13945	PSA 1:2	san žebele' dan' žone' kan ẕchi'le X̱anžo Dios, na' kan nak dan' wnnakze' Ḻe', dot ža dot yel ẕlab ḻaže'en.
13950	PSA 2:1	¿Biẕ chen' ẕži'igak benne' yógo'te yež ka' che Dios? ¿Biẕ chen' ẕlab ḻáže'gak benne' ka' da' ẕzoan Ḻe' cheḻa'ale?
13951	PSA 2:2	Ẕži'igak benne' wnná bia' ka' chie' Ḻe', na' benne' yolawe' ka' žóngake' toze diža' nich wží'igake' che Dios, X̱ángake', na' che Bennen' wžé Dios chekze'.
13955	PSA 2:6	Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”
13960	PSA 2:11	Le gon da' ẕnna X̱anžo Dios, ḻo yeḻa' ẕžebe chele, na' ḻo yeḻa' žeẕize chele, le yebele ḻawe' Ḻe'.
13961	PSA 2:12	Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.
13966	PSA 3:5	Wžéžyi'a, na' bḻiža' X̱ana' Dios, na' Ḻe' bechebe' chia' gan zoe' ḻaw ya'a la'y chie'.
13973	PSA 4:3	Ẕnna Dios: “Ḻe'e, benne' ka', ¿to chi'ize wzoale neda' cheḻa'ale? ¿To chi'ize ží'ilele da' bi be zaka', na' chejḻe'le da' wen ḻaže'?”
13974	PSA 4:4	Žaḻa' nnézlele ba wžé X̱anžo Dios bennen' žape' Ḻe' ba la'ne. X̱anžo Dios yenle' chia' kate' wḻiža' Ḻe'.
13976	PSA 4:6	Le got biado' ka' ḻawe' Ḻe' ḻo da' nak chawe', na' le wx̱én ḻaže' X̱anžo Dios.
13977	PSA 4:7	Benne' zante ẕnnágake': “¿Noẕ benne' gon chawe'e neto'?” Ḻo yeḻa' ži'i ḻaže' chio' bwia neto', X̱anto' Dios.
13979	PSA 4:9	Ḻo yeḻa' ẕga'n chawe' gata'a, na' tasa', dan' ẕnno' Le', X̱ana' Dios, naka' chawe' ḻawo' Le'.
13997	PSA 6:5	Da, X̱ana' Dios, beslá be' da' nakkza'. Ḻo yeḻa' ži'i ḻaže' chio' beslá neda'.
13998	PSA 6:6	Gan zej nnita' benne' gat ka', bi žejsá' ḻaže' no benne' Le'. Ḻo latje chegak benne' gat ka', ¿noẕ benne' wká'n ẕene' Le'?
14002	PSA 6:10	X̱ana' Dios ba ženle' da' žáta'yoela' Ḻe'. Ẕzi' X̱ana' Dios da' ẕcháḻjḻena' Ḻe'.
14040	PSA 9:9	Ḻo da' chawe' wchi'a ḻaže'e benne' ka' dot yežlyó, na' benne' yógo'te yež ka' ḻo da' nak ḻi ḻaže'.
14051	PSA 9:20	Wzó ža', X̱ana' Dios. Bi go'o latje benne' ka' wká'n ẕen kwíngake'. Ḻa'gak benne' yež ka' ḻawo' Le' nich wchi'a ḻažo'o ḻégake'.
14054	PSA 10:2	Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache', san chejchaze' ḻo da' bdix̱jwe' nich wžía yi'e bennen'.
14056	PSA 10:4	Ḻo yeḻa' ẕka'n ẕen kwin benne' bi nake' chawe' bi žape' Dios ba la'ne, na' ẕnne' bi zoa Dios.
14058	PSA 10:6	Ḻo yichj ḻáẕda'we' ẕnne': “Bi be gak wsejw x̱neza'. Batkle bi gak chia' da' bi naken chawe'.”
14063	PSA 10:11	Ḻo yichj ḻáẕda'we' ẕnne': “Naḻ ḻaže' Dios benne' ki. Bkache' ḻawe', na' bi ḻe'ele' da' žona'.”
14065	PSA 10:13	¿Biẕ chen' ẕzoagak benne' wen da' ẕinnj ka' Dios cheḻa'ale? Ḻo yichj ḻáẕdo'gake' ẕnnágake': “Bi yezí' wzón Dios neda'.”
14068	PSA 10:16	To chi'ize nak X̱anžon' Benne' ẕnna bi'e žo'o. Ḻo yežlyó chie' ba wžía yi'gak benne' ka' bi ẕḻé'egekle' Ḻe' chawe'.
14077	PSA 11:7	Ki gone' dan' nak chawe' X̱anžo Dios, na' nži'ile' da' naken chawe'. Ḻé'egekle benne' ḻi ḻaže' ka' ḻawe' Ḻe'.
14080	PSA 12:3	Yógo'te benne' ka' žon ḻáže'gekle' ljéžgake' ka'. Ḻo da' wen ḻaže' ẕnnágake' diža' chawe' da' ẕnnágake' nich gon ḻáže'gekle' benách ka'.
14097	PSA 14:5	Ḻo yeḻa' ẕžebe chégake' žẕízegak benne' ka', dan' žakḻen Dios benne' chawe' ka'.
14099	PSA 14:7	Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'.
14106	PSA 16:2	Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.”
14137	PSA 18:7	Ḻo da' ẕžia yin' benách ka' bḻiža' X̱ana' Dios na' bcháḻjḻenkza' Dios chia'. Ḻe' benle' chi'a gan zoe' latje la'y chie', na' bze nage' da' bchaḻja' ḻawe'.
14138	PSA 18:8	Naž wẕó' yežlyó nga. Wẕízegak ya'a ka' gže'. Wẕízeḻe'egaken dan' bže'e Ḻe'.
14142	PSA 18:12	Gokwe' da' choḻ, dan' bkachen' Ḻe', dan' naken bejw gasj da' yožen nis.
14143	PSA 18:13	Ḻo da' žákti'teḻe'e chie' bžojgak bejw gasj ka'. Bžojgak wzió' yi', na' yej nis.
14154	PSA 18:24	Goka' ḻi ḻaže' ḻawe' Ḻe', na' wdape chi'i kwina' nich bi gona' da' ẕinnj.
14155	PSA 18:25	Bebí'i X̱anžo Dios chia' ka nak da' chawe' da' bena', ka nakkze da' chawen' dan' bena' ḻawe' Ḻe'.
14161	PSA 18:31	Da' ka' žon Dios zej naken ḻi ḻaže', na' x̱tiže'e naken dot da' li. Žape chi'e yógo'te benne' ka' žx̱en ḻáže'gake' Ḻe'.
14166	PSA 18:36	Ḻo yeḻa' žeslá chio' wdape chi'o neda', na' ḻen no'o ḻi ža gókḻeno' neda'. Ḻo yeḻa' ži'i ḻaže' chio' bka'n chawo'o neda'.
14176	PSA 18:46	Benne' zi'to' ka' gotgak ni'a ná'gake'. Ḻo yeḻa' ẕžebe bžójgake' ḻo yež ẕen ka' chégake'.
14189	PSA 19:8	Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.
14190	PSA 19:9	Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'.
14199	PSA 20:3	Ẕnnabla' Ḻe' ḻo latje la'y chie' gákḻene' le', na' gan zoe' ḻaw Ya'a Sión yedjwíe' le'.
14200	PSA 20:4	Ẕnnabla' Ḻe' chejsá' ḻaže'e yógo'te da' bneẕjo' chie', na' si' ḻo ne'e biado' ka' ẕzeyo' ḻawe' Ḻe'.
14201	PSA 20:5	Ẕnnabla' Ḻe' gonne' chio' yógo'te da' ẕdan ḻažo'o, na' gone' yógo'te da' žak ḻažo'o.
14202	PSA 20:6	Yebéḻe'elto' kate' yeslé' le'. Wchisto' to da' wḻoé'e ḻawn La la'y che Dios chežo. Ẕnnabla' X̱anžon' gone' yógo'te da' ẕnnablo' Ḻe'.
14203	PSA 20:7	Na'a nnezla' žeslá X̱anžon' bennen' wžekze' Ḻe'. Gan zoe' ya'abá la'y chie' yenle' chi'i bennen'. Ḻen yeḻa' wak ẕente chie' yeslé' ḻe'.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14235	PSA 22:15	Bedó ḻaža'a, na' gok ḻáẕda'wa' ka nis da' nlaljen, na' yógo'te žit yoa'a bsángaken ljéžgaken ka'. Ḻáẕda'wa' goken ka china' bez, da' beyonan ḻi'a ka nis.
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14245	PSA 22:25	Bi ẕnnita' Dios benne' yache' ka' cheḻa'ale, na' bi ẕdeze' da' ẕzáka'gake', na' bi ẕkache' ḻawe' ḻawgak benne' ka', san kate' žḻížgake' Ḻe', ženle' chí'igake'.
14247	PSA 22:27	Gawgak benne' gax̱jw ka', na' yéljgekle'. Bíga'gake' ḻaw X̱anžon', na' wká'n ẕéngake' Ḻe'. Gákteze yeḻa' ba nez ẕen chegak benne' ka'.
14248	PSA 22:28	Benne' ka' nníta'gake' dot yežlyó chejsá' ḻáže'gake' X̱anžon', na' yežíngake' ḻawe' Ḻe'. Yógo'te kwe' benách ka' wká'n ẕéngake' Ḻe',
14250	PSA 22:30	Gawgak yógo'te benne' ẕen ka' che yežlyó nga, na' wká'n ẕéngake' Dios. Wzóa ẕibgak yógo'te benne' ka' ḻawe' Ḻe'. Benne' ka' bi gak yeslá kwíngake' nich bi gátgake'.
14256	PSA 23:4	Ḻa'kze tia' gan de ẕož gata', bi be da' ẕinnj wcheben neda', dan' zóaḻenkzo' Le' neda', X̱ana' Dios. Bar chio', na' breke' chio' gape chí'igaken neda'.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14275	PSA 25:7	Bi chejsá' ḻažo'o doḻa' da' bena' kate' ne naka' benne' kwide', na' kan bži'a che x̱tižo'o. Ḻo yeḻa' žeyache' ḻaže' chio', na' yeḻa' ži'i ḻaže' bejsá' ḻaže' neda', X̱ana' Dios.
14278	PSA 25:10	Ḻo yeḻa' žeyache' ḻaže', na' ḻo da' li, ẕche' X̱anžon' benne' ka' žóngake' kan ẕnna x̱tiže'e dan' bénḻene' žo'o, na' ka nak da' žsedle' Ḻe'.
14282	PSA 25:14	X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.
14305	PSA 27:3	Ḻa'kze chéchjgekle benne' zan, benne' žjake' ḻo wdiḻe neda', benne' ka' bi ẕḻé'egekle' neda' chawe', bi žébekza'. Ḻa'kze žon byéngake' tíḻ-ḻena' ḻégake', neda' wx̱én ḻáže'kza' Dios.
14306	PSA 27:4	To da' ẕnnabla' X̱anžo Dios. Toze da' ẕdan ḻaža'a, dan' naken soa' liž X̱anžon' yógo'te ža soa' nbana', nich wláb ḻaža'a ka nak yeḻa' ẕen che X̱anžon', na' wcháḻjḻena' Ḻe' ḻo yodo' la'y chie'.
14307	PSA 27:5	Ḻe' wkache' chawe'e neda' ḻo latje la'y chie' kate' žin ža gak da' bi nak chawe'. Wkache' chawe'e neda' ḻo latjen' gan zoakze' Ḻe'. Wzóe' neda' to gan soa' chawe'.
14308	PSA 27:6	Naž gone' ga wzex̱jwa' benne' ka' bi ẕḻé'egekle' neda' chawe', benne' ka' zej nyechjle' neda'. Ḻo yeḻa' žebele gota' biado' ka' ḻo bkog la'y chie'. Goḻkza', na' wká'n ẕenkza' X̱anžon'.
14310	PSA 27:8	Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios.
14311	PSA 27:9	Bi wkache' ḻawo' Le' ḻawa' neda'. Ḻo yeḻa' ẕža'a chio' bi yebigo'o gan zoa' neda', wen žin chio'. Toze Le' žákḻeno' neda'. Bi wsano' neda', na' bi kwej yichjo' neda', Dios, weslá chia'.
14312	PSA 27:10	Ḻa'kze wsangak x̱a x̱na'a neda', yeka'akze X̱anžo Dios neda'.
14316	PSA 27:14	Le kwez ža yeḻá' X̱anžon'. Le gon choch ḻáže'le, na' Ḻe' wzé choche' ḻe'e. O', le kwez ža yeḻá' X̱anžon'.
14321	PSA 28:5	Dan' bi wdápegake' ba la'ne da' ben X̱anžon', na' kege dan' bene' ḻen na'kze', Ḻe' wžía yi'e benne' ka', na' wdíe' ḻégake' ḻo da' sáka'ḻe'egake'.
14323	PSA 28:7	X̱anžo na'kze ẕze choche' neda', na' žape chi'e neda'. Bx̱en ḻaža'a Ḻe', na' gókḻene' neda'. Che ḻen yebéḻe'ela', na' goḻkza', na' wká'n ẕenkza' Ḻe'.
14341	PSA 30:5	Le goḻ che X̱anžon', ḻe'e nakle benne' chekze' Ḻe'. Le ye' Ḻe' “žóx̱keno'”, na' bejsá' ḻaže' nake' la'y.
14365	PSA 31:16	Ḻo no'o Le' žape chi'o ža chia' ka'. Beslá neda' ḻo na'gak benne' ka' ẕžá'agake' neda', na' ḻo na'gak benne' ka' ẕbia ḻáže'gake' neda'.
14366	PSA 31:17	Ḻo yeḻa' ẕen chio' bwia neda', wen žin chio'. Ḻo yeḻa' žeyache' ḻaže' chio' beslá neda'.
14370	PSA 31:21	Ḻo da' bagáche'ze gan zo' Le' ẕkache' chawo'o benne' chio' ka' nich bi be gongak benne' ka' chégake'. Ẕnnito' benne' ka' to ḻo yo'o ngache' nich bi be gongak chégake' benne' ka' ẕdiḻ diže'e.
14371	PSA 31:22	¡Ga'n ẕen X̱anžo Dios! Ḻo yeḻa' žeyache' ḻaže' chie' bene' da' ẕen nich gókḻene' neda' to ḻo yež gan gok wdiḻe.
14373	PSA 31:24	Le ži'il X̱anžon', ḻe'e nakle benne' chekze' Ḻe'. X̱anžon' žape chi'e benne' ka' bi ẕbej yíchjgake' Ḻe', na' žebí'iḻi'e da' ẕia dan' žaḻa' yezí'gak benne' ka' ẕka'n ẕen kwíngake'.
14374	PSA 31:25	Le gon choch ḻáže'le, ḻe'e žx̱en ḻáže'le X̱anžo Dios, na' Ḻe' wzé choche' ḻe'e.
14378	PSA 32:4	Ḻawe' ža, na' yele bsako'o neda', X̱ana' Dios. Bedó ḻaža'a ka žebiže bej nis byo' wbá ka'.
14384	PSA 32:10	Benne' ka' bi zej nake' chawe' žon byenen tégake' ḻo da' sáka'gake', san benne' ka' žx̱en ḻáže'gake' X̱anžon', Ḻe' žape chi'e ḻégake' ḻo yeḻa' ži'i ḻaže' chie'.
14385	PSA 32:11	Ḻe'e, benne' chawe' ka', le yebele na' le soa ḻo yeḻa' ba nez, dan' gokḻen X̱anžon' ḻe'e. Ḻo yeḻa' žebele le goḻ, dan' nakle ḻi ḻaže' ḻawe' Ḻe'.
14386	PSA 33:1	¡Le yebele ḻe'e, benne' chawe' ka', ḻaw X̱anžo Dios! Yeḻa' ẕka'n ẕen Dios chegak benne' chawe' ka' nakḻe'en x̱tan ḻawe' Ḻe'.
14388	PSA 33:3	¡Le goḻ chie' Ḻe' to da' kob! ¡Le goḻ chawe', na' chinnle ḻen yeḻa' žebele!
14389	PSA 33:4	Ḻi ḻaže' nak x̱tiža' X̱anžo Dios, na' dot da' bene' benen' ḻo yeḻa' ḻi ḻaže' chie'.
14390	PSA 33:5	Ḻe' nži'ile' da' nak chawe', na' da' nak dot da' li. Benne' ka' do ẕente yežlyó nga zej nónbi'e yeḻa' žeyache' ḻaže' che X̱anžon'.
14392	PSA 33:7	Ḻe' ẕtobe' nisdo', na' yeyonen' ka to ya'a nis. Ẕga'n chawe' nisen' gže' gan bkweze' latje chen.
14393	PSA 33:8	Le žebe X̱anžo Dios, yógo'tele zoale yežlyó nga. Le žebe ḻawe' Ḻe', yógo'tele ḻe'e zoale ḻo yežlyó,
14400	PSA 33:15	Ḻe' bene' yichj ḻáẕdo'gak yógo'te benách ka', na' ẕḻe'ele' yógo'te da' žóngake'.
14403	PSA 33:18	X̱anžo Dios ẕwíakze' benne' ka' žébegake' Ḻe'. Ẕape chi'e benne' ka' žx̱en ḻáže'gake' yeyache' ḻáže'le' Ḻe' ḻégake',
14405	PSA 33:20	Žx̱en ḻáže'žo X̱anžo Dios. Ḻe' žákḻene' žo'o, na' žape chi'e žo'o.
14406	PSA 33:21	Che ḻen dot ḻáže'žo yebéḻe'elžo ḻawe' Ḻe', dan' žx̱en ḻáže'žo La la'y chie'.
14409	PSA 34:2	Wká'n ẕénteza' X̱anžo Dios dot ža, na' yele. Góḻteza' da' we ḻawa' Ḻe'.
14412	PSA 34:5	Bḻiža' X̱anžo Dios, na' Ḻe' benle' chia', na' beslé' neda' ḻo yógo'te da' bchébegaken neda'.
14413	PSA 34:6	Benne' ka' bx̱en ḻáže'gake' Ḻe' bḻé'egekle' yeḻa' ẕen chie', na' bi bedoé'egekle'.
14415	PSA 34:8	Wbás ka' che ya'abá che X̱anžon' zej zoe' kwit benne' ka' ẕžébegake' Ḻe', na' žape chí'igake' ḻégake'.
14416	PSA 34:9	Le wia nga, na' ḻé'elele nak chawe' X̱anžo Dios. Yeḻa' ba nez ẕen naken che bennen' žx̱en ḻaže'e Ḻe'.
14417	PSA 34:10	Le žebe X̱anžo Dios, ḻe'e, nakle benne' chie' ka', dan' bi be žiážjegekle benne' ka' ẕžébegake' Ḻe'.
14423	PSA 34:16	Ẕwíakze X̱anžo Dios benne' ka' zej nake' chawe', na' ẕze nage' da' ẕnnábgekle' Ḻe'.
14425	PSA 34:18	Benne' chawe' ka' žḻížgake' X̱anžo Dios, na' Ḻe' ženle' chégake', na' žeslé' ḻégake' ḻo yógo'te da' ẕzáka'gake'.