10	GEN 1:10	Maʌ̃ra Ãcõrẽba bia unusia. Ẽjũã põãsara Ãcõrẽba trʌ̃ b̶ʌsia “egoro.” Baido ãbaa ũmenada trʌ̃ b̶ʌsia “pusa.”
183	GEN 7:23	Wãrãda jũma druabema zocai b̶eara quinisid̶aa. Ẽberãrãda, animarãda, ãdji jãne wãbadada, ĩbana sid̶a quinisid̶aa. Mãwã Ãcõrẽba naʌ̃ ẽjũãne b̶ead̶ara jũma jõbisia. Maʌ̃ne ab̶abe panesid̶aa Noéda, idji ume jãba dromane ed̶a wãped̶ad̶a sid̶a.
211	GEN 9:5	Ẽberãba wa animarãba ẽberãda beaibʌrʌ, mʌ̃a cawa oya.
268	GEN 11:1	Ẽberãrã druaza wãbʌrʌd̶i naẽna jũmarãda ab̶ari bed̶ead̶e bed̶eabadjid̶aa.
272	GEN 11:5	Ẽberãrãba puru idjab̶a de ʌ̃tʌ drasoga b̶ʌ o panʌra Ãcõrẽba bajãneba acʌd̶e zesia.
354	GEN 14:17	Abraʌ̃ba Quedorlaómera dji bororã idjiare djõ panʌ sid̶a poyaped̶a idji druad̶aa jẽda zesia. Savé jewed̶a “Ẽberãrã Boro Jewed̶a” abadad̶e wãbʌrʌd̶e Sodomanebema boroda Abraʌ̃ audiab̶arid̶e zesia.
415	GEN 17:17	Maʌ̃be Abrahaʌ̃ba Ãcõrẽra waya b̶ʌ bẽrã chĩrãborod̶e cob̶eped̶a idji dratura egorod̶e b̶arru tẽũ cob̶esia. Baribʌrʌ ipid̶asia. Idji sod̶e crĩchasia: “Ẽberã cien poa b̶ʌba ¿sãwã warrada oi? Sara noventa poa b̶ʌda ¿sãwã mãwã b̶iogoa b̶ei?”
475	GEN 19:17	Puru dajada bad̶acarea bajãnebema nezocarãba Loa jarasid̶aa: –Ẽdrʌi carea pira wãdua. Jẽda acʌrãdua idjab̶a ni maãrĩ bid̶a naʌ̃ jewed̶ad̶e nũmerãdua. Beu amaaba eya baramaa wãdua.–
991	GEN 34:10	Nama dairã ume pananadua. Naʌ̃ druara bãrã itea b̶ʌa. Naʌ̃ ẽjũãne bãdjia awuabʌdama pananadua. Ne nẽdod̶ida panʌa idjab̶a nẽdobued̶ida panʌa. Ẽjũã sid̶a nẽdod̶ida panʌa.–
1002	GEN 34:21	–Jacobora, idji warrarã sid̶a ẽberã biarãa. Ẽjũãra baraa ãdjirã pananamãrẽã. Maʌ̃ bẽrã ãdjirãra dadjirã druad̶e idu b̶ebid̶ia. Idu ne nẽdobid̶ia idjab̶a nẽdobuebid̶ia. Dadjirãra ãdjirã caurã ume poya dji edad̶ia. Ãdjirã sid̶a dadjirã caurã ume poya dji edad̶ia.
1101	GEN 37:17	Ẽberãba panusia: –Mãẽ, ãdjirãra nama duananaped̶a wãbʌrʌsid̶aa. Mʌ̃a ũrĩsia Dotaʌ̃ ẽjũãnaa wãniana abʌdada.– Ara maʌ̃da Josera idji djabarã caid̶u wãsia. Wãbʌrʌd̶e ãdjirãra Dotaʌ̃ ẽjũãne unune wãsia.
1230	GEN 41:34	Maʌ̃are jũma naʌ̃ Egipto druad̶e trigo wagabada bororãda b̶ʌcuaida b̶ʌa. Siete poa ad̶uba eropanʌne ẽberãrãba ewabʌdad̶ebemada maʌ̃ bororãba maãrĩ wagad̶ida panʌa. Ẽ juesuma ewabʌdaza ab̶a wagad̶ida panʌa. Mãwã od̶ida panʌa puru b̶eaza. Ãdjia wagaped̶ad̶ara bʌabʌrʌ cawa jaraya sãwã jed̶eida.
1445	GEN 47:24	Maʌ̃ ewabʌdad̶e ẽ juesumanebemada ab̶a dadjirã boroa diad̶ida panʌa. Ẽ quĩmãrẽ bãrãba edad̶ia wayacusa ud̶i carea idjab̶a bãrãba, bãrã ded̶e panabadaba, bãrã warrarã bid̶a cod̶amãrẽã.–
1516	GEN 50:9	Carretad̶eba djõbadarãda idjab̶a cawayod̶eba djõbadarã sid̶a Jose ume wãsid̶aa. Ẽberãrãra bio cãbana wãsid̶aa.
1590	EXO 3:10	Maʌ̃ carea mʌ̃a bʌra Egiptod̶ebema boromaa diabueya. Idjía jaradua mʌ̃ puru Israel ẽdrʌ b̶ʌmãrẽã. Ẽdrʌ b̶ʌsira ãdjirãra Egiptod̶ebemada ãyã pe ededua.–
1629	EXO 4:27	Maʌ̃ naẽna Ãcõrẽba Aaroʌ̃a jarasia: –Ẽjũã põãsa ewaraga b̶ʌd̶e Moise acʌd̶e wãdua.– Ara maʌ̃da Aaroʌ̃ra wãped̶a Moisera unusia Ãcõrẽ eya abadama. Unuped̶a b̶ʌsrid̶aba idji uridarrad̶e isõsia.
1768	EXO 9:25	Maʌ̃ hielo waib̶ʌa jurrubʌrʌba Egipto druad̶e jũma de edre b̶ead̶aẽ́ra quenasia. Ẽberãrãda, animarãda, néu b̶ea sid̶a jũma quenasia. Bacuru sid̶a jũma ãrĩsia.
1852	EXO 12:35	Ẽdrʌbʌdad̶e israelerãba Moiseba jarad̶a quĩrãca osid̶aa. Ãdjirãba parata od̶ada, oro od̶ada, cacuad̶e jʌ̃bada sid̶a egiptorãa iwid̶isid̶aa.
1962	EXO 16:14	Ẽjũã põãsabʌrʌd̶e nãũcha torroa qued̶eada odjacuaped̶a ecasia.
2005	EXO 18:5	Ẽjũã põãsa ewaraga b̶ʌd̶e Moisera israelerã ume Ãcõrẽ eya caita duanasid̶aa. Maʌ̃ne Moise zãwãrẽ Jetroba idjía naʌ̃ bed̶eada diabuesia: “Mʌ̃da, bʌ quimada, bʌ warrarã sid̶a bʌmaa wãnia.” Maʌ̃ bed̶ea diabued̶acarea ãdjirãra Moisemaa wãsid̶aa.
2018	EXO 18:18	Diaped̶aʌba ab̶a queubʌrʌd̶aa bʌa cawa o b̶ʌ bẽrã sẽya. Ẽberãrã bʌmaa ze panʌ sid̶a jũma sẽnia. Bʌa o b̶ʌra jũmawãyã b̶ʌa. Naʌ̃ra bʌdub̶aʌba jũma poya oẽ́a.
2080	EXO 21:2	Bariduaba ab̶arica hebreoda idji nezoca bamãrẽã nẽdoibʌrʌ, sei poabe idji nezoca baya. Siete poa jũẽnacarea maʌ̃ ẽberãra nezoca bad̶ada ẽdrʌya. Ẽdrʌbʌrʌd̶e idjia ẽdrʌi careabema parata diaida b̶ad̶ara diaẽ́a.
2130	EXO 22:15	Ẽberãba wẽrã umaquĩrã adua b̶ʌda cũrũgaped̶a idji ume cãĩbʌrʌ, maʌ̃ wẽrãra dewara ume quima edai carea bed̶ea b̶ʌẽ́ b̶ʌbʌrʌ, maʌ̃ ẽberãba quima edai careabema paratara dji wẽrã zezaa diaida b̶ʌa idjab̶a dji wẽrãra edaida b̶ʌa.
2146	EXO 23:1	Djãrãda sewad̶eba jararãnadua. Ẽberã cadjirua od̶ara sewad̶eba carebarãnadua dji cawa obari quĩrãpita.
2152	EXO 23:7	Sewad̶eba djãrã jara panʌra ũrĩniẽ́ panʌa. Ẽberã bed̶ea neẽ́ b̶ʌra bead̶iẽ́ panʌa. Mãwã obʌrʌra mʌ̃ quĩrãpita bed̶ead̶e b̶eya.
3230	LEV 16:28	Ẽberã maʌ̃ animarã ãyã bád̶e wã b̶ad̶ara jẽda zebʌrʌd̶e cuida b̶ʌa idjab̶a idjia cacuad̶e jʌ̃ b̶ʌra tãtoida b̶ʌa. Maʌ̃bebʌrʌ bãrã duanʌmaa zeida b̶ʌa.
3457	LEV 24:10	Ẽberãda b̶asia. Dji papara Israeld̶ebema basía baribʌrʌ dji zezara Egiptod̶ebema basía. Ewari ab̶a maʌ̃ ẽberãra israelerã tãẽna pʌrrʌad̶e wãsia. Pʌrrʌa nĩne idjira ẽberã Israeld̶ebema ume djõsia.
4105	NUM 13:29	Ãdjirã awara Negue ẽjũã põãsa ewaraga b̶ʌd̶e amalecitarãda panabadaa. Ẽjũã eyaid̶a b̶ʌd̶e hititarãda, jebuseorãda, amorreorã sid̶a panabadaa. Pusaare, Jordaʌ̃ doare bid̶a cananeorãda panabadaa.–
4209	NUM 16:14	Bʌa drua biad̶aa edeyad̶a asia. Maʌ̃ druad̶e baridua ne uped̶ad̶ara bia zaubariad̶a asia. Baribʌrʌ bʌa daira mamaa edeẽ́ tab̶ʌa. Ẽjũãda, uva bara b̶ʌ ẽjũã sid̶a diaẽ́ tab̶ʌa. ¿Bʌa wad̶ibid̶a daira cũrũga quĩrĩã b̶ʌca? Daira bʌmaa wãnaẽ́a.–
4245	NUM 17:15	Ẽberãrãra waa quininaẽ́ bẽrã Aaroʌ̃ra Moisemaa wãsia Ãcõrẽ wua ded̶e ed̶a wãbada caita.
4329	NUM 20:17	Dai quĩrã djuburia, bʌ druad̶e idu wãyã wãbidua. Bãrã néud̶e ed̶a wãnaẽ́a, bãrã uva ẽjũãne ed̶a wãnaẽ́a, ni bãrã baido juebada uriad̶ebemada dod̶aẽ́a. Ẽberãrã Boro abada od̶e quĩrãipa wãnia. Bʌ druad̶e panʌne maʌ̃ od̶ebemada jʌwa araare ni jʌwa acʌare bid̶a ãyã wãnaẽ́a.–
4363	NUM 21:22	–Dai quĩrã djuburia bʌ druad̶e idu wãyã wãbidua. Dairãra bãrã néud̶e ed̶a wãnaẽ́a, bãrã uva ẽjũãne bid̶a ed̶a wãnaẽ́a, ni bãrã baido juebada uriad̶ebemada dod̶aẽ́a. Ẽberãrã Boro abada od̶e quĩrãipa wãnia.–
4385	NUM 22:9	Maʌ̃ diamasi Ãcõrẽra Balaaʌ̃ma odjaped̶a nãwã iwid̶isia: –¿Ẽberãrã bʌ ded̶e panʌra cairãda jãwã panʌ?
4440	NUM 23:23	Ni ab̶aʌba Jacobod̶eba yõped̶ad̶ara poya ne ãĩ od̶aẽ́a. Ni ab̶aʌba israelerãra poya biẽ́ b̶ʌd̶aẽ́a. Ẽberãrãba nãwã jarad̶ia: “Acʌdua sãwã Ãcõrẽba israelerãra bio careba b̶ʌda.”
4486	NUM 25:14	Ẽberã madianita wẽrã ume ãbaa beud̶ara Zimri abadjid̶aa. Idjira Salu warra basía. Simeoʌ̃neba yõna purud̶ebema dji droma basía.
5874	JOS 2:3	Maʌ̃ carea Jericod̶ebema boroba zarrarãda Rahámaa diabuesia. Maʌ̃misa Rahába israelerã umé panʌra mĩrũbisia. Zarrarãra jũẽnaped̶a nãwã jarasid̶aa: –Ẽberãrã bʌ diguid̶a jũẽped̶ad̶ara isabe dajadaa zebidua. Dadjirã drua acʌd̶e ze panʌa sãwã poyad̶i cawaya.– Rahába jarasia: –Wãrãda mʌ̃ ded̶e ẽberãrãra zesid̶aa, baribʌrʌ ãdjira sãmabemada mʌ̃a adua b̶asia.
5887	JOS 2:16	Wãni naẽna Rahába nãwã jarasia: –Ẽjũã eyaid̶a b̶ʌd̶aa mĩrũ wãnadua zarrarãba unurãnamãrẽã. Mama ewari ũbea mĩrũ pananadua ab̶a bãrã jʌrʌ panʌra jẽda zebʌdad̶aa. Maʌ̃bebʌrʌ wãnadua bãdji wãbʌdamaa.–
5930	JOS 4:18	Maʌ̃ne sacerdoterã Ãcõrẽ baurude jira eropanʌra drua zesid̶aa. Ẽjũã põãsa tʌgabʌdad̶e dora wayacusa wea dogoped̶a nãbua ũmesia idji b̶ad̶a quĩrãca.
5950	JOS 5:14	Ẽberãba nãwã panusia: –Mʌ̃ra ni ab̶aʌare b̶ʌẽ́a. Mʌ̃ra Ãcõrẽ sordaorã boro bẽrã ze b̶ʌa.– Maʌ̃ ũrĩsid̶e Josuera idji waya b̶ʌd̶eba chĩrãborod̶e b̶arru cob̶eped̶a iwid̶isia: –Mʌ̃ Boro, mʌ̃ra bʌ nezocaa. ¿Cãrẽda obi quĩrĩã b̶ʌ?–
6469	JOS 23:7	Ẽberãrã wad̶i naʌ̃ druad̶e b̶ea ume ãbaa b̶earãnadua. Ãdji ãcõrẽ b̶eara ẽpẽrãnadua. Maʌ̃rã quĩrãpita chĩrãborod̶e copanenaped̶a bia bed̶earãnadua idjab̶a iwid̶irãnadua. Wãrãneba jarad̶ibʌrʌ ãdji trʌ̃neba mãwã orãnadua.
6668	JDG 6:12	Ãcõrẽ nezoca bajãnebemara Gedeoʌ̃ma odjasid̶e nãwã jarasia: –Ẽberã mẽsrã b̶ʌ idjab̶a sozarra b̶ʌ, Ãcõrẽra bʌ ume b̶ʌa.–
6892	JDG 13:6	Maʌ̃be dji wẽrãra idji quima Manoamaa wãped̶a nãwã jarasia: –Ẽberã Ãcõrẽba diabued̶ada mʌ̃maa zesia. Idjira bajãnebema nezoca quĩrãca ununa bẽrã mʌ̃a wayasia. Idjira sãmabemada, idji trʌ̃ sid̶a mʌ̃a iwid̶iẽ́ basía. Idjia mʌ̃́a jaraẽ́ basía.
6904	JDG 13:18	Baribʌrʌ bajãnebema nezocaba jarasia: –Bʌa ¿cãrẽ cãrẽã mʌ̃ trʌ̃ra cawa quĩrĩã b̶ʌ? Mʌ̃ trʌ̃ra jũmawãyã bia quirua. Ẽberãrãba poya cawad̶aẽ́a.–
6945	JDG 15:14	Ẽjũã Lehi abadad̶e jũẽbʌdad̶e pilisteorãra b̶ʌsrid̶a b̶ʌga duanʌda idjimaa zesid̶aa. Baribʌrʌ Ãcõrẽ Jaured̶eba Sansoʌ̃ra bio juerza baraped̶a idji jʌwa jʌ̃ b̶ad̶a jʌ̃carada tʌcuasia lino nayãna bá wãna quĩrãca.
7215	1SA 1:1	Ẽberãda b̶asia Elcana abadada. Elcanara Jerohaʌ̃ warra basía. Jerohaʌ̃ra Elihú warra basía. Elihúra Tohu warra basía. Tohura Zup warra basía. Zup ẽberãrãra Epraiʌ̃neba yõped̶ad̶arã basía. Maʌ̃ Elcanara Ramá purud̶e Epraiʌ̃ ẽjũã eyaid̶a b̶ʌd̶e b̶abadjia.
7454	1SA 11:7	Ara maʌ̃da pacada umé beasia. Drapetaped̶a tʌcuasia. Dji tʌcuad̶ara Israel puru b̶eaza diabuecuasia. Dji edeped̶ad̶aba puruza nãwã jarasid̶aa: –Bariduada Sauloare idjab̶a Samueleare djõne wãnaẽ́bʌrʌ, idji pacara ara naʌ̃ paca quĩrãca bead̶ia.– Ẽberãrã maʌ̃ ũrĩped̶ad̶ara Ãcõrẽba bio ne wayabisia. Maʌ̃ bẽrã ab̶ari crĩchada edad̶aped̶a djõne wãsid̶aa.
7604	1SA 16:7	Baribʌrʌ Ãcõrẽba idjía jarasia: –Ab̶abe dji drasoada, quĩrãwãrẽã sid̶a acʌrãdua. Ẽberãba maʌ̃ra acʌbaria. Baribʌrʌ mʌ̃ara sodrʌ acʌbaria. Naʌ̃ ẽberãda mʌ̃a edaẽ́ b̶ʌa israelerã boroda b̶amãrẽã.–
7929	1SA 26:21	Maʌ̃ carea Saulba panusia: –Mʌ̃ warra Davi, mʌ̃a cadjiruada osia. Ẽberã crĩcha neẽ́ b̶ʌ quĩrãca mʌ̃a bio ãĩ o b̶asia. Mʌ̃ ume jẽda wãna. Id̶i bʌa mʌ̃ra bead̶aẽ́ bẽrã mʌ̃a bʌra waa biẽ́ oẽ́a.–
8193	2SA 7:10	Maʌ̃ awara mʌ̃a ẽjũãda mʌ̃ puru Israel itea edasia ewariza mama b̶ead̶amãrẽã. Ni ab̶aʌba ãdjirãra mamaʌba ãyã b̶ʌd̶aẽ́a. Ẽberã cadjiruarãba ãdjirãra waa biẽ́ od̶aẽ́a mʌ̃a ãdji ẽdrʌ b̶ʌbadarã diabuesi ewarid̶e biẽ́ o panana quĩrãca. Id̶ira mʌ̃a bʌra dji quĩrũ ume necai b̶ʌya. Maʌ̃ awara mʌ̃a jaraya id̶iba ʌ̃taa bʌd̶eba yõbʌdara israelerã boroda b̶ʌya.
9456	1KI 21:2	Maʌ̃ carea Acaboba Nabóa nãwã jarasia: –Bʌ uva ẽjũãda mʌ̃ de caita b̶ʌ bẽrã mʌ̃́a nẽdobuedua. Jãma ne u quĩrĩã b̶ʌa. Maʌ̃ ẽjũãbari mʌ̃a dewara uva ẽjũã biara b̶ʌda diaya. Ẽjũã cãyãbara paratada quĩrĩã b̶ʌbʌrʌ dji ẽjũã nẽbʌa b̶ʌ quĩrãca diaya.–
9467	1KI 21:13	Ẽberã cadjiruada umé zebid̶aped̶a Nabó caita chũmebisid̶aa. Maʌ̃ umébemaba jũmarã quĩrãpita sewad̶eba jarasid̶aa Nabóba Ãcõrẽda, Israeld̶ebema boro sid̶a biẽ́ jarasida. Ara maʌ̃da ẽberãrãba Nabóra puru jĩga eded̶aped̶a mõgaraba tab̶ari beasid̶aa.
9636	2KI 4:29	Ara maʌ̃da Eliseoba Guiezia jarasia: –Bʌa cacuad̶e jʌ̃ b̶ʌra bio trãjʌ̃ cob̶ʌped̶a naʌ̃ wẽrã ded̶aa isabe wãdua. Mʌ̃ bacuruda ededua. Isabe wãida b̶ʌ bẽrã ẽberãda unusira bed̶earãdua. Ẽberãba bʌ́a bed̶eaibʌrʌ, panurãdua. Naʌ̃ wẽrã ded̶e jũẽped̶a mʌ̃ bacurura idji warra quĩrãdarra ʌ̃rʌ̃ cob̶ʌdua.–
9652	2KI 5:1	Ẽberã Naamaʌ̃ abadada b̶asia. Idjira Siriad̶ebema sordaorã boro basía. Ãcõrẽba careba b̶ʌd̶eba ãdji dji quĩrũra poyad̶a bẽrã Siriad̶ebema boroba idjira dewararã cãyãbara biara unubadjia. Idjira bio sozarra b̶asia, baribʌrʌ aid̶a bara b̶asia.
12874	JOB 1:1	Ẽberã Jo abadada Uz druad̶e b̶asia. Maʌ̃ Jora ne jũmane jipa b̶asia idjab̶a jarad̶i neẽ́ b̶asia. Idjia Ãcõrẽra bio waya b̶asia idjab̶a cadjirua sid̶a quĩrĩãca basía.
12899	JOB 2:4	Maʌ̃ne diauruba jarasia: –Idjira cacua bia b̶ʌd̶e jipa b̶aya. Ẽberãba beu amaaba idjia erob̶ʌra jũma diaya.
22601	JON 1:1	Ẽberãda b̶asia Joná abadada. Maʌ̃ Jonára Amitai warra basía. Ewari ab̶a Ãcõrẽba Jonáa jarasia:
23236	MAT 1:23	Wẽrã umaquĩrã adua b̶ʌda b̶iogoa b̶eped̶a warrada toya. Ẽberãrãba dji warrara Emanuel ad̶ia. (Maʌ̃ trʌ̃ba jara b̶ʌa “Ãcõrẽra dadjirã ume b̶ʌda.”)
23264	MAT 3:3	Maʌ̃ Juaʌ̃nebemada Ãcõrẽneba bed̶eabari Isaíaba jarasia: Ẽberãda ẽjũã põãsa ewaraga b̶ʌd̶e jĩgua bed̶ea b̶ʌa: Ora jarid̶adua dadjirã Boro bia edad̶amãrẽã. Ora idji itea jipa jarid̶adua.
23304	MAT 5:1	Ẽberãrã zocãrã unusid̶e Jesura eyad̶e ʌ̃taa wãped̶a chũmesia. Maʌ̃ne idji ume nĩbabadarãda idjimaa zesid̶aa.
23348	MAT 5:45	Mãwã ebud̶a b̶aya bãrã Zeza bajãne b̶ʌ warrarãda. Dadji Zezaba ʌ̃mãdaura ẽberã cadjiruarã carea, dji biarã carea bid̶a odjabibaria. Ẽberã jipa b̶eaẽ́ carea, dji jipa b̶ea carea bid̶a cuera zebibaria.
23406	MAT 7:21	Ẽberãrãba mʌ̃ra ãdji boroad̶a abadamĩna jũmarãda Ãcõrẽ purud̶e b̶ead̶aẽ́a. Ab̶abe mʌ̃ Zeza bajãne b̶ʌba quĩrĩã b̶ʌ o b̶eadrʌ idji purud̶e panania.
23481	MAT 9:33	Jesuba maʌ̃ jai jʌretad̶acarea ẽberã quĩrãme cara b̶ad̶ara bed̶easia. Ẽberãrã mama duanʌba cawa crĩchad̶aẽ́ basía. Nãwã jarasid̶aa: –Israel druad̶e wad̶ibid̶a naʌ̃ quĩrãca ununaca basía.–
23503	MAT 10:17	Ẽberãrã tãẽna quĩrãcuita b̶ead̶adua. Ãdjirãba bãrãra dji bororãmaa jida eded̶aped̶a dji jʌrebada ded̶e u jidad̶ia.
23512	MAT 10:26	Ẽberãrãda wayarãnadua. Ne jũma ebud̶a b̶ʌẽ́ra mẽrã b̶eẽ́a. Dadjia cawad̶aẽ́ panʌra Ãcõrẽba ebud̶a cawabiya.
23514	MAT 10:28	Ẽberãrãda wayarãnadua. Ãdjia naʌ̃ cacuada poya bead̶ia baribʌrʌ dadji jaureda poya bead̶aẽ́a. Ãtebʌrʌ naʌ̃ cacua, dadji jaure tʌbʌ uruad̶e babueida b̶ʌdrʌ wayad̶adua.
23527	MAT 10:41	Ab̶aʌba Ãcõrẽneba bed̶eabarida cawaped̶a bia edaibʌrʌ, Ãcõrẽba idjid̶eba bed̶eabaría nebia diabari quĩrãca maʌ̃ ẽberãa diaya. Ẽberã jipa b̶ʌda ab̶aʌba cawaped̶a bia edaibʌrʌ, Ãcõrẽba ẽberã jipa b̶ʌ́a nebia diabari quĩrãca maʌ̃ ẽberãa diaya.
23535	MAT 11:7	Juaʌ̃ba diabued̶arã wãped̶ad̶acarea Jesuba arima duanʌ́a Juaʌ̃nebemada bed̶easia: –Ẽjũã põãsa ewaraga b̶ʌd̶aa bãrãba Juaʌ̃ acʌd̶e wãsid̶ad̶e ¿cãrẽda ununida crĩchasid̶a? ¿Nãũrãba cha ureurea eronũmʌda ununida crĩchasid̶aca?
23536	MAT 11:8	Mãwã crĩchad̶aẽ́ basía. Maʌ̃da ¿cãrẽda ununida crĩchasid̶a? ¿Ẽberã bio djio b̶ʌda ununida crĩchasid̶aca? Mãwãẽ́a; dji bio djio b̶eara ẽberãrã bororã ded̶e panabadaa.
23540	MAT 11:12	Borocuebari Juaʌ̃ba jaradia b̶ed̶ad̶eba ʌ̃taa Ãcõrẽ purud̶ebemarãra bia mĩga panʌa. Ẽberã cadjiruarãba ãdjira biẽ́ o quĩrĩã panʌa.
23570	MAT 12:12	¿Ẽberãda oveja cãyãbara biara b̶ʌẽ́ca? Maʌ̃ bẽrã bia b̶ʌa ʌ̃nãũbada ewarid̶e bia oida.–
23587	MAT 12:29	Ẽberã mẽsrã b̶ʌra naãrã jʌ̃ chũmʌnaẽ́bʌrʌ, ¿sãwã idji ded̶e ed̶a ne drʌad̶e wãni? Ab̶a mãwã jʌ̃ chũmʌsid̶ara poya idji nebiada drʌad̶ida panʌa.
23592	MAT 12:34	¡Dama ẽberãrã! ¿Bãrã dji cadjiruarãba sãwã ne biada bed̶ead̶i? Ẽberãba idji sod̶e crĩcha b̶ʌ quĩrãca bed̶eabaria.
23593	MAT 12:35	Ẽberã biaba idji sod̶e ne bia erob̶ʌd̶eba ne biada jarabaria. Baribʌrʌ ẽberã cadjiruaba idji sod̶e ne cadjirua erob̶ʌd̶eba ne cadjiruada jarabaria.
23601	MAT 12:43	Ẽberã cacuad̶ebemada ẽdrʌd̶acarea jaira ẽjũã põãsa ewaraga b̶ʌd̶e ʌ̃nãũi carea jʌrʌ b̶abaria baribʌrʌ sãma ʌ̃nãũida unucaa.
23610	MAT 13:2	Maʌ̃ne ẽberãrãda zocãrã idjima powua nũmesia. Maʌ̃ bẽrã jãbad̶e b̶adoped̶a chũmesia. Ẽberãrãra ĩbʌd̶e do icawa duanesid̶aa.
23611	MAT 13:3	Maʌ̃be Jesuba ãdjirãa ne quĩrãtanoa ne jara b̶ʌd̶eba nãwã jaradiasia. –Ẽberãda ne pod̶e wãsia.
23632	MAT 13:24	Maʌ̃be Jesuba dewara ne jara b̶ʌd̶eba jarasia: –Bajãne B̸ʌba ẽberãrã pe erob̶ʌra naʌ̃ quĩrãca b̶ʌa. Ẽberãda b̶asia. Maʌ̃ ẽberãba idji ẽjũãne trigo ta dji biada úsia.
23639	MAT 13:31	Wayacusa Jesuba ne jara b̶ʌd̶eba jarasia: –Bajãne B̸ʌba ẽberãrã pe erob̶ʌra naʌ̃ quĩrãca b̶ʌa. Ẽberãba mostaza tada idji ẽjũãne úsia.
23653	MAT 13:45	Maʌ̃ awara Bajãne B̸ʌba ẽberãrã pe erob̶ʌra naʌ̃ quĩrãca b̶ʌa. Ẽberãda b̶asia. Maʌ̃ ẽberãba perla neta dji biada nẽdoi carea jʌrʌ b̶abadjia.
23681	MAT 14:15	Queubod̶o bẽrã idji ume nĩbabadarãra idjimaa wãnaped̶a jarasid̶aa: –Nama ẽberãra caita neẽ́a. Maʌ̃ awara queubʌrʌa. Ẽberãrãa jaradua puru b̶ead̶e cod̶ira nẽdod̶e wãnamãrẽã.–
23733	MAT 15:31	Ẽberã arima duanʌba unusid̶aa dji quĩrãme cara b̶ead̶ara bed̶ea panʌda, dji jʌwa biẽ́ b̶ead̶ara bia panʌda, jĩrũ biẽ́ b̶ead̶ara bia nĩnada, idjab̶a daub̶errea b̶ead̶aba unu panʌda. Jũmarãba cawa crĩchad̶aẽ́ bẽrã israelerã Ãcõrẽa bia bed̶easid̶aa.
23767	MAT 16:26	Ẽberãda naʌ̃ ẽjũãne ne jũma erob̶ʌd̶e beuibʌrʌ, ¿idjia erob̶ʌba carebaica? Beu amaaba idjia erob̶ʌd̶ebemada ¿jũmasãwã poya diai?
23808	MAT 18:12	Bãrãba ¿sãwã crĩchad̶i? Ẽberãba cien oveja erob̶ʌd̶ebemada ab̶a aduaibʌrʌ ¿dji 99 panʌra eyad̶e ameped̶a dji aduad̶ada jʌrʌd̶e wãẽ́ca?
23857	MAT 19:26	Jesuba ãdjirã acʌped̶a jarasia: –Ẽberãba mãwã poya ocaa baribʌrʌ Ãcõrẽmaarã oicha b̶ʌa.–
23867	MAT 20:6	Maʌ̃be ʌ̃mãdau b̶aebod̶od̶e wayacusa purud̶aa wãsia. Ẽberãrã bari b̶eada dewara unuped̶a iwid̶isia: “¿Cãrẽ cãrẽã id̶i trajad̶aẽ́ panʌ?”
23897	MAT 21:2	Ãdjía nãwã jarasia: –Dadjirã quĩrãpe b̶ʌ purud̶aa wãnadua. Ara jũẽbʌdad̶e burro wẽrã warra bara b̶ʌda jʌ̃ nũmʌda ununia. Ẽrã edad̶aped̶a umena mʌ̃maa enenadua.
23903	MAT 21:8	Ẽberãrã cãbana cuabusiba Jesu bia edad̶i carea ãdjia cacuad̶e jʌ̃ panʌra od̶e tõcua wãsid̶aa. Dewararãba bacuru jʌwate quedua bara b̶eada b̶ʌá tucuad̶aped̶a od̶e b̶ʌcua wãsid̶aa.
23920	MAT 21:25	¿Caiba Juaʌ̃ra diabuesi borocuemãrẽã? ¿Ẽberãba wa Bajãne B̸ʌba?– Maʌ̃ne ara ãdjidub̶a jara duanesid̶aa: –Bajãne B̸ʌba diabuesiad̶a ad̶ibʌrʌ, idjia jaraya: “Maʌ̃da ¿cãrẽ cãrẽã ĩjãnaẽ́ basi?”
23923	MAT 21:28	Mãwã duanʌne Jesuba sacerdote bororãa, judiorã dji dromarãa bid̶a jarasia: –Bãrãba naʌ̃ ne jara b̶ʌd̶ebemada ¿sãwã crĩcha panʌ? Ẽberãda b̶asia. Maʌ̃ ẽberãba warrada umé erob̶asia. Ewari ab̶a dji nabemaa nãwã jarasia: “Warra, nane mʌ̃ néud̶e trajad̶e wãdua.”
23928	MAT 21:33	Ũrĩnadua. Dewarad̶eba ne jaraya. Ẽberãda b̶asia. Ewari ab̶a maʌ̃ ẽberãba uvada uped̶a idji néura mõgaraba aud̶u jũrã casía. Uva b̶a piabari sid̶a osia. Idjab̶a deda ʌ̃tʌ osia mamaʌba jũma acʌi carea. Maʌ̃be idji néura ʌ̃cʌrʌ ẽberãrã jʌwaed̶a b̶ʌsia. Ãdjirã ume bed̶ea b̶ʌsia néu zaubʌrʌd̶e jũmasãwã idjía diad̶ida panʌda. Mãwã bed̶ea b̶ʌped̶a djibarira dewara druad̶aa wãsia.
23951	MAT 22:10	Ara maʌ̃da idji nezocarãra o b̶eaza wãsid̶aa. Ẽberãrã dji biarãda, dji cadjiruarã sid̶a zocãrã jʌresid̶aa. Mãwã de dromara ẽberãrãba bira nũmesia.
24043	MAT 24:17	Ẽberã idji de ʌ̃rʌ̃ b̶ʌra idji ded̶e ed̶a wãiẽ́ b̶ʌa ne edai carea.
24055	MAT 24:29	Ẽberãrã bio bia mĩga pananacarea ara maʌ̃da ʌ̃mãdaura pãĩmaya. Jed̶eco sid̶a ʌ̃naẽ́a. Chĩdaura bajãneba b̶aecuad̶ia. Jũma bajãne b̶eara quĩrã awara b̶eya.
24205	MAT 27:7	Maʌ̃ carea bed̶ea aud̶aped̶a maʌ̃ parataba ẽjũãda nẽdosid̶aa drua ãĩbemarã joubadada eropanani carea. Maʌ̃ ẽjũãra Zoco Cabari Ẽjũã abadjid̶aa.
24206	MAT 27:8	Baribʌrʌ mamaʌba ʌ̃taa Oa Ẽjũã abadaa.
24287	MRK 1:3	Ẽberãda ẽjũã põãsa ewaraga b̶ʌd̶e jĩgua bed̶ea b̶ʌa: Ora jarid̶adua dadjirã Boro bia edad̶amãrẽã. Ora idji itea jipa jarid̶adua.
24368	MRK 3:11	Ẽberã jai bara b̶eaba Jesu unubʌdad̶e idji quĩrãpita chĩrãborod̶e copanenaped̶a jaiba ne wayaad̶eba jĩgua jarabadjid̶aa: –¡Bʌra Ãcõrẽ Warraa!–
24384	MRK 3:27	Ẽberã mẽsrã b̶ʌda naãrã jʌ̃ chũmʌnaẽ́bʌrʌ, ¿sãwã idji ded̶e ed̶a ne drʌad̶e wãni? Jʌ̃ chũmʌnadrʌ poya idji nebiara drʌad̶ia.
24393	MRK 4:1	Wayacusa Jesuba Ãcõrẽ bed̶eara amene droma icawa jaradia b̶esia. Maʌ̃ne ẽberãrãda zocãrã idjima powua nũmesia. Maʌ̃ bẽrã jãba doed̶a ũmʌne b̶adoped̶a chũmesia. Ẽberãrãra do icawa duanesid̶aa.
24395	MRK 4:3	–¡Ũrĩnadua! Ẽberãda ne pod̶e wãsia.