13951	PSA 2:2	Bönniʼ taʼnná bëʼë luyú taʼdáʼbaguëʼë Dios. Tun tuz xtídzaʼgaca nupa dë lu náʼagaca para ilaʼdáʼbagaʼ Xanruʼ, en Nu naʼ nabö́ cazëʼ para inná bëʼë,
13988	PSA 5:9	Tuʼ nacuáʼ zián nupa taʼlé nedaʼ, buluíʼi nedaʼ le naca dxiʼa rë́ʼënuʼ gunaʼ, Xan. Busëdi nedaʼ para gaca gunaʼ ca rë́ʼënuʼ Liʼ.
13991	PSA 5:12	Uluʼdzeja nupa tuʼzxöni ladxiʼ Liʼ. Lu yöl-laʼ rudzeja quéguequi gúl-lagaca quiuʼ tuʼ rácalenuʼ léguequi. Tuʼzíʼ xibóʼ nupa nadxíʼigaca Liʼ.
13997	PSA 6:5	Gudá dusölóʼ nedaʼ, Xan. Tuʼ nadxíʼinuʼ nedaʼ, busölá nedaʼ lu yöl-laʼ guti.
14024	PSA 8:3	Túl-labiʼ bíʼidoʼ, encaʼ biʼi huë́ʼënidoʼ yöl-laʼ zxön quiuʼ sal-laʼ nacuáʼ nupa taʼdáʼbagaʼ Liʼ. Uzóa dxíuʼ nupa naʼ bitiʼ taʼléʼe Liʼ dxiʼa, encaʼ nupa taʼdáʼbagaʼ Liʼ.
14035	PSA 9:4	¡Taʼzxunnaj nupa taʼdáʼbagaʼ nedaʼ! ¡Taʼdzö́ʼö, en tuʼniti loʼ Liʼ,
14037	PSA 9:6	Bulidza ziʼu yuguʼ yödzö, en busunítiuʼ nupa tuáʼ döʼ. Tsaz busuluʼ lu guichi quiuʼ gapa gulaʼzúaj láguequi.
14038	PSA 9:7	Chigulaʼniti nupa gulaʼdáʼbagaʼ Liʼ. Tsaz naguínnajgaca gapa gulaʼcuáʼ. Busunítiuʼ yuguʼ yödzö gapa naʼ gulaʼcuáʼ, ateʼ cuntu nu zoa röjné yuguʼ yödzö naʼ.
14080	PSA 12:3	Taʼzíʼ yeʼe yúguʼtë bönachi luzë́ʼeguequi. Lu yöl-laʼ rizíʼ yëʼ quéguequi tuíʼilen luzë́ʼeguequi didzaʼ yúlajdoʼ.
14082	PSA 12:5	Taʼnná: “Güíʼiruʼ didzaʼ ca rizësö ládxiʼruʼ, ateʼ cuntu nu táʼbagaʼ rëʼu. ¿Nuzxi caz inná beʼe rëʼu ca naca didzaʼ ruíʼiruʼ?”
14098	PSA 14:6	Tuʼtitaj xtídzaʼgaca nupa nácagaca yechiʼ, pero nupa ni tuʼzxöni ladxiʼ gácalenëʼ Xanruʼ léguequi.
14112	PSA 16:8	Chinunaʼ ga zóaticaʼsëʼ Xanruʼ lahuaʼ. Tuʼ zoëʼ cuitaʼ bitiʼ bi utsáʼ nedaʼ.
14127	PSA 17:12	Nácagaquiëʼ ca yuguʼ bëdxi guíxiʼdoʼ. Të́ʼënëʼ uluʼsunítiëʼ nedaʼ. Nácagaquiëʼ ca yuguʼ bëdxi guixiʼ. Nucachiʼ cuíngaquiëʼ para ilaʼzönëʼ nedaʼ.
14160	PSA 18:30	Lu yöl-laʼ huáca queëʼ Dios rucul-laʼ bönniʼ guizxi yu röjáquiëʼ gudil-la. Tuʼ zóalenëʼ Dios quiaʼ nedaʼ, rixítiʼa ribixaʼ lu zöʼö run chiʼi léguequi.
14162	PSA 18:32	¡Tuzëʼ Xanruʼ náquiëʼ Dios! ¡Tuzëʼ Dios rapa chiʼë rëʼu!
14174	PSA 18:44	Busölóʼ nedaʼ lu náʼagaca nupa taʼdáʼbagaʼ, en nunuʼ ga rinná béʼedaʼ bönachi zián yödzö. Tun ca rnna xtídzaʼa bönachi bitiʼ núnbëʼa zíʼalö.
14175	PSA 18:45	Cateʼ taʼyöni nedaʼ, laʼ tun ca rnna xtídzaʼa. Tadxi nedaʼ bönachi zián yuguʼ yödzö izáʼa.
14176	PSA 18:46	Taʼcuidiʼ ladxiʼ, en lu yöl-laʼ rizxizi quéguequi taʼrúaj yuguʼ lu yödzö tsutsu quéguequi.
14189	PSA 19:8	Tsahuiʼ naca ca rinná bëʼë Xanruʼ, en run ga huöáca ládxiʼruʼ. Idútë li naca didzaʼ nuzóëʼ Xanruʼ, le run ga réajniʼi nu naca nöxaj ladxiʼ.
14190	PSA 19:9	Tsahuiʼ nácagaca xibá queëʼ Xanruʼ, le tun ga rudzeja ládxiʼruʼ. Nácagaca idú dxiʼa le gunná bëʼë Xanruʼ, en taʼgúʼu beníʼ icja ládxiʼdoʼoruʼ.
14205	PSA 20:9	Taʼcuídiʼnëʼ nupa naʼ, en taʼdzöʼë, pero rëʼu ni zuíruʼ, en zóaruʼ tsutsu.
14208	PSA 21:2	Rudzéjanëʼ bönniʼ rinná bëʼë tuʼ zóalen lëʼ yöl-laʼ huáca quiuʼ Liʼ, Xan. Tuʼ busölóʼ lëʼ, yénniʼtërö rudzéjanëʼ.
14210	PSA 21:4	Tuʼ raza ládxuʼu lëʼ ruzúʼ queëʼ yuguʼ le naca dxiʼa. Nudxíuʼ icjëʼ tu le néquini oro idú.
14227	PSA 22:7	Nacaʼ nedaʼ ca tubaʼ bëla gunaʼ, en calëga bönniʼ. Tuʼdíʼi bönachi nedaʼ, en tuʼcáʼana nedaʼ cáʼasö.
14228	PSA 22:8	Yúguʼtë nupa taʼléʼe nedaʼ tuʼtitaj nedaʼ. Taʼsalaj ruíʼiguequi lu yöl-laʼ rutitaj, en tuʼtá ícjaguequi, taʼnná:
14234	PSA 22:14	Taʼsalaj ruáʼagaquiëʼ lahuaʼ nedaʼ ca runbaʼ bëdxi guixiʼ, ridunbaʼ, en ribö́dxiʼabaʼ.
14237	PSA 22:17	Taʼguʼë nedaʼ lë́ʼajlö ca tunbaʼ yuguʼ böʼcuʼ. Nagúʼugaquiëʼ nedaʼ lë́ʼajlö bönniʼ tuʼë döʼ. Nuzóagaquiëʼ yeru blaga naʼa, en niʼa.
14238	PSA 22:18	Naláʼgaca yúguʼtë dxita néquinidaʼ. Taʼnë́ʼë nedaʼ, en tuʼyú yénniëʼ nedaʼ.
14239	PSA 22:19	Taʼguísiëʼ zxaʼ que queë́gaquiëʼ, en tuʼyúëʼ le gaca bëʼ lahui lariʼ rixóa cúdzaʼa.
14273	PSA 25:5	Busedi nedaʼ para gunaʼ ca naca le naca idútë li quiuʼ. Tuʼ nacuʼ Dios, Nu rusölá nedaʼ gúnticaʼsaʼ löza Liʼ.
14279	PSA 25:11	Tuʼ nacuʼ dxiʼi ladxiʼ, Xan, buniti lo nedaʼ ca naca dul-laʼ nunaʼ, le naca dul-laʼ zxön.
14306	PSA 27:4	Tu le rinabaʼ lahuëʼ Xanruʼ Dios, lë naʼ güíʼi ládxiʼsaʼ, le naca para sóaticaʼsaʼ lidxëʼ Xanruʼ yúguʼtë dza soaʼ ibanaʼ, para gaca uyúaʼ yöl-laʼ lachi queëʼ Xanruʼ Dios, en para saʼ ládxaʼa ca naca queëʼ lu yuʼu láʼayi queëʼ.
14314	PSA 27:12	Bitiʼ usanuʼ nedaʼ lu náʼagaca nupa bitiʼ taʼléʼe nedaʼ dxiʼa para cabí ilún quiaʼ le të́ʼëni. Taʼdáʼbagaʼ nedaʼ nupa taʼzíʼ yëʼ, en nupa të́ʼëni iluáʼ döʼ quiaʼ.
14331	PSA 29:6	Runëʼ Xanruʼ ga taʼxitiʼ guíʼa ca tunbaʼ bë́dxidoʼ. Taʼxitiʼ guíʼa Líbano, en guíʼa Sirión ca tunbaʼ bëdx guíʼa.
14342	PSA 30:6	Tu chíʼisö rilenëʼ, pero ruzáʼ ládxiʼticaʼsëʼ queë́ruʼ. Channö cö́dxiruʼ tu yëla, lu yöl-laʼ rudzeja queë́ruʼ cö́dxiʼaruʼ itö́ yu.
14344	PSA 30:8	Tuʼ buzáʼ ládxuʼu quiaʼ, Xan, buzúʼ nedaʼ ga zoaʼ tsutsu, en cateʼ bucachiʼ loʼ, guröʼa böniga.
14351	PSA 31:2	Ruzxöni ládxaʼa Liʼ, Xan. Bitiʼ guʼu lataj utuíʼidaʼ. Tuʼ nacuʼ tsahuiʼ, busölá nedaʼ.
14361	PSA 31:12	Tuʼ nözi le gulún nupa taʼdáʼbagaʼ nedaʼ nacaʼ tu le run gadxi yuguʼ dzaga yuʼu quiaʼ, ateʼ nupa núnbëʼgaca nedaʼ tadxi nedaʼ. Nupa taʼléʼe nedaʼ laʼ nöza taʼzxunnaj ga rizáʼa.
14363	PSA 31:14	Biyöndaʼ didzaʼ ziʼ taʼnnë́ bönachi zián quiaʼ bagáchiʼsö. Gátiʼtës zoa le run gadxi nedaʼ. Tun xtídzaʼgaca bi ilún quiaʼ. Taʼzáʼ ládxiʼgaca nacxi iluti nedaʼ,
14418	PSA 34:11	Taʼyadzaj taʼyúdxibaʼ bëdxi guixiʼ, en taʼdunbaʼ, pero nupa tuʼlidza Xanruʼ bitiʼ caʼ taʼyadzaj le naca dxiʼa.
14441	PSA 35:11	Taʼdáʼbaguëʼë bönniʼ xihuiʼ nedaʼ, en taʼnnë́ʼ quiaʼ. Taʼnabi yúdxinëʼ nedaʼ ca naca yuguʼ le cabí nözdaʼ.
14442	PSA 35:12	Tuʼbiʼë quiaʼ le naca döʼ cateʼ runaʼ le naca dxiʼa, ateʼ ruhuíʼinideʼe ládxaʼa.
14454	PSA 35:24	¡Tuʼ nacuʼ tsahuiʼ, buchiʼa busörö́ quiaʼ, Xanaʼ Dios! ¡Bitiʼ guʼu léguequi lataj uluʼdzeja niʼa que le raca quiaʼ!
14461	PSA 36:3	Tuʼ run ba zxön cuinëʼ réquinëʼ bitiʼ nö́zinëʼ Dios nabáguëʼë lëʼ dul-laʼ, en bitiʼ ichúguiëʼ Dios queëʼ.
14467	PSA 36:9	Tuʼhuölaj tuʼdzëʼe bönachi quiuʼ le nayándaʼ lu yuʼu lidxuʼ, ateʼ ruguiʼjuʼ léguequi le naca yöl-laʼ dxiʼi ladxiʼ quiuʼ.
14468	PSA 36:10	Yúguʼtë le nacuáʼ nabánigaca Liʼ. Tuʼ naca cazuʼ beníʼ riléʼetuʼ beníʼ.
14483	PSA 37:12	Tun didzaʼ nupa tuáʼ döʼ bi ilúngaca quégaca nupa nácagaca tsahuiʼ, en lu yöl-laʼ rilé quéguequi tagu zxea láyiʼguequi.
14492	PSA 37:21	Taʼnábini nu bi gunna quéguequi tu chíʼisö, pero bitiʼ caʼ uluʼbíʼi lë naʼ. Nu naca tsahuiʼ ruzá ladxiʼ quéguequi, en runödzaj quéguequi.
14517	PSA 38:6	Tuʼ benaʼ yuguʼ le cabí naca dxiʼa, dxíaʼ huëʼ le riláʼ siguti, en rudzuʼ.
14527	PSA 38:16	Tuzuʼ Liʼ ruzxöni ládxaʼa, Xan. Ubíʼi cazuʼ didzaʼ, Xanaʼ Dios.
14532	PSA 38:21	Taʼdáʼbagaʼ nedaʼ nupa tuʼbíʼi le cabí naca dxiʼa que nu run le naca dxiʼa. Caní tun tuʼ ruíʼi ládxaʼa gunaʼ le naca dxiʼa.
14541	PSA 39:7	Nácagacasö ca tu zxul-la rigúʼu böaj. Nítisö tuʼúbi tuʼguíʼi ládxiʼdoʼguequi, en tun dxin. Tuʼtubi yöl-laʼ tsahuiʼ, pero bitiʼ nö́zguequi nuzxi guequi que.
14573	PSA 41:7	Channö uduyúgaquiëʼ nedaʼ, taʼzíʼ yëʼë. Taʼgǘëʼ didzaʼ ca naca le raca quiaʼ, en cateʼ taʼrúajëʼ, tuʼsiyönnëʼ bönachi.
14574	PSA 41:8	Tuʼdubi nupa bitiʼ taʼléʼe nedaʼ dxiʼa, en taʼnnë́ quiaʼ. Taʼzáʼ ládxiʼgaca zián le naca döʼ le ilún quiaʼ.
14575	PSA 41:9	Taʼnnë́ quiaʼ, taʼnná: “Yuʼë yödzöhuë́ʼ le guti lëʼ. Bítiʼrö caz huöásëʼ ga naʼ dëʼ lu le denëʼ.”
14596	PSA 43:4	Tsuʼa raʼ bucugu queëʼ Dios. Ibígaʼa lahuëʼ Dios, Nu run ga rudzéjadeʼedaʼ. Gúl-lalenaʼ bihuël-la, cuʼa Liʼ yöl-laʼ ba, Dios, nacuʼ Dios quiaʼ.
14612	PSA 44:15	Benuʼ ga tuʼdidzaʼ yudxi bönachi yuguʼ yödzö netuʼ. Tuʼtá ícjaguequi lu yöl-laʼ rucáʼana netuʼ cáʼasö.
14620	PSA 44:23	Tuʼ néquituʼ quiuʼ Liʼ zóaticaʼsö nu guti netuʼ. Nactuʼ ca yuguʼ böʼcuʼ zxílaʼdoʼ lo nu guti légacabaʼ.
14633	PSA 45:9	Riláʼ zxixi lariʼ nacuʼ len ziʼ mirra, en ziʼ áloe, en ziʼ casia. Tunëʼ bönniʼ huil-la ga rudzéjanuʼ lu yuʼu lidxuʼ zxön.
14637	PSA 45:13	Níʼirö bönachi yödzö Tiro ilaʼdxín loʼ nuáʼgaca le nazácaʼdaʼ le ilunna quiuʼ. Yuguʼ bönniʼ taʼléʼenëʼ yöl-laʼ tsahuiʼ ilaʼnábinëʼ liʼ bi unödzjuʼ quégaquiëʼ.
14649	PSA 46:7	Tadxi taʼdzöbi bönachi yuguʼ yödzö, ateʼ taʼbö́ʼ baguíʼi nupa taʼnná bëʼ, tuʼ ruʼë didzaʼ Dios, ateʼ riniti luyú ni.
14664	PSA 47:10	Tuʼdubi nupa taʼnná beʼe yuguʼ yödzö tsözxö́n len bönachi queëʼ Dios queëʼ Abraham. ¡Nequi queëʼ Dios yöl-laʼ zxön quégaca yúguʼtë yödzö nacuáʼ yödzölió! ¡Nayë́pisëtërëʼ Lëʼ!
14672	PSA 48:8	Risö́l-lëʼë Dios tu böʼ budunuʼ, le rusuniti yuguʼ barco zxön que yödzö Tarsis.
14673	PSA 48:9	Biyönruʼ ca nácagaca le zxön benëʼ Dios, ateʼ naʼa riléʼe quéziruʼ le runëʼ, lu yödzö láʼayi queëʼ Dios quégaca niʼa nëʼë guizxi yu, en náquiëʼ caʼ Dios queë́ruʼ. Tsaz naguixjëʼ yödzö naʼ.
14679	PSA 48:15	Tsaz náquiëʼ Dios queë́ruʼ, naʼa dza, en dza siʼ zaca. Uluíʼinëʼ rëʼu nöza tödi gátiruʼ.
14683	PSA 49:4	Tsöjsáʼ ládxaʼa ca naca le nápagaca yöl-laʼ réajniʼi, en guʼa didzaʼ le nápagaca yöl-laʼ raca yenniʼ.
14686	PSA 49:7	Tuʼzxöni ládxëʼë bönniʼ naʼ yöl-laʼ tsahuiʼ quégaquiëʼ, en tun ba zxön cuíngaquiëʼ ca nácagaca le dë quégaquiëʼ.
14691	PSA 49:12	Téquinëʼ ilaʼcuáʼticaʼsö lídxigaquiëʼ bönniʼ naʼ, ateʼ tsaz ilaʼcuʼë niʼ, ateʼ taʼguʼë lágaca xiyúgaquiëʼ ca naca laʼ lágacasëʼ.
14699	PSA 49:20	Tsáziëʼ ga naʼ dzöʼë xuz xtáʼahuëʼ, en bítiʼrö iléʼenëʼ beníʼ.
14703	PSA 50:3	Zëʼë Dios queë́ruʼ, en bitiʼ soëʼ dxisö. Tsöjnöru lahuëʼ tu guíʼ zxön, ateʼ tsecja tu böʼ budunuʼ idú gasibíʼilëʼ.
14751	PSA 52:7	Tsaz uzötaj cazëʼ Dios liʼ. Sönëʼ liʼ, en ubéajëʼ liʼ lu yuʼu lidxuʼ, en ucuítëʼ liʼ ga nacuáʼ nupa nabángaca.
14757	PSA 53:2	Taʼzáʼ ládxëʼë bönniʼ canö́z, taʼnnë́ʼ: “Bitiʼ caʼ zoëʼ Dios.” Nácagaquiëʼ xihuiʼ bönniʼ caní, en núngaquiëʼ le nácatërö xihuiʼ. Cuntu nu bönniʼ zoëʼ runëʼ le naca dxiʼa.
14760	PSA 53:5	¿Naruʼ cabí nápagaquiëʼ yöl-laʼ réajniʼi bönniʼ naʼ tuʼë döʼ? Tuʼsunítiëʼ bönachi quiaʼ ca tu nu ragu yöta, en bitiʼ caʼ tuʼlidzëʼ nedaʼ.
14761	PSA 53:6	Tadxi taʼdzö́binëʼ bönniʼ caní, en bitiʼ bi nunaʼ quégaquiëʼ. Caní raca tuʼ rusunítiëʼ Dios caz nupa taʼdíl-lalen libíʼiliʼ. Gunliʼ ga uluʼtuíʼinëʼ tuʼ chigurúʼunëʼ Dios légaquiëʼ.
14767	PSA 54:5	Taʼdíl-lalen bönniʼ ziʼtuʼ nedaʼ, tuʼ të́ʼënëʼ bönniʼ zidzaj ilútiëʼ nedaʼ. Bitiʼ caʼ tádxinëʼ Dios.
14769	PSA 54:7	Ubiʼë quégaca nupa taʼdíl-lalen nedaʼ le usuniti léguequi. Tuʼ runuʼ ca rnna xtídzuʼu, Dios, busuniti léguequi.
14782	PSA 55:11	Rëla, en te dza taʼdödëʼ nöza lu yödzö. Tuʼë döʼ, en tunëʼ le xihuiʼ idú gásibiʼilö yödzö.
14783	PSA 55:12	Tuʼsunítiëʼ le nacuáʼ niʼ. Tuʼsacaʼ ziʼë bönachi, en taʼzíʼ yëʼë laʼ nöza que yödz.
14801	PSA 56:6	Yuguʼ dza tun nigui nedaʼ nupa bitiʼ taʼléʼe nedaʼ dxiʼa. Taʼzáʼ ládxiʼticaʼsö nacxi iluáʼ döʼ quiaʼ.
14802	PSA 56:7	Tuʼdubëʼ ga nagáchiʼsö, en tuʼyúlanëʼ yúguʼtë le runaʼ, para gataʼ quégaquiëʼ lataj ilútiëʼ nedaʼ.
14825	PSA 58:4	Taʼdödi tsöláʼalö nupa tuáʼ döʼ ga gudélaʼtë gúljagaca. Taʼzíʼ yëʼ ga gudélaʼtë buluʼcuáʼanu xináʼaguequi léguequi.
14837	PSA 59:4	Buyútsöcaʼ, taʼbö́ʼ nísiëʼ nedaʼ para ilútiëʼ nedaʼ. Taʼzóa réguʼë bönniʼ zidzaj nedaʼ, calëga tuʼ gudáʼbagaʼa légaquiëʼ, o tuʼ ben ziʼa légaquiëʼ, Xan,
14840	PSA 59:7	Tuʼdxinëʼ chiʼi dzö́ʼölö, taʼbödxi yechë́ʼë ca runbaʼ böʼcuʼ ragu yéchiʼbaʼ beoʼ, ateʼ taʼdödëʼ idú gásibiʼilö yödzö.
14841	PSA 59:8	Buyútsöcaʼ, didzaʼ tuʼë nácagaca ca le rë́bigaquiëʼ. Nácagaca didzaʼ tuʼë ca yuguʼ guíë tuchiʼ. Taʼnnë́ʼ: “¿Nuzxi caz yöni?”
14843	PSA 59:10	Tuʼ nal-la cazuʼ Liʼ gunaʼ löza Liʼ. Nacuʼ Dios Nu run chiʼi nedaʼ.
14844	PSA 59:11	Tuʼ náquiëʼ Dios quiaʼ dxiʼi ladxiʼ, dutságuiëʼ nedaʼ. Uxicja cazëʼ Dios nupa taʼdíl-lalen nedaʼ.
14848	PSA 59:15	Tuʼdxinëʼ chiʼi dzö́ʼölö, taʼbödxi yechë́ʼë ca runbaʼ böʼcuʼ ragu yéchiʼbaʼ beoʼ, ateʼ taʼdödëʼ idú gásibiʼilö yödzö.
14849	PSA 59:16	Taʼdë́ʼ taʼguiljëʼ le ilahuëʼ, ateʼ taʼbö́dxiʼë channö cabí uluʼhuölaj uluʼdzéʼenëʼ.
14876	PSA 62:2	¡Tuzëʼ Dios ruzxöni ládxaʼa, en rizë́ ládxaʼa Lëʼ! ¡Lë cazëʼ rusölë́ʼ nedaʼ!
14877	PSA 62:3	¡Tuzëʼ Lëʼ rapa chiʼë nedaʼ, en rusölë́ʼ nedaʼ! ¡Ruzóëʼ nedaʼ tsutsu, ateʼ bitiʼ gaca nu uzötaj nedaʼ!
14880	PSA 62:6	¡Tuzëʼ Dios ruzxöni ládxaʼa, en runaʼ löza Lëʼ!
14881	PSA 62:7	¡Tuzëʼ Lëʼ rapa chiʼë nedaʼ, en rusölë́ʼ nedaʼ! ¡Ruzóëʼ nedaʼ tsutsu, ateʼ bitiʼ gaca nu uzötaj nedaʼ!
14882	PSA 62:8	¡Tuzëʼ Dios rusölë́ʼ nedaʼ, en runëʼ ga nacaʼ bicaʼ ba! ¡Dios nuzóëʼ nedaʼ tsutsu, en rapa chiʼë nedaʼ!
14884	PSA 62:10	Le nácatë nácagaca yúgutë bönachi ca tu böʼ ridö́disö, en bitiʼ bi nazácaʼgaca nupa naʼ nadéliʼgaca lataj lo. Tu lu zxigóns bitiʼ bi nál-líʼguequinëʼ. Nácagacarëʼ dzáʼasö ca tu böʼ riguélaʼsiruʼ.