊዴዳዋንቱ ኣንጄቴዳዋንታ፤ ኣዪሲ ጎፔ፥ ኡንቱንቱ ሳዓ ላታና።
23317	MAT 5:14	«ሃ ኣላሜው ሂንቴ ፖዖ፤ ዴሪያ ሁጲያን ኬፄቴዳ ካታማይ ጌማና ዳንዳዬና።
23320	MAT 5:17	«ታኒ ሙሴ ሂጊያኔ ናባቱ ታማሪሲያዋ ዪሳናው ዬዳዋ ሂንቴው ማላቶፖ፤ ታኒ ፖላናው ዬዳዋፔ ኣቲን፥ ዪሳናው ያቤይኬ።
23329	MAT 5:26	ታኒ ኔው ቱሙዋ ኦዳይ፤ ኔኒ ኢቲ ሳንቲሚ ኣቴናን፥ ኔ ማጋጩዋ ዉርሳዴ ጪጋና ጋካናው፥ ሙሌካ ቃሾ ጎሌፔ ኬሳካ።
23335	MAT 5:32	ሺን ታኒ ሂንቴው ያጋይ፤ ‹ባሬ ማቻታ ዎሹሜናን ዴዒሺን ዬዲያ ኦኒኔ ኢዞ ዎሹማ ኬሴ፤ ቃሲ ኣሲናይ ዬዴዳ ሚሺራቶ ኣኪያዌ ኦኒኔ ዎሹሜ።›
23339	MAT 5:36	ኔኒ ኢቲ ቢናናካ ቦ ዎይ ካሬ ኬሳናው ዳንዳዬና ዲራው፥ ‹ኔ ሁጲያንካ ጫቆፓ።›
23347	MAT 5:44	ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።
23356	MAT 6:5	«ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23374	MAT 6:23	ሺን ኔ ኣይፊ ፓፃ ጊዳና ዮፔ፥ ኔ ቦላ ኡባይ ማና፤ ሲሚ ኔናን ዴዒያ ፖዑ ሞፔ፥ ማይ ኣይ ኬና ዳራኔ!
23379	MAT 6:28	«ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ።
23380	MAT 6:29	ሺን ታኒ ሂንቴንቶ ኦዳይ፤ ሃራይ ኣቶ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላካ ማዪቤና።
23389	MAT 7:4	ዎይ ኔ ኣይፊያን ቱሳይ ዴዒሺን፥ ኔኒ ኔ ኢሻ፥ ‹ታኒ ኔ ኣይፊያፔ ሱላ ኬሶ› ዋናዴ ጋናው ዳንዳያይ?
23390	MAT 7:5	ላ ሃ ሎዑዋ ማላቲያ ኢታው! ካሴታዴ ኔ ኣይፊያፔ ቱሳ ኬሳዲጋ፤ ሄዋፔ ጉዪያን፥ ኔ ኢሻ ኣይፊያፔ ሱላ ኬሳናው ጌሻዴ ፄላናው ዳንዳያ።
23407	MAT 7:22	ፒርዳ ጋላሲ ዳሮ ኣሳይ ታና፥ ‹ጎዳው፥ ጎዳው፥ ኑኒ ኔ ሱንን ፆሳይ ኪቶዋ ኦዲቤይኮ? ኔ ሱንን ፃላሃቱዋ ኬሲቤይኮ? ቃሲ ኑኒ ፆሳይ ኦያ ማላሊሲያባ ኔ ሱንን ኦቤይኮ?› ያጋናዋንታ።
23408	MAT 7:23	ታኒ ሄ ዎዴ ኡንቱንታ፥ ‹ታኒ ሂንቴና ኡባካ ኤሪኬ፤ ኢታባ ኦያዋንቱ ሂንቴ ታ ማታፔ ሃኪቴ› ያጋና።
23409	MAT 7:24	«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።
23410	MAT 7:25	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና።
23411	MAT 7:26	«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።
23419	MAT 8:5	ዬሱሲ ቂፊሪናሆማ ካታማ ጌሌዳ ዎዴ፥ ኢቲ ሮማ ጋዴ ፄቱዋ ካፑ ኣኮ ዪዴ፥ «ታ ጎዳው፥ ታ ቆማ ቦላይ ጉንዲና፥ ዳሮ ሳኬቲዴ፥ ሶዪን ጊሴዳ፤ ሃያጎዶ ታው ፓሪኪ» ያጊ ዎሴዳ።
23424	MAT 8:10	ዬሱሲ ሄዋ ሲሴዳ ዎዴ ማላሌቲዴ፥ ባሬና ካሊያ ኣሳ፥ «ታኒ ሂንቴው ቱሙዋ ኦዳይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋዲያንካ ቤዓቤይኬ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23434	MAT 8:20	ዬሱሲ ኣ፥ «ዎራካናቱዋሲ ኦላይ ዴዔ፤ ካፋቱዋሲካ ኬይ ዴዔ፤ ሺን ታው፥ ኣሳ ናዓው፥ ሼምፓ ኣኪያሳይካ ባዋ» ያጌዳ።
23442	MAT 8:28	ዬሱሲ ጋሊላ ኣባፔ ሄፊንን ዴዒያ ጌርጌሴኖና ጌቴቲያ ጋዲያ ፒኔዳ፤ ኢታ ኣያናቱ ኦይቄዳ ላዑ ኣሳቱ ሄ ጋዲያን ዴዒያዋንቱ ዱፉዋፔ ኬሲዴ፥ ኣናና ጋኬቴዲኖ። ኡንቱንቱ ዳሮ ኢታ ጊዲያ ዲራው፥ ኦኒኔ ሄ ኦጊያና ኣናው ዳንዳዪቤና።
23443	MAT 8:29	ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ።
23445	MAT 8:31	ኢታ ኣያናቱ ዬሱሳ፥ «ኔኒ ኑና ኬሲያዋ ጊዶፔ፥ ሂኒ ጉዱን ዉዲያ ጊዶ ዬዳርኪ» ያጊዴ ዎሴዲኖ።
23446	MAT 8:32	ዬሱሲ ኡንቱንታ፥ «ቢቴ!» ጊና ኡንቱንቱ ቢታናቱዋፔ ኬሲ ቢዴ፥ ጉዱንቱዋን ጌሌዲኖ። ጉዱን ዉዲ ኡባይ ካካ ላንቂያና ካጆቲዴ፥ ኣባን ጌሊዴ፥ ሚቴቲ ኣጌዲኖ።
23448	MAT 8:34	ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23471	MAT 9:23	ዬሱሲ ኣዪሁዳ ዎሳ ጎሌ ካፑዋ ሶይ ጋኬዳ ዎዴ፥ ዬኩዋን ዲንካ ፑኒያ ኣሳኔ ዬኪያ ኣሳ ቤዒዴ፥
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23473	MAT 9:25	ሺን ጮራ ኣሳ ካሬ ኢ ኬሴዳዋፔ ጉዪያን፥ ጎሌ ጌሊዴ፥ ናቲ ኩሺያ ኦይቄዳ፤ ናታካ ዴንዳ ኣጋዱ።
23480	MAT 9:32	ኡንቱንቱ ኬሲዴ ቢያ ዎዴ፥ ኣማሬዳ ኣሳይ ኢታ ኣያናይ ኦይቂና ዱዴዳ ቢታኒያ ዬሱሳኮ ኣሄዲኖ።
23481	MAT 9:33	ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ።
23482	MAT 9:34	ሺን ፓሪሳዋቱ፥ «ኢ ኢታ ኣያናቱዋ ካፑዋ ዎልቃን ፃላሃቱዋ ኬሴ» ያጌዲኖ።
23487	MAT 10:1	ዬሱሲ ባሬ ታማኔ ላዑ ካሊያዋንታ ፄሲዴ፥ ኡንቱንቱ ኢታ ኣያና ኬሳና ማላ፥ ቃሲ ሃርጊያ ኡባኔ ሳኩዋ ኡባ ፓና ማላ፥ ኡንቱንቶ ማታ ኢሜዳ።
23494	MAT 10:8	ሃርጋንቻቱዋ ፓቴ፤ ኣኃ ሃይቁዋፔ ዴንቴ፤ ኦሉ ኦይቄዳዋንታ ፓቴ፤ ኢታ ኣያናቱዋካ ኬሲቴ። ሂንቴንቱ ጮ ኣኬዲታ፤ ጮ ኢሚቴ።
23497	MAT 10:11	«ሂንቴንቱ ጌሊያ ካታማን ዎይ ቄሪ ካታማ ኡባን ሂንቴና ሞካናው ናሼቲያዌ ኦኔንቶ ኣኬካን ፆሞሲቴ፤ ሂንቴንቱ ሄዋፔ ኬሳና ጋካናው፥ ሄዋን ኡቲቴ።
23499	MAT 10:13	ሄ ጎሌን ዴዒያ ኣሳይ ሂንቴና ሞኮፔ፥ ሂንቴንቱ ሳሮቴዳ ሳሮታይ ኡንቱንታ ጋኮ። ሺን ኡንቱንቱ ሂንቴና ሞኬናን ኢፆፔ፥ ሂንቴንቱ ሳሮቴዳ ሳሮታይ ሂንቴው ጉዬ ሲሞ።
23500	MAT 10:14	ቃሲ ኢቲ ኢቲ ጎሊ ዎይ ካታማይ ሂንቴና ሞኬናን ዎይ ሂንቴንቱ ኦዲያዋ ሲሴናን ኢፆፔ፥ ሄ ጎሌፔ ዎይ ሄ ካታማፔ ኬሲዴ፥ ሂንቴንቱ ጌዲያፔ ባና ሾጪቴ።
23502	MAT 10:16	«ቤዒቴ! ታኒ ሂንቴና ዶርሳ ዋላቱዋ ጊዶ ዬዲያዋዳን ዬዳይ። ሄዋ ዲራው፥ ሾሻዳን ጪንጫ ጊዲቴ፤ ቃሲ ሃራጲያዳን፥ ኣሺኬ ጊዲቴ።
23511	MAT 10:25	ታማሪያዌ ባሬና ታማሪሲያዋ ኬና ጊዲያዌ፥ ቆማይካ ባሬ ጎዳ ኬና ጊዲያዌ ኣው ጊዳና፤ ኡንቱንቱ ጎሌ ጎዳ ቢዔል-ዜቡላ ጊዴ ፄሶፔ፥ ኣ ጎሌ ኣሳ ዋጊ ፄሳኔሻ!
23512	MAT 10:26	«ሲሚ ኣሳሲ ያዮፒቴ፤ ኣዪሲ ጎፔ፥ ጌን ዎዳባይ ቆንጪያ ኬሴናን ኣቴና፤ ቆሴዳባይካ ኤሬቴናን ኣቴና።
23520	MAT 10:34	«ታኒ ሳዓሲ ሳሮቴ ኣሃናው ዬዳዋ ሂንቴሲ ማላቶፖ፤ ታኒ ቶራ ኣሃናው ዬዳዋፔ ኣቲን፥ ሳሮቴ ኣሃናው ያቤይኬ።
23522	MAT 10:36	ኣሳሲ ሞርኬቱ ኣ ጎሌ ኣሳቱዋ ጊዳናዋንታ።
23526	MAT 10:40	«ሂንቴንታ ሞኪያዌ ታና ሞኬ፤ ቃሲ ታና ሞኪያዌ ታና ኪቴዳዋ ሞኬ።
23535	MAT 11:7	ዮሃኒሳ ካሊያዋንቱ ሲሚ ቤዳ ዎዴ፥ ዬሱሲ ዮሃኒሳባ ሺቄዳ ኣሳሲ ሃዋዳን ያጊ ሃሳዬዳ፤ «ኣያ ቤዓናው ኣሳይ ዴዔና ሜላ ቢታ ኬሴዲቴ? ጫርኩ ቃያ ማቃ ቤዓናው ኬሴዲቴ?
23536	MAT 11:8	ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።
23537	MAT 11:9	ያቲና፥ ኣያ ቤዓናው ኬሴዲቴ? ናቢያ ቤዓናው ኬሴዲቴ? ኤ፥ ታኒ ሂንቴው ኦዳይ፤ ናቢያፔካ ኣያዋ ቤዔዲታ።
23545	MAT 11:17	‹ኑኒ ሂንቴንቶ ሂፂፂያ ፑኔዶ፤ ሺን ዱሪቤይኪታ፤ ዬኩዋ ዬካ ኬሴዶ፤ ሺን ዬኪቤይኪታ› ያጊኖ።
23549	MAT 11:21	«ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን።
23553	MAT 11:25	ዬሱሲ ሄ ዎዴ ዛሪዴ፥ ሃዋዳን ያጌዳ፤ «ታ ኣቦ፥ ሳሉዋ ሳዓ ጎዳው፥ ኔኒ ሃዋ ኣዳ ኤራንቻቱዋፔኔ ኣኬካንቻቱዋፔ ጌንዴ፥ ኤሬና ናናቱዋሲ ቆንጪሴዳ ዲራው፥ ኔና ጋላታይ፤
23557	MAT 11:29	ታኒ ጋራኔ ታ ዎዛናን ኣሺኬ ጊዶ ዲራው፥ ታ ሞርጌ ሚን ዋፄቲቴ፤ ታፔ ታማሪቴ፤ ሂንቴንቱ ሼምፑዋሲካ ሂንቴ ሼምፑዋ ዴማና።
23565	MAT 12:7	ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ሂንቴንቱ ኤሪቴንቶ፥ ባዪዙ ባይና ኣሳ ቦላ ፒርዲኪታ።
23569	MAT 12:11	ዬሱሲ ኡንቱንታ፥ «ሂንቴንቱ ጊዶን ኢቲ ዶርሳይ ዴዒያ ኡራይ፥ ሄ ዶርሳይ ሳምባታ ጋላሲ ኦላን ኩንዶፔ፥ ኦይቂዴ ኬሴናዌ ኦኔ?
23572	MAT 12:14	ሺን ፓሪሳዋቱ ካሬ ኬሲዴ፥ ዬሱሳ ዎቲ ዎኔንቶ ማቄቴዲኖ።
23578	MAT 12:20	ሱሬ ፒርዳይ ፆኒ ኬሳና ጋካናው፥ ቲንጬቴዳ ማቃ ሜንና ቃሲ ጩዋቲያ ሙቃዳ ቁንጩቲያካ ኢ ቶዪሴና።
23582	MAT 12:24	ሺን ፓሪሳዋቱ ሄዋ ሲሲዴ፥ «ሃ ቢታኒ ኢታ ኣያናቱዋ ካፑ ‹ቢዔል-ዜቡሊ› ባሬው ዎልቃ ኢሚና፥ ፃላሃቱዋ ኬሴ» ያጌዲኖ።
23583	MAT 12:25	ሺን ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ባሬ ጊዶን ሻኬቲያ ካዉቴይ ኡባይ ያና፤ ቃሲ ባሬ ጊዶን ሻኬቲያ ካታማይ ዎይ ጎሌን ዴዒያ ኣሳይካ ሚኔና።
23584	MAT 12:26	ቃሲ ሴፃናይ ሴፃና ኬሲያዋ ጊዶፔ፥ ባሬ ጊዶን ሻኬቴ፤ ያቲና፥ ኣ ካዉቴይ ዋኒዴ ሚኒ ኤቃናዌ?
23585	MAT 12:27	ታው ቢዔል-ዜቡሊ ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሂንቴንቱ ኣሳው ዎልቃ ኦኒ ኢሚና ፃላሃቱዋ ኬሳኔ? ሄዋ ዲራው፥ ኡንቱንቱ ሂንቴ ቦላ ፒርዳና።
23586	MAT 12:28	ሺን ፆሳ ጌሻ ኣያናይ ታው ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሲሚ ፆሳ ካዉቴይ ሂንቴ ቦላ ዪዲጌዳ።
23593	MAT 12:35	ሎዖ ኣሳይ ባሬ ሎዖ ሚንጁዋፔ ሎዖባ ኬሴ፤ ቃሲ ኢታ ኣሳይ ባሬ ኢታ ሚንጁዋፔ ኢታባ ኬሴ።
23601	MAT 12:43	«ኢታ ኣያናይ ኣሳፔ ኬሴዳ ዎዴ፥ ባሬው ሼምፒያሳ ኮዪዴ፥ ሃይ ባይና ሜላሳና ዩዬ፤ ሺን ዴሜና።
23609	MAT 13:1	ዬሱሲ ሄ ጋላሲ ሶዪፔ ኬሲዴ፥ ኣባ ጋፃን ኡቴዳ።
23611	MAT 13:3	ኣሳሲ ሌሚሱዋን ዳሮባ ሃዋዳን ያጊዴ ኦዴዳ፤ «ኢቲ ቢታኒ ዜሬ ዜራናው ኬሴዳ።
23614	MAT 13:6	ሺን ኣዋይ ኬሴዳ ዎዴ ጫርሻይ ሹሌዳ፤ ኣዱሳ ፃጱዋ ዬዲቤና ዲራው ሜሊ ኣጌዳ።
23620	MAT 13:12	ኣዪሲ ጎፔ፥ ዴዒያዎ ጉጄታና፤ ኣው ዳራናዋ፤ ሺን ባይናዋፔ ሃራይ ኣቶ፥ ሄ ዴዒያዌካ ኣኬታናዋ።
23621	MAT 13:13	ታኒ ኡንቱንቱ ፄሊዴ ፄሌናዋዳን፥ ሲሲዴ ሲሴናዋዳን ሃኒያ ዲራው፥ ዎይ ቃሲ ኣኬኬና ዲራው ኡንቱንቶ ሌሚሱዋን ኦዳይ።
23623	MAT 13:15	ኣዪሲ ጎፔ፥ ሃ ኣሳ ዎዛናይ ጉዙሜዳ፤ ባሬንቱ ሃይ ቱሊሴዲኖ፤ ባሬንቱ ኣዪፊያካ ጪሉሜዲኖ። ሃዌ ባዌንቶ፥ ኡንቱንቱ ባሬንቱ ኣይፊያን ቤዓና፤ ባሬንቱ ሃይን ሲሳና፤ ባሬንቱ ዎዛናንካ ኣኬካና፤ ኡንቱንቱ ታኮ፥ ፆሳኮ ሲማና፤ ታኒካ ኡንቱንታ ፓና› ያጌ።
23627	MAT 13:19	ካዉቴ ቃላ ሲሲዴ፥ ኣኬኬና ኦኒኔ ኦጊያ ዶናን ዎዳ ዜሬ ማላ፤ ፃላሂያ ካፑ ዪዴ፥ ኡንቱንቱ ዎዛናን ዜሬቴዳዋ ማፂ ዲጌ።
23631	MAT 13:23	ቱዔ ቢታን ዜሬቴዳዌ፥ ቃላ ሲሲዴ፥ ኣኬኪያ ኣሳ ቤሴ፤ ኢካ ኣይፌ፤ ኢቱ ፄቱዋ፥ ኢቱ ኡሱፑን ታሙዋ፥ ኢቱ ሃታሙዋ ኣይፌ» ያጌዳ።
23640	MAT 13:32	ሄ ዜሬታ ሃራ ዜሬ ኡባፔ ጉፃው፤ ሺን ዲጬዳ ዎዴ፥ ሃራ ኣታኪልቲያ ኡባፔ ዳራው፤ ካፉ ዪዴ፥ ኢዚ ቃንካን ኬፂያዋ ኬና ዎጋ ሚ ጊዳዱ» ያጌዳ።
23641	MAT 13:33	ቃሲካ ዬሱሲ ሃራ ሌሚሱዋ ኡንቱንቶ ያጊዴ ኦዴዳ፤ «ሳሉዋ ካዉቴይ ኢቲ ሚሺራታ ሄዙ ኬሪያ ሊያ ኣካዴ፥ ሙናቄዳ ሙናቃይ ኡባይ ዴንዳና ጋካናው፥ ኣኒ ቲጌዳ ኢርሹዋ ማላቴ» ያጌዳ።
23649	MAT 13:41	ኣሳ ናዓይ፥ ኪታንቻቱዋ ኪታናዋ፤ ኡንቱንቱ ኣ ካዉቴ ጊዶን ናጋራው ጋሶ ጊዲያ ኡባቱዋኔ ኢታባ ኦያዋንታ ማፂዴ ኬሳናዋንታ።