23448	MAT 8:34	Quëajëna, asani pa̱i daripë paꞌicohuaꞌipi siꞌaohuaꞌi Jesús paꞌi hue̱ꞌñana daëꞌë. Dani i̱te ñani se̱iꞌë, saijë̱ꞌë, i̱ño yëquë quëꞌro paꞌimaꞌë, cajë.
23628	MAT 13:20	Quë̱na pë̱a quëꞌrona to̱mesi ca̱ cato quëaji, duꞌru macare paseꞌe sihuajë asani sehuocohuaꞌini.
23639	MAT 13:31	Quëaye neni Jesús quëapi, ñeje: “Maꞌtëmo paꞌi te̱ꞌte cato mostaza ca̱re yejana pa̱ipi ta̱seꞌeje̱ paꞌye aꞌë.
23644	MAT 13:36	Ja̱ maca Jesús pa̱ire ca tëjini huëꞌena cacapi. Cacaëna, ja̱rona i̱te yeꞌyecohuaꞌi tsioja̱ni cahuë: “Quëajë̱ꞌë, coꞌa tayapi tsiona mëaseꞌe ayere.”
23693	MAT 14:27	Ja̱je cajëna, Jesupi capi, ja̱ohuaꞌire: “Quëcojë̱ꞌë, yëꞌë aꞌë. Caꞌramaꞌpë paꞌijë̱ꞌë.”
23701	MAT 14:35	Ti̱ꞌarena, pa̱ipi Jesús daiseꞌere asa ti̱ꞌani siꞌa hue̱ꞌña i̱ti yeja paꞌicohuaꞌire quëahuë. Quëarena, i̱ paꞌi hue̱ꞌñana ju̱ꞌicohuaꞌire dahuë.
23717	MAT 15:15	Pedropi ja̱ maca capi, Jesure: “Quëajë̱ꞌë, mëꞌë quëaseꞌe ayere.”
23725	MAT 15:23	Ja̱je catoje̱ Jesús ti aꞌri mañaje sehuomaꞌë sajiꞌi. Saina, i̱ yeꞌyacohuaꞌipi dani i̱te se̱iꞌë: “Quëa saojë̱ꞌë, teꞌija. Coꞌaye mai jeteyoꞌjeja̱ꞌa cui daoco.”
23778	MAT 17:9	Ja̱ropi cajejëna, Jesupi cua̱ñepi, ja̱ohuaꞌire: “Quëamaꞌpë paꞌijë̱ꞌë, yecohuaꞌire, iye mësaru ñaseꞌe. Pa̱i Mamaquë ju̱ꞌisiquëpi cuiꞌnaëpi huëimaꞌë paꞌito ju̱ni huëisi maca quëajë̱ꞌë.”
23806	MAT 18:10	Coemaꞌpë paꞌijë̱ꞌë, icohuaꞌi aꞌricohuaꞌire. Quëare payë. Ja̱ohuaꞌi cato hui̱ñaohuaꞌire payë, maꞌtëmore yëꞌë jaꞌquë ña hue̱ꞌñare.
23825	MAT 18:29	Ja̱ maca i̱ cajeipi doꞌre jaꞌruni se̱jiꞌi: ‘Quëcojë̱ꞌë, sa̱ijaꞌquë aꞌë, siꞌaye mëꞌëre doꞌi paye.’
23914	MAT 21:19	Nëina, maꞌa yëꞌquë maca nëca yëre jaꞌye maca tsioja̱ni ñaquëna, ti peoyë pajiꞌi. Quë̱imaꞌ ñë, coa jaꞌoseꞌe pajiꞌi. Ja̱ maca Jesupi capi, so̱quë yëre: “¡Yuretaꞌa ti quë̱imaꞌo paꞌijë̱ꞌë cua̱ñeñë, mëꞌëre!” Ja̱je i̱ ca macapi cue̱ne huesësico pacoꞌë.
23939	MAT 21:44	Quë̱na pë cato, yecohuaꞌipi i̱o ë̱mëjeꞌena to̱mecohuaꞌipi jëꞌyecoa. Cuiꞌne quë̱na pëpi yecohuaꞌi ë̱mëjeꞌena to̱meco pani peo së̱pë̱are neñe paꞌiji.”
23945	MAT 22:4	Ti̱jupë i̱ joꞌyare jëjo saoquë capi: ‘Quëajë̱ꞌë, soisicohuaꞌire. Tsoe siꞌaye a̱i ja̱ꞌñe deꞌhua saohuë. Hue̱quëreje̱ huiꞌyape quëꞌiohuaꞌini huani ne deꞌhuahuë, huejaye ñajaꞌcohuaꞌi daija̱jë caquë.’
23991	MAT 23:4	Ja̱ohuaꞌi cato hueꞌocaiyë, dëquëyere pare. Quëco ëa maꞌñere pare ja̱re pa̱ipi hueꞌeja̱jë cajë yoꞌoyë. Ja̱je yoꞌojëtaꞌa i̱ohuaꞌi cato moño maca pu̱ꞌpeyeque coecohuaꞌi aꞌë.
24163	MAT 26:40	Ja̱ maca i̱ yeꞌyacohuaꞌi quëꞌro coꞌiquë ti̱ꞌapi, tsoe ca̱isicohuaꞌipi u̱ijëna. Ñani Pedrore capi: “¿Quëco ti̱ꞌañe pa̱re, yëꞌë ja̱ꞌre co̱ni teꞌe hora macaje̱?
24186	MAT 26:63	Ja̱je catoje̱ Jesús ti camaꞌë pajiꞌi. Ja̱ maca Maijaꞌquë huëꞌe ñacaicohuaꞌi ëjaëpi capi, i̱te: “Maijaꞌquë huajëquërepa mamipi mëꞌëre care pajë̱ꞌë, cayë. Quëajë̱ꞌë, mëꞌëpi Maijaꞌquë mamaquërepa Cristo pani.”
24195	MAT 26:72	Cacona, ja̱ maca Pedropi ti̱jupë coso co̱pi: “Ñamaꞌquëre paꞌë, ja̱ëte. Quëare payë.”
24220	MAT 27:22	Cajëna, Pilatopi se̱jiꞌi, ja̱ohuaꞌire: “¿Cuiꞌne me nejaꞌquë aꞌni, Jesure Cristo hueꞌequëre?” Caquëna, siꞌaohuaꞌi sa̱ñope cahuë: “¡Que̱jaꞌquë api!”
24221	MAT 27:23	Ja̱ maca Pilato capi, ja̱ohuaꞌire: “¿Ja̱je paꞌito i̱quere coꞌaye yoꞌo uꞌni?” Caquëna, ti̱jupë cuiꞌne cui co̱huë: “¡Que̱jaꞌquë api!”
24235	MAT 27:37	Cuiꞌne i̱ si̱opë sa̱ꞌnihuëna ja̱ doꞌire ju̱ꞌiji caco quëacore toyani sëohuë. Toyasico cato pajiꞌi, ñeje: IQUË API, JESÚS, JUDÍO PA̲I ËJAË.
24246	MAT 27:48	Ja̱re i̱ti macapi teꞌi huëꞌhuëpi, oco sa̱ësi pë quërëja̱siꞌi caquë. Quërëja̱ni dani oꞌsa cuiyaꞌi co̱nore sa̱ë tëjini so̱quë tarapëna hue̱ sëoni u̱cuja̱quë caquë jaꞌye maca sapi.
24315	MRK 1:31	Quëarena, asani dani i̱o jë̱tëna tse̱ani naë huëouña. Naë huëouna, su̱ña dahuë je̱ouña. Je̱ouna, huëni siꞌaohuaꞌire a̱oña.
24329	MRK 1:45	Ti jujusiquëpi etani sani Jesús yoꞌoseꞌere siꞌa hue̱ꞌña quëaëña. Quëaëna, Jesupi pa̱i daripë̱a ti̱ñarepa cacaye peouña. Peoquëna, hueꞌsere pa̱i peo hue̱ꞌñare paquëña. Paꞌiquëtaꞌare pa̱ipi i̱ quëꞌrona siꞌa hue̱ꞌña acohuaꞌipi dateña.
24332	MRK 2:3	Quëaquëna, cajeseꞌe ë̱mëohuaꞌipi ju̱ꞌiquëre hueꞌejë dareña. I̱ ju̱ꞌiñe cato quëꞌquë dahuë pajiꞌi.
24402	MRK 4:10	Quëa tëjisi jeteyoꞌje Jesús teꞌi pëaëña. Pëaëna, ñani i̱ quë̱no maca i̱ yeꞌyacohuaꞌi ja̱ꞌre co̱ni paꞌicohuaꞌipi se̱teña: ¿I̱ohuaꞌi ñañena co̱ni i̱que yoꞌoyere quëaëꞌni, ja̱je?
24408	MRK 4:16	Quë̱na yejana ta̱seꞌeje̱ paꞌiohuaꞌi aꞌë, yecohuaꞌi. Ja̱je paꞌiohuaꞌipi ai yëjë asani sihuajë deꞌhuayë, Maijaꞌquë coca.
24447	MRK 5:14	Ju̱tena, se̱sere ñacaicohuaꞌipi ñani huëꞌhuëni pa̱i daripëna siꞌaye quëareña, i̱ti yoꞌoseꞌe. Quëarena, pa̱ipi asani dateña.
24467	MRK 5:34	Quëacona, Jesús ja̱ore caëña: “Huau maca yëꞌëre cuasaseꞌepi ne coꞌyahuë. Se̱ñaco saijë̱ꞌë. Iye ju̱ꞌiñe ti ne coꞌyahuë, mëꞌëre.”
24507	MRK 6:31	Quëajëna, Jesupi caëña, ja̱ohuaꞌire: “Daijë̱ꞌë. Sani pa̱i peo hue̱ꞌñana pëa huajëñuꞌu.” A̲o a̱iñeque peoyerepa pa̱i tsiꞌsi ja̱ꞌñere asaquë capi.
24569	MRK 7:37	Quëarena, deꞌoyerepa yoꞌoquëꞌni cuasajë careña: “Siꞌaye deꞌoye yoꞌoji. Yoꞌoquëna, asamaꞌcohuaꞌije̱ asacohuaꞌi deꞌoyë, camaꞌcohuaꞌije̱ cayë.”
24601	MRK 8:32	Iye ti̱ñarepa quëaëña. Quëaquëna, Pedro i̱te ti̱rona sani caëña. Ja̱je yoꞌoto coꞌaji. Iye camaꞌë paꞌijë̱ꞌë, ca huëoëña.
24752	MRK 12:10	¿Ñamaꞌcohuaꞌi aꞌni toya pëpë caye? Ñeje caji: Quë̱na pë̱a huëꞌe necohuaꞌi yoꞌo jujani je̱ocosi quë̱na pëpi yure cato huëꞌehuërepa u̱i quë̱na pë deꞌoye i̱ti quëco pacorepa.
24788	MRK 13:2	Ja̱je caquëna, Jesupi sehuouña: “¿Jai huë̱ꞌñare ñaquë caquë? Ja̱ mëꞌë ñaseꞌe yequë muꞌse, peo ja̱ꞌñe aꞌë. Quë̱na pë̱api tu̱ñajë neseꞌe siꞌaye nejo ja̱ꞌñe aꞌë.”
24908	MRK 15:13	Caquëna, ja̱ohuaꞌipi careña, cuijë: “Que̱jaꞌquë paꞌija̱quë.”
24909	MRK 15:14	Cajëna, Pilatopi caëña: “¿I̱quere i̱ coꞌaye yoꞌo uꞌni?” Ja̱je catoje̱ i̱ohuaꞌi jero saꞌna ai cuireña: “Que̱jaꞌquë api.”
24919	MRK 15:24	Que̱ni soldado pa̱ipi Jesús juꞌi ca̱re nepi saja̱ꞌcohuaꞌi aꞌni cajë neñareña, deꞌhue nesiquëpi saye paꞌiji cajë.
24948	MRK 16:6	Quëquëjëna, i̱pi caëña: “Quëquëmaꞌpë paꞌijë̱ꞌë. Mësaru cato Jesús Nazaret aquëni coꞌeyë, que̱ sarahuana que̱siquëni. Ja̱je paꞌiquëtaꞌare i̱ cato tsoe huëjiꞌi. Peoji, i̱ño. Ñajëꞌë. I̱te o̱a sitore peoji.
24955	MRK 16:13	Ja̱ohuaꞌipi sani yecohuaꞌire quëareña. Quëajëna, ja̱ohuaꞌije̱ coa cayë cuasajë asaye pa̱reña.
24958	MRK 16:16	Quëajëna, asani quëare payë caquë asaquëni oco dosiquëpi huasosiquë pasipi. Ja̱je quëajëna, coa cayë caquë asamaꞌquë cato nejosiquë api.
25060	LUK 2:18	Quëajëna, asacohuaꞌipi ai cuasareña.
25143	LUK 4:11	Mëꞌëpi to̱mequëna, i̱ohuaꞌi jë̱ñapi tse̱ajaꞌcohuaꞌi aꞌë, Quë̱na pë̱ana më nëcañoa aꞌsi nemaꞌquëni cajë.”
25175	LUK 4:43	Ti̱ꞌasi maca Jesupi capi, ja̱ohuaꞌire: “Quëaye paꞌiji, deꞌo coca Maijaꞌquë paꞌi te̱ꞌte ayere yequë pa̱i daripë̱aje. Ja̱re caquë jëjo daosiquë aꞌë.”
25190	LUK 5:14	Ja̱ maca Jesús i̱te capi: “Quëamaꞌë paꞌijë̱ꞌë, pa̱ire. Coa Maijaꞌquë huëꞌe ñacaicohuaꞌiseꞌere sani i̱ñojëꞌë. I̱ñoni mëꞌë coꞌayere tsoa to̱quë yoꞌo doꞌire i̱sijë̱ꞌë, Moisés cua̱ñequë paꞌiseꞌere. Ja̱je yoꞌoquëna, siꞌa huaꞌi mëꞌë ju̱ꞌiquë paꞌisiquëpi deꞌoquë po̱nëni yoꞌoye ñajaꞌcohuaꞌi aꞌë.”
25262	LUK 6:47	Quëasiꞌi, yëꞌëna dani asacohuaꞌipi cuiꞌne yëꞌë cayeje̱ yoꞌocohuaꞌi paꞌiyere. Iyeje̱ paꞌye paꞌiji.
25305	LUK 7:41	Jesupi capi: “Curiquë prestaquëni caya ë̱mëohuaꞌi curire coꞌyoye pa̱huë. Quinientos denario teꞌipi doꞌi pa̱pi, yequëpi cincuenta denario doꞌi pa̱pi.
25327	LUK 8:13	Quë̱na yejana i̱ti ca̱ to̱meseꞌe cato Maijaꞌquë cocare duꞌru macarepa sihuajë asasicohuaꞌipi paꞌijëna, jeteyoꞌje ai yoꞌoyepi ti̱ꞌasi maca yoꞌo jujani je̱ocohuaꞌini quëaji.
25349	LUK 8:35	Quëarena, pa̱ipi ñañuꞌu cajë saëꞌë. Saijë Jesús paꞌi hue̱ꞌñana ti̱ꞌajë ñajëna, huati quëꞌi paꞌisiquëpi i̱ quë̱no macare juꞌi ca̱ su̱ñasiquëpi dahuëre paꞌipi yoꞌomaꞌquëpi ñujiꞌi. Ñuꞌina, ñani ai caꞌrahuë.
25362	LUK 8:48	Quëa maca Jesupi capi: “Huau, mëꞌëpi jujuja̱ꞌquë api cuasani yoꞌosi doꞌipi jujusico paꞌiyë, mëꞌë. Se̱ñaco deꞌoye saijë̱ꞌë.”
25364	LUK 8:50	Caquëna, Jesupi asani capi, Jairore: “Quëquëmaꞌë paꞌijë̱ꞌë. Yëꞌëpi jujuja̱ꞌquë api caquë utejë̱ꞌë. Ja̱je cuasaquë utequëna, mëꞌë mamaco coꞌyasico pasio.”
25380	LUK 9:10	I̱ jëjo saosicohuaꞌipi coꞌini Jesure quëahuë, i̱ohuaꞌi yoꞌoroja̱iseꞌere. Quëa tëjijëna, ja̱ jeteyoꞌje sai sapi, ja̱ohuaꞌire, pa̱i peo hue̱ꞌñana, Betsaida daripë quëꞌrona.
25391	LUK 9:21	Ja̱je asajëna, Jesupi ja̱ohuaꞌire ai cua̱ñepi: Quëamaꞌpë paꞌijë̱ꞌë, yecohuaꞌire caquë,
25589	LUK 13:2	Quëajëna, capi: “¿Mësarupi cuasani huani je̱osicohuaꞌipi Galilea pa̱ire se̱ña maca coꞌacohuaꞌi paëꞌë, cuasaye?
25639	LUK 14:17	Huëosiquëpi a̱o a̱i macarepa ti̱ꞌaëna, i̱ joꞌyaëre capi: ‘Quërëja̱ijëꞌë, huëosicohuaꞌire siꞌaye ne saohuë’ capi.
25643	LUK 14:21	Ja̱ maca i̱ joꞌyaë coꞌini i̱ asaseꞌere siꞌaye quëapi. Quëaquëna, Ëjaëpi asani pë̱i i̱ joꞌyaëre capi: ‘Esa sani ja̱je paꞌito coꞌamaña peocohuaꞌini, cuꞌimaꞌcohuaꞌini cuiꞌne ñamaꞌcohuaꞌini, siꞌaye ai yoꞌojë paꞌicohuaꞌini ti̱ꞌani dajë̱ꞌë, jai daripë cuꞌi maꞌña paꞌicohuaꞌini.’
25691	LUK 16:2	Quëarena, asani ëjaëpi i̱te soini capi: ‘¿I̱quere mëꞌë yoꞌoquëna, yëꞌëre quëayeꞌni? Dajë̱ꞌë, mëꞌë coꞌamaña neseꞌe toyaseꞌere ñasiꞌi, mëꞌë yëꞌëre necaiquë paꞌiye peoji.’
25767	LUK 18:10	Quëa huëoquë capi: “Caya ë̱mëohuaꞌi Maijaꞌquëre se̱ huëꞌena saëꞌë, se̱ñuꞌu cajë. Teꞌi ja̱ohuaꞌi aquëpi fariseo paꞌiji, cuiꞌne yequëpi paꞌi doꞌi curiquë se̱quë pajiꞌi, pa̱i ëjaëre necaiquë.
25850	LUK 20:2	Ja̱ohuaꞌipi ti̱tani cahuë: “¿Quëajë̱ꞌë, i̱que tutupi cua̱ñequërepa paꞌi yoꞌoquëꞌni, iye? ¿I̱queipi iye cua̱ñe tutu i̱sina, yoꞌoquëꞌni?”
25870	LUK 20:22	Ja̱je paꞌina, se̱ñë. Quëajë̱ꞌë: ¿Deꞌoquë paꞌi doꞌire pa̱i ëjaë Césarna sa̱iñe, pa̱nitaꞌa coꞌaquë?”
26000	LUK 22:67	“Quëajë̱ꞌë. ¿Mëꞌë aë, Cristorepa?” Cajëna, i̱pi sehuopi, ja̱ohuaꞌire: “Yëꞌë i̱ aꞌë catoje̱ mësaru coa caji cuasaye paꞌiji.
26025	LUK 23:21	Caquëna, ai jerepa tutu cuihuë: “¡Que̱jaꞌquë api, que̱jaꞌquë api!”
26042	LUK 23:38	Cuiꞌne i̱ si̱opë ë̱mëjeꞌere toyasico pacoꞌë, griego, latín cuiꞌne hebreo cocapi ñeje: IQUË JUDÍO PA̲I ËJAËPI.
26221	JHN 3:32	Ja̱je paꞌina, ñaseꞌere cuiꞌne asaseꞌere quëaji. Quëaquëtaꞌare pa̱ipi nuñerepa caji cajë asaye pa̱ñë, i̱ cayere.
26307	JHN 5:28	Iyere asani ai cuasamaꞌpë paꞌijë̱ꞌë. Quëare payë. Ju̱ꞌisicohuaꞌi ta̱sicohuaꞌipi siꞌaohuaꞌi i̱ yëꞌo asaja̱ꞌa maca ti̱ꞌajaꞌcoa.
26536	JHN 9:27	Cajëna, sehuopi: “Tsoe quëahuë, mësarute. Quëatoje̱ asa yëmaꞌpë paꞌiyë. Yëꞌë caye: ¿I̱quere cajë cuiꞌnare ca co̱jëꞌë cajë se̱ñeꞌni? ¿I̱ni tuñuꞌu cajë yëjë se̱ñe?”
26631	JHN 11:39	Paꞌiona, Jesupi capi: “Quë̱na përe huiꞌyo je̱ojëꞌë.” Caquëna, Marta ju̱ꞌisiquë yoꞌjeopi cao: “Ëjaë, tsoe coꞌa së̱ji cuasayë. Tsoe cuatro muꞌseña paꞌiji.”
26711	JHN 13:12	Quë̱o jaꞌo tsoa tëjini i̱ ë̱mëjeꞌe juꞌicore su̱ñani cuiꞌnaëpi mesana jaꞌruni capi: “¿Mësaru yëꞌë caquë yoꞌoseꞌe asa ti̱ꞌañe?
26877	JHN 18:23	Caquëna, Jesupi capi: “Quëajë̱ꞌë. ¿I̱quere yëꞌë coꞌaye careꞌni? ¿Yëꞌë caseꞌepi deꞌoye paꞌito me yoꞌoquë tëꞌcaquëꞌni, yëꞌëre?”
26900	JHN 19:6	Maijaꞌquë huëꞌe ñacaicohuaꞌi ëjaohuaꞌi cuiꞌne policia pa̱i ñani cuihuë: “¡Que̱ñe paꞌiji. Que̱ñe paꞌiji!” Ja̱je cuijëna, Pilatopi capi: “Sani que̱jëꞌë, mësarupi. Yëꞌë cato ti̱ꞌañe pa̱huë, i̱ coꞌaye yoꞌoseꞌe.”
26907	JHN 19:13	Ja̱ maca Pilato iyere asani Jesure hueꞌsena etoni pa̱i yoꞌoseꞌe ne deꞌhuaquë ña deꞌhua hue̱ꞌñana jaꞌrupi, hebreo pa̱i coca cato Gabata hueꞌyo hue̱ꞌñana. Ja̱je cani cayë, “Quë̱napi nesico”.
26909	JHN 19:15	Ja̱je caquëna, i̱ohuaꞌipi cahuë: “¡Ju̱ꞌijaquë, ju̱ꞌijaquë! ¡Que̱ñe paꞌiji!” Cajëna, Pilatopi capi: “¿Yëꞌëpi mësaru ëjaëre que̱jaꞌquë aꞌni, ja̱je ca ja̱ꞌñe?” Caquëna, Maijaꞌquë huëꞌe ñacaicohuaꞌi ëjaohuaꞌipi cahuë, i̱te: “Yequë ëjaëre pare peoyë. Coa Césarseꞌe yëquë ëjaë paꞌiji.”
26913	JHN 19:19	Pilatopi cua̱ñepi cruzu ë̱mëjeꞌena: JESÚS NAZARET AQUË JUDÍO PA̲I ËJAËPI toyasicore deojë̱ꞌë caquë.
26951	JHN 20:15	Ja̱ maca Jesupi i̱ote se̱jiꞌi: “¿Nomio, i̱quere oicoꞌni? ¿Neni coꞌecoꞌni?” Caquëna, i̱ti maca tsio ñaquë api cuasaco cao: “Ëjaë, mëꞌëpi sasiquë pani quëajë̱ꞌë, mëꞌë ne sito. Quëaëna, yëꞌëpi i̱te sasiꞌi.”
27008	ACT 1:16	“Maijaꞌquë doꞌijë, Jesure tse̱acohuaꞌire sai saquë Judas yoꞌo ja̱ꞌñere Maijaꞌquë joyopi Davidre duꞌru quëaëña. Quëaquëna, toyapi. Ja̱ toyaseꞌe, Maijaꞌquë joyo caseꞌe ti̱ꞌañe pajiꞌi.
27115	ACT 4:24	Quëajëna, asani siꞌaohuaꞌi teꞌe cajë Maijaꞌquëre se̱iꞌë, ñeje: “Ëjaë maꞌtëmo cuiꞌne yeja, jai tsiaya, siꞌaye i̱ote paꞌiye deꞌhuasiquë,
27124	ACT 4:33	Peojëna, Jesús jëjo saocohuaꞌipi siꞌa tuturepa quëahuë, Jesús ju̱ꞌisiquëpi huëiseꞌere. Quëajëna, Maijaꞌquëpi ñacaina, siꞌaohuaꞌi deꞌoye paëꞌë.
27190	ACT 7:5	Ja̱je paꞌiquëtaꞌare i̱ti yejana coꞌamaña necani i̱siye pa̱pi. Quë̱o tsaꞌcuja̱ꞌtoje̱ i̱siye pa̱pi. Ja̱je paꞌiquëtaꞌare i̱sija̱ꞌquë aꞌë ca nëopi, i̱ ju̱ꞌisi jeteyoꞌje i̱ tsëcapë tse̱co paꞌija̱ꞌcore. Ja̱ muꞌseña cato Abraham mamajëre peoquë paꞌinije ja̱je capi.
27244	ACT 7:59	Quë̱na pë̱api je̱ajëna, Estebanpi Maijaꞌquëre se̱i capi: “Ëjaë Jesús, yëꞌë joyo mëꞌëpi deꞌhuacaijë̱ꞌë.”
27250	ACT 8:5	Quëajëna, i̱ohuaꞌi aquë Felipepi Samaria daripëna sani Jesús coca quëapi.
27251	ACT 8:6	Quëaquë pa̱i yoꞌo ti̱ꞌa maꞌñe yoꞌopi. Yoꞌoquëna, ñajë siꞌaohuaꞌi tsiꞌsini ai asahuë, Felipe caye.
27270	ACT 8:25	Iye aꞌë, maire caquë Jesús yoꞌoseꞌe cajë quëajë cuiꞌne Maijaꞌquë coca quëa tëjini Jesús jëjo saocohuaꞌipi Samaria yeja aꞌri daripë̱ana, deꞌo coca quëahuë. Quëa tëjini yuretaꞌa Jerusalénna coꞌihuë.
27279	ACT 8:34	Etiopia aquëpi Felipere se̱jiꞌi: “Quëare pajë̱ꞌë, yëꞌëre. ¿Neni caquëꞌni, Maijaꞌquëre quëacaiquë i̱jaꞌa coꞌye caquë pa̱nitaꞌa yequëni caquë?”
27281	ACT 8:36	Quëaquëna, oco quëꞌroja̱ꞌa sa sai Etiopia aquëpi capi: “¿I̱na oco i̱ñore paꞌiji, yëꞌëre doye deꞌomaꞌquë?”
27306	ACT 9:21	Quëaquëna, siꞌa asacohuaꞌipi ai cuasajë coꞌa ju̱ꞌijë cahuë: “Iquëpi Jerusalén paꞌicohuaꞌire hue̱ni Maijaꞌquë huëꞌe ñacaicohuaꞌi ëjaohuaꞌina sani i̱sisiꞌi caquë daisiquë api.”
27314	ACT 9:29	Israel pa̱itaꞌa griego cocapi cacohuaꞌire coca caquë cuiꞌne sa̱ñope cajëna, i̱je sa̱ñope caquë yoꞌopi. Quëaquëna, ja̱ohuaꞌipi i̱te huañuꞌu cajë yoꞌohuë.
27391	ACT 11:15	Quëaquëna, asani yëꞌëpi cocare quëa huëoquëna, deꞌo joyopi i̱ohuaꞌina dajiꞌi, maire duꞌru macarepa daiseꞌeje̱ paꞌye.
27421	ACT 12:15	Quëacona, i̱ohuaꞌipi i̱ote cahuë: “Cuepeco, caco.” Cajëna, cao: “Nuñerepa cayë.” Cacona: “Pedrore ñacaiquë maꞌtëmo aquë paꞌini.”
27423	ACT 12:17	Quëquëjëna, jë̱tëpi camaꞌpë caquë yoꞌoni je̱orena, i̱te co hue̱ꞌñapi etoseꞌere quëapi. Quëaquë capi: “Santiagore cuiꞌne yecohuaꞌire sehuosicohuaꞌire quëacaijë̱ꞌë, yëꞌëre etoseꞌere.” Cani yequë hue̱ꞌñana sajiꞌi.
27455	ACT 13:24	Ja̱ yëꞌtaꞌa Jesús daimaꞌnë Juanpi siꞌa Israel pa̱ire Maijaꞌquë coca quëapi. Quëaquë capi, ja̱ꞌnë cuasaseꞌere je̱oni Maijaꞌquëna po̱nëjëꞌë. Po̱nëjëna, oco doye paꞌiji.
27486	ACT 14:3	Ja̱je coꞌaye cuasa huëo doꞌire ai tsoe ja̱ daripëna pëani Maijaꞌquë coca deꞌoyerepa quëahuë. Quëajëna, Maijaꞌquëpi pa̱i yoꞌo ti̱ꞌa maꞌñe yoꞌo tutu i̱siquëna, jaiye deꞌoyere yoꞌohuë. Ja̱je yoꞌojëna, Maijaꞌquë oiye i̱ohuaꞌi quëaye doꞌi quëꞌyerepa paꞌiye i̱ñopi.
27503	ACT 14:20	Quërë je̱orena, sehuosicohuaꞌipi i̱ u̱i hue̱ꞌñana tsiꞌsini nëcajëna, huëjiꞌi. Huëni pa̱i daripëna cacapi. Cacasiquëpi ñatasi muꞌse Bernabé ja̱ꞌre co̱ni Derbe daripëna saëꞌë.
27508	ACT 14:25	Ti̱ꞌani Perge yeja paꞌicohuaꞌire deꞌo coca quëahuë. Quëa tëjini Antalia daripëna saëꞌë.
27511	ACT 14:28	Quëasicohuaꞌipi sehuosicohuaꞌi ja̱ꞌre co̱ni i̱ti macana pëani tsoe paëꞌë, ja̱rote.
27516	ACT 15:5	Quëajëna, fariseo acohuaꞌipi Maijaꞌquëre sehuosicohuaꞌipi huëni nëcani cahuë: “Yequë pa̱ipi sehuosicohuaꞌire ca̱ꞌni tëaye paꞌiji. Ja̱ maca Moisés cua̱ñeseꞌere yoꞌo ti̱ꞌajëꞌë, cua̱ñeñe paꞌiji.”
27566	ACT 16:14	Quëajëna, teꞌo nomio Lidia hueꞌecopi, Tiatira daripë pa̱iopi, jai doꞌi ca̱ña ma ja̱ꞌñe i̱sicopi tsiꞌsicohuaꞌi ja̱ꞌre pacoꞌë. Ja̱je paꞌiona, Maijaꞌquëpi Pablo cayere deꞌoyerepa asaja̱co caquë necaina, ai Pablo cayeseꞌe asao, siꞌaye i̱ quëaye. Ja̱o cato Maijaꞌquëre se̱co pacoꞌë.
27589	ACT 16:37	Caquëna, Pablopi capi: “Quëañuꞌu cajë daisicohuaꞌire soldado pa̱ire yëquë romano pa̱ini mësaru ti coꞌaye yoꞌoseꞌeje̱ camaꞌpë doꞌi peocohuaꞌini siꞌa pa̱i ñajëna, siꞌsehuë. ¿Yure ja̱je yoꞌosicohuaꞌipi yahuerepa etoñuꞌu cayë? Ja̱je yoꞌoye coeyë, i̱ti yëquëre cosicohuaꞌipi dani eto saoja̱jë.”
27591	ACT 16:39	Quëquësicohuaꞌipi dani pa̱i yoꞌoye ca deꞌhua ëjaohuaꞌipi yëquë mësarute coꞌaye yoꞌoseꞌe oijë̱ꞌë cajë se̱iꞌë, Pablore cuiꞌne Silasre. Ja̱je cani etoni iye daripëpi etani saijë̱ꞌë cajë se̱iꞌë.
27653	ACT 18:27	Quëasiquëpi Apolos Acayana sasiꞌi caquë yoꞌoquëna, sehuosicohuaꞌipi i̱ sai ja̱ꞌñe co̱caëꞌë. Co̱caijë cuiꞌne teꞌe carta toyahuë, Acaya sehuosicohuaꞌi paꞌicohuaꞌina deꞌoye i̱te pëpacaijë̱ꞌë cajë. Ja̱je yoꞌorena, Acaya ti̱ꞌani Maijaꞌquë oi doꞌipi sehuosicohuaꞌire ai deꞌoyerepa co̱cajiꞌi.