22	GEN 1:22	Eme Anutuzi ʒiŋuc muhuc jambuŋ‐jopawec: “Ŋoŋe ukichec erâ sawe mâririackehuc opâ hâwec sâcke‐fârenʒepieŋ â wipe jaŋe mâreŋ faio sawenʒepieŋ!”
27	GEN 1:27	Eme Anutu e hawari‐ticnere sâcko ŋic bâfuawec hâcne. Ŋic â ŋokac bâfuac‐jofawec.
49	GEN 2:18	Eme Wofuŋ Anutuzi muwec: “Ŋic e buc jume mi biaŋkekac. Irec no ere sâc jaha âgo babafic‐ticne moc bâfuazepac!”
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
56	GEN 2:25	Ŋic ŋokac jahe mâmâc jaha biuctac juhuc mi mimiepic.
61	GEN 3:5	Anutu e ʒiŋuc manakac: Ŋohe hândâŋ i nâpire ʒâŋe‐ŋekic tâcneme e jahacne iŋucne erâ biaŋne â sâqocne irec fuŋne mana taranicmu.”
68	GEN 3:12	Ŋiczi muwec: “Ŋokac nohec juocte naremeŋ eki jâchândâŋne nareme napac.”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
72	GEN 3:16	Ŋokac ine ʒiŋuc âzâcnewec: “Kiwechec juhaŋtec ʒâic bocjaha bâfua‐garepemu, eme gozi kicgukuhame naru motec rocjopazemec. Ŋowegere aŋacguha eki bomboŋ egarezejec.”
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
108	GEN 5:2	Ŋic â ŋokac bâfuac‐jofarâ ʒâŋe‐jekic ŋic â ŋokac iŋuc mujacterâ jambuŋ‐jofawec.
139	GEN 6:1	Ŋiczi mâreŋko sawe mâririackezo ehapie narufâc‐jeŋic wâc bocjaha fuambiŋ,
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
207	GEN 9:1	Eme Anutuzi Noa â ŋokâfâcne ʒiŋuc muhuc jambuŋ‐jopawec: “Ŋoŋe fua sawec ehuc mâreŋ ŋefusucmanʒepieŋ.
211	GEN 9:5	Socŋeŋicte okacne i noni batarapemu. Ŋicjuju irec okacne qowi jaŋerao, me ŋic jaŋerao, me âgo soctofa jaŋerao i nonizia batara‐jâmbâŋkepemu.
212	GEN 9:6	Ŋic e mocte hawario mâcne, Anutu nore hawarire sâcko bakicne, irec moc e ŋicsoc hoŋkeocmu, ere soc ŋiczia wâc hoŋkenʒepieŋ.
213	GEN 9:7	Ŋoŋe ine ukichec ehuc sawe mâririackenʒepieŋ. Eme mâreŋ rauckehuc guriŋne banʒepieŋ!”
225	GEN 9:19	Ŋic jahec â moc keci jaŋe hâcne Noare ŋokâfâc, jaŋeraonec mâreŋŋic gurune gurune fua sawec ewarekicne.
340	GEN 14:3	Ŋicwofuŋ i sasawa jaŋe Sidim wâneŋko (Sidim i Hâwec Hâmocne irec ʒâŋe moc) ʒâʒâfic erâ tumaŋnembiŋ.
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
354	GEN 14:17	Abram e Kedo‐Laome â ŋicwofuŋ âgofâcne jopa jâpec ejareku risehame Sodom ŋicwofuŋ e fahare Sawe Wâneŋ, ʒâŋene moc Ŋicwofuŋ Wâneŋ ira hâcne bâfuaocte rawec.
358	GEN 14:21	Ehame Sodom ŋicwofuŋ e Abram ʒiŋuc muhuc âzâcnewec: “Ŋic ŋokac bârisiec‐jopa‐narec, mafa ine fogareoc.”
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
408	GEN 17:10	Go â ɋâricfâcge ŋoŋe ʒâʒâfic‐nane fokac i aimuŋ soŋaŋkeniŋte mukopac ine ʒiŋucte: Ŋoŋerao ŋic juŋgopieŋ jaŋe mâmâc sasawa sahac tofa‐jeŋicko ma bajarezo.
410	GEN 17:12	Ŋoŋerao gaŋne gaŋne motec fua feniŋmu jaŋe fuarâ fohapie ʒoaŋ gie bapa 8 eme sahac‐jeŋicko ma bafârezo, ŋaŋacne ficko fuakicne erâ wâc ŋic furune moctaonec moneŋzi furine bakicne â gore soc biuckonec mi fuawec jukac e mâmâc.
412	GEN 17:14	Ŋic moc e ʒâʒâfic‐nane qâsuahuc sahac‐ticnao ma mi bapa mâc juocmu, e gurufâc‐ticne jaŋeraonec bârâriepie juju‐ticne omaezejec.”
413	GEN 17:15	Erâ Anutuzi ʒuhuckerâ Abraham dâŋ ʒiŋuc âzâcnewec: “Ŋonâŋge Sarai ere ʒâŋe Sarai mocwâc mi muhuc Sara muzemec.
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
428	GEN 18:3	ʒiŋuc muwec: “Ŋicbomboŋ‐nane, go nore manatec biaŋkekacko kiŋaŋŋicge no mi nowaruzemec.
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
455	GEN 18:30	Eme Abrahamzi muwec: “No dâŋ ʒuhuckerâ mupe Wofuŋ‐nane go sifu mana‐naretec mi sâqoreoc: Ŋic 30 sawa bâfuac‐jopacmu mecne.” Eki muwec: “No 30 bâfuac‐joparâ mi epemu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
463	GEN 19:5	Loti wiracnehuc ʒiŋuc âzâcnembiŋ: “Ŋafe ʒira gorao ŋic fisipirec jahe wena? Jowac‐jofa wahatecne bâsâqorec‐jofanaŋ.”
473	GEN 19:15	Eme furic râeme aŋelo jahe Loti fâro ecnehuc mupic: “Ŋic ʒi jaŋere sâqocnere erâ mâmâc hâmozicte fahare ŋonâŋge â otâ jahecge ʒi rocjopatec wiserâ raniŋ!”
476	GEN 19:18	Eme Lotizi ʒiŋuc muwec: “Ŋicbomboŋ‐nane, iŋuc mâcne.
540	GEN 21:26	Eme Abimeleczi muwec: “Ŋic weni jaŋe iŋuc egarembiŋ i no mi manakopac; goki irec dâŋ moc mi nazameŋ â no nahac wâc mi mana huŋgaŋkepo.”
553	GEN 22:5	Erâ kiŋaŋ motec jahec‐ticne jasawec: “Ŋohe doŋgi ʒira barâ ŋenic, ehame ŋokâhec kecocna rarâ taha nunumu wiac erâ ŋoherao risie warenac.”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
556	GEN 22:8	Abraham muwec: “Ŋokâ‐mae, Anutu e jahac bâzire lama moc bâfuaocmu.” Eme mâmâc jojowac rapic.
571	GEN 22:23	Betuele ere bifuŋko ine Rebeka fuawec. Ŋokâ 8 i jaŋe Abraham ɋaticne Naho ere ŋonâŋ Milikazi rocjopawec.
578	GEN 23:6	“Ŋicbomboŋ, gazapene manac: Go ŋondeŋ‐nâŋecko Anuture ŋic fekicne iŋucne jukomec, irec qâŋɋâŋge nâŋere ʒâŋeruŋ basarickekicne mocko duckec. Nâŋeraonec moczi qâŋɋâŋge duckecmurâ ʒâŋeruŋ‐ticne moc mi sakare‐gareocmu.”
580	GEN 23:8	ʒiŋuc jazawec: “Ŋoŋe qâŋɋâŋ‐nane mai‐naneonec bârârierâ ʒira duckepere mana‐nareŋgopieŋko mupe mananiŋ: Ŋoŋe Zoharire ŋokâ Eferoŋ,
583	GEN 23:11	“Ŋicbomboŋ, iŋuc misac, mupe manac: Gie i mâc qikiŋne‐garekopac erâ gieo hawec fokac i mâmâc tahacgukopac, âgofâc‐nane mâmâc manahapie qikiŋne‐garekopac hâcne, irec qâŋɋâŋge duckec.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
597	GEN 24:5	Mume kiŋaŋŋiczi âzâcnerâ muwec: “Ŋokac e no bâjâpecnurâ mâreŋ ʒira wareocte mi afeckeme weniŋuc epemu. No ŋokâge mâreŋ beherâ waremeŋ ira mocwâc jowarâ risiepemu me mâcne?”
613	GEN 24:21	Ŋic eki ine dâŋ mi mumu mâc wareckehuc domawec, ehuc kecʒiŋuc manasuwec: Wofuŋ e gie‐nane jambuŋkeocmu me mâcne, i mana tarazepac.
622	GEN 24:30	I ʒiŋucte: E qoticnerao maŋŋuruc mecne â menao megâŋ ŋewec i honewec, erâ wâc ŋiczi dâŋ binaŋ ewec i qoticnere mickonec manawec. Iŋuc hone manac erâ izia rawec hâcne. Ŋic e ine kamelefâcne jaŋehec opâoa domawec.
631	GEN 24:39	Iŋuc mume no bomboŋ‐nane ʒiŋuc âzâcnepo: ‘Ŋokac e mi mecne afeckerâ bâjâpecnuocmu.’
641	GEN 24:49	Eme ʒi nazaniŋ: Ŋoŋe bomboŋ‐nane maŋuruc ecnehuc bubiaŋ qacnezo muŋgopieŋ me weniŋuc? Arictac eme nazanʒepieŋ wâc, eme no hata‐nane fâreopec me qanaopec sâcne rapemu.”
657	GEN 24:65	kiŋaŋŋic ʒiŋuc wiocnewec: “Ŋic kecocna gieonec warekac e mo?” Kiŋaŋŋiczi âzâcnewec: “E bomboŋ‐nane hâcne.” Iŋuc mume qârufac rorâ ʒâŋe mai‐ticne sâockewec.
665	GEN 25:6	Ŋonâŋocfâc‐ticne jaŋere ŋokâfâc ine mâc taha wiac gâcne jarerâ Isakahec mi junʒepieŋ muhuc ʒoaŋ wewefunaopec mâreŋ fokac ira sorec‐jopame rafârembiŋ.
675	GEN 25:16	Ŋic i jaŋe hâcne Isimaere ŋokâfâc, ʒâŋe‐jeŋic i hae‐jeŋic â qoruc boze‐jeŋic ŋerakac sâc mukicne. Jaŋe guru‐jeŋicte sâc ŋicwofuŋ 12 jumbiŋ.
682	GEN 25:23	Eme Wofuŋzi ʒiŋuc âzâcnewec: “Bumaŋgao ŋicguru jajahec fokopirec, ŋicguru jajahec goraonec fuarâ râwiŋnenicmu hâcne. Ŋicguru moczi mocte femicne erâ juocmu, bâbânizi ʒâhec ere kiŋaŋ qaocmu.”
720	GEN 26:27	Eme Isakazi ʒiŋuc jazawec: “Ŋoŋe wemocte norao wareŋgopieŋ? Ŋoŋe râsi enarehuc jâpecnupie warepo i!”
728	GEN 26:35	Ŋokac i jahe ine Isaka â Rebeka busâqoc boc bâfua‐jactepic.
729	GEN 27:1	Eme Isaka e jufeku ŋicqizec erâ ʒâŋe‐ticne mâteŋkeme wiac sâcne mi honehuc mârâc ŋokâ‐ticne wiracnerâ âzâcnewec: “Ŋokâ‐mae!” Eki muwec: “No ʒi.”
741	GEN 27:13	Eme neŋgoc‐ticnezi âzâcnewec: “Ŋokâ‐mae, sâwecgezi nore faio fezejec. Go ine sifu dâŋnane reŋkehuc ra noniŋ motecne baware‐narec.”
748	GEN 27:20	Mume Isakazi ŋokâ‐ticne ʒiŋuc âzâcnewec: “Ŋokâ‐nane, go weniŋuc erâ qowi biac jâmbâŋ bâfuamec?” Eme eki dâŋ ʒiŋuc bâtikiecnewec: “Wofuŋ, gore Anutu, eki nowatume biac bâfuapac.”
749	GEN 27:21	Iŋuc mume Isakazi Jakobo âzâcnewec: “Ŋokâ‐nane, waretec bâuacgupe, eme go ŋokâ‐nane Esau me mâcne, irec fuŋne taniŋkeoc.”
754	GEN 27:26	Erâ mamac‐ticne Isakazi ʒiŋuc âzâcnewec: “Ŋokâ‐nane, maŋfuŋ‐naneo ware muducnuc.”
757	GEN 27:29	Ŋicne ŋicne jaŋe kiŋaŋ qagarenʒepieŋ â ŋic gurune gurune jaŋe gorao dapenʒepieŋ! Go hahac ɋafâcge ŋicbomboŋ ejarezemec eme neŋgocgere ɋâricfâc jaŋe gorao dapenʒepieŋ! Go sâwecguniŋmu jaŋe sâwec‐jopazo, â go jambuŋguniŋmu jaŋe jambuŋ‐jopazo!”
773	GEN 27:45	Mâteŋkeme go wiac ecnemec irec nikeckeha no gorao dâŋ râepe fâme manarâ risie warezemec. Ŋohe wemocte ʒoaŋ ijaha mâmâc omae‐narenicmu?”
801	GEN 29:5	Eme wio‐jarerâ muwec: “Ŋoŋe Nahore ŋokâ Labaŋ e moc manaŋgopieŋ me?” Jaŋe mumbiŋ: “Ea, manaŋgopeneŋ.”
844	GEN 30:13	Eme Leazi muwec: “No ʒeri‐nanehec! Ŋokac jaŋe nore manapie ʒerine eocmu.” Iŋuc murâ ʒâŋene Ase muwec.
845	GEN 30:14	Eme waizeŋ qa roro dameŋ ira Rubeŋzi ʒoaŋ mocko hata rarâ gieo ŋokac seroŋ wiac moc bâfuawec. Erâ bare neŋgoc‐ticne Lea râcnewec. Eme Rahezi Lea ʒiŋuc âzâcnewec: “Ŋokâgezi seroŋ wiac bawarejec i gâcne no narec.”
846	GEN 30:15	Eki ine muwec: “Ŋowe‐nane nowac rozo ekomec i manatec afeckeha ŋokâ‐nanere seroŋ wiac i mâmâc rozo mukic me?” Rahezi ine muwec: “Sâcne, ŋokâgere seroŋ wiac irec okacne ŋowe‐nâhec ŋafe ʒi gohec sâcne foocmu.”
857	GEN 30:26	Ŋonâŋ jahec‐nane â naru motecfâc‐nane jaŋere kiŋaŋ qagarehuc jupo irec jaŋe qikiŋ‐jopa‐naretec jowac‐jopa razepac. Erâ kiŋaŋ weniŋuc jaha qagarehuc jupo i go gahac manakic.”
874	GEN 30:43	Ŋic e iŋuc hâcne ehuc mafa sâkohec eha qowi â kiŋaŋ qaqa â kamele â doŋgi bocjaha fuacnembiŋ.
880	GEN 31:6	Ŋohe manakopirec, no tâpiri‐nanere sâc mamac‐ŋekic kiŋaŋ qacnehuc jupo.
920	GEN 31:46	Eme Labaŋzi soctofafâc‐ticne ʒiŋuc jazawec: “Ŋoŋe qânâ gâcne nuseniŋ.” Eme jaŋe qânâ nuse guruc epie heririŋnao ŋehuc tiwâ bâzi nâmbiŋ.
933	GEN 32:5	Ehame ʒiŋuc jazawec: “Ŋoŋe bomboŋ‐nane Esau ʒiŋuc âzâcnenʒepieŋ: Kiŋaŋŋicge Jakobo e ʒiŋuc mukac: ‘No mâreŋ ʒoricko Labaŋhec juwarehuc jupo.
945	GEN 32:17	Wiac i hâcne gurune gurune buc buc kiŋaŋŋicfâcne jaŋe jarehuc muwec: “Ŋoŋe bânie‐narepie qowi gurune gurune jaŋere ŋondeŋko sawane fozejec.”
948	GEN 32:20	Erâ soŋaŋ namba 2 â namba 3 erâ qowi guru gâcne soŋaŋ‐jopahuc rambiŋ jaŋe sasawa dâŋ ijaha jaza‐fârehuc muwec: “Ŋoŋe Esau bâfuarâ iŋuc hâcne âzâcnenʒepieŋ.
969	GEN 33:8	Eme Esauzi Jakobo wiocnewec: “Ŋic â qowi guru hatao fâpie bâfuac‐jopapac izi wemo ezo mukomec?” Eki dâŋ ʒiŋuc bâtikiecnewec: “Bomboŋ‐nane goki akicnucmurâ râec‐jopapac.”
989	GEN 34:8	Hamoro e ine ʒiŋuc muhuc jazawec: “Ŋokâ‐nane Sikem e maŋticne ere sanaŋne domakacte sifu ŋonâŋ‐ticne eocte râcneniŋ me!
992	GEN 34:11	Eme Sikem e Dina mamac‐ticne â seŋfâcne ʒiŋuc jazawec: “Ŋoŋe sifu mac mana‐nareniŋ! Eme wiac muniŋmu sâc i ŋarepemu.
993	GEN 34:12	Ŋoŋe ŋokac furi bafehuc bec boreŋ wiac bocjahare mupie sifu muniŋmu sâc râepemu, mâc naru e ŋonâŋ‐nane eocte nare‐jâmbâŋkenʒepieŋ.”
996	GEN 34:15	Irec ʒiŋuc epie mana‐ŋactenaŋmu: Ŋoŋe nâŋe iŋucne ehuc ŋic sasawa sahac‐ŋeŋicko ma banʒepieŋ.
1002	GEN 34:21	“Ŋic keci jaŋe wamane, irec mâreŋ‐nâŋecko juhuc gie wiac‐jeŋic baniŋte mana‐jarenʒepeneŋ. Mâreŋ rârec rârec kâcɋene fokacte sâcne sâcjopaocmu. Ehame nâŋâc narufâc‐jeŋic ŋokac rocjopanʒepeneŋ, ehuc nâŋâcne narufâc jaŋe jarenʒepeneŋ wâc.
1011	GEN 34:30	Iŋuc epie Jakobozi Simeoŋ â Lewi ʒiŋuc jasawec: “Ŋohe mâreŋ rune Kanaaŋ â Periʒi ŋic jaŋere maio ʒâŋe biŋe‐nane bâsâqorehuc fai‐naneo wiac hâhâwicne râepire fejec. No ŋicfâc‐nane afecne sawa juŋgopieŋ, eme jaŋe râsi roroc ehuc ware nâpopie no â wiacfâc‐nane sipiricke‐fârenaŋmu.”
1014	GEN 35:2	Iŋuc mume Jakobozi wiacfâcne â ŋic ehec jumbiŋ jaŋe ʒiŋuc jaza‐fârewec: “Ŋondeŋ‐ŋeŋicko nemuɋâŋ forakac i behepie raha sahac‐ŋeŋic emasaŋkehuc ŋaqi wiac‐ŋeŋic ɋaɋacne hepie huzejec.
1059	GEN 36:18	Ʒi Esaure ŋonâŋ Oholibama ere ŋokâfâc: Jeusi ŋicwofuŋ, Jalam ŋicwofuŋ, Kora ŋicwofuŋ. Ŋic izi hâcne Esaure ŋonâŋ Oholibama, Anare otâ, eraonec fuarâ ŋicwofuŋ jumbiŋ.
1060	GEN 36:19	Ŋic izi Esau, Edom hâcne, ere ŋokâfâc erâ jaŋere ŋicwofuŋ.
1062	GEN 36:21	Disoŋ, Eʒere â Disaŋ. Ŋic izi hâcne Horiŋic jaŋere ŋicwofuŋ â Seiri ere ŋokâfâc Edom mâreŋko jumbiŋ.
1071	GEN 36:30	Disaŋnec ŋicwofuŋ. Ŋic izi hâcne Horiŋic jaŋere ŋicwofuŋ mâreŋ ruckembiŋ sâc Seiri mâreŋko jumbiŋ.
1084	GEN 36:43	Magadeilenec ŋicwofuŋ erâ Iramnec ŋicwofuŋ. Ŋic i jaŋe hâcne mâreŋ rauckembiŋko jurambiŋ sâc Edom ŋicwofuŋ erâ jumbiŋ. Edomŋic jaŋere apa Esau, ere ɋâricfâc hâcne.
1090	GEN 37:6	ʒiŋuc jazawec: “Ŋoŋe mananiŋ, no guŋ moc ʒiŋuc manapo:
1101	GEN 37:17	Ŋic eki muwec: “Jaŋe ʒirecnec mocko rambiŋ. Ehuc ʒiŋuc mupie manapo hâcne: ‘Ajoc, nâŋâc Dotaŋko ranaŋ.’”
1138	GEN 38:18	Eki muwec: “Wemo kifac mo garepemurâ mukic?” Ŋokaczi muwec: “Meo fefege maqâreŋhec â mucge â gunuge meo badomakic i narec.” Eme wiac muwec sâc râcnerâ ehec fowec.
1180	GEN 40:7	Honec‐jofarâ indiŋ‐jofahuc muwec: “Ŋohe miŋecgac wemocte busâqoc hawari ŋekopirec?”
1251	GEN 41:55	Eme Aigita mâreŋko roroc fuame ŋic jaŋe nânâre hâmohuc Farao kiocnembiŋ. Eme Faraozi Aigita ŋic ʒiŋuc jaza‐fârewec: “Ŋoŋe Joseferao raniŋ, eme eki mume sâc enʒepieŋ.”
1254	GEN 42:1	Eme Jakobo e, Aigita mâreŋko nânâ sâcne furine bazo, iŋuc manarâ ŋokâfâcne ʒiŋuc jazawec: “Ŋoŋe wemocte mana qâoma ehuc juŋgopieŋ?
1260	GEN 42:7	Eme Josefe e hahacfâcne honec‐joparâ ʒâŋitac‐jopawec, ehuc fuŋne‐ticne hesoŋke‐jarerâ dâŋ fâfâcnehec ehuc ʒiŋuc wio‐jarewec: “Ŋoŋe wenirec wareŋgopieŋ?” Jaŋe mumbiŋ: “Kanaaŋ mâreŋkonec, nânâ furine banaŋte wareŋgopeneŋ.”
1262	GEN 42:9	Eme Josefe e mârâc jaha jaŋere guŋ manawec irec manasuwec. Ehuc ʒiŋuc jazawec: “Ŋoŋe doc bapa ŋic, ŋoŋe mâreŋ‐nâŋec moc wena soŋaŋ tâmiric kosa fokacko hone tâcnezo wareŋgopieŋ.”