23216	MAT 1:3	ዩሁዳይ ቲማሪፔ ፋሬሳኔ ዛራ ዬሊዴስ፤ ፋሬሳይ ኤስሮሜ ዬሊዴስ፤ ኤስሮሜይ ኣራሜ ዬሊዴስ፤
23219	MAT 1:6	ኢሴዬይ ካዎ ዳዉቴ ዬሊዴስ፤ ዳዉቴይ ኦሪዮ ማቼይፌ ሶሎሞኔ ዬሊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23241	MAT 2:3	ካዎ ሄርዶሲ ሄሳ ሲይዲ ዳጋሚዴስ፤ ዬሩሳላሜን ዲዛ ኣሳይ ዉሪ ኢዛራ ዳጋሚዴስ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23255	MAT 2:17	ሄሳን “ዬሆይኔ ጊታ ዋሶ ጊሪሳይ ኤራማን ሲዬቲዴስ፤ ኢራዔላ ባ ናይታስ ዬካዱስ፤ ናይቲ ዉሪ ዉሪዳ ጊሽ ሚናናስ ዳንዳዮንታ ኢፃዱስ” ጌቴቲዲ ናቤ ኤርማሳን ዮቴቲዳይስ ፖሌቲዴስ።
23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23271	MAT 3:10	ሄኮ ካልታይ ቃንፃናስ ሚꬃታ ጋርሳን ጊጌቲ ኡቲዴስ፤ ሄሳ ጊሽ ሎዖ ኣይፌ ኣይፎንታ ሚꬂ ዉሪ ቃንፄታናኔ ታማን ዬጌታና።
23282	MAT 4:4	ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ።
23285	MAT 4:7	ዬሱሲካ “ጌሻ ማፃፋን ‘ኔ ጎዳ ፆሳ ፓጮፋ’ ጌቴቲ ፃፌቲዴስ” ጊዲ ዛሪዴስ።
23302	MAT 4:24	ሄሳ ጌዶን ሎዖ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቦላፌ ቢታን ዬጊዛ ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ።
23316	MAT 5:13	“ኢንቴ ሃ ቢታ ኣሳስ ማፂኔ ማላ። ማፂኔይ ባ ማልዖቴꬃ ዬዲዛ ጊዲኮ ጌዴ ካሬ ዬጌቲዲ ዬꬌቴꬃፌ ኣቲን፥ ዛሪዲ ዴማናስ ዳንዳዪዜ?
23321	MAT 5:18	ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ።
23331	MAT 5:28	ታኒ ጊዲኮ ኢንቴና ሂዝጋይስ፤ ማጫሳ ኣሞ ኣይፌራ ፄሊዳዴይ ዉሪ ባ ዎዝናን ኢዚራ ላይማቲዴስ።
23335	MAT 5:32	ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ።
23340	MAT 5:37	ሄሳ ጊሽ ኢንቴ ኢንቴ ጊዶን ሃሳዬቲሺን ኢንቴ ሃሳያይ “ኤ” ጋናዝ ጊዲኮ “ኤ” ጊቴ “ኣካይ” ጋናዝ ጊዲኮ “ኣካይ” ጊቴ፤ ሄሳፌ ካሬ ጊዲዳይ ዉሪ ኢታ ኣሳፔ ዪዛዛ።
23354	MAT 6:3	ኢንቴ ማንቆታስ ኢሚሺን ኡሻቻ ኩሼይ ኦꬂዛ ሃዲሪሳ ኩሼይ ኤሮፖ።
23358	MAT 6:7	“ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳꬆ ኢንቴካ ዎሲሼ ኢሲ ቃላ ዛሪ ዛሪ ጎፒቴ።
23359	MAT 6:8	ጊዶ ኣቲን ኢንቴ ኣዋይ ኢንቴ ዎሳናፔ ካሴቲዲ ኢንቴስ ኣዚ ኮሺዛኮኔ ኤሪዛ ጊሽ ኢንቴ ኢስታ ሚሳቶፒቴ።
23369	MAT 6:18	ሄሳꬆ ኔ ፆሚኮ ጌማን ዲዛ ኔ ኣዋይ ፃላላ ኤሪዛዚኔ ኣሲ ኦኒካ ኤሮንታ ቆታን ጊዳና። ቆታን ኦሴቲዳይሳ ቤዪዛ ኔ ኣዋይካ ኔ ዋጋ ኔስ ኢማና።
23383	MAT 6:32	ሃንኮ ኣማኖንታ ኣሳይ ሃይሳ ዴማናስ ዳሮ ቆፔስ። ሃይሲ ዉሪ ኢንቴስ ኮሺዛይሳ ኢንቴ ሳሎ ኣዋይ ኤሬስ።
23384	MAT 6:33	ሃራፔ ሲንꬃቲዲ ፆሳ ካዎቴꬃ ፂሎቴꬅ ኮዪቴ፤ ሃይቲ ዉሪ ኢንቴስ ጉጄታና።
23388	MAT 7:3	ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?
23389	MAT 7:4	ኔ ኣይፌን ጊታ ሚꬂ ዲሺን ኔ ኢሻ ‘ኣኔ ታ ኔ ኣይፌፔ ቄሪ ቡራዮ ኬሳይስ’ ጋናስ ዋና ዳንዳያይ?
23396	MAT 7:11	ሂስቲን ኢንቴ ኢታታ ጊዲ ኡቲዲ ኢንቴ ናይታስ ሎዖ ሚሽ ኢሞ ኤሪዛይታ ጊዲኮ ኢንቴ ሳሎ ኣዋይ ኢዛ ዎሲዛይታስ ዋኒዲ ኣꬊዛ ሎዖ ሚሽ ኢሜኔ?
23402	MAT 7:17	ሄሳꬆካ ሎዖ ሚꬂ ዉሪ ሎዖ ኣይፌስ፤ ኢታ ሚꬂካ ኢታ ኣይፌ ኣይፌስ።
23404	MAT 7:19	ሎዖ ኣይፌ ኣይፎንታ ሚꬂ ዉሪካ ቃንፄታናኔ ታማን ዬጌታና።
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23408	MAT 7:23	ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና።
23422	MAT 8:8	ማቶ ሃላቃይ ኢዛስ ዛሪዲ “ታ ኔና ታ ኬꬄ ጌልꬃናስ ቤሲዛዴ ጊዲኬ፤ ጊዶ ኣቲን ኔ ሃን ዳዳ ኢሲ ቃላ ፃላ ጊኮ ታ ኣሽካራይ ፓፃና።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23434	MAT 8:20	ዬሱሲካ ኢዛስ ዛሪዲ “ዎርካናታስ ኦላይ ዴስ፤ ሳሎ ካፎታስ ኬꬂ ዴስ፤ ታስ ኣሳ ናስ ጊዲኮ ሁዔ ጌልꬂዛሶይ ባዋ” ጊዴስ።
23438	MAT 8:24	ቆፖንታ ኣባ ጊዶን ዳምባላይ ዴንዲዲ ዎጎሎዮ ሚታና ጋካናስ ኢስታ ዋይሲዴስ። ሄሲ ዉሪ ሃኒሺን ዬሱሲ ꬊስኪዴስ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23448	MAT 8:34	ካታማ ኣሳይ ዉሪ ዬሱሳራ ጋጋናስ ኬዚዴስ። ዬሱሳ ቤዪዲኔ ኢስታ ዴሬ ዬዲ ባና ማላ ኢዛ ዎሲዳ።
23452	MAT 9:4	ዬሱሲ ኢስታ ቆፋ ኤሪዲ “ኢንቴ ዎዝናን ኢታ ዮዖ ኣዛስ ቆፔቲ?
23461	MAT 9:13	ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ።
23464	MAT 9:16	“ጋልዓ ማይዖ ቦላ ኦራꬃ ዎሶ ዎꬂ ሲኪዛ ኣሲ ዴና። ጋልዓ ቦላ ኦራꬅ ዎꬂ ሲኪኮ ኦራꬃዚ ጋላዓዛ ፔꬌሬꬂዲ ሃ ዳሲ ዳሪሳና።
23473	MAT 9:25	ዴሬይ ዉሪ ኬꬃፌ ኬዚን ኢዚ ኬꬄ ጌሊዲ ናይ ኩሼ ኦይኪዴስ፤ ናያካ ዴንዳ ኤቃዱስ።
23475	MAT 9:27	ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ።
23482	MAT 9:34	ጊዶ ኣቲን ፋርሳዌቲ ዛሪዲ ኢዛ “ዳይዳንꬂ ኬሲዛይ ዳይዳንꬃታ ሃላቃና” ጊዳ።
23484	MAT 9:36	ኣሳይ ዉሪ ሄሚዛዴይ ባይንዳ ዶርሳ ማላ ኬሂ ሜቶቴቲዲ ፄሊዛይ ባይንዳዴ ጊዲዳይሳ ቤዪዳ ዎዴ ኢስታስ ዳሮ ሚሼቲዴስ።
23491	MAT 10:5	ሃይታ ታማኔ ናምዓታ ኡባ “ጌዴ ኣይዛቤታ ጋꬅ ቦፒቴ፤ ሳማሪያ ኣሳ ካታማ ጌሎፒቴ።
23504	MAT 10:18	ታ ጌዶን ዴሬ ሃሪዛይታኮኔ ካዎታኮ ኢንቴና ኤፋና፤ ኢስታ ሲንꬄኒኔ ኣማኖንታ ኣሳታ ሲንꬃን ኢንቴ ማርካ ጊዳና።
23508	MAT 10:22	ታ ጊሽ ኣሲ ዉሪካ ኢንቴና ኢፃና። ጊዶ ኣቲን ዉርሴꬅ ጋካናስ ሚቅኒ ኤቂዳይ ኢዚ ኣታና።
23532	MAT 11:4	ዬሱሲካ ዛሪዲ “ቢዲ ኢንቴ ሲዳይሳኔ ኢንቴ ቤዪዳይሳ ዮሃኒሳስ ዮቲቴ።
23541	MAT 11:13	ናቤቲካ ሙሴ ዎጋይካ ዉሪ ዮሃኒሳ ዎዴ ጋካናስ ቡሮፔ ሃናናይሳ ዮቲዳ።
23553	MAT 11:25	ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።
23555	MAT 11:27	“ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሽ ኤሪዛ ኣስ ባዋ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣስ ባዋ።
23556	MAT 11:28	“ቶሆይ ዴፂዳይቶ፥ ዳቡሪዳይቶ ኢንቴ ዉሪካ ታኮ ሃ ዪቴ፤ ታካ ኢንቴስ ሼምፖ ኢማና።
23557	MAT 11:29	ታ ቃምባራ ቶኪቴ፤ ታፔካ ታማሪቴ፤ ታኒ ታ ዎዝናን ኣዳኔ ኣሽኬ፤ ኢንቴ ሼምፖስ ኢንቴ ሼምፖ ዴማና።
23561	MAT 12:3	ኢዚካ ኢስታስ ዛሪዲ “ዳዉቴይኔ ኢዛራ ዲዛ ኣሳቲ ጋፊዳ ዎዴ ኢዚ ኣይ ኦꬂዳኮኔ ናባቢቤኬቲ?
23563	MAT 12:5	ቃሴ ቄሴቲ ሳምባታ ሻሪዲ ፆሳ ኬꬃ ጊዶን ኦሶ ኦꬂኮ ሞሮ ጊዶንታይሳ ሙሴ ዎጋፔ ናባቢቤኬቲ?
23565	MAT 12:7	‘ታኒ ያርሾ ጊዶንታ ማሮቴꬅ ዶሳይስ’ ጊዛ ቃላይ ኣይ ጉሲኮኔ ኢንቴ ኤሪዛኮ ፂሎታ ቦላ ፒርዴኬታኮሺን።
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23581	MAT 12:23	ኣሳይ ዉሪካ ማላሌቲዲ “ሃይሲ ኣዴዚ ዳዉቴ ናሻ?” ጊዴስ።
23583	MAT 12:25	ዬሱሲካ ኢስታ ቆፋ ኤሪዲ “ባ ጊዶን ኢሶይ ኢሳፌ ሻኬቲዛ ካዎቴꬂ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬꬃ ኣሲ ሚኔና።
23588	MAT 12:30	“ታናራ ጊዶንታዴይ ታናራ ኤቄቴስ፤ ታናራ ኢሲፌ ሺሾንታ ኣሲ ዉሪካ ላሌስ።
23589	MAT 12:31	ሄሳ ጊሽ ታ ኢንቴስ ቱሙ ጋይስ፤ ናጋራ ኦሶይኔ ጫሺ ዉሪ ኣሳስ ኣቶ ጌቴታና ሺን ፂሎ ኣያና ጫዪዳዴይ ማሬቴና።
23591	MAT 12:33	“ሚꬂ ዉሪ ኣይፌን ኤሬቲዛይሳ ማላ ኢንቴ ሎዖ ኣይፌ ዴማናስ ኢንቴስ ሎዖ ሚꬂ ዶ፤ ኢንቴስ ኢታ ሚꬂ ዲዛ ጊዲኮ ኢንቴ ኢታ ኣይፌ ኤካና።
23594	MAT 12:36	ጊዶ ኣቲን ታ ኢንቴስ ጊዛይ ኣሳይ ባ ሃሳዪዳ ሃዳ ቃላ ኡባ ጊሽ ፒርዳ ጋላስ ዉሪካ ኦይሼታና።
23597	MAT 12:39	ኢዚ ኢስታስ ዛሪዲ “ሃ ኢታኔ ላይማ ዬሌታይ ማላታ ኦይቼስ፤ ጊዶ ኣቲን ናቤ ዮናሳ ማላታፔ ኣቲን ሃራ ማላታይ ኢሜቴና።
23608	MAT 12:50	ሳሎን ዲዛ ታ ኣዋ ሼኔ ኦꬂዛይቲ ዉሪካ ታስ ኢሻ፥ ሚቾኔ ኣዮ” ጊዴስ።
23612	MAT 13:4	ኢዚ ዜሪሺን ኢሲ ኢሲ ዜሬꬂ ኦጌ ዱናን ዎꬊን ካፎቲ ዪዲ ማፂ ሚዳ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23632	MAT 13:24	ዬሱሲ ቃሴካ ሃራ ሌሚሶ ኢስታስ “ሳሎ ካዎቴꬂ ባ ጎሻ ጋዴን ሎዖ ዜሬꬅ ዜሪዳዴ ሚሳቴስ።
23633	MAT 13:25	ጊዶ ኣቲን ኣሲ ዉሪ ኢቺዳ ዎዴ ሞርኬይ ዪዲ ጊስቴዛ ጊዶን ሌሾ ዜሪዲ ቢዴስ።
23638	MAT 13:30	ኣጊቴ! ማፃ ዎዴይ ጋካናስ ኢሲፌ ዲጮ፤ ሄ ዎዴ ማፂዛይቲ ሌሾዛ ካሴቲዲ ቆሪ ማፂዲ ታማን ፁጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ’ ጋዳ ታ ኢንቴስ ዮታና” ጊ ዮቲዴስ።
23639	MAT 13:31	ሃራ ሌሚሶ ኢስታስ “ሳሎ ካዎቴꬂ ኢሲ ኣሲ ባ ጋዴ ጊዶን ዜሪዳ ባርዛፌ ሚꬃ ኣይፌ ማላ።
23645	MAT 13:37	ኢዚካ ኢስታስ ዛሪዲ “ሎዖ ዜሬꬅ ዜሪዳይ ኣሳ ና።
23647	MAT 13:39	ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ።
23649	MAT 13:41	ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦꬂዛይታ ኢዛ ካዎቴꬃ ጊዶፌ ኡባ ቆሪ ኬሳና።
23652	MAT 13:44	“ሳሎ ካዎቴꬂ ጋዴ ጊዶን ቆቴቲዳ ሚሼ ሚሳቴስ። ኢሲ ኣስ ሄ ሚሻዮ ዴሚዲ ዛሪ ቆቲዴስ። ኡፋይሳፌ ዴንዲዳይሳን ቢዲ ባስ ዲዛዚ ኡባ ባይዚዲ ሄ ሚሺያ ዲዛ ቢታ ሻሚዴስ።
23656	MAT 13:48	ሞሌ ኦይኪዛይቲ ጊቴይ ኩሚን ጎቺዲ ኣባ ላንቄ ኬሲዳ። ሄን ኡቲዲ ሎዖ ሎዖ ሞሌ ቆሪዲ ኬሼን ጉጂዳ። ኢታ ሞሌታ ዎራ ዬጊዳ።
23659	MAT 13:51	“ዬሱሲ ኢስታ ሃይሲ ዉሪ ኢንቴስ ጌሊዴ?” ጊዴስ። ኢስቲካ “ኤ” ጊዳ።
23660	MAT 13:52	ኢዚካ ዛሪዲ “ሄሳ ጊሽ ሳሎ ካዎቴꬃ ፁራይ ጌሊዳ ሙሴ ዎጋ ታማርሲዛዴይ ኦኒካ ኢዛስ ሚንጂ ዎꬂዳ ኣልዖ ሚሻፌ ኦራꬃኔ ካሴ ጋልዓ ሚሽ ኬሲዛዴ ሚሳቴስ” ጊዴስ።
23667	MAT 14:1	ሄ ዎዴ ጋሊላ ዴሬ ሃሪዛ ሄርዶሲ ኣሳይ ዬሱሳ ናሺዛይሳ ሲይዴስ።
23668	MAT 14:2	ሄርዶሲ ባ ኣሽካራታስ “ሄሳ ጊዲኮ፥ ፃማቂዛ ዮሃኒሲ ሃይቆፔ ዴንዲዲ ዪዴስ ጉሳካ! ሃይሲ ዉሪ ጊታ ማላታይ ኢዛ ኩሼን ኦሴቲዛይ ሄሳሳ” ጊዴስ።
23683	MAT 14:17	ኢስቲካ ኢዛስ ዛሪዲ “ሃይሳን ኑስ ኢቻሹ ኡኬꬂኔ ናምዑ ሞሌፔ ኣቲን ሃራይ ባዋ” ጊዳ።
23686	MAT 14:20	ኣሳይ ዉሪካ ሚዲ ካሊዴስ። ሄሳፌ ጉዬ ኢዛ ካሊዛይቲ ኣሳፔ ሚሺን ኣቲዳይሳ ታማኔ ናምዑ ሌማቴ ኩሜꬅ ሺሺዳ።
23701	MAT 14:35	ሄን ዲዛይቲ ዬሱሳ ጊዲዳይሳ ኤሪዲ፥ ሄ ሄራን ዩዪ ኣꬋናስ ዲዛ ኣሳስ ኪታ ዬዲዳ። ኣሳይካ ሃርጋንቻታ ኡባ ዬሱሳኮ ኤሂዴስ።
23702	MAT 14:36	ሃርጋንቻቲ ኢዛ ኣፋላ ፄራ ፃላላ ቦቻና ማላ ዬሱሳ ዎሲዳ። ቦቺዳይቲ ዉሪካ ፓፂዳ።
23715	MAT 15:13	ኢዚ ኢስታስ “ታ ኣዋ ሳሎይሲ ቶኮንታ ሚꬂ ዉሪካ ꬎቃሌታና።
23718	MAT 15:16	ኢዚካ “ኢንቴ ሃዒ ጋካናስካ ኤሪቤኬታ ጉሴ?
23719	MAT 15:17	ዱናራ ጌሊዛይ ዉሪ ዱጌ ቃንꬄ ካንꬂዲ ጌዴ ካሬ ኬዚዛይሳ ኤሬኬቲ?
23721	MAT 15:19	ኢታ ቆፋይ፥ ሼምፖ ዎꬎይ፥ ላይማይ፥ ላይማታናስ ቃቃቶይ፥ ካይሶይ፥ ዎርዶ ማርካቴꬂኔ ኣሳ ሱንꬅ ሞሮይ ዉሪ ዎዝናፔ ፑልቴስ።
23725	MAT 15:23	ጊዶ ኣቲን ኢዚ ኢሲ ቃላካ ኢዚስ ዛሪቤና። ሂስቲን ሄ ዎዴ ኢዛ ካሊዛይቲ ኢዛኮ ሺቂዲ “ኑና ካላ ካላ ዋይሲዛ ጊሽ ኔ ኢዞ ሞይዚኮቺ?” ጊዲ ኢዛ ኦይቺዳ።