13951	PSA 2:2	Ẕži'igak benne' wnná bia' ka' chie' Ḻe', na' benne' yolawe' ka' žóngake' toze diža' nich wží'igake' che Dios, X̱ángake', na' che Bennen' wžé Dios chekze'.
13952	PSA 2:3	Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”
13955	PSA 2:6	Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13961	PSA 2:12	Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.
13973	PSA 4:3	Ẕnna Dios: “Ḻe'e, benne' ka', ¿to chi'ize wzoale neda' cheḻa'ale? ¿To chi'ize ží'ilele da' bi be zaka', na' chejḻe'le da' wen ḻaže'?”
13986	PSA 5:7	Ẕchinnjo' ližgak benne' ka' žon ḻáže'gake'. Ẕzo' cheḻa'ale benne' wetw benách ka', na' no benne' žon ḻaže'e,
13989	PSA 5:10	Benne' ki bi ẕnnágake' da' naken da' li. Nža' yichj ḻáẕdo'gake' da' kegle. Lbá'gake' zej naken ka yežw ba ka' chegak benne' gat ka' da' nyáljwgaken. Ẕnnágake' diža' chawe' ka', san žon ḻáže'gake'.
14002	PSA 6:10	X̱ana' Dios ba ženle' da' žáta'yoela' Ḻe'. Ẕzi' X̱ana' Dios da' ẕcháḻjḻena' Ḻe'.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14055	PSA 10:3	Ẕka'n ẕen kwine' ni'a che da' ẕze ḻaže'e. Ẕnne zi'e bennen' ẕdan ḻaže'e yeḻa' gape, na' ẕka'ne' ka'ze Le', X̱ana' Dios.
14057	PSA 10:5	Žónteze' da' ẕinnj, na' ẕnne' bi wchi'a ḻaže' Dios ḻe' ni'a che da' žone'. Ẕzoe' cheḻa'ale benne' ka' ẕží'igake' chie' ḻe'.
14059	PSA 10:7	Ẕnnáteze' da' kegle, na' da' wen ḻaže', na' ẕkache'lanteze'. Diža' ka'ze, na' diža' yaḻze ẕžójgaken žoe'e.
14060	PSA 10:8	Ẕkache' kwine' žoa'a yež nich sene' benne' ka'. Bagáche'ze žote' benne' ka' ẕdégakze' ga na'. Ẕwíalanze' nich gak bi gone' chegak benne' yache' ka'.
14061	PSA 10:9	Bagáche'ze ẕbeze' ka žon bež yix̱e'. Ẕbeze' nich gak sene' benne' yache' ka'. Kate' ẕzene' benne' yache' ḻo do yeḻj chie', na' ẕchi'e ḻe' chekze'.
14067	PSA 10:15	Ẕkwaso' yeḻa' waḻe che benne' wen da' ẕinnj. Wléj ḻawle da' bi nak chawe' da' bene', dan' bene' bagáche'ze.
14074	PSA 11:4	X̱anžo Dios zoakze' latje la'y chie'. Ya'abá na'kze zoa latje blo gan že' Dios. Ẕwíagak yej ḻawe', na' ẕḻe'ele' da' žongak benne' ka'.
14096	PSA 14:4	¿Bi žejní'igekle benne' ka' žóngake' da' ẕinnj? Ẕzóẕjgake' benne' chia' ka' ka ẕzoẕj to benne' yet da' žawe', na' bi žákbe'egekle' zoa X̱anžo Dios.
14098	PSA 14:6	Ẕcá'ngake' ca'ze da' wnnagak benne' yache' ka', san benne' ki žx̱én ḻáže'gake' X̱anžo Dios.
14134	PSA 18:4	Ẕnnia': X̱anžo Dios žaḻa' wká'n ẕenžo-ne'. Beslé' neda' ḻo na'gak benne' ka' ẕžá'agake' neda'.
14144	PSA 18:14	Ẕan ya'abá wnné wzió' che chi'i X̱anžo Dios, na' benle chi'i Dios ẕente ládjwgak wzió' yi' ka', na' yej nisen'.
14157	PSA 18:27	Ẕcháḻjḻeno' benne' chawen' da' naken dot chawe', na' gako' snia ḻen benne' wen da' ẕinnj.
14183	PSA 19:2	Nḻa' ḻaw ẕan ya'abá yeḻa' ẕen che Dios. Ẕcháḻjgakkze yógo'te da' ka' bene'.
14188	PSA 19:7	Ẕžojen cheḻa'ale gan ẕḻan', na' ẕžinen cheḻa'ale gan ženen. Ẕcha'an yógo'te da' zej den.
14189	PSA 19:8	Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.
14198	PSA 20:2	Ẕnnabla' X̱anžo Dios yenle' chi'o kate' bi žak chio', na' gape chi'i Dios na'kze che Jakob le'.
14199	PSA 20:3	Ẕnnabla' Ḻe' ḻo latje la'y chie' gákḻene' le', na' gan zoe' ḻaw Ya'a Sión yedjwíe' le'.
14200	PSA 20:4	Ẕnnabla' Ḻe' chejsá' ḻaže'e yógo'te da' bneẕjo' chie', na' si' ḻo ne'e biado' ka' ẕzeyo' ḻawe' Ḻe'.
14201	PSA 20:5	Ẕnnabla' Ḻe' gonne' chio' yógo'te da' ẕdan ḻažo'o, na' gone' yógo'te da' žak ḻažo'o.
14202	PSA 20:6	Yebéḻe'elto' kate' yeslé' le'. Wchisto' to da' wḻoé'e ḻawn La la'y che Dios chežo. Ẕnnabla' X̱anžon' gone' yógo'te da' ẕnnablo' Ḻe'.
14212	PSA 21:6	Ẕenḻe'e nak yeḻa' ẕen chie' dan' besló' ḻe'. Benno' chie' yeḻa' ba la'ne, na' yeḻa' ẕen.
14224	PSA 22:4	san Le' nako' la'y. Ẕbezkzo' gan ẕka'n ẕengak benne' Israel ka' Le'.
14227	PSA 22:7	san neda' naka' ka to bel góna'do', na' kege benne'. Ẕža'agak benne' ka' neda' na' žon dítjgekle' neda'.
14251	PSA 22:31	Ẕa'sógak benne' ka' góngakbe' žin che X̱anžon'. Wzéngekle' ẕí'ngake' ka' ka nak chie' na' zejte chejsete chegak benne' ka'.
14257	PSA 23:5	Wsí'ni'o da' ye'j gawa' ḻa'kze benne' ka', benne' ẕdíḻ-ḻengake' neda' zej nyechjle' neda'. Ẕgo'o set yichja' da' žeyonen neda' chawe', na' žeschá'ḻi'o da' žé'jḻena'.
14265	PSA 24:7	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14266	PSA 24:8	¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe.
14267	PSA 24:9	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14296	PSA 26:6	Ẕḻe'elo' bi be ẕia nbaga'a, na' wak biga'a ḻo bkog la'y chio', X̱ana' Dios,
14319	PSA 28:3	Bi wžía yi'o neda' tẕen ḻen benne' wen ḻaže' ka', na' kege tẕen ḻen benne' ka' žóngake' da' ẕinnj. Ẕnnágake' da' cháwe'do' ḻawgak ljéžgake' ka', san da' bi nak chawe' yo'on yichj ḻáẕdo'gake'.
14327	PSA 29:2	Ẕenḻe'e nak La X̱anžon'. Le wká'n ẕenen. Le wzóa ẕible ḻaw X̱anžon' ḻo latje la'y chie'.
14328	PSA 29:3	Chi'i X̱anžon' ženlen ḻaw nisdo'. Ženle chi'i Dios ya'abá ka wzió' da' ẕnnen. Ẕda chi'e ḻaw nisdo'.
14334	PSA 29:9	Chi'i X̱anžon' žx̱izen yag waḻe ka'. Ẕchiben x̱laggak yag ka', na' ḻo yodo' chie' ẕnnagak yógo'te benne' ka': “¡Ga'n ẕen Dios!”
14335	PSA 29:10	Ẕnna bia' X̱anžon' nisdo' ka'. To chi'ize ẕnna bia' Benne' Wnná Bia' Ẕen na'.
14355	PSA 31:6	Ẕdia' be' da' nakkza' ḻo no'o Le', X̱ana' Dios. Le' beya'wo' neda', Dios ḻi ḻaže'.
14364	PSA 31:15	san neda' žx̱en ḻaža'a Le', X̱ana' Dios. Ẕnnia' nako' Le' Dios chia'.
14369	PSA 31:20	Ẕente nak yeḻa' ži'i ḻaže' chio' dan' napo' nich bi da' gono' chegak benne' ka' žápegake' Le' ba la'ne, dan' žonno' chegak benne' ka' žx̱en ḻáže'gake' Le' ḻawgak yógo'te benne' ka'.
14370	PSA 31:21	Ḻo da' bagáche'ze gan zo' Le' ẕkache' chawo'o benne' chio' ka' nich bi be gongak benne' ka' chégake'. Ẕnnito' benne' ka' to ḻo yo'o ngache' nich bi be gongak chégake' benne' ka' ẕdiḻ diže'e.
14382	PSA 32:8	Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.
14392	PSA 33:7	Ḻe' ẕtobe' nisdo', na' yeyonen' ka to ya'a nis. Ẕga'n chawe' nisen' gže' gan bkweze' latje chen.
14403	PSA 33:18	X̱anžo Dios ẕwíakze' benne' ka' žébegake' Ḻe'. Ẕape chi'e benne' ka' žx̱en ḻáže'gake' yeyache' ḻáže'le' Ḻe' ḻégake',
14423	PSA 34:16	Ẕwíakze X̱anžo Dios benne' ka' zej nake' chawe', na' ẕze nage' da' ẕnnábgekle' Ḻe'.
14424	PSA 34:17	Ẕža'a X̱anžo Dios benne' wen da' ẕinnj ka', na' bi soa no benne' chejsá' ḻaže'e ḻégake'.
14463	PSA 36:5	Ẕlab ḻaže'e da' bi nak chawe' katen' die' gan ẕtase'. Yoe'e nez da' bi naken chawe'. Bi žénele' wsane' žone' da' ẕinnj.
14466	PSA 36:8	Ẕenḻe'e nak yeḻa' žeyache' ḻaže' chio', Dios. Che ḻen žx̱en ḻáže'gak benne' ka' Le' ka žongak bríse'do' ka' ẕkache' kwíngakba' ẕan x̱il ẕkoko'.
14518	PSA 38:7	Ẕda' ẕwia' ḻo yole, dan' žedoe'ela', na' ẕbeže nyacha'a dot ža, na' yele,
14520	PSA 38:9	Nat ni'a na'a, na' žekla' zej nžoẕjen žit yoa'a. Ẕbeže ḻaža'a dan' že' zedle yichj ḻáẕda'wa'.
14541	PSA 39:7	“Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'.
14562	PSA 40:14	Ẕnnabla' Le', X̱ana' Dios, yesló' neda'. X̱ana' Dios, ben byene gákḻeno' neda'.
14573	PSA 41:7	Žedjwíagake' neda', san kege nich gak chia' da' chawe'. Ẕbéjgake' neda' diža' nich gak nnégake' chia', na' kate' žežójgake', na' ẕzégake' dižan'.
14574	PSA 41:8	Kate' ẕdobgak benne' ka' bi ẕḻé'egekle' neda' chawe', na' ẕnnétezegake' chia'. Ẕcháḻjḻentezegake' ljéžgake' ka' chia' neda', na' ẕnnágake':
14583	PSA 42:3	Ẕbiḻe be' da' nakkza' dan' naken chio', Dios ban. ¿Batx̱ gak yida' nich ḻa'a ḻawo' Le', Dios?
14588	PSA 42:8	Ka nak žax̱to' da' žon nisdo', ka' žon to nis wbá'a chio', Dios. Ẕzaka' be' da' nakkza' dan' nis wbá'a dan' bselo'o ẕchen' neda'.
14614	PSA 44:17	Ẕnnégake' chia', na' ẕzóagake' neda' cheḻa'ale. Benne' ka' bi ẕḻé'egekle' neda' chawe' ẕži'igake' chia', na' žóngake' neda' ẕia.
14633	PSA 45:9	Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱. Ḻo ližo' da' záka'ḻe'en ẕzóagake' le' ḻo yeḻa' ba nez.
14638	PSA 45:14	X̱tanle'e nak bi' no'le che benne' wnná bian' ḻo yo'o gan zoe'. Ẕa lánabe' nzin' da' x̱tan ka' da' zej naken oro.
14649	PSA 46:7	Ẕbéžeya'agak benne' yežlyó nga, na' ẕžébegake' Dios, Benne' Wnná Bia' Ẕen. Ẕnne Dios kan ẕnne wzió', na' ẕbia yi' yežlyó.
14652	PSA 46:10	Ẕzoa žie' wdiḻe ka' žákgaken do ẕente yežlyó. Žichje' da' ka' ẕsegak yag ntóche'do' ka', na' ẕzoẕjwe' yag ntoche' ka' che wdiḻe, na' ẕzeye' karro ka' che wdiḻe.
14653	PSA 46:11	Ẕnna Dios: “Le soa žize, na' le nnezle naka' Dios. Napža' yeḻa' wak ka da' zej nape yógo'te yež ka'. Napža' yeḻa' wak ka da' zej nape benne' dot yežlyó.”
14657	PSA 47:3	Žaḻa' žébežo X̱anžon', Bennen' nape' dot yeḻa' wak. Nake' Benne' Wnná Bia' Ẕen, na' ẕnna bi'e dot yežlyó.
14660	PSA 47:6	Ẕben Dios gan ži'e ẕnna bi'e. Ẕbéžegak lozgak bia ka' kate' ẕben X̱anžon' ga na'.
14662	PSA 47:8	Dios nake' Benne' Wnná Bia' Ẕen dot ḻo yežlyó nga. ¡Le goḻ chie' ḻen dot yeḻa' žejní'il chele!
14663	PSA 47:9	Že' Dios gan ẕnna bi'e, ḻo latje la'y na'. Ẕnna bi'e yógo'te yež ka'.
14664	PSA 47:10	Ẕdobgak benne' ka' ẕnna biá'gake' yógo'te yež ka' tẕen ḻen benne' ka' che Dios che Bran. Benne' ka' ẕnna biá'gake' do ẕente yežlyó nga bdégake' yeḻa' wnná bia' chégake' ḻo na' Dios. Ḻe' ẕnna bi'e yógo'te benne' wnná bia' ka'.
14666	PSA 48:2	Ẕenḻe'e nak X̱anžon', na' žaḻa' wká'n ẕénḻe'ežo Ḻe' ḻo yež che Dios chežo, dan' žen' ḻaw ya'a la'y chie'.
14667	PSA 48:3	Sión, ya'a ẕen che Dios, naken sibe, na' x̱tanḻe'e. Naken yež che Benne' Wnná Bia' Ẕen, da' žonnen yeḻa' žebele chegak benách dot yežlyó nga.
14691	PSA 49:12	Ẕnna ḻáže'gake' sóatezegak ẕa'sógake' ka', na' ga'ngak lížgake' nich gákgaken chegak yógo'te kwe' ẕa'sógake' ka', na' ẕzóagake' la yežlyó chégake' kan légake',
14701	PSA 50:1	Ẕnne X̱anžo Dios, na' ẕtobe' benne' dot yežlyó, benne' ka' žé'gake' gan ẕla' wbíž, na' gan ženen.
14703	PSA 50:3	Yeḻá' Dios chežo, na' bi soe' žize. Ẕenkze yi' ḻawe' Ḻe', na' gakḻe'e be' bdone' dan' chechjlen Ḻe'.
14705	PSA 50:5	Ẕnne': “Le wtób benne' chia' ka', benne' ka' bénḻengake' neda' to diža', dan' bzoa chóchgake' ḻen žen chegak biado' ka'.”
14707	PSA 50:7	Ẕnne': “Le yenle, benne' chia' ka', na' wchaḻja'. Le wzé nag, benne' Israel ka', na' nnia' da' yesbaga'a ḻe'e ẕia. Neda', Dios, naka' Dios chele.
14720	PSA 50:20	Ẕnnétezo' che lježkzo', na' žesbago'o ẕia x̱kwide' che x̱na'kzo'.
14747	PSA 52:3	¿Ẕka'n ẕen kwino', benne' waḻe, ni'a che da' ẕinnj da' beno' dan' zóateze yeḻa' žeyache' ḻaže' che Dios?
14748	PSA 52:4	Ẕcháḻjtezo' che da' ẕia da' gono' che lježo'. Da' ẕnno' naken ka to ya ntoche' dan' žon ḻáže'len lježon'.
14760	PSA 53:5	Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”
14762	PSA 53:7	Ẕnnabla' Dios gone' ga žoj ḻo yež Sión da' gákḻenen benne' Israel ka'. Kate' gon Dios ga yeḻa'gak benne' chie' ka' lážgake', yebégekle ẕa'só Jakob ka', na' gak yeḻa' ba nez ẕen chegak benne' Israel ka'.
14777	PSA 55:6	Ẕžébeḻi'a, na' žẕízeḻi'a, na' žak chia' da' ẕcheben neda'.
14792	PSA 55:21	Benne' wen da' ẕinnj ka' ẕdíḻ-ḻengake' benne' ka' ẕgá'nḻengake' ḻégake' chawe'. Ẕží'igake' che diža' da' bénḻengake' benne' ka'.
14802	PSA 56:7	Ẕdóbgake', na' ẕkache' kwíngake'. Ẕwíagake' binlo da' žona'. Žénegekle' gótgake' neda'.