23219	MAT 1:6	ኢሴዬይ ካዎ ዳዉቴ ዬሊዴስ፤ ዳዉቴይ ኦሪዮ ማቼይፌ ሶሎሞኔ ዬሊዴስ።
23230	MAT 1:17	ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ።
23232	MAT 1:19	ኢዞ ጊጊሲዳ ዮሴፌይ ፂሎ ኣስ ጊዲዳ ጊሽ ማራሞ ኣሳ ሲንꬃን ቆንጬ ኬሶንታ ቆታራ ኣጋናስ ባ ዎዝናራ ቃቺዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23241	MAT 2:3	ካዎ ሄርዶሲ ሄሳ ሲይዲ ዳጋሚዴስ፤ ዬሩሳላሜን ዲዛ ኣሳይ ዉሪ ኢዛራ ዳጋሚዴስ።
23242	MAT 2:4	ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ።
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23248	MAT 2:10	ኢስቲ ፆሊንቴዛ ቤዪዳ ዎዴ ዳሮ ኡፋዬቲዳ።
23249	MAT 2:11	ኬꬄ ጌሊዲ ጉꬃ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳፂኔ ሳፂኔ ዶይዲ ዎርቃ፥ ኤፃኔኔ ካርቤ ጊዛ ሚሽ ኢዛስ ኢሚዳ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23258	MAT 2:20	“ዴንዳዳ ጉꬃ ናዛኔ ኢዛ ኣዪዮ ኤካዳ ኢስራዔሌ ቢታ ሲማ፤ ናዛ ዎꬋና ኮዪዛይቲ ሃይቂዳ” ጊዴስ።
23260	MAT 2:22	ጊዶ ኣቲን ኣርካላዎሲ ባ ኣዋ ሄርዶሳ ሶን ዩሁዳን ካዎቲዳይሳ ሲይዲኔ ሄ ባናስ ባቢዴስ፤ ጎዳይ ኣጉሞራ ኢዚ ሄ ቦንታ ማላ ዮቲዳ ጊሽ ጋሊላ ኣዉራጃ ቢዴስ።
23262	MAT 3:1	ሄ ዎዴ ፃማቂዛ ዮሃኒሲ ኣሳስ “ሳሎ ካዎቴꬂ ማቲዳ ጊሽ ኢንቴ ናጋራፔ ሲሚቴ” ጊ ሳባኪሼ ዩሁዳ ባዞራ ዪዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23274	MAT 3:13	ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23286	MAT 4:8	ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23295	MAT 4:17	ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23300	MAT 4:22	ኢስቲ ሄራካ ዎጎሎዛኔ ባ ኣዋ ኣጊዲ ካሊዳ።
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23306	MAT 5:3	“ኣያናን ባና ካዉሺዛይቲ ኣንጄቲዳይታ፤ ኣይሲ ጊኮ ሳሎ ካዎቴꬅ ኢስታሳ።
23311	MAT 5:8	ዎዚና ፂሎቲ ኣንጄቲዳይታ፤ ኣይሲ ጊኮ ኢስቲ ፆሳ ቤያና።
23313	MAT 5:10	ፂሎቴꬃ ጊሽ ጎዴቲዛይቲ ኣንጄቲዳይታ፤ ኣይሲ ጊኮ ሳሎ ካዎቴꬂ ኢስታሳ።
23314	MAT 5:11	“ታ ጌዶን ኣሳይ ኢንቴና ጫዪኮ፥ ጎዲኮኔ ኢታ ዮዖ ዎርዶራ ኢንቴ ቦላ ሃሳዪኮ ኢንቴ ኣንጄቲዳይታ።
23318	MAT 5:15	ኣሲ ፆምፔ ኦይꬂዲ ኬꬃን ዲዛ ኣሳ ኩሜꬃስ ፖዓና ማላ ꬎቃሶን ዎꬄስ ኣቲን ጌማ ሶን ዎꬂ ኤሬና።
23320	MAT 5:17	“ታኒ ሙሴ ዎጋኔ ናቤታ ቃላ ሻራና ዪዳ ኢንቴስ ሚሳቶፖ፤ ፖላናስ ያዲስ ኣቲን ሻራናስ ያቤኬ።
23321	MAT 5:18	ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ።
23322	MAT 5:19	ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።
23323	MAT 5:20	ታ ኢንቴስ ጋይስ፥ ኢንቴ ፂሎቴꬂ ፋርሳዌታፔኔ ሙሴ ዎጋ ታማርሲዛይታ ፂሎቴꬃፔ ኣꬎንታ ኣጊኮ ሳሎ ካዎቴꬅ ጌላና ዳንዳዬኬታ።
23324	MAT 5:21	“ካሴ ኣሳታስ ‘ዎꬎፓ፤ ዎꬊዳዴ ቦላ ፒርዴታና’ ጌቴቲዳይሳ ኢንቴ ሲዪዴታ።
23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23331	MAT 5:28	ታኒ ጊዲኮ ኢንቴና ሂዝጋይስ፤ ማጫሳ ኣሞ ኣይፌራ ፄሊዳዴይ ዉሪ ባ ዎዝናን ኢዚራ ላይማቲዴስ።
23332	MAT 5:29	ናጋራ ኦꬃናስ ኔ ኡሻቻ ኣይፌይ ኔስ ጋሶ ጊዲኮ ኔፔ ኬሳ ዎራ ዬጋ፤ ኔ ኣሳቴꬃይ ኩሜꬅ ጌዴ ጋናሜ ታማን ዬጌታናፔ ኔ ኣሳቴꬃፌ ኢሲና ፓጪኮ ሎዖ።
23336	MAT 5:33	“ካሴ ኣሳታስ ‘ዎርዶ ጫቆፋ፤ ፆሳ ሲንꬃን ኔ ጫቂዳይሳ ናጋ’ ጌቴቲዳይሳ ኢንቴ ሲዪዴታ።
23338	MAT 5:35	ቢታይ ፆሳ ቶሆይ ዬꬊዛሶ ጊዲዳ ጊሽ ቢታንካ ጫቆፍቴ። ዎጋ ካዎ ካታማ ጊዲዳ ጊሽ ዬሩሳላሜንካ ጫቆፍቴ።
23339	MAT 5:36	ኢንቴ ሁዔንካ ጫቆፍቴ፤ ኢንቴ ሁዔ ቢናናፔ ኢሲኔዮካ ቦꬅ ዎይኮ ካሬꬅ ሂስታናስ ዳንዳዬኬታ።
23344	MAT 5:41	ኢሲ ኣሲ ኔና ኢሲ ሳቴ ኦጌ ኔ ባና ማላ ዎልቃꬂኮ ኢሲፌ ናምዑ ዳኮ ጊዳና ኦጌ ኢዛራ ባ።
23345	MAT 5:42	ኔና ዎሲዛዴስ ኢማ፤ ኔፔ ታልዔ ኤካናስ ኮዪዛዴስ ዞኮ ዛሮፓ።
23347	MAT 5:44	ታ ቃስ ኢንቴና ኢንቴ ሞርኬታ ዶሲቴ፤ ኢንቴና ጎዲዛይታስ ዎሲቴ ጋይስ።
23351	MAT 5:48	ሄሳ ጊሽ ኢንቴ ሳሎ ኣዋይ ዎሶይ ባይንዳይታ ጊዲዳ ማላ ኢንቴካ ዎሶይ ባይንዳዴ ጊዲቴ።
23353	MAT 6:2	ኢንቴ ማንቆታስ ማዶ ኢሚዛ ዎዴ ኣሲ ታና ቤዮ ጊዲ ኣሳ ሲንꬃን ቦንቼታናስ ኦጌኒኔ ኣይሁዳ ዎሳ ኬꬃን ፁሩምባ ፑኒሲዛ ቆꬌፔ ቆሞን ሃኒዛይታꬆ ኦꬆፍቴ። ታ ኢንቴስ ቱሙ ጋይስ፤ ኢስቲ ባ ዋጋ ኡባ ሃን ኤኪቺዳ።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23357	MAT 6:6	ኔ ዎሳና ጌሊዛ ኔ ኪፊሌ ጌላ፤ ካሬካ ኔ ቦላ ጎርዳዳ ጌማን ዲዛ ኔ ኣዋኮ ዎሳ። ጌማን ኦሴቲዳይሳ ቤዪዛ ኔ ኣዋይ ኔ ኦሶ ማላ ኔስ ኢማና።
23358	MAT 6:7	“ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳꬆ ኢንቴካ ዎሲሼ ኢሲ ቃላ ዛሪ ዛሪ ጎፒቴ።
23359	MAT 6:8	ጊዶ ኣቲን ኢንቴ ኣዋይ ኢንቴ ዎሳናፔ ካሴቲዲ ኢንቴስ ኣዚ ኮሺዛኮኔ ኤሪዛ ጊሽ ኢንቴ ኢስታ ሚሳቶፒቴ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23361	MAT 6:10	ኔ ካዎቴꬂ ሃዮ፤ ኔ ሼኔይ ሳሎን ጊዲዳ ማላ ሳዓንካ ሃኖ።
23364	MAT 6:13	ኢታፔ ኑና ኣሻ ኣቲን ኑና ፓጬን ጌልꬆፋ፤ ቦንቾይ ሜርፔ ሜርና ጋካናስ ኔይሳ። ኣሚን’ ጊ ዎሲቴ።
23371	MAT 6:20	ጊዶ ኣቲን ቢላይ ማናስ፥ ቡቂዲ ዎይኮ ሺይዲ ሞሬቶንታሶን፥ ካይሶይ ቦኪ ኤካና ዳንዳዮንታሶን ሄን ሳሎን ኢንቴስ ሚሺ ሺሺቴ።
23372	MAT 6:21	ኔ ሚሻይ ዲዛሶን ኔ ዎዝናይ ሄን ዴስ።
23375	MAT 6:24	“ኢሲ ኣሲ ናምዑ ጎዳስ ኦꬃና ዳንዳዬና። ኢሳ ኢፂዲ ናምዓንꬆዛ ዶሳና፤ ዎይኮ ኢሳ ቦንቺዲ ናምዓንꬃ ሌቃና፤ ፆሳሲኔ ሚሻስ ናምዓታስ ጋꬂ ኦꬃናስ ዳንዳዬቴና።
23379	MAT 6:28	“ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።
23380	MAT 6:29	ሄሳ ጊሽ ታ ኢንቴና ጊዛይ ሃራይ ኣቶ ሺን ካዎ ሶሎሞኒካ ባ ቦንቾራ ሃ ጪሻታፔ ኢሲኔይ ማላ ሎዖ ማይዒቤና።
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23384	MAT 6:33	ሃራፔ ሲንꬃቲዲ ፆሳ ካዎቴꬃ ፂሎቴꬅ ኮዪቴ፤ ሃይቲ ዉሪ ኢንቴስ ጉጄታና።
23385	MAT 6:34	ሄሳ ጊሽ ዎንቶስ ኬሂ ቆፖፍቴ፤ ዎንቶ ሜቶይ ዎንቶስ ኣቆ፤ ኢሲ ኢሲ ጋላሳይ ባሲ ጊዲዛ ሜቶራ ዴስ።
23391	MAT 7:6	ባ ቶሆን ዬꬎንታ ማላኔ ሲሚዲ ኢንቴና ሳፂ ዳኬሬꬆንታ ማላ ኣንጄቲዳይሳ ካናታ ሲንꬃን ዬጎፍቴ፤ ቃሴ ኢንቴ ዎርቃካ ጉዱንꬃታ ሲንꬃን ዬጎፍቴ።
23392	MAT 7:7	“ዎሲቴ ኢንቴስ ኢሜታና፤ ኮዪቴ ኢንቴ ዴማና፤ ካሬ ቆፂቴ ኢንቴስ ዶዬታና።
23393	MAT 7:8	ዎሲዳ ኡባስ ኢሜታና፤ ኮዪዛ ኣሲ ዴማና፤ ቆፂዛዴስ ካሬይ ዶዬታና።
23394	MAT 7:9	ኢንቴ ጊዶፌ ኢሳዴስ ናይ ኡኬꬅ ዎሲኮ ሹች ኢሚዛ ኣዋይ ዳንዴ?
23395	MAT 7:10	ዎይኮ ሞሌ ዎሲኮ ሾሽ ኢሚዛዴይ ዳንዴ?
23396	MAT 7:11	ሂስቲን ኢንቴ ኢታታ ጊዲ ኡቲዲ ኢንቴ ናይታስ ሎዖ ሚሽ ኢሞ ኤሪዛይታ ጊዲኮ ኢንቴ ሳሎ ኣዋይ ኢዛ ዎሲዛይታስ ዋኒዲ ኣꬊዛ ሎዖ ሚሽ ኢሜኔ?
23397	MAT 7:12	ሄሳ ጊሽ ሃራ ኣሲ ኢንቴስ ኦꬃና ማላ ኢንቴ ኮዪዛይሳ፥ ኢንቴካ ሃራታስ ኦꬂቴ። ሙሴ ዎጋይኔ ናቤቲ ሃይሳን ኩዬቴስ።
23400	MAT 7:15	“ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ።
23401	MAT 7:16	ኢንቴ ኢስታ፥ ኢስታ ኦሶን ኤራንዴታ። ኣጉንꬃ ዎራፔ ዎይኔይ፥ ኪንዲቾ ኣጉንꬃፌ ባላሴ ኣይፌይ ማፄቲዜ?
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23408	MAT 7:23	ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና።
23414	MAT 7:29	ጋሶይካ ሙሴ ዎጋ ታማርሲዛይታ ማላ ጊዶንታ ኢዚ ጎዳቴꬂ ዲዛ ኣሳ ማላ ታማርሲዴስ።
23415	MAT 8:1	ዬሱሲ ዙማ ቦላፌ ዎꬊን ዳሮ ዴሬይ ኢዛ ካሊዴስ።
23419	MAT 8:5	ዬሱሲ ቂፊርናሆሜ ጋኪዳ ማላ ማቶ ሃላቃይ ኢዛኮ ሺቂዲ ኢዛ ሂዝጊ ዎሲዴስ።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23425	MAT 8:11	ታ ኢንቴስ ዮታይስ፤ ዳሮቲ ኣዋ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴꬃ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና።