24975	LUK 1:13	A o anđeo phendas lešće: “Na dara, Zaharija! Kaj si ašundi ćiri molitva: e romnji ćiri e Jelisaveta bijanela tuće čhave, thaj tu dele alav Jovan.
24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24980	LUK 1:18	A o Zaharija phendas e anđelošće: “Sar me džanava kaj godova avela čače? Kaj sem me purano thaj e romnji mungri dija ande pire purane brš.”
24981	LUK 1:19	A o anđeo phendas lešće: “Me sem o anđeo Gavrilo, savo ačhav anglo Del te služiv, thaj bičhaldo sem te ćerav svato tuva thaj te javiv tuće akaja bahtali nevimata.
24982	LUK 1:20	Zato kaj či paćajan akana zanemija thaj naštik ćereja svato džiko đes dok či avel e vrjama pale godova thaj mungre alava či pherdonpe.”
24987	LUK 1:25	“O Gospod milostivo dikhlas pe mande kaj fuljardas mandar o ladžavo anglo them.”
24990	LUK 1:28	Kana o anđeo dijas late andre phendas laće: “Raduitu, kaj o Del si pherdo milosti prema tute! O Gospod si tusa.”
24992	LUK 1:30	A o anđeo phendas laće: “Na dara Marija! Kaj o Del iskažisardas tuće piri ljubav.”
24996	LUK 1:34	A e Marija phendas e anđelošće: “Sar godova avela kana sem me još čhej?”
24997	LUK 1:35	A o anđeo phendas laće: “O Sveto Duho fuljela pe tute, thaj e Sila e Majbare Devlešći avela pe tute thaj zasenila tut. Zato vi okova savo bijandola avela sveto, thaj akhardola o Čhavo e Devlesko.
24999	LUK 1:37	Kaj e Devlešće khanči naj nemoguće!”
25000	LUK 1:38	A e Marija phendas lešće: “Ake, sluškinja sem e Gospodešći. Neka avel manđe pe ćire alava.” Thaj o anđeo đelotar latar.
25004	LUK 1:42	Pale godova e bahtatar čhutas muj e bare glasosa: “Maj blagoslovime san tu, Marijo, katar sa e manušnja, thaj blagoslovime o čhavro ande ćiro đi.
25007	LUK 1:45	Blago tuće kaj paćajan kaj pherdola okova so phendas tuće o Gospod!”
25008	LUK 1:46	E Marija askal phenda: “Barjarel e duša mungri e Gospode!
25017	LUK 1:55	sago kaj obećisardas amare pra paponenđe, e Avraamešće thaj lešće potomkonenđe dži ko veko.”
25022	LUK 1:60	Ali e Jelisaveta phendas: “Na! Lesko alava avela Jovano!”
25023	LUK 1:61	A von phendine laće: “Pa khonik ande ćiri familija či bučhol gajda.”
25025	LUK 1:63	O Zaharija manglas e pločica pe savi šaj te ramol thaj ramosardas: “Jovano si lesko alav.” Thaj savora začudisajle.
25028	LUK 1:66	Thaj savora save ašundine pale akala događaja, gndinas thaj phučenas pes ande peste: “So avela katar akava čhavro? Čačes si o vas e Gospodesko pe leste.”
25030	LUK 1:68	“Blagoslovime o Gospod Del e Izraelosko kaj avilo thaj izbavisarda pire theme!
25041	LUK 1:79	te anel svetlo okolenđe save train ando tunjariko thaj ande dar katar o smrto thaj te upravisares amare pungre po drom e mirosko.”
25052	LUK 2:10	A o anđeo phendas lenđe: “Na daran! Kaj ake, anav tumenđe e bahtali nevimata pe bari bah sa e themešće.
25054	LUK 2:12	Ake o znako pe savo pindžarena les: araćhena e čhavre paćarde sar pašljol ande jasle.”
25056	LUK 2:14	“Slava e Devlešće ande nebeske visine, thaj pe phuv miro e themešće save si pe lešći volja!”
25057	LUK 2:15	Čim e anđelurja boldinepe ando nebo, e pastirja phenenas jek avrešće: “Hajde džas dži ko Vitlejem, te dikhas so godova okote dogodisajlo, so phendas amenđe o Gospod.”
25065	LUK 2:23	(sago kaj si ramome ando zakono e Gospodesko: “Svako prvo bijando, a muško čhavo neka posvetilpe e Gospodešće”)
25066	LUK 2:24	thaj den e žrtva (sago kaj phenel e Gospodesko zakon: “duj grlice ili duj terne goluburja”).
25071	LUK 2:29	“Akana, Gospode, šaj me ćiro sluga te merav ando miro sago kaj phendan.
25074	LUK 2:32	o svetlo te prosvetlil aver themen thaj e slava ćire themešći e Izraelošće.”
25076	LUK 2:34	O Simeon askal blagoslovisardalen, thaj phendas e Isusešće dejaće e Marijaće: “O Del odredisardas pale akava čhavro te e but e manušenđe ando Izrael avel palo propast thaj butenđe palo vaskrsenje. Vo si odredime te avel e Devlesko znako, ali o but o them odbacila les.
25077	LUK 2:35	Akava avela sar te sikadon e gndimata save si garade ande but e ile. A vi tuće korkoraće o mačo hvarela ćiro ilo.”
25090	LUK 2:48	Kana dikhlinele začudisajle, a lešći dej phendas lešće: “Čhaveja! Sostar ćerdan amenđe gadava? Ake me thaj ćiro dad e darasa rodam tut.”
25091	LUK 2:49	A o Isus phendas lenđe: “Sostar rodineman zar či džangline kaj me trubul te avav ando ćher mungre Dadesko?”
25098	LUK 3:4	Sago kaj ramosardas o proroko Isaija, o Jovano sas: “O glaso savo čholas muj ande pustinja: ‘Lačharen o drom palo Gospod, Poravnisaren e staze pale leste!
25100	LUK 3:6	Thaj svako manuš dićhela o spasenje savo avel katar o Del.’”
25101	LUK 3:7	O Jovano phenelas okolenđe save avenas te bolelen: “Tumen e sapengo leglo! Ko phendas tumenđe kaj šaj te našen angle bari holji e Devlešći savi avel?
25102	LUK 3:8	Sikaven tumare trajosa thaj tumare delenca kaj odvoisajle katar o bezeh thaj kaj obratisajle e Devlešće. Na hohaven tumen kaj si tumenđe dosta te phenen: ‘Amen sam e Avraamešće potomkurja,’ kaj phenav tumenđe kaj o Del šaj vi katar akala bara te vazdel čhavra e Avraamešće.”
25104	LUK 3:10	Askal o them phučlales: “So askal te ćeras?”
25105	LUK 3:11	A o Jovano phendas lenđe: “Kas si duj gada neka del jek okole kas naj. Thaj kas si habe neka del okoles kas naj.”
25106	LUK 3:12	Aviline vi e carinikurja te o Jovane bolelen, thaj phendine lešće: “Sikamneja, so amen te ćeras?”
25107	LUK 3:13	A o Jovane phendas lenđe: “Na roden majbut porezo nego so odredil tumenđe e vlast.”
25108	LUK 3:14	E vojnikurja isto phučline: “A amen so te ćeras?” A vo phendas lenđe: “Khonikastar na len e love pe sila, na optužisaren khonikas hohamne thaj aven zadovoljno tumare poćinava.”
25110	LUK 3:16	Zato o Jovano phendas savorenđe: “Me bolava tumen e pajesa, ali avel vareko pale mande ko si majzuralo mandar, kašće me najsem dostojno ni e haravlja pe sandale te putrav. Vo bolela tumen e Sveto Duhosa thaj e jagasa.
25111	LUK 3:17	Šilavela piro gumno thaj odvoila o điv katar e pleva; o điv ćidela ande piro skladište, a e pleva dela jag e bare jagasa savi phabola večno.”
25116	LUK 3:22	thaj fuljisto pe leste o Duho Sveto ande telesno obliko sago golubo, thaj andar o nebo ašundilo o glaso savo phendas: “Tu san mungro voljeno Čhavo. Tu san mungri bah!”
25135	LUK 4:3	A o beng phendas lešće: “Ako san Čhavo e Devlesko, phen akale barešće te postanisarel mangro.”
25136	LUK 4:4	A o Isus phendas lešće: “Ando Sveto lil ačhel ramome: ‘Či trail o manuš samo katar o mangro.’”
25138	LUK 4:6	Thaj phendas lešće o beng: “Tuće dava sa akaja vlast thaj e slava lenđi, kaj si manđe predaime, thaj me šaj te davala kašće me kamav.
25139	LUK 4:7	Ako peres pe koča angle mande thaj slavisman, avela sa ćiro.”
25140	LUK 4:8	A o Isus phendas lešće: “Ando Sveto lil ačhel ramome: ‘De koča thaj slavisar samo e Gospode ćire Devles, thaj jedino lešće služisar.’”
25141	LUK 4:9	Thaj o beng inđardale ando Jerusalim, thaj čhutale po vrho e Hramosko, thaj phendas lešće: “Ako san Čhavo e Devlesko, huti katar tele,
25142	LUK 4:10	kaj ando Sveto lil ačhel ramome: ‘Pale tute kaj pire anđelenđe zapovedila te len sama pe tute.’
25143	LUK 4:11	thaj: ‘pe vas inđarena tut te či pećes varekaj će pungresa ando bar.’”
25144	LUK 4:12	A o Isus phendas lešće: “Ramome si: ‘Na probisar e Gospode e ćire Devle.’”
25150	LUK 4:18	“O Duho e Gospodesko si pe mande zato makhlas mungro šoro e uljeja thaj bičhaldama, te anav e bahtali nevimata e čorenđe, bičhaldama te propovedisarav e phanglenđe kaj avena mukle, thaj e korenđe kaj dićhena, e zarobimenđe kaj avena oslobodime
25151	LUK 4:19	thaj te proglasisarav o brš milosti e Gospodesko”.
25153	LUK 4:21	Thaj počnisarda te phenel lenđe: “Ađes akava Lil savo ašundine tumare kanenca pherdilo.”
25154	LUK 4:22	Savora phenenas sa maj šukar pale leste, thaj divinaspe e šukar alavenđe kaj inkljenas andar lesko muj, thaj phenenas: “Naj li a kava o čhavo e Josifesko?”
25155	LUK 4:23	Askal phendas lenđe: “Tumen manđe bi sumnjako mothona akaja poslovica: ‘Doktorina! Sastar korkoro tut!’ Ćer vi akate ande ćiro gav kaj barjilan so ašundam kaj ćerdan ando Kafarnaum.”
25156	LUK 4:24	Askal ačhilo majdur te mothol: “Čačes phenav tumenđe: ‘Nijek proroko či lačhe avilo ande piro gav kaj bajrilo.’
25159	LUK 4:27	Thaj but gubavcurja sas ando Izrael pale vrjama kano sas o Jelisej proroko ali ni jek lendar či sastilo nego samo o Nemano Sirijco.”
25166	LUK 4:34	“So kames amendar, Isuse andar o gav Nazaret? Avilan te uništis amen? Džanav tut, ko san. Tu san o Sveco e Devlesko.”
25167	LUK 4:35	A o Isus zapovedisardas lešće: “Phandav ćiro muj thaj inklji andar leste!” O bilačho duho haradales angle savorende, inkljisto andar leste, thaj ni cara či naudisardas lešće.
25168	LUK 4:36	Savora sas začudime thaj phenenas jek avrešće: “Sosko si godova svato, te e vlastosa thaj e silava zapovedisarel e bilačhe duhonenđe, thaj von inkljen avri?”
25173	LUK 4:41	A vi e bilačhe duhurja inkljenas andar e but e manuša thaj čhonas muj thaj phenenas: “Tu san Čhavo e Devlesko!” A vo pretilas lenđe thaj zabranisardas lenđe te na ćeren svato, kaj von džanenas kaj si vo o Hristo.
25175	LUK 4:43	A vo phendas lenđe: “Vi e manušenđe andar e aver gava trubul te anav e bahtali nevimata pale Devlesko carstvo, kaj zato o Del bičhaldaman.”
25180	LUK 5:4	A kana o Isus ačhilo te ćerel svato e themešće, phendas e Simonešće: “Otplovisar okote kaj si handuk o paj, thaj čhude e mreže ćire thaj astar e mačhen.”
25181	LUK 5:5	A o Simon phendas lešće: “Sikavneja! Sasti rjat trudisajlam, thaj khanči či astardam, ali ako tu gajda phenes, čhudava e mreže.”
25184	LUK 5:8	A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo manuš.”
25186	LUK 5:10	A gajda vi o Jakov thaj o Jovano sas ando čudo. Von sas e čhave e Zevedeješće thaj e drugarja e Simonešće. A o Isus phendas e Simonešće: “Na dara. Katar akana e manušen astarena.”
25188	LUK 5:12	Kana sas o Isus ande jek gav, dijas pe jek manuš savo sas sa ande guba. Dikhla e Isuse thaj pelo angle leste e mujesa pe phuv, thaj zamolisardale: “Gospode! Te kames šaj te sastaresman katar e guba.”
25189	LUK 5:13	Vo čhuta po vas pe leste, thaj phendas: “Kamav, av sasto!” Thaj e guba odma peli lestar.
25196	LUK 5:20	A vo kana dikhla o paćipe lengo, phendas lešće: “Manušeja, jartime si tuće ćire bezeha.”
25197	LUK 5:21	E fariseja thaj e sikavne e Mojsiješće zakonestar počnisardine te gndisaren thaj ande peste te phenen: “Ko si akava kaj hulil po Del? Ko šaj te jartosarel e bezeha osim o Del?”
25198	LUK 5:22	A o Isus džangla lenđe gndimata, thaj phendas lenđe: “Sostar gajda gndin ande tumare ile?
25199	LUK 5:23	So si maj loće te phenelpe: ‘Jartime si tuće će bezeha’ ili te phenelpe: ‘Ušti thaj phir’?
25200	LUK 5:24	Nego te džanen kaj e Čhave e Manušesće si vlast pe phuv te jartosarel e bezeha…” Askal phendas e linešće: “Tuće phenav: ‘Ušti, le ćire nosilje thaj džatar tuće ćhere!’”
25202	LUK 5:26	Savora sas ando čudo, slavinas e Devle, thaj pherde dar phenenas: “Čudurja ađes dikhlam!”
25203	LUK 5:27	Pale godova o Isus inkljisto, thaj dikhla e cariniko savo bučholas Levije kaj bešel pe carina, thaj phendas lešće: “Av pale mande.”
25206	LUK 5:30	Askal e fariseja thaj lenđe sikavne e Mojsiješće zakonestar počnisardine te mrmljan pe leste thaj phendine lešće učenikonenđe: “Sostar han thaj pijen e carinikonenca thaj e bezehalenca?”
25207	LUK 5:31	A o Isus phendas lenđe akaja izreka: “‘Či trubun e saste manuša e doktore nego e nasvale’.
25208	LUK 5:32	Gajda vi me či avilem te akharav e pravednikonen, nego e bezehalen te bolden pes katar lenđe bezeha ko Del.”
25209	LUK 5:33	Von askal phendine lešće: “Sostar e Jovanošće učenikurja često postin thaj molinpe, isto gajda vi e farisejenđe učenikurija, a ćire či postin nego han thaj pijen?”
25210	LUK 5:34	A o Isus phendas lenđe: “Dali šaj traden e svaturja te postin kana si o džamutro lenca?
25211	LUK 5:35	Nego avela o đes kana lena lendar e džamutre, thaj askal postina ande godola đesa.”
25212	LUK 5:36	O Isus phendas lenđe još jek paramiči ande slike: “Khonik či čhinel e kotor katar o nevo gad te suveles pe purano gad. Ako godova ćerel, o nevo gad čhindola, a e purane gadešće či ačhela o kotor katar o nevo gad.
25215	LUK 5:39	Thaj khonik ko pijel e purani mol, čikamel e nevi, kaj phenel e purani mol si majlačhi.”
25217	LUK 6:2	A varesave katar e fariseja phendine lenđe: “Sostar ćeren okova so naj muklino te ćerelpe ande e Mojsijesko zakono savatone?”
25218	LUK 6:3	A o Isus phendas lenđe: “Zar či čitosardine ando Sveto Lil okova so ćerda o David kana bokhajlo, vo thaj okola kaj sas lesa?
25219	LUK 6:4	Kana dija ando ćher e Devlesko, thaj lijas e mangre save sas posvetime, hala thaj dija vi okolenđe save džanas pale leste. A khonik prema e Mojsijesko zakono či tromalas te hal e mangredar osim e rašaja.”
25220	LUK 6:5	Thaj phendas lenđe: “Isto gajda, o Čhavo e Manušesko majbaro si vi katar o savato.”
25223	LUK 6:8	A vo džanglas e gndimata lenđe, thaj phendas e manušesće e šuće vastesa: “Ušti thaj ač maškaral.” A vo uštilo thaj ačhilo maškaral.
25224	LUK 6:9	A o Isus phendas lenđe: Te phučav tumen: “So si muklino savatosa te ćerelpe, lačhipe ili bilačhipe? Te spasilpes o trajo ili te hasarelpe?” A von samo ačhenas.
25225	LUK 6:10	A o Isus dikhlas pe lende savorende thaj phendas e manušesće e šuće vastesa: “Inzar ćo vas.” A vo ćerda gajda thaj o vas lesko sastilo thaj sasto sago vi aver.
25235	LUK 6:20	Vo dikhla pe pire učenikurija thaj phendas: “Blago tumenđe save sen čore, kaj si tumaro o carstvo e Devlesko.
25241	LUK 6:26	Teško tumenđe kana savora lačhe mothona pale tumende, kaj isto gajda amaro them ćerelas amare hohamne prorokonenđe ande lenđe vrjama.”
25242	LUK 6:27	“Ali tumenđe save ašunen phenav: Volin tumare dušmajen! Ćeran lačhipe okolenđe save mrzan tumen!
25251	LUK 6:36	Aven dakle bare ileja sago kaj si vi tumaro nebesko Dad bare ileja.”
25254	LUK 6:39	Thaj phendas lenđe akaja paramiči ande slike: “Dali šaj o koro e kore te vodil? Či li perena liduj ande hv?
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25261	LUK 6:46	“Sostar akharen man: ‘Gospode! Gospode!’ A naj sen paćivale okolešće so phenav tumenđe?
25264	LUK 6:49	A kova savo ašundas mungre alava a naj paćavilo mungre alavenđe, vo si sago o manuš savo vazdas piro ćher pe phuv bi temeljesko, pe savo navalisarda o paj, odma harada o ćher, thaj katar godova ćher nastanisarda bari ruševina.”
25268	LUK 7:4	A von aviline ko Isus thaj počnisardine ilestar te molin les alavenca: “Zaslužisarda te ćeres lešće godova
25269	LUK 7:5	kaj volil amare them, thaj vo vazdas amenđe e sinagoga.”
25270	LUK 7:6	A o Isus teljarda lenca. Thaj kana sas već paše ko ćher, bičhalda o kapetano pire drugaren leste te phenen lešće: “Gospode! Na truditu, kaj najsem dostojno te des tale mungro krovo.
25272	LUK 7:8	Vi me sem manuš tele vlast thaj siman tale mande vojnikurja. Thaj kana phenav jećhešće: ‘Dža!’, vo džaltar. Thaj kana phenav averešće: ‘Av!’, vo avel. Thaj kana phenav mungre robošće: ‘Ćer godova!’, vo ćerel.”
25273	LUK 7:9	A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”
25277	LUK 7:13	Kana dikhlala o Gospod, sažalisajlo pe late thaj phendas laće: “Na rov!”
25278	LUK 7:14	Pale godova avilo ko mohto, čhuta pire vas pe leste, thaj o kola kaj inđarenas o mohto ačhiline. A vo phendas: “Čhaveja, tuće phenav: Ušti!”
25280	LUK 7:16	A savora zadivisajle thaj počnisardine te hvalin e Devle alavenca: “Baro proroko avilo maškar amende!”, thaj: “O Del avilo ando pomoć pire themešće!”
25283	LUK 7:19	thaj bičhaldalen ko Gospod te phučenle: “Da li san tu okova saves obećisardas o Del kaj trubul te avel, ili te ažućaras averes?”
25284	LUK 7:20	Kana akala duj manuša aresline leste, phendine: “O Jovano savo bolel bičhalda amen tute te phučas tut: ‘Da li san tu okova saves obećisardas o Del kaj trubul te avel, ili te ažućaras avres?’”
25286	LUK 7:22	A o Isus phendas lenđe: “Džan thaj phenen e Jovanošće so upravo dikhline thaj so ašundine: e kore dićhen, e banđe phiren, e gubave saston, e kašuće ašunen, e mule ušten, a e čorenđe propovedilpe e bahtali nevimata.
25287	LUK 7:23	Blago okolešće savo či uvredilpe zbog mande.”
25288	LUK 7:24	A kana đeletar e učenikurija e Jovanošće, o Isus počnisarda te phenel e but e themešće palo Jovano: “So inkljistine ande pustinja te dićhen? E trska, savja ljuljil e bavlal? Na!
25291	LUK 7:27	Kaj vo si okova pale savo o Del phendas ando Sveto lil: ‘Ake me bičhalav mungre glasniko angle ćiro muj savo lačharela ćiro drom angle tute.’
25292	LUK 7:28	Kaj phenav tumenđe: Nijek bijando katar e manušnji naj majbaro katar o Jovano, a o majcikno ando carstvo e Devlesko si majbaro lestar.”
25295	LUK 7:31	O Isus phendas: “Kasa te usporedisarav e manušen akale naraštaješće? Kašće si slične?
25296	LUK 7:32	Lenca si sago čhavrenca save či džanen sokamen bešen po sokako thaj jek avrešće čhon muj: ‘Svirosardam tumenđe a tumen či ćheldine! Đilabadam tumenđe tužaljke a tumen či rujine!’
25297	LUK 7:33	Gajda avilo o Jovano savo bolelas. Niti halas mangro niti pijelas mol, aj tumen phenen: ‘O bilačho duho si ande leste!’
25298	LUK 7:34	Avilem me, o Čhavo e Manušesko. Vi hav vi pijav, a tumen phenen: ‘Dik, o manuš halapljivo thaj matarno, drugari e carinikonengo thaj e bezehalengo.’
25299	LUK 7:35	Savora save prihvatin e Develešći mudrost sikaven kaj si voj čači.”
25303	LUK 7:39	Kana godova dikhlas o farisej savo akharda les ande piro ćher, gndisardas ande peste: “Kana akava avilosas proroko, džanglasas ko si thaj sošći si akaja manušnji, savi dirile, kaj si bezehali.”
25304	LUK 7:40	O Isus phendas lešće: “Simone, siman vareso te phenav tuće.” A vo phendas: “Phen, sikavneja.”
25305	LUK 7:41	O Isus nastavisardas: “Sas varesavo manuš savo delas averenđe udžile love. Gajda sas duj džene save sas lešće udžile. Jek sas lešće udžile pandž šela rupune lovora, a aver pandžvardeš.
25306	LUK 7:42	Sar naštik te boldine e love save sas lešće udžile, vo jartosardas liduj dženenđe. Savo lendar majbut volilale?”
25307	LUK 7:43	O Simon phendas: “Gndiv kaj okova savešće si majbut jartome.” A o Isus phendas lešće: “Lačhe phenes.”
25308	LUK 7:44	Gajda boldape ke manušnji thaj phendas e Simonešće: “Dićhes akala manušnja? Dijem ande ćiro ćher, a tu ni paj či dijanman te thovav mungre pungre, a voj pire jasvenca thoda mungre pungre thaj pire balenca khoslalen.
25311	LUK 7:47	Zato, phenav tuće: ‘Voj sikadas but ljubav kaj si laće jartome e but e bezeha, a maj cara ljubav sikadas okova savo si maj cara svesno kaj si lešće jartome lešće bezeha.’”
25312	LUK 7:48	A o Isus phendas e manušnjaće: “Jartome si tuće ćire bezeha.”
25313	LUK 7:49	A kola save sas pale sinija počnisardine te mothon maškar pende: “Ko akava gndil kaj si kaj vi e bezeha jartosarel?”
25314	LUK 7:50	A vo phendas e manušnjaće: “Zbog ćiro paćipe tu san spasime. Dža ando miro e Devlesa!”
25319	LUK 8:5	“Inkljisto o sijači te sijol o seme. Dok sijolas, varesavo seme pelo po drom, thaj o them uštadale a e čiriknja aviline thaj halineles.
25322	LUK 8:8	Aver palem napokon pelo pe lačhi phuv, niknosarda thaj bijanda šeldrom majbut.” Phendas godova thaj čhuta muj: “Ašunen kana već situmen kan!”
25324	LUK 8:10	A vo phendas lenđe: “Tumen o Del dijas gođi te džanen e tajne e Devlešće carstvošće, a averenđe si dino samo ande paramiča, kaj ando Sveto lil ačhel ramome: ‘te vi ako dićhen či primetin, te vi ako čhon kan a či haćaren.’
25329	LUK 8:15	Okova seme savo pelo pe lačhi phuv si sago e manuša save ašunen o alav thaj inćarenle ando lačho thaj plemenito ilo thaj ustraisaren dok či anen plodo.”
25330	LUK 8:16	“Khonikal kana del jag o stenko či čholes talo čaro niti talo kreveto, nego čhonles po čirako, te dićhen o svetlo okola save den andre.
25332	LUK 8:18	Len sama sar ašunen, kaj kas si haćaripe delape lešće, a kas naj haćaripe, lelape lešće vi kova so gndil kaj siles.”
25334	LUK 8:20	Vareko avilo thaj javisardas lešće: “Ćiri dej thaj ćire phral ačhen avri. Kamen te dićhentu.”
25335	LUK 8:21	O Isus phendas lenđe: “O kolen save ašunen thaj izvršisaren o alav e Devlesko smatriv kaj si mungri dej thaj mungre phral.”
25336	LUK 8:22	Jek đes o Isus phendas pire dešuduj učenikonenđe: “Hajde te nakhas pe koja rig e jezerošći.” O Isus thaj lešće učenikurja dine ando čamco thaj isplovisardine.
25338	LUK 8:24	Aviline ko Isus, džungadine les thaj čhutine muj: “Sikavneja, sikavneja, tasados!” Vo džungadilo, thaj zapovedisarda e bavlajaće thaj e valovenđe. Thaj e valurja smirisajle thaj nastanisarda tišina.
25339	LUK 8:25	A o Isus phendas lenđe: “Kaj tumaro paćipe?” A von ande dar thaj ando čudo phučenaspe: “Savo si akava te zapovedisarel e paješće thaj e bavlajaće, a von te pokorisarenpe lešće?”
25342	LUK 8:28	Kana o manuš ande savo sas e bilačhe duhurja dikhla e Isuse, čhudape angle leste thaj ande sasto glaso čhuta muj: “So kames mandar, Isuse, majbare Devlešće čhaveja? Molivtut na mučisarman!”
25344	LUK 8:30	O Isus pe godova phučla les: “Sar si ćiro alav?” Vo phendas: “Majbut džene sam katar jek,” kaj ande leste dine e but bilačhe duhurja.
25353	LUK 8:39	“Boldetu ćhere thaj phen sa so ćerda tuće o Del.” Vo đelotar thaj razglasisarda pe sasto gav so ćerda lešće o Isus.
25359	LUK 8:45	A o Isus phendas: “Ko astardape mungre haljinatar?” Savora počnisardine te braninpe, a o Petar phendas: “Sikavneja, o but o them ćićideltut thaj spidelpe, aj tu phučes ko astardape pale mande.”
25360	LUK 8:46	A o Isus phendas: “Vareko astardape pale mande namerasa. Haćardem sar e sila inkljisti andar mande thaj vareko sastilo.”
25362	LUK 8:48	A vo phendas laće: “Čhejo, ćiro paćipe sastardatu. Dža ando miro!”
25363	LUK 8:49	Dok o Isus još ćerelas svato e romnjasa, avilo vareko andar e Jairesko ćher ko Jair savo sas vođa ande sinagoga e porukasa: “Muli ćiri čhej. Na majbut mučisar e sikavne.”
25364	LUK 8:50	Ašunda godova o Isus thaj phendas: “Na dara! Samo paća thaj voj traila!”
25366	LUK 8:52	A savora save sas ando ćher rovenas thaj žalinas pale čhori. A o Isus phendas lenđe: “Naroven! Či muli, nego samo sovel!”
25368	LUK 8:54	O Isus astardala palo vas thaj čhuta muj: “Čhorije, ušti!”
25373	LUK 9:3	Thaj phendas lenđe: “Na te aveltumen tumenca po drom ni rovlji, ni trasta ni so hana, ni love thaj na te aveltumen tumenca po duj haljine!
25375	LUK 9:5	Ande savo gav či primintumen, inkljen andar godova gav, thaj ćhinon o praho katar tumare pungre. Godova avela znako kaj mukline les lešće sudošće.”
25378	LUK 9:8	Aver phenenas pojavisajlo pe phuv o Ilija, a aver palem phendine: “Uštilo andar e mule varesavo proroko andar e purani vrjama.”
25379	LUK 9:9	A o Irod phendas: “Me čhindem e Jovanosko šoro. Ko si askal akava pale kaste gaći ašunav?” Thaj rodelas prilika te dićhel e Isuse.
25382	LUK 9:12	Kana avilo maj paše o krajo e đesesko kasno mismere avile ko Isus maj paše e dešuduj učenikurja thaj phendine e Isusešće: “Te mukas e theme te džal pe okolne gava te araćhen kaj raćarena thaj so hana kaj sam akate ando samotno krajo?”
25383	LUK 9:13	A o Isus phendas lenđe: “Tumen den len te han!” A von phendine, “Najamen majbut katar pandž mangre thaj duj mačhe, osim te džas te ćinas hamasko pale sa o them.”
25384	LUK 9:14	A sas varekaj katar pandž milje manuša (či đinavenas pe e manušnja thaj e čhavra). O Isus phendas pe učenikonenđe: “Phenen lenđe te bešen ande skupine po pandžvardeš džene.”
25388	LUK 9:18	Jekhvar dok o Isus crdape po korkoro than te molilpe, lesa sas samo lešće dešuduj učenikurija. Pale godova phučlalen: “So phenel o them, ko sem me?”
25389	LUK 9:19	Von phendine: “Varesave phenen kaj san o Jovano savo bolelas, aver kaj san o proroko Ilija, a trite palem kaj uštilo andar e mule varesavo katar aver purane prorokurja.”
25390	LUK 9:20	A vo phučla len: “A tumen, so tumen phenen, ko sem me?” A o Petar phendas: “Hristo Pomazaniko e Devlesko!”
25392	LUK 9:22	Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”
25393	LUK 9:23	Pale godova o Isus phendas savorenđe: “Ako vareko kamel te avel mungro sledbeniko, neka odreknilpes korkoro pestar, nek svako đes lel piro trušul thaj nek džal pale mande.
25395	LUK 9:25	Kaj savi korist si e manušesće ako zadobisarel sa o them, a korkoro pes hasarel ili pešće naudil?”
25397	LUK 9:27	“Čačes phenav tumenđe: ‘Varesave save si akate tumendar či merena dok či dićhena e Devlesko carstvo.’”
25403	LUK 9:33	Thaj dok godola duj džene džanastar lestar, o Petar phendas e Isusešće: “Sikavneja, lačhe kaj sam kate. Te ćeras trin senice: jek tuće, jek e Mojsijašće, thaj jek e Ilijašće.” Či džangla so phenel.
25405	LUK 9:35	A o glaso ašundilo andar godova oblako: “Akava si mungro Čhavo saves odabirisardem! Leste čhon kan.”
25408	LUK 9:38	Askal varesosko manuš savo sas maškar o them čhuta muj: “Sikavneja, moliv tut dik mungre čhave, kaj si manđe jedinco.
25410	LUK 9:40	Molisardem ćire učenikonen te traden e bilačhe duho andar leste avri ali von naštik tradine les.”
25411	LUK 9:41	A o Isus phendas lenđe: “O bilačhe thaj bi paćako manušalen! Kozom semasa tumenca a tuman či paćan. Phučaman kozom još trpiva tumen! An akaring ćire čhave!”
25414	LUK 9:44	“Lačhe zapamtisaren so phenav tumenđe: Me, o Čhavo e Manušesko, avava dino ande vas e manušenđe.”
25418	LUK 9:48	thaj phendas lenđe: “Ko god primil akale cikne čhavre zbog mande, man primil. A ko man primil, primil e Devles savo man bičhalda. O Del smatril kaj si majvažno okova savo si maj ponizno maškar tumende!”
25419	LUK 9:49	Askal o Jovano phendas: “Sikavneja, dikhlam jećhe kaj ande ćiro alav tradel e bilačhe duhonen. Amen phendam lešće te na ćerel godova, kaj či džal pale tute.”
25420	LUK 9:50	A o Isus phendas lešće: “Na branin lešće! Kaj ko naj protiv tumende, pale tumende si!”
25424	LUK 9:54	Kana godova dikhline lešće učenikurja o Jakov thaj o Jovano, phučline les: “Gospode! Kames te amen phenas te delen jag o oganj andar o nebo thaj te uništil len?”
25427	LUK 9:57	Dok džanas dromesa, varesosko manuš phendas e Isusešće: “Džava pale tute kaj god tu te džas.”
25428	LUK 9:58	A o Isus phendas lešće: “E lisicen si lenđe hvja, thaj e čirikljen lenđe gnezdurja, a man e Čhave e Manušesće naj kaj mungro šoro te čhav.”
25429	LUK 9:59	Varesave avrešće phenda o Isus: “Sledi man!” A vo phendas lešće: “Gospode, muk man prvo te džav te prahov mungre dade.”
25430	LUK 9:60	O Isus phendas lešće: “Muk e mulen te prahon pire mulen, aj tu dža thaj navestisar o carstvo e Devlesko.”
25431	LUK 9:61	Još vareko phendas: “Me džava pale tute Gospode, ali muk man te džav prvo te jartoman katar mungri familija.”
25432	LUK 9:62	A o Isus phendas lešće: “Ni jek savo lel o plugo ande pire vas te oril thaj askal dićhel palpale, naj dostojno palo carstvo e Devlesko.”
25434	LUK 10:2	Majsigo so bičhaldalen phendas lenđe: “E žetva si bari, a radnikurja si cara. Molisaren e Gospodare e žetvaće te bičhalel e radnikonen ande piri žetva.
25437	LUK 10:5	Ande savo god ćher den, prvo phenen: ‘Miro akale ćherešće!’
25439	LUK 10:7	Kana aven ande varesosko ćher, na naćhen andar o ćher ande aver ćher, ačhen pe jek than han thaj pijen sa so inkalen angle tumende. Kaj o radniko zaslužisarel piri poćin.”
25448	LUK 10:16	Pale godova phendas e učenikonenđe: “Ko tumende čhol kan, mande čhol kan. Ko tumen odbacil man odbacil, a ko man odbacil, odbacil okoles savo bičhaldaman.”
25449	LUK 10:17	Kana e eftavardeš thaj duj učenikurja boldine pes bahtale phendine: “Gospode, čak vi e bilačhe duhurja pokorinpes angle amende ande ćiro alav!”
25450	LUK 10:18	A o Isus phendas lenđe: “Dikhlem e benđenđe poglavica sar perel sar e munja andar o nebo.
25452	LUK 10:20	Ali na raduintumen kaj e bilačhe duhurja pokorinpe tumenđe, Ali raduintumen zbog godova kaj si tumare alava ramome ande Devlešći knjiga ando nebo.”
25453	LUK 10:21	Ande godova časo o Isus pherdo bah ando Sveto Duho phendas: “Slaviv tut, Dade, tut savo san Gospodari e nebosko thaj e phuvjako, kaj garadan ćiro čačipe katar okola save smatrin pes mudre thaj umne, a objavisardan e ciknenđe. Ej Dade! Gajda tuće sviđosajlo.
25454	LUK 10:22	Mungro Dad sa dijas man thaj khonik či džanel ko si o Čhavo, nego samo o Dad; niti ko si o Dad osim o Čhavo osim okova kašće o Čhavo godova kamel te objavisarel.”
25455	LUK 10:23	Askal boldape ke učenikurja kana sas korkoro lenca thaj phendas lenđe: “Blago e manušenđe save dićhen okova so tumare jakha dićhen!
25456	LUK 10:24	Phenav tumenđe: But prorokurja thaj e carurja kamline te dićhen man thaj te ašunen man, ali či dikhline man thaj či ašundine man!”
25457	LUK 10:25	Jekhvar uštilo jek sikavno e Mojsiješće zakonestar te probil e Isuse thaj phučlas: “Sikavneja, so trubul te ćerav te dobiv večno trajo?”
25458	LUK 10:26	A vo phendas lešće: “So ramol ando Mojsijesko zakono? So okote čitosardan?”
25459	LUK 10:27	Askal o manuš phendas “Čumide e Gospode Devle ćire saste ileja, ćire saste dušava, ćire saste snagasa ćire saste gođasa, thaj volisar ćire pašutne sago kaj volis korkoro tut!”
25460	LUK 10:28	Pe godova phendas lešće o Isus: “Lačhe phendan. Godova ćer thaj avelatu večno trajo.”
25461	LUK 10:29	Ali vo lija te sikavelpe pravedno, thaj phučla e Isuse: “A ko si mungro pašutno?”