23224	MAT 1:11	ዮሲያሲ ባቢሎኔ ዲዖ ላይꬅ ኢኮኛኔኔ ኢዛ ኢሻታ ዬሊዴስ።
23230	MAT 1:17	ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ።
23234	MAT 1:21	ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23281	MAT 4:3	ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23306	MAT 5:3	“ኣያናን ባና ካዉሺዛይቲ ኣንጄቲዳይታ፤ ኣይሲ ጊኮ ሳሎ ካዎቴꬅ ኢስታሳ።
23309	MAT 5:6	ፂሎቴꬅ ጋፌቲዛይቲኔ ሳሞቲዛይቲ ኣንጄቲዳይታ፤ ኣይሲ ጊኮ ኢስቲ ካላና።
23312	MAT 5:9	ሳሮቴꬅ ኦꬂዛይቲ ኣንጄቲዳይታ፤ ኣይሲ ጊኮ ኢስቲ ፆሳ ናይታ ጌቴቲ ፄይጌታና።
23322	MAT 5:19	ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።
23323	MAT 5:20	ታ ኢንቴስ ጋይስ፥ ኢንቴ ፂሎቴꬂ ፋርሳዌታፔኔ ሙሴ ዎጋ ታማርሲዛይታ ፂሎቴꬃፔ ኣꬎንታ ኣጊኮ ሳሎ ካዎቴꬅ ጌላና ዳንዳዬኬታ።
23332	MAT 5:29	ናጋራ ኦꬃናስ ኔ ኡሻቻ ኣይፌይ ኔስ ጋሶ ጊዲኮ ኔፔ ኬሳ ዎራ ዬጋ፤ ኔ ኣሳቴꬃይ ኩሜꬅ ጌዴ ጋናሜ ታማን ዬጌታናፔ ኔ ኣሳቴꬃፌ ኢሲና ፓጪኮ ሎዖ።
23333	MAT 5:30	ኔ ኡሻቻ ኩሼይ ናጋራ ኦሶስ ጋሶ ጊዲኮ ኔፔ ቃንፃ ዲጋ፤ ኔ ኣሳቴꬃይ ኩሜꬅ ጋናሜን ዬጌታናይሳፌ ኔ ኣሳቴꬃፌ ኢሲ ቢሊቴይ ኔስ ፓጬ ጊዲኮ ሎዖ።
23339	MAT 5:36	ኢንቴ ሁዔንካ ጫቆፍቴ፤ ኢንቴ ሁዔ ቢናናፔ ኢሲኔዮካ ቦꬅ ዎይኮ ካሬꬅ ሂስታናስ ዳንዳዬኬታ።
23362	MAT 6:11	ሃቺስ ጊዲዛ ካꬅ ኑስ ሃቺ ኢማ።
23367	MAT 6:16	“ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።
23384	MAT 6:33	ሃራፔ ሲንꬃቲዲ ፆሳ ካዎቴꬃ ፂሎቴꬅ ኮዪቴ፤ ሃይቲ ዉሪ ኢንቴስ ጉጄታና።
23394	MAT 7:9	ኢንቴ ጊዶፌ ኢሳዴስ ናይ ኡኬꬅ ዎሲኮ ሹች ኢሚዛ ኣዋይ ዳንዴ?
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23412	MAT 7:27	ዴፆ ኢራይ ቡኪን ሃሮይካ ሃሮቲዴስ፤ ጫርኮይካ ጫርኪዴስ፤ ሄ ኬꬃካ ሱጊዴስ፤ ኬꬃይካ ኢታ ኩንዴꬅ ኩንዲዴስ” ጊዴስ።
23432	MAT 8:18	ዳሮ ኣሳይ ኢዛ ጊዶꬂዳይሳ ቢዪዲ ዬሱሲ ኣሳ ኣባፌ ሄ ፒንꬅ ፒናና ማላ ኣዛዚዴስ።
23436	MAT 8:22	ኢዚ ቃሴ “ሃይቂዳይቲ ባ ሃይቄꬅ ሞጌቶ፤ ኔኒ ጊዲኮ ታና ካላ” ጊዴስ።
23443	MAT 8:29	ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ።
23444	MAT 8:30	ሄን ኢስታፌ ጉꬅ ሃኪዲ ዳሮ ጉዱንꬃ ዉዴይ ኢሲ ቦላ ሄሜቴስ።
23459	MAT 9:11	ፋርሳዌቲ ሄሳ ቢዪዲ ዬሱሳ ካሊዛይታ “ኢንቴና ታማርሲዛይሲ ቃራፃ ቃንፂሲዛይታራኔ ናጋራንቻታራ ዎስቲ ኢስታራ ኢሲፌ ካꬅ ሚዜ?” ጊ ኦይቺዳ።
23461	MAT 9:13	ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ።
23464	MAT 9:16	“ጋልዓ ማይዖ ቦላ ኦራꬃ ዎሶ ዎꬂ ሲኪዛ ኣሲ ዴና። ጋልዓ ቦላ ኦራꬅ ዎꬂ ሲኪኮ ኦራꬃዚ ጋላዓዛ ፔꬌሬꬂዲ ሃ ዳሲ ዳሪሳና።
23468	MAT 9:20	ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ።
23487	MAT 10:1	ዬሱሲ ባና ካሊዛ ታማኔ ናምዓታ ባኮ ፄይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ።
23491	MAT 10:5	ሃይታ ታማኔ ናምዓታ ኡባ “ጌዴ ኣይዛቤታ ጋꬅ ቦፒቴ፤ ሳማሪያ ኣሳ ካታማ ጌሎፒቴ።
23493	MAT 10:7	ቢዲኔ ‘ሳሎ ካዎቴꬅ ማቲዴስ!’ ጊዲ ሳባኪቴ።
23508	MAT 10:22	ታ ጊሽ ኣሲ ዉሪካ ኢንቴና ኢፃና። ጊዶ ኣቲን ዉርሴꬅ ጋካናስ ሚቅኒ ኤቂዳይ ኢዚ ኣታና።
23520	MAT 10:34	“ታ ቢታ ቦላ ሳሮቴꬅ ኤሃናስ ዪዳ ኢንቴስ ሚሳቶፖ፤ ማሻ ኤሃናስ ኣቲን ሳሮቴꬅ ኤሃናስ ያቤኬ።
23528	MAT 10:42	ሄሳ ጊሽ ታ ኢንቴስ ቱሙ ጋይስ፤ ኦኒካ ሃይታ ጉꬃታፔ ታና ካሊዛዴ ጊዲዳ ጊሽ ኢሲ ፁዓ ኢርፃ ሃꬅ ኡሺኮ ሂኒስካ ዋጋይ ꬋዬና” ጊዴስ።
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23562	MAT 12:4	ፆሳ ኬꬄ ጌሊዲ ቄሴታፔ ኣቲን ዳዉቴይኔ ኢዛራ ዲዛይቲ ቦቻናስ ቤሶንታ ዱማቲዳ ኡኬꬅ ሚዴስ።
23565	MAT 12:7	‘ታኒ ያርሾ ጊዶንታ ማሮቴꬅ ዶሳይስ’ ጊዛ ቃላይ ኣይ ጉሲኮኔ ኢንቴ ኤሪዛኮ ፂሎታ ቦላ ፒርዴኬታኮሺን።
23582	MAT 12:24	ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ።
23586	MAT 12:28	ጊዶ ኣቲን ታኒ ዳይዳንꬅ ኬሲዛይ ፆሳ ኣያናን ጊዲኮ ፆሳ ካዎቴꬂ ኢንቴኮ ዪዴስ ጉሳ።
23599	MAT 12:41	ናናዌ ኣሳይ ፒርዳ ጋላስ ሃይሳ ሃ ዬሌታራ ዴንዲዲ ሃ ዬሌታ ቦላ ፒርዳና፤ ጋሶይካ ናናዌ ኣሳይ ዮናሳ ማርካቴꬃን ማሮቴꬅ ጌሊዳ ጊሻሳ። ሄኮ ዮናሳፔ ኣꬊዛዴይ ሃን ዴስ።
23600	MAT 12:42	ዱጌሃ ዴሬ ካዎያ ሶሎሞኔ ኤራቴꬅ ሲያናስ ቢታ ጋፃፔ ዴንዳዳ ዪዳ ጊሽ ፒርዳ ጋላስ ኢዛ ሃይሳ ዬሌቴꬃራ ዴንዳዳ ሃ ዬሌቴꬃ ቦላ ፒርዳና። ሄኮ ሶሎሞኔፔ ኣꬊዛዴይ ሃይሳን ዴስ።
23611	MAT 13:3	ዳሮ ዮዖ ሌሚሶራ “ኢሲ ጎሻንቻይ ዜሬꬅ ዜራናስ ኬዚዴስ።
23626	MAT 13:18	“ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡
23632	MAT 13:24	ዬሱሲ ቃሴካ ሃራ ሌሚሶ ኢስታስ “ሳሎ ካዎቴꬂ ባ ጎሻ ጋዴን ሎዖ ዜሬꬅ ዜሪዳዴ ሚሳቴስ።
23635	MAT 13:27	“ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ።
23644	MAT 13:36	ሄሳፌ ዬሱሲ ኣሳ ኣጊዲ ሶ ጌሊዴስ። ኢዛ ካሊዛይቲ ኢዛኮ ሺቂዲ “ካꬃ ጊዶን ዲዛ ሌሾዛ ጊሽ ኔ ዮቲዳ ሌሚሶዛ ቢርሼꬅ ኑስ ዮታ” ጊዳ።
23645	MAT 13:37	ኢዚካ ኢስታስ ዛሪዲ “ሎዖ ዜሬꬅ ዜሪዳይ ኣሳ ና።
23686	MAT 14:20	ኣሳይ ዉሪካ ሚዲ ካሊዴስ። ሄሳፌ ጉዬ ኢዛ ካሊዛይቲ ኣሳፔ ሚሺን ኣቲዳይሳ ታማኔ ናምዑ ሌማቴ ኩሜꬅ ሺሺዳ።
23688	MAT 14:22	ሄራካ ኢዛ ካሊዛይቲ ዎጎሎን ጌሊዲ ጌዴ ፒንꬅ ኢዛፔ ካሴቲዲ ፒናና ማላ ኣዛዚዲ ኣሳ ሞይዛናስ ባሲ ጉዬ ኣቲዴስ።
23696	MAT 14:30	ጊዶ ኣቲን ጫርኮዛ ዎልቃ ቢዪዲ ባቢዳ ጊሽ ሃꬃን ሚቴቴꬅ ኦይኪዲ “ጎዶ! ታና ኣሻ!” ጊ ዋሲዴስ።
23721	MAT 15:19	ኢታ ቆፋይ፥ ሼምፖ ዎꬎይ፥ ላይማይ፥ ላይማታናስ ቃቃቶይ፥ ካይሶይ፥ ዎርዶ ማርካቴꬂኔ ኣሳ ሱንꬅ ሞሮይ ዉሪ ዎዝናፔ ፑልቴስ።
23728	MAT 15:26	ኢዚካ ኢዚስ ዛሪዲ “ናይታ ካꬅ ኤኪዲ ካና ቡቱላታስ ዬጋናስ ቤሴና” ጊዴስ።
23729	MAT 15:27	ኢዛካ “ኤ ጎዶ፤ ቡታላቲካ ባ ጎዳ ማዳፔ ጋዴን ዎꬊዳ ካꬅ ማፂ ሜቴስ” ጋዱስ።
23739	MAT 15:37	ኣሳይ ዉሪካ ሚዲ ካሊዴስ፤ ዬሱሳ ካሊዛይቲ ኣሳፔ ኣቲዳይሳ ላፑን ሌማቴ ኩሜꬅ ሺሺዳ።
23748	MAT 16:7	ኢስቲ ቃሴ ባ ጊዶን “ኑኒ ካꬅ ኦይኮንታ ጊሽ ሄሳ ጊዴስ” ጊዲ ኢሶይ ኢሳራ ሃሳዬቲዳ
23749	MAT 16:8	ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?
23767	MAT 16:26	ኣሲ ኣላሜን ዲዛዝ ኩሜꬅ ሃሪድ ባ ሼምፖ ꬋይሲኮ ኢዛ ኣይ ማዳኔ? ዎይኮ ኣሲ ባ ሼምፖ ጊሽ ቃንፃና ዳንዳዪዛዚ ኣዜ?
23798	MAT 18:2	ዬሱሲ ኢሲ ና ፄይጊ ኤሂዲ ኢስታ ጊዶን ኤሲዲ “ታ ኢንቴስ ቱሙ ጋይስ፤ ኢንቴ ሲሞንታ ኢፂኮኔ ጉꬃ ናይታ ማላ ሃኖንታ ኢፂኮ ሙሌካ ሳሎ ካዎቴꬅ ጌሌኬታ።
23839	MAT 19:8	ዬሱሲካ ኢስታስ “ሙሴይ ኢንቴ ዎዝና ሙሜቴꬅ ቤዪዲ ማቼታ ኢንቴ ኣንጃና ማላ ፒቃዴ ኢንቴስ ኢሚዴስ ኣቲን ኮይሮፔ ሄሳ ማላ ጊዴና።
23854	MAT 19:23	ዬሱሲ ባና ካሊዛይታ “ታ ኢንቴስ ቱሙ ጋይስ፤ ዱሬቲ ሳሎ ካዎቴꬅ ጌላናይሲ ዳሮ ሜቶ።
23855	MAT 19:24	ቃሴካ ታኒ ኢንቴስ ጊዛይ ዱሬይ ሳሎ ካዎቴꬅ ጌላናይሳፌ ጋሜላይ ናርፔ ሉኮራ ኣꬌꬂ ካዉያና” ጊዴስ።
23914	MAT 21:19	ኦጌ ማታን ኢሲ ባላሴ ጌቴቲዛ ሚꬂ ቤዪዲ ጌዴ ኢዚኮ ሺቂሺን ሃይꬅ ፃላላፔ ኣቲን ኣይፌይ ባይንዳይሳ ቤዪዲ “ሂያፔ ጉዬ ኔ ቦላ ኣይፌይ ዶፖ!” ጊን ባላሴ ሚꬃያ ሄራካ ሜላዱስ።
23951	MAT 22:10	ኣሽካራቲካ ኦጌ ቦላ ኬዚዲ ባ ዴሚዳይታ ሎዖታካ ኢታታካ ዉርሲ ሺሺዲ ሳርጌዛሶ ኢማꬅ ኩንꬂዳ።
24000	MAT 23:13	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ኢንቴኖ ፋርሳዌቶ! ኣሳይ ፆሳ ካዎቴꬅ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሽ ኢንቴና ኣዬ-ኣና! ኢንቴ ኢንቴስ ጌሌኬታኔ ጌላናስ ኮዪዛይታካ ጌልꬄኬታ።
24010	MAT 23:23	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ።
24039	MAT 24:13	ዉርሴꬅ ጋካናስ ሚኒዳዴይ ኣታና።
24058	MAT 24:32	“ባላሴ ጌቴቲዛ ሚꬃፌ ሃይሳ ታማሪቴ፤ ባላሴ ሚꬃይስ ኡንቁሎይ ጪሊሊዛ ዎዴ ኢዛ ሃይꬅ ኬሲሺን ቦኔይ ማቲዳይሳ ኢንቴ ኤሬታ።
24083	MAT 25:6	“ሌላ ጊዶꬅ ጊዲሺን ‘ሚሺራዚ ዬስ! ኬዚዲ ሞኪ ኤኪቴ!’ ጊዛ ፄይሳ ቃላይ ሲዬቲዴስ።
24084	MAT 25:7	ሄሳ ዎዴ ጌላዖቲ ዉሪካ ዴንዲዲ ባ ፆምፔ ፆምፔ ኦይሴꬆኔ ጊጌቴꬅ ኦይኪዳ።
24088	MAT 25:11	“ጉꬅ ጋምዒሼ ሃንኮ ጌላዖቲ ዪዲ ‘ጎዶ! ጎዶ! ካሬ ኑስ ዶያ!’ ጊዳ።
24115	MAT 25:38	ኑ ኣይዴ ኔና ቤዪዲ ኢማꬃቴꬅ ሞኪዶኒ? ዎይኮ ኣይዴ ኔ ካሎቲን ቤዪዲ ኔና ማይዚዶኒ?
24120	MAT 25:43	ታና ኢማꬃቴꬅ ሞኪቤኬታ፤ ታ ካሎቲን ታና ማይዚቤኬታ፤ ታ ሳኬቲኒኔ ቃሼቲን ታና ኦይቺቤኬታ’ ጋና።
24121	MAT 25:44	“ኢስቲካ ዛሪዲ ‘ጎዶ፥ ኔ ጋፊን ዎይኮ ኔ ሳሞቲን ዎይኮ ኔ ኢማꬅ ጊዲን ዎይኮ ኔ ካሎቲኒኔ ኔ ሳኬቲን ዎይኮ ኔ ቃሼቲን ኑ ኔና ቤዪዲ ኣይዴ ኔስ ጋኪቤኮኒ?’ ጋና።
24130	MAT 26:7	ኢሲ ማጫሲ ዲዛራ ዋጋይ ኬሂ ኣልዖ ጊዲዳ ኣልባስፂሮሴ ጌቴቲዛ ሺቶ ቢልቃፄ ኩሜꬅ ኦይካዳ ዬሱሳኮ ሺቃዳ ኢዚ ማዳን ኡቲዲሺን ኢዛ ሁዔ ቦላ ሺቶዛ ጉሳዱስ።
24158	MAT 26:35	ጴፅሮሲ ቃሴ “ኔናራ ታ ሃይቃና ኮሺኮካ ሙሌካ ታ ኔና ካዲኬ!” ጊዴስ። ዬሱሳ ካሊዛ ሃንኮይቲካ ኩሜꬅ ኢዛይሳꬆካ ጊዳ።
24162	MAT 26:39	ኢስታፌ ጉꬅ ጌዴ ሃኪ ቢ ጉፓንዲ “ታ ኣዋዉ! ኔስ ዳንዳዬቲኮ ሃይሲ ሜቶይ ታፔ ኣꬎ፤ ጊዶ ኣቲን ታኒ ኮይዳ ማላ ጊዶንታ ኔኒ ኮይዳ ማላ ሃኖ” ጊ ዎሲዴስ።
24174	MAT 26:51	ዬሱሳራ ዲዛይታፔ ኢሶይ ጊꬃ ማሻ ሾዲዲ ቄሴታ ሃላቃዛ ኣሽካራ ሃይꬅ ቃንፂዴስ።
24181	MAT 26:58	ጊዶ ኣቲን ጴፅሮሲ ቄሴታ ሃላቃ ጊቤ ጋካናስ ሃሆራ ዬሱሳ ካሊዴስ። ጊቤ ጊዶ ጌሊዲ ሃኒዛይሳ ዉርሴꬅ ቤያናስ፥ ጊቤ ናጊዛይታራ ኡቲዴስ።
24182	MAT 26:59	ሄ ዎዴ ቄሴታ ሃላቃቲኔ ኣይሁዳታ ዱላታይ ኩሜꬅ ዬሱሳ ዎꬊሳናስ ዎርዶ ማርካ ኮዪዴስ።
24183	MAT 26:60	ዎርዶ ማርካቲ ዳሮቲ ሺቂኮካ ቤሲዛ ማርካቴꬅ ዴሚቤቴና፤ ጊዶ ኣቲን ጉዬፔ ናምዑ ኣስ ዳይቲ ሺቂዲ “ሃይሲ ኣዴዚ ‘ታ ፆሳ ኬꬃ ላላዳ ሄꬑ ጋላሳራ ዛራዳ ኬፃና ዳንዳያይስ’ ጊዴስ” ጊዲ ማርካቲዳ።
24196	MAT 26:73	ጉꬅ ጋምዒሺን ሄን ኤቂዳ ኣሳቲ ሺቂዲ ጴፅሮሳ “ኔ ሃሳያይ ኔ ሃይታራ ዲዛይሳ ቆንጪሴስ፤ ቱማፔ ኔ ኢስታ ባጋ ኣሳ” ጊዳ።
24205	MAT 27:7	ባ ጊዶን ዞሬቲዲ ኢማꬅ ጊዲዳ ኣሳታስ ዱፎ ጊዳና ማላ ኢሲ ኡርቃ ሚሽ ሜꬊዛ ሂላዛ ጋዴ ሻሚዳ።
24209	MAT 27:11	ሄ ዎዴ ዬሱሲ ዴሬ ሃሪዛይሳ ሲንꬅ ሺቂዴስ። ዴሬ ሃሪዛይሲካ “ኔኒ ኣይሁዳ ካዎ?” ጊዲ ኦይቺዴስ። ዬሱሲካ “ኔ ጊዳ ማላ ጊዶ” ጊዴስ።
24260	MAT 27:62	ሳምባታስ ጊጌቲዛ ዎንቴꬃ ጋላስ ቄሴታ ሃላቃቲኔ ፋርሳዌቲ ጲላፆሳ ሲንꬅ ሺቂዲ፥
24262	MAT 27:64	ሄሳ ጊሽ ኢዛ ካሊዛይቲ ኢዛ ኣሃ ካይሶቲ ኤኪዲ ዴሬስ ‘ኢዚ ሃይቆፔ ዴንዲዴስ’ ጊዲ ዎሬሶንታ ማላ ሄꬓንꬆ ጋላስ ጋካናስ ዱፎይ ናጌታና ማላ ኣዛዛ፤ ኣካይ ጊኮ ካሴይሳፌ ጉዬ ባላይ ኣꬌꬅ ጊዳና” ጊዳ።
24268	MAT 28:4	ዱፎ ናጊዛይቲ ኪታንቻዛስ ባቢዲ ኮኮሪዲኔ ሃይቄꬅ ሚሳቲዳ።
24282	MAT 28:18	ዬሱሲካ ባና ካሊዛይታኮ ሺቂዲ “ሳሎኒኔ ሳዓን ጎዳቴꬂ ታስ ኢሜቲዴስ። ሄሳ ጊሽ ቢዲ ዴሬ ኡባ ኣዋ፥ ናዛኔ ፂሎ ኣያና ሱንꬃን ፃማቂሼ፤ ታና ካሊዛይታ ኦꬂቴ፤ ታ ኢንቴና ኣዛዚዳይሳ ዉርሲ ናጋና ማላ ታማርሲቴ። ታካ ኣላሜ ዉርሴꬅ ጋካናስ ታ ኢንቴናራ ዳይስ” ጊዴስ።
24289	MRK 1:5	ዩሁዳ ዴሬይ ኩሜꬅ ዬሩሳላሜ ኣሳይ ዉሪ ዮሃኒሳኮ ቢ ቢዲ ባ ናጋራ ናጋራ ፓፂ ፓፂ ዮርዳኖሴ ሻፋን ዮሃኒሳ ኩሼን ፃማቄቲዴስ።
24298	MRK 1:14	ዮሃኒሲ ቃሾ ኬꬅ ጌሊዳይሳፌ ጉዬ ዬሱሲ ፆሳ ሚሺራቾ ቃላ ሳባኪሼ ጌዴ ጋሊላ ቢዲ “ዎዴይ ጋኪዴስ፤ ፆሳ ካዎቴꬂ ማቲዴስ፤ ናጋራፔ ሲሚቴ፥ ሚሺራቾ ቃላን ኣማንቴ” ጊዲ ሳባኪዴስ።
24303	MRK 1:19	ጉꬅ ጌዴ ሲንꬄ ኣꬊዲ ዛቢዶሳ ና ያቆቤይኔ ኢዛ ኢሻ ዮሃኒሲ ዎጎሎን ኡቲዲ ሞሌ ጊቴ ጊጊሲሺን ቤዪዲኔ ሄራካ ኢስታ ፄይጊዴስ።
24312	MRK 1:28	ሄራካ ኢዛ ኦሶ ዎሬይ ኩሜꬅ ጋሊላ ዩሾን ዲዛ ዴሬ ኡባን ሲዬቲዴስ።
24327	MRK 1:43	ዬሱሲካ ኣዴዛስ “ኦናስካ ሃይሳ ኔ ሃሳዮንታ ማላ ናጌታ፤ ጊዶ ኣቲን ባዳ ቄሴስ ኔና ቤሳ። ዴሬዛስ ማርካ ጊዳና ማላ ኔ ፓፂዳይሳስ ሙሴይ ኣዛዚዳ ያርሾዛ ሺሻ” ጊዲ ኬሂ ሚንꬅ ዮቲዴስ።
24333	MRK 2:4	ኣሳ ዳሮቴꬃፌ ዴንዲዳይሳን ዬሱሲ ዲዛሶ ጋꬃናስ ዳንዳዮንታ ጊሽ ዬሱሲ ዲዛ ጊናራ ካራ ቃሪዲ ሃርጋንቻዛ ኢዚ ኢቺዳ ሃላራ ዬሱሳ ሲንꬅ ዱጌ ዎꬂዳ።
24377	MRK 3:20	ሄሳፌ ጉዬ ዬሱሲ ኢሲ ሶ ጌሊዴስ። ኢዚኔ ኢዛ ካሊዛይቲ ካꬅ ማና ዎዴይ ኢስታስ ꬋያና ጋካናስ ዴሬይ ቃሴካ ዳሪ ሺቂዴስ።
24383	MRK 3:26	ሄሳꬆካ ፃላዔይ ባ ጋራሳን ኢሶይ ኢሳራ ሻኬቲኮኔ ኢፄቲኮ ሚኒ ኤቃናስ ዳንዳዬና። ሄሲካ ኢዛስ ዉርሴꬅ ጊዳና።