6	GEN 1:6	Tarame Anutuzi ʒiŋuc muwec: “Opâ ŋondeŋko aka sanaŋ moc fuaoc, ehuc izi opâ bâtâc bazejec.”
30	GEN 1:30	Â mâreŋ qowi â sawa wipe â homa gisic wiac nokafehec bâfuac‐jopakicne, jaŋere nânâ ine sopâc hofâ qinʒiŋ wiac râekopac.” Eme iŋuc fuawec hâcne.
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
59	GEN 3:3	â jufu ʒâʒâŋiŋko jâc moc domakac irec hândâŋne ine Anutuzi mi nanacte, erâ wâc mi bâuanacte muwec, iŋuc erâ hâmozipecte.”
61	GEN 3:5	Anutu e ʒiŋuc manakac: Ŋohe hândâŋ i nâpire ʒâŋe‐ŋekic tâcneme e jahacne iŋucne erâ biaŋne â sâqocne irec fuŋne mana taranicmu.”
66	GEN 3:10	Eme muwec: “No jufuo hata jutec fânâŋge manarâ, biuctac jukopacte hâwicnume soŋkepac.”
68	GEN 3:12	Ŋiczi muwec: “Ŋokac nohec juocte naremeŋ eki jâchândâŋne nareme napac.”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
71	GEN 3:15	Erâ go â ŋokac ŋoherao kikisâ sanaŋ râekopac, izi ɋâricge â ɋâric‐ticne jaherao wâc fozejec. Eme eki qizecge âtenʒaŋneocmu, goki ine kike kiririŋne kinʒaŋnecmu.”
72	GEN 3:16	Ŋokac ine ʒiŋuc âzâcnewec: “Kiwechec juhaŋtec ʒâic bocjaha bâfua‐garepemu, eme gozi kicgukuhame naru motec rocjopazemec. Ŋowegere aŋacguha eki bomboŋ egarezejec.”
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
87	GEN 4:7	Go biaŋne jutec mana‐garepe sâckeocmu. Biaŋne mi jucmuo ine sâqocnezi motâc râpeo soŋkerâ ruc bagareocmu. E gore hâcne ecnekac, go ine aka hecnezemec.”
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
92	GEN 4:12	Hesarac gie batec mâreŋzi guec‐ticnere fârine sakare‐garezejec. Eme wise wise juhuc ra ju ware ju ezemec.”
94	GEN 4:14	Go miŋecgac gie hesarac mâreŋkonec jâpecnukomec, irec ʒâŋesoŋ bagarerâ wise wise juhuc ra ju ware ju epemu, ehame ŋiczi bâfuacnurâ qâhâmocnuniŋmu.”
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
104	GEN 4:24	Kaiŋ qaocmuzi okacne arec 7 roocmu â Lamec no nuocmuzi ine okacne arec 77 roocmu.”
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
159	GEN 6:21	Â wiac nânâne i me i fokac sâc mâmâc nuse qâzuc efârerâ wokeo rotec feme izi gahacne â wipe qowi jaŋere juju dopeckezejec.”
222	GEN 9:16	Eme no huriri hâcne karoracko domaocmu sâc, ʒâŋitahuc mâreŋko wiac jujune sasawa ŋoŋehec ʒâʒâfic sanaŋ epo irec manasupemu.”
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
270	GEN 11:3	Erâ kecʒiŋuc muc manac embiŋ: “Ajoc, nâŋâc afe qâhâckerâ ʒocko rikepene sanaŋkeoc.” Eme afe sanaŋkekicne izi fic bapa qânâ ejarewec â mâreŋ maŋkonec sâfâ izi simeŋ ejarewec.
271	GEN 11:4	Eme mumbiŋ: “Ajoc, nâŋâc hae sâko moc barâ ficʒora moc feŋgaŋne feŋgaŋne râe fekupene botâŋnezi sambâŋ âke uazejec. Eme ʒâŋe biŋehec erâ siŋsaŋ qahuc mâreŋne mâreŋne mi ranʒepeneŋ.”
274	GEN 11:7	Ajoc, nâŋâc hurâ dâŋjeŋic bâsifuckepene dâŋte kâuc babac enʒepieŋ.”
306	GEN 12:7	Dameŋ ira Kanaaŋ ŋic jaŋe hae mâreŋ irec rune jumbiŋ. Eme Wofuŋzi Abram fuacnerâ muwec: “Ɋâricfâcge jaŋe mâreŋ ʒi hâcne jarezokopac.” Eme Abram e Wofuŋzi fuacnerâ dâŋ âzâcnewecte ira alata moc bawec.
312	GEN 12:13	Irec go ʒiŋuc muzemec: No seŋticne. Iŋuc mutecne no gore erâ akicnupie sâcne jupemu.”
328	GEN 13:9	Ʒâŋe maigao mâreŋ sâko forakac i mi honekic me? Irec râwiŋnenac. Go qanaopec razo mukicko noni fâreopec rapemu, me fâreopec razo mukicko noni qanaopec rapemu.”
336	GEN 13:17	Go faharec, erâ mâreŋ hâŋne â otecne fotâcnerâ rac, mâreŋ i go tahacgukopac hâcne.”
358	GEN 14:21	Ehame Sodom ŋicwofuŋ e Abram ʒiŋuc muhuc âzâcnewec: “Ŋic ŋokac bârisiec‐jopa‐narec, mafa ine fogareoc.”
361	GEN 14:24	Mâc motec jaŋe suanʒeŋ nâmbieŋ izi fozejec, erâ ŋic nohec jumbeneŋ, Anera, Esikola â Mamere jaŋe ine sâcjeŋic ronʒepieŋ.”
362	GEN 15:1	Eme irec faicnao Wofuŋzi Abram maŋko fuac ecnerâ ʒiŋuc âzâcnewec: “Abram, go mi hâwicguoc, maroge no hâcne, â furige i fekicne jâmbâŋ fuaocmu.”
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
364	GEN 15:3	Erâ ʒuhuckerâ muwec: “Manakic, go ɋâric moc mi tahacnumeŋ, irec juku kiŋaŋ qaqa‐nanezi merâfâc‐nane rauckeocmu hâcne.”
365	GEN 15:4	Iŋuc mume Wofuŋte dâŋ kecʒiŋuc fuacnewec: “Eki merâfâcge mi rauckezejec, aricne, gore bifuŋko fuaocmuzi merâfâge rauckeocmu.”
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
368	GEN 15:7	Erâ ʒiŋuc âzâcnewec: “Wofuŋ jukopac, noni hâcne mâreŋ ʒi garepemurâ Uru haeonec, Kaldea mâreŋkonec jowacgu warepo.”
377	GEN 15:16	Jaŋe ine Amori ŋic jaŋere kiŋte sâc micnao biac mi qakacte jufekupie gaŋne 4 eme risie wareniŋmu.”
382	GEN 15:21	Amori ŋic, Kanaaŋ ŋic â Jebusi ŋic jaŋere mâreŋ hâcne.”
384	GEN 16:2	Eme Saraizi Abram ʒiŋuc âzâcnewec: “Manakic, Anutuzi kogoc fufua irec mâsi sakare‐narewecte go kiŋaŋ naru‐nanehec juhaŋtec eraonec motec moc sâcne fua‐nareocmu mecne.” Mume Abramzi Saraire dâŋ reŋkewec.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
388	GEN 16:6	Mume Abramzi Sarai dâŋ ʒiŋuc âzâcnewec: “Wiac kiŋaŋ naru e gore meo jukac, e iŋuc me iŋuc ecnezo murâ ecnec.” Eme Saraizi Haga qa bâtiŋ ecneme wiserâ rawec.
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
391	GEN 16:9	Eme Wofuŋte aŋelozi‐âzâcnewec: “Go risierâ ŋokac bomboŋge rumecnehuc juzemec.”
392	GEN 16:10	Erâ Wofuŋte aŋelozi ʒuhuckerâ âzâcnewec: “No ɋâricfâcge basawec‐jopape mâretec sawe mâririackepie ʒare‐jeŋiczi wowosenere sâc jâuruocmu.”
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
400	GEN 17:2	Ehame noni gohec ʒâʒâfic ehuc basawecgupe sawe mâririackezemec.”
406	GEN 17:8	Ehame mâreŋ jaba jukomec, Kanaaŋ mâreŋ sâko hâcne, i go â ɋâricfâcge ŋoŋe ro rauc epie fosanaŋke‐ŋareocte ŋarepemu, ehuc Anutu‐ŋeŋic erâ jupemu.”
412	GEN 17:14	Ŋic moc e ʒâʒâfic‐nane qâsuahuc sahac‐ticnao ma mi bapa mâc juocmu, e gurufâc‐ticne jaŋeraonec bârâriepie juju‐ticne omaezejec.”
414	GEN 17:16	No e jambuŋkerâ eraonec ŋokâ moc tahacgupemu. No Sara hâcne jambuŋkepe eraonec ŋic gurune gurune fuarâ junʒepieŋ, erâ eraonec jaha ŋicwofuŋ fua ranʒepieŋ.”
419	GEN 17:21	Ʒâʒâfic‐nane ine Isakarao basanaŋkepemu e hâcne Sarazi jara faicnao dameŋ ʒiŋucnea roocmu.”
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
431	GEN 18:6	Eme Abraham e biac qoruc bozeo ferâ Sara âzâcnewec: “Ajoc, go poroŋ uucne fifia râqâc jahec â moc fiarâ bâsifuckerâ poroŋ rikec.”
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
435	GEN 18:10	Eme moc eki muwec: “No jara faicnao dameŋ ʒiŋucnea mocwâc gorao warepemu, eme Sara e kogoc baŋeocmu.” Sarazi ine motâc râpenao soŋkerâ hazec râehuc domawec.
439	GEN 18:14	Wofuŋzi wiac irec me irec moc bâipieocmu me? No jara faicnao dameŋ ʒiŋucnea mocwâc gorao risie warepemu eme Sara e ŋokâhec juocmu.”
440	GEN 18:15	Eme Sara e hâwickeme mickehuc muwec: “No mi gâwiepac.” Eki ine muwec: “Aricne, go gâwiemec.”
444	GEN 18:19	No e kecʒiŋuc muhuc rowosâepo hâcne: E ɋâricfâcne â kikefuŋfâcne jaŋe Wofuŋ nore hata jowatuhuc tiŋne â mitine juniŋte jaza qâmoc ejarezejec. Iŋuc eme no Wofuŋzi Abraham wiac biŋe qacnepo irec fârine sâcne bâfuacnepemu.”
446	GEN 18:21	Irec no hurâ honepe, jaŋe jâmbomac mu owa norao wefume manapo irec sâcko wiac efârembiŋ me weniŋuc, irec fuŋne mana‐jâmbâŋkezo mukopac.”
450	GEN 18:25	Go ŋic tiŋne â sâqocne mâmâc bâsirowec‐jopatecne tiŋne â sâqocne jahe sâc mocjaha ezipicte iŋuc mi ezemec. Go mâreŋ sâko mâreŋ irec mumutara sâko jukomeczi giege fâretiŋ jaha bazemec.”
451	GEN 18:26	Eme Wofuŋzi muwec: “No Sodom haeo ŋic tiŋne 50 bâfuac‐jopapemuo ine jaŋere erâ gâcne sâko wâc hone akic ejarepemu.”
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
455	GEN 18:30	Eme Abrahamzi muwec: “No dâŋ ʒuhuckerâ mupe Wofuŋ‐nane go sifu mana‐naretec mi sâqoreoc: Ŋic 30 sawa bâfuac‐jopacmu mecne.” Eki muwec: “No 30 bâfuac‐joparâ mi epemu.”
456	GEN 18:31	Eme Abrahamzi muwec: “No Wofuŋ‐nane gohec muc manac ezore ropaŋ epac, ŋic 20 sawa ira bâfuac‐jopacmu mecne.” Wofuŋzi muwec: “No 20 jaŋere erâ hae i mi bâsirowepemu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
471	GEN 19:13	Nâhe hae ʒi ima bazo ekoperec. Hae ʒirec ŋic jaŋere erâ mu owa sâko Wofuŋtao fuawec, irec Wofuŋzi hae ʒi ima banacte sorec‐nâfome wareperec.”
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
478	GEN 19:20	Manakic, hae piticne mac kecocni i bembeŋko ŋekac, irec mana‐naretec ira ra juzepac. No ira sâcne jupemu.”
499	GEN 20:3	Anutuzi ine Abimelec ŋafeo guŋko fuacnerâ ʒiŋuc âzâcnewec: “Go ŋokac romec irec hâmocte biŋe ekomec. E ŋic mocte ŋonâŋ jukac irec.”
501	GEN 20:5	Abraham e ʒiŋuc nazajec: E seŋnane. Â ŋokaczi wâc mujec: Eki seŋnane. Irec no wiac epac, i maŋɋaɋaoko epac, â menane i wâc bahacmâc.”
505	GEN 20:9	Eme Abimeleczi Abraham hefârerâ ʒiŋuc wiocnewec: “Go wemo wiac enaremeŋ? No wemo wiac sâqocne moc egarepacte go no â ŋicfâc‐nane sahacko râec enâremeŋ? Go norao wiac mi eene emeŋ.”
511	GEN 20:15	Erâ Abraham ʒiŋuc âzâcnewec: “Manakic, mâreŋ‐nane ʒi maigao forakac, go ira me ira ŋec juc ezo murâ ezemec.”
512	GEN 20:16	Erâ wâc Sara ʒiŋuc âzâcnewec: “Manakic, wiacfâcge jaŋe mana wahacgunʒipiŋte â jaŋere maio mimi gaŋgaŋhec juzicte no seŋge siliwa dâkâne wâŋ tauseŋ râcnekopac.”
520	GEN 21:6	Eme Sarazi muwec: “Anutuzi hata banarewec i honepe gâgâwine ekac, irec binaŋ ʒi mananiŋmu jaŋe gâwie‐nareniŋmu wâc.”
521	GEN 21:7	Erâ muwec: “Mozi mo Abraham ʒiŋuc âzâcnezac: Sarazi kogoc moc sâcne moŋ gumeocmu? Eme Abraham e ŋicqizec eha no sifu ŋokâ moc ropo.”
524	GEN 21:10	Irec Abraham ʒiŋuc âzâcnewec: “Go kiŋaŋ ŋokac keci ŋokâ‐ticnehec tuŋjofazemec. Kiŋaŋ ŋokac keci ere ŋokâzi nore ŋokâ Isaka ehec merâfâc wiac‐nâhec mâmâc mi rauckezepirec.”
527	GEN 21:13	Eme kiŋaŋ ŋokacte ŋokâ e gore ɋâric ekacte iŋuc jaha ecnepe ɋâricfâcne jaŋe ŋicguru sâko eniŋmu.”
530	GEN 21:16	Erâ tepe moc qâtâcnepene raekac irec sâc rarâ taicko ŋewec. Ʒiŋuc muhuc ewec: “No motec hâmorâ foha wemocko honepemu.” Iŋuc murâ motec fowec ocniŋucnao ŋehame moteczi ki kâcɋene kiowec.
532	GEN 21:18	Irec fahare motec menao sanaŋne bazemec; noni ecnepe ɋâricfâcne jaŋe ŋicguru sâko eniŋmu.”
537	GEN 21:23	Irec go no â ɋâricfâc‐nane erâ jaŋere ɋâricfâc burec eatuc moc mi enârecmurâ mupaŋke‐narezemec. Noni âgo egare warehuc jupo iŋuc jaha goki no â mâreŋ jaba jukomec irec ŋic nâŋe âgo enârezemec.”
540	GEN 21:26	Eme Abimeleczi muwec: “Ŋic weni jaŋe iŋuc egarembiŋ i no mi manakopac; goki irec dâŋ moc mi nazameŋ â no nahac wâc mi mana huŋgaŋkepo.”
544	GEN 21:30	Eki muwec: “Noni opâ nombâŋ ʒi ropo i goki ŋic jaŋere maio musanaŋkecmurâ lama ŋokacne 7 ʒi qikiŋne‐garepe rocjopazemec.”
549	GEN 22:1	Wiac i tara‐fâreha Anutuzi Abraham esâickehuc muwec: “Abraham!” Eki muwec: “No ʒi.”
553	GEN 22:5	Erâ kiŋaŋ motec jahec‐ticne jasawec: “Ŋohe doŋgi ʒira barâ ŋenic, ehame ŋokâhec kecocna rarâ taha nunumu wiac erâ ŋoherao risie warenac.”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
556	GEN 22:8	Abraham muwec: “Ŋokâ‐mae, Anutu e jahac bâzire lama moc bâfuaocmu.” Eme mâmâc jojowac rapic.
559	GEN 22:11	Ehame ine Wofuŋte aŋelozi sambâŋkonec wiracnehuc muwec: “Abraham, Abraham!” Eme muwec: “No ʒi.”
560	GEN 22:12	Eki muwec: “Go motec keci mi bâuac, â wiac moc mi ecnec, go miŋecgac ŋokâge mocjaha e no mi sakare‐naretec mana jaŋgeŋgukopac, go Anutu araŋ bacnekomec.”
562	GEN 22:14	Eme Abraham e mâreŋ irec ʒâŋe ʒiŋuc muwec: “Wofuŋzi bâfuakac”, irec dameŋ ʒiŋuczia wâc mueŋgopieŋ, “Wofuŋzi tikionec bâfuawec.”
566	GEN 22:18	Â ɋâricfâcge jaŋeraonec jambuŋzi mâreŋ sâc ŋicne ŋicne jaŋerao fotâcnezejec, ine goki dâŋnane reŋkemec irec furine iŋuc fuazejec.”
576	GEN 23:4	“No ŋoŋerao jaba â mafa sawa juekopac, irec ŋoŋe mâreŋ mac moc ʒâŋeruŋte biŋe qikiŋne‐narepie qâŋɋâŋ‐nane mai‐naneonec bârârierâ duckezepac.”
581	GEN 23:9	e mâreŋ ʒirec tofanao Makepela hawec fokac irec rune jukacte nore âkehoc ecnepie hawec i nore eocte mana‐narezejec. Eme ŋondeŋ‐ŋeŋicko hawec izi nore ʒâŋeruŋ gie eocte furine muocmu sâc râcnezepac.”
583	GEN 23:11	“Ŋicbomboŋ, iŋuc misac, mupe manac: Gie i mâc qikiŋne‐garekopac erâ gieo hawec fokac i mâmâc tahacgukopac, âgofâc‐nane mâmâc manahapie qikiŋne‐garekopac hâcne, irec qâŋɋâŋge duckec.”
585	GEN 23:13	“I sâcne, erâ sifu mac moc mana‐narenʒaŋ! No mâreŋte furine garepe rozemec, eme qâŋɋâŋ‐nane ira duckezepac.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
596	GEN 24:4	Aricne, go ŋokâ‐nanere ŋonâŋ moc bâfuacmurâ nore fufua mâreŋko mame sâkofâc‐nane juŋgopieŋ jaŋerao razemec.”
600	GEN 24:8	Eme ŋokac e bâjâpecguocte mi afeckeocmuo ine mumupaŋgezi fârimâc eme irec manabâc mi ezemec. Ehuc ŋokâ‐nane ine sifu mâreŋ ira moc mi jowa razemec.”