23244	MAT 2:6	í ni, Ilaaɔ̃ í ni, Iŋɛ inɛi Betelehɛmu ŋa, si ilɛi Zudee, Ntɔ ntɔ, ilu nŋɛ kù kere si ilu nlai Zudee ŋa fei, Si na iyi í jɔ̀ hai si ilu nŋɛi ilaaluu á fita Inɛ iyi á ɡbã inɛi Izirɛli, inɛm ŋa.
23245	MAT 2:7	Ŋɔi Herodu í jɔ̀ à kpe woo mà ŋau do asii, í bee ŋa si waati iyi andaiyau í fita dee dee. Nɔ à sɔ̃ɔ.
23252	MAT 2:14	Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.
23254	MAT 2:16	Ŋɔi amanlu Herodu í yɛ iyi woo mà andaiya ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ andaiyau í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.
23256	MAT 2:18	À ɡbɔ anu ku dɔ̃ si ilui Rama. À ɡbɔ inɛ ŋa à kpata, À waa cã buubuu. Asee, Rasɛlii wa kpata na irii amaɛ ŋa. Nɔ à bɔ ku lɛlɛɛ, Amma í kɔ ku ɡbɔ kulɛlɛu Si na iyi í jɔ̀ amaɛ ŋa a kù wɛɛ má.
23267	MAT 3:6	À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.
23270	MAT 3:9	I maà tamaa mà aa ba faaba ŋa si na iyi í jɔ̀ ì ya maa ni ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.
23276	MAT 3:15	Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.
23281	MAT 4:3	Ŋɔi Seetam woo lɛlɛu, í naa siɛ í ni, bii awɔu Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.
23295	MAT 4:17	Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.
23298	MAT 4:20	Bɛ ɡbakã à jɔ̀ taao nŋa ŋa à tooɛ.
23300	MAT 4:22	Bɛ ɡbakã aŋa mɔ à jɔ̀ akɔu do baa nŋa à waa tooɛ.
23301	MAT 4:23	Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.
23302	MAT 4:24	Nɔ baauɛ í fanɡaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛɡɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.
23309	MAT 5:6	Ilu inɔ didɔ̃ ŋai inɛ ŋa iyi à waa ɡbɔ ari do aɡbɛi mii iyi Ilaaɔ̃ wa bee, Domi Ilaaɔ̃ á jɔ̀ a yo.
23313	MAT 5:10	Ilu inɔ didɔ̃ ŋai inɛ ŋa iyi à kpã ŋa iju si na iyi í jɔ̀ à waa ce mii iyi Ilaaɔ̃ í bee ŋa, Domi aŋai à jɛ inɛi bommai Ilaaɔ̃ ŋa.
23315	MAT 5:12	I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ leleaɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.
23316	MAT 5:13	Ŋɔi Jesu í sɔ̃ ŋa má í ni, iŋɛi ì jɛ imu si inɔi inɛi andunya ŋa. Bii didɔ̃i imu í ku, mii aa dasi ku jɔ̀ ku dɔ̃ má. Í ɡbe de a nikãɛ, nɔ inɛ ŋa a tɛɛsɛɛ.
23319	MAT 5:16	Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.
23327	MAT 5:24	jɔ̀ amuaɛu bi kuweeu bɛ titã, i koo i teese ideu ɡbakã, awɔ do kpaasiɛ. Si anyiɛ, i bɛi i nyi wa i cea Ilaaɔ̃ amuaɛ.
23336	MAT 5:33	Jesu í sɔ̃ ŋa má í ni, ì nɔ ì ɡbɔ iyi Moizi í sɔ̃ bala nŋɛ ŋau í ni, ide iyi ì ɡbasi si wajui Aɔ̃ Lafɛ̃ɛ ì ni aa ce, jɔ̀ i coo.
23339	MAT 5:36	Nɔ i maà ya ɡbasi do iri nŋɛ ŋa si na iyi í jɔ̀ i kaa yɔkɔ i fũuta baa ntoi iri akã nŋɛ hee ma jɛ i jɔ̀ ku dũ ŋa.
23340	MAT 5:37	I jɔ̀ ide ku fɔ nŋɛ ku jɛ ntɔ. Bii ì ni ooi ku jɛ oo do ntɔ, bii aawo mɔi, ku jɛ aawo. Iyi aa lesi antaɛ bɛbɛi fei ŋa, hai bi Seetam inɛ laalɔui wa naa.
23348	MAT 5:45	Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa rɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.
23351	MAT 5:48	Na nŋu, i jɔ̀ jiida nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.
23354	MAT 6:3	Amma iŋɛ, waati iyi ì waa mua ilu are ŋa nɡɔɡɔ ŋa, i maà jɔ̀ awɔ canɡa nŋɛ ku mà mii iyi awɔ njɛu wa ce,
23360	MAT 6:9	Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, Jɔ̀ inɛ fei ku mà iyi awɔi ì jɛ inɛ kumá.
23361	MAT 6:10	Naa jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.
23364	MAT 6:13	Maà ti i jɔ̀ ka dasi kulɛlɛ, Amma nya wa hai si awɔi Seetam. [Domi awɔi ì nɛ bomma do ɡbuɡbã do amboe hee do ajɔ fei. Ami.]
23367	MAT 6:16	Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛ́i ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.
23384	MAT 6:33	Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í ɡbe bɛi fei Ilaaɔ̃i á kɔ̃ɔ nŋɛ si.
23389	MAT 7:4	Bɛirei aa ce i sɔ̃ kpaasiɛ i ni, jɔ̀ n nyaɛ fɔfɔ si ijuɛ, awɔ iyi jĩi ite í wa si tɛɛ.
23390	MAT 7:5	Awɔ ilu muafitii, jɔ̀ i tako i nya jĩi ite iyi í wa si ijuɛ titã ku ba i yɛ ilu sãa sãa, i bɛi i nya fɔfɔ iyi í wa si ijui kpaasiɛ.
23414	MAT 7:29	À bitii si na iyi í jɔ̀ do yiikoi wa kɔ ŋa si, kù jɛ bɛi woo kɔ inɛ ŋa si wooda nŋa ŋau.
23416	MAT 8:2	Nɔ dintɛ ɡɔ í naa í sɛɛbata si wajuɛ í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í má.
23430	MAT 8:16	Iyi alɛ í lɛ, à naa Jesu inɛ ŋa iyi à nɛ inɛi inɔɔko ŋa wa nkpɔ nkpɔ. Nɔ í lele inɛi inɔɔko ŋau do ide ku fɔ, nɔ inɛ ŋa iyi à waa ce bɔ̃ɔ fei í jɔ̀ à ba iri.
23435	MAT 8:21	Nɔ inɛ akãi mɔcɔi Jesu ɡɔ mɔ í ni, Lafɛ̃ɛ, jɔ̀ n koo n si baam wa titã.
23436	MAT 8:22	Amma Jesu í jɛaa í ni, awɔ de toom wa, nɔ i jɔ̀ iku ŋa a si iku nŋa ŋa.
23440	MAT 8:26	Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.
23442	MAT 8:28	Iyi Jesu í to icei tenkuu do ikpa ihɔ̃ si ilɛi Gadara, ŋɔi amanɛ minji ɡɔ ŋa à fita wa hai bi ku si iku ŋa à kòo wa. Inɛ ŋau à nɛ inɛi inɔɔko ku ɡaabu ntɔ ntɔ hee í jɔ̀ inɛ ɡɔ ci ya jɛ ku too kpãau.
23445	MAT 8:31	Nɔ inɛi inɔɔko ŋau à tɔɔ Jesu à ni, bii ì waa lele wai, jɔ̀ kaa mu kuusɔɔ ɡaa ŋau ihɔ̃.
23469	MAT 9:21	Í ce bɛɛbɛi si na iyi í jɔ̀ í fɔ si idɔɛ í ni, baa bii jaaɛi ǹ ba ǹ lu an ba iri.
23473	MAT 9:25	Ŋɔi Jesu í jɔ̀ inɛ ŋau à fita nɔ í lɔ í mu awɔi mudɛ̃ɛu nɔ í dede.
23475	MAT 9:27	Nɔ Jesu í nɛ hai bɛ. Si isɛɛnɛɛu fɛɛju minji ɡɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.
23483	MAT 9:35	Jesu wa dabii dabii si ilu nla ŋa do si ilɛɛko ŋa, wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, nɔ wa sisi laabaau jiidai bommai Ilaaɔ̃ nɔ í jɔ̀ bɔ̃ɔ ŋa do kɔ̃ɔ ŋa fei à ba iri.
23487	MAT 10:1	Si anyii nŋu, Jesu í kpe mɔcɔ maateejiɛ ŋau í tɔtɔɔ ŋa bi tɛɛ. Nɔ í mu nŋa yiiko a leleò inɛi inɔɔko ŋa nɔ a jɔ̀ kɔ̃ɔ ŋa a ba iri do inɛ ŋa iyi à waa ce bɔ̃ɔ dimi ikã ikã fei.
23494	MAT 10:8	Nɔ i jɔ̀ bɔ̃ɔ ŋa a ba iri nɔ i jĩ iku ŋa, i jɔ̀ dintɛ ŋa a ba iri a jɛ inɛ kumá, nɔ i lele inɛi inɔɔko ŋa iyi à wa si inɛ ŋa. Si bɛi ì ba hai nɛ kusã ŋa, iŋɛ mɔ i na hai nɛ kusã.
23496	MAT 10:10	I maà ti i so bɔɡɔ, i maà ti i so ibɔ minjisia, wala baata, wala ɡolo. I maà so mii ŋau bɛ kãma ŋa si na iyi í jɔ̀ woo ce icɛ í nɛ kpãai a náa bukaatai mii iyi í nɛ ku maa wɛɛò.
23502	MAT 10:16	Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi anɡudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.
23503	MAT 10:17	Nɔ i ce laakai ŋa si na iyi í jɔ̀ inɛ ɡɔ ŋa aa na a mu ŋɛ a bɔò ŋɛ bi ku ce kiiti, aa nɔ a cã ŋɛ ile bi ku ce kutɔtɔɔ nŋa ŋa.
23527	MAT 10:41	Inɛ iyi í ɡba walii si na iyi í jɔ̀ Ilaaɔ̃ í bɔɔ wa, Ilaaɔ̃ á na nŋu mɔ ribai walii, nɔ inɛ iyi í ɡba amanɛ iyi wa ce idɔɔbii Ilaaɔ̃ si na iyi í jɔ̀ í jɛ dee dee, Ilaaɔ̃ á na nŋu mɔ ribai inɛ dee dee.
23528	MAT 10:42	Inɛ mɔ iyi í mua taaka ɡɔ baa inyi tũtũ si na iyi í jɔ̀ í jɛ mɔcɔm, ǹ wa n sɔ̃ ŋɛi, lafɛ̃ɛ kaa kua ribaɛ pai.
23546	MAT 11:18	Ǹ ni bɛɛbɛi si na iyi í jɔ̀ waati iyi Zãa woo dasi inyiu í naa í ya dĩ anu nɔ ci ya mɔ vɛ̃ɛ, nɔ à ni í nɛ inɛi inɔɔkoi.
23548	MAT 11:20	Nɔ Jesu í lɔsi ku ɡbaɡba si inɛi ilu ŋa bii í ce maamaake nkpɔ nkpɔ ŋau si na iyi í jɔ̀ a kù kpaasi idɔ.
23550	MAT 11:22	Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Tii do Sidɔ̃ɔ ŋa á tia tu ŋɛ.
23552	MAT 11:24	Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Sodomu ŋa á tia tu ŋɛ.
23554	MAT 11:26	Í sĩa Baaba, si na iyi í jɔ̀ bɛɛbɛi ì bi.
23557	MAT 11:29	I jɛsi n lesi ŋɛ zuuɡum nɔ i ɡba idei ciom ŋa, si na iyi í jɔ̀ amuu amanɛ kurɔ do woo kaye arai. Bii ì waa ce bɛɛbɛ ŋa, aa ba kusĩmii hunde nŋɛ ŋa.
23568	MAT 12:10	Wee mɔkɔ ɡɔ í wa bɛ, awɔ akãɛ í ku í ɡbɛ. Nɔ inɛ ŋa iyi à wa bɛu à bee Jesu à ni, wooda í na inɛ kpãa ku jɔ̀ inɛ ku ba iri si ajɔi kusĩmi? À waa fɔ bɛɛbɛi ku ba a yɛ taaleɛ.
23573	MAT 12:15	Amma Jesu í mà si ŋa nɔ í nɛ hai bɛ. Waati iyi Jesu wa nɛ, zamaa nla nla ɡɔ í tooɛ. Nɔ í jɔ̀ inɛ ŋa iyi à jɛ bɔ̃ɔ ŋa fei à ba iri.
23575	MAT 12:17	Í jɔ̀ à ba iri ku ba ide iyi walii Ezai í fɔu ku kɔ̃, iyi í ni,
23578	MAT 12:20	Kaa tambɔ ama jĩi iyi í kɔmba wa bi ku cɛ, Nɔ kaa kpa fitila iyi inya kumáɛ kù la, Hee waati koo to si bii á jɔ̀ dee dee ku jɛm ku kãmia inɛ fei,
23580	MAT 12:22	Si anyii nŋu, à naa Jesu mɔkɔ ɡɔ wa iyi inɛi inɔɔko í jɔ̀ í fɛɛju nɔ í dekĩ. Nɔ Jesu í faaba inɛɛu, í jɔ̀ wa yɛ ilu nɔ wa fɔ ide.
23599	MAT 12:41	Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi inɛ iyi wa sɔ̃ ŋɛ ideu ihɛ̃ í re Zonasi.
23600	MAT 12:42	Si ajɔi kiitiu, ilaalu inaabo iyi í naa hai awɔ canɡai kpãai inunu á dede si inɛi nnyi ŋa ku yɛ taale nŋa, si na iyi í jɔ̀ hai jĩijĩi í dede í naa ku ɡbɔ idei bisii Salomɔɔ, ilaalu nlau. Nɔ wee nsɛi inɛ iyi wa sɔ̃ ŋɛ ideu ihɛ̃ í re Salomɔɔ.
23613	MAT 13:5	Nɔ ɡɔɡɔ ŋa mɔ à cuku si ilɛ iyi í nɛ kuta, tenɡi bii sãa kù kpɔ. Nɔ í fita bɛ ɡbakã si na iyi í jɔ̀ sãa kù la bɛ.
23619	MAT 13:11	Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à ɡbe ŋau a màa.
23621	MAT 13:13	Inɛ ŋau, à ya maa cɔ ilu amma a kù waa yɛ, nɔ à waa sɔ̃ ŋa ide amma a kù waa ɡbɔ yaaseɛ. Na ŋɔi i jɔ̀ ǹ ya n maa n sɔ̃ ŋa ide do mɔnda.
23623	MAT 13:15	Idɔ nŋa í baa í le. À dĩ itĩ nŋa ku ba a maà ɡbɔ ide ɡɔ, Nɔ à bii iju nŋa ku ba a maà yɛ nɡɔɡɔ, Nɔ idɔ nŋa mɔ ku maà mà nɡɔɡɔ. Bii kù jɛ bɛɛbɛ aa naa a sinda wa bi Ilaaɔ̃ nɔ ku jɔ̀ a ba iri.
23624	MAT 13:16	Amma Jesu í sɔ̃ mɔcɔɛ ŋau í ni, iŋɛ ilu inɔ didɔ̃ ŋai, si na iyi í jɔ̀ iju nŋɛ wa yɛ ilu, nɔ itĩ nŋɛ wa ɡbɔ ide má.
23629	MAT 13:21	Amma ci ya jɔ̀ ideu ku ce icã jiida si idɔɛ, nɔ kaa yɔkɔ ku leekĩ ku kpɛ. Bii wahala ɡɔ í dede, walakɔ ijuukpã ɡɔ na irii ideu, í ya fũsi awɔi ɡbakã.
23638	MAT 13:30	I jɔ̀ aŋa fei a dede nŋa hee bii kumuɛ í to. Waati bɛɛbɛ an sɔ̃ woo mu ŋau a kpa fɔfɔ laalɔu titã a dũu a dasi ina, a bɛi a tɔtɔɔ dimi jiidau a dasi suum.
23644	MAT 13:36	Jesu í jɔ̀ zamaau nɔ í koo í lɔ kpasɛ̃. Nɔ mɔcɔɛ ŋau à bɔ bi tɛɛ à ni, sisi nwa yaasei mɔndai fɔfɔ laalɔu.
23666	MAT 13:58	Kù nɔ kù ce maamaake nkpɔ bɛ si na iyi í jɔ̀ a kù dasiɛ naanɛ.
23668	MAT 14:2	Nɔ í sɔ̃ amaacɛɛ ŋa í ni, inɛɛu bɛ Zãa woo dasi inyiui í jĩ wa hai si balɛ. Na ŋɔi í jɔ̀ í nɛ ɡbuɡbã wa ceò maamaake ŋau bɛ.
23669	MAT 14:3	Mii iyi í jɔ̀ Herodu í fɔ bɛɛbe wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i ɡba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiu í jɔ̀ Herodu í ni a muu a dũu a dasiɛ piisɔ̃ɔ.
23671	MAT 14:5	Nɔ Herodu wa bi ku kpaa, amma wa ce njoi inɛ ŋa si na iyi í jɔ̀ aŋa fei à ni Zãa waliii.
23675	MAT 14:9	Ŋɔi inɔi ilaaluu í fɔ. Do nŋu fei í jɛsi nɔ í ni a koo a bu irii Zãau wa a naa a náa. Í jɛsii si na iyi í jɔ̀ í ɡbasi tã do mii fei si wajui inɛ njooɛ ŋau.
23680	MAT 14:14	Iyi à fita hai si akɔi inyiu ŋɔi Jesu í yɛ zamaau. Nɔ í ce araare nŋa nɔ í jɔ̀ bɔ̃ɔ nŋa ŋa à ba iri.
23681	MAT 14:15	Iyi alɛ wa lɛ ŋɔi mɔcɔɛ ŋau à naa bi tɛɛ à ni, si ɡbabuai à wa ihɛ̃ nɔ wee idũ wa dũ. Na nŋu, jɔ̀ inɛ ŋau a nɛ ilɛɛko ŋa a koo a ra mii iyi aa jɛ.
23689	MAT 14:23	Waati iyi í jɔ̀ à nɛ nɔ í koo í ɡũ iri kuta ɡɔ ku ba ku ce kutɔɔ. Nɔ idũ í dũ í báa bɛ nŋu akãɛ.
23690	MAT 14:24	Wee waati bɛɛbɛ akɔi inyiu í wa si aninii tenkuu tã. Nɔ kutãnɡãm dii inyiu í wasi ku taleɛ si na iyi í jɔ̀ fufu wa ko ŋa ikpó.
23692	MAT 14:26	Waati iyi à yɔɔ wa nɛ si antai tenkuu wa ŋɔi ziɡi nŋa í da, njo wa mu ŋa, à waa ni, zĩii. Nɔ njou í jɔ̀ à wasi ku dɔ̃ anu.
23694	MAT 14:28	Ŋɔi Piɛɛ í sɔ̃ɔ í ni, Lafɛ̃ɛ, bii awɔi, jɔ̀ amu mɔ n nɛ n naa bi tɛɛ si antai inyiu.
23702	MAT 14:36	Nɔ à tɔɔɛ à ni ku jɔ̀ aŋa a lu baa itĩi kumbooɛ, nɔ inɛ iyi í luu fei í ya ba irii.
23705	MAT 15:3	Nɔ Jesu í jɛ nŋa do ide ku bee í ni, na mii í ce iŋɛ mɔ dedemba nŋɛ ŋa ku too í jɔ̀ i kù waa jirima woodai Ilaaɔ̃ ŋa.
23708	MAT 15:6	Nɔ inɛ iyi í fɔ bɛɛbɛ kaa sobi iyeò baaɛ má hee ku jirima ŋa. Bɛɛbɛi ì waa kpa idei Ilaaɔ̃ ŋa ku ba i too dedemba iyi à jɔ̀ nŋɛ.
23716	MAT 15:14	I jɔ̀ ŋa bɛ. Woo mu ɡolo fɛɛju ŋai. Nɔ bii fɛɛju wa mua fɛɛju ɡolo aŋa minji fei à ya koo a dasi ɡooi.
23732	MAT 15:30	Nɔ zamaa nla ɡɔ í naa bi tɛɛ. À naaò ilu kutɛ akã ŋa wa, do fɛɛju ŋa, do wɛɛɡɛ ŋa, do dekĩ ŋa, do bɔ̃ɔ nkpɔ má nɔ à jilɛ ŋa si wajui Jesu, nɔ í jɔ̀ à ba iri.
23734	MAT 15:32	Jesu í kpe mɔcɔɛ ŋa í ni, araarei inɛ ŋau ihɛ̃ wa mum, domi ajɔ mɛɛta nŋai ihɛ̃ iyi à wa bi tom, nɔ sɔnda kãma kù ɡbe nŋa má. Nɔ n kù bi n jɔ̀ a nɛò ariu ku ba a maà na a koo a cuku kpãa.
23741	MAT 15:39	Ŋɔi Jesu í jɔ̀ inɛ ŋau à nɛ í bɛi í lɔ akɔi inyi í nɛ ikpa ilɛi Maɡadãa.
23745	MAT 16:4	Inɛ laalɔi nsɛi ŋa iyi a kù leekĩò Ilaaɔ̃ nŋu akã, nyindai à ya maa bi ku yɛ. Amma nyinda ɡɔ kù wɛɛ iyi aa nyisi ŋa má bii kù jɛ ide iyi í ba walii Zonasiu. Iyi Jesu í fɔ bɛɛbɛ í tã ŋɔi í jɔ̀ ŋa í nɛ.
23748	MAT 16:7	Ŋɔi mɔcɔ ŋau à waa lasabu si idɔ nŋa à waa ni, na iyi í jɔ̀ a kù so pɛ̃ɛ kosĩai í jɔ̀ wa fɔ bɛɛbɛ.
23749	MAT 16:8	Amma Jesu í mà lasabu nŋa iyi à waa ce nɔ í bee ŋa í ni, na mii í ce ì waa ni ŋa, na iyi í jɔ̀ iŋɛ i kù so pɛ̃ɛ kosĩai í jɔ̀ ǹ wa n fɔ bɛɛbɛ. Naanɛ nŋɛ kù la.
23753	MAT 16:12	Bɛbɛi mɔcɔ ŋau à mà iyi kù jɛ lefee iyi í ya jɔ̀ pɛ̃ɛ ku wui wa fãa, amma à mà iyi cioi Farisi do ti Sadusi ŋaui wa fãa.
23765	MAT 16:24	Si anyii nŋu Jesu í sɔ̃ mɔcɔɛ ŋa í ni, inɛ iyi wa bi ku toom, ku jɔ̀ idɔɔbiɛ nɔ ku so jĩi ku ɡaauɛ ku toom wa.
23773	MAT 17:4	Ŋɔi Piɛɛ í sɔ̃ Jesu í ni, Lafɛ̃ɛ, í sĩa ka maa wa ihɛ̃. Bii ì bi, jɔ̀ ka ce ilei acɔ mɛɛta, akã titɛɛ, akã mɔ ti Moizi, akã mɔ ti Elii.
23776	MAT 17:7	Amma Jesu í naa bi tu ŋa í lu ŋa í ni, i dede ŋa i maà jɔ̀ njo ku mu ŋɛ.
23789	MAT 17:20	Nɔ Jesu í jɛ nŋa í ni, si na iyi í jɔ̀ naanɛ nŋɛ kù lai. Ntɔ ntɔ ǹ wa n sɔ̃ ŋɛi, bii naanɛ nŋɛ í la í to baa dimii mii ku ɡbɛ̃ iyi í kere í re, aa yɔkɔ i sɔ̃ iri kutau ihɛ̃ ŋa í ni ku dede hai bɛ ku bɔ ihɔ̃, nɔ bɛɛbɛ mɔi á dede. Nkãma kù wɛɛ iyi aa mɔnɡɔ ku ce ŋa. [
23803	MAT 18:7	Ijuukpã nla nlai inɛi andunya ŋa aa yɛ si na iyi í jɔ̀ à ya maa dasi kpaasi nŋa ŋa dulum. Kù nɔ kù nɛ bɛi á ce iyi inɛ ɡɔ ŋa a kù dasi kpaasi nŋa ŋa dulum, amma inɛ iyi í ce bɛɛbɛ á yɛ ijuukpã ntɔ ntɔ.