23240	MAT 2:2	«ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ።
23241	MAT 2:3	ካቲያ ሄሮዲሴ፥ ሄዋ ሲሲዴ ዳጋሜዳ፤ ዬሩሳላሜን ዴዒያ ኣሳይ ኡባይካ ዎዛና ባዬዲኖ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23248	MAT 2:10	ኡንቱንቱ ሄ ፆሊንቲያ ቤዔዳ ዎዴ፥ ዛዋይ ባይና ዳሮ ናሼቻ ናሼቴዲኖ።
23249	MAT 2:11	ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ ኣው ኢሞታ ሺሼዲኖ።
23250	MAT 2:12	ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ።
23258	MAT 2:20	ኣ፥ «ዴንዳ፤ ናዓኔ ኣ ዳዮ ኣካዴ፥ ኢስራዔሊያ ጋዲያ ሲማ። ናዓ ዎናው ኮዪያዋንቱ ሃይቂዲጌዲኖ» ያጌዳ።
23266	MAT 3:5	ኣሳይ ሄ ዎዴ ዬሩሳላሜፔ፥ ዪሁዳ ጋዲያ ኡባ ሳፔኔ ዮርዳኖሳ ሻፋ ሄራን ዴዒያ ጋዲያ ኡባፔ ኣኮ ዪኖ።
23267	MAT 3:6	ባሬንቱ ናጋራ ፓፂና፥ ዮርዳኖሳ ሻፋን ኣሳ ፃማቄዳ።
23274	MAT 3:13	ዬሱሲ ሄ ዎዴ ዮሃኒሳን ፃማቄታናው፥ ጋሊላፔ ዮርዳኖሳ ጌቴቲያ ሻፋ ኣኮ ቤዳ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23287	MAT 4:9	ቤሲዴ ኣ፥ «ኔኒ ታው ጉልባታዴ ጎዪኖፔ፥ ታኒ ሃዋ ኡባ ኔው ኢማና» ያጌዳ።
23289	MAT 4:11	ሄዋፔ ጉዪያን፥ ፃላሂ ዬሱሳ ኣጊና፥ ኪታንቻቱ ዪዴ፥ ኣው ኦዲኖ።
23293	MAT 4:15	«ዛቢሎኔ ጋዲያኒኔ ኒፍታሌሜ ጋዲያን፥ ኣባ ኦጊያን ዮርዳኖሳ ሻፋፔ ሄፊን ባጋን፥ ኣዪሁዳ ጊዴና ኣሳይ ዴዒያ ጋሊላን፥
23298	MAT 4:20	ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ።
23300	MAT 4:22	ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ።
23303	MAT 4:25	ጮራ ኣሳይ ጋሊላፔ፥ ታሙ ካታማቱዋፔ፥ ዬሩሳላሜፔ፥ ዪሁዳፔኔ ዮርዳኖሳፔ ሄፊንን ዴዒያ ጋዲያፔ ዬሱሳ ካሌዲኖ።
23304	MAT 5:1	ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ።
23315	MAT 5:12	ሂንቴው ሳሉዋን ዎልቃማ ዎይታይ ዴዒያ ዲራው፥ ናሼቲቴ፤ ሃሹ ጊቴ፤ ኣዪሲ ጎፔ፥ ኣሳይ ሂንቴፔ ካሴ ዴዔዳ ናባቱዋ ሄዋዳን ዬዴርሴዲኖ።
23331	MAT 5:28	ሺን ታኒ ሂንቴው ያጋይ፤ ‹ማጫዉኖ ፄሊዴ ኣሞቲያ ኡባይ፥ ባሬ ዎዛና ጊዶን ሄ ዎዴ ኢናና ዎሹሜዳ።›
23349	MAT 5:46	ሂንቴ ሂንቴና ሲቂያዋንቱ ፃላላ ሲቆፔ፥ ሂንቴው ኣይ ዎይታይ ዴዒ? ሃራይ ኣቶ፥ ናጋራንቻቱካ ሄዋዳን ኡዲኖ።
23353	MAT 6:2	«ሄዋ ዲራው፥ ሂንቴ ኣዉዴኔ ሂዬሳው ኢሚያ ዎዴ፥ ሎዓ ማላቲያ ኢታቱ ባሬንታ ቦንቺሳናው፥ ኣዪሁዳ ዎሳ ጎሌኒኔ ኦጊያን ሃራኒ ቤዔታናው ኡዲያዋዳን ኡዶፒቴ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኣኪዲጌዲኖ።
23356	MAT 6:5	«ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።
23358	MAT 6:7	«ፆሳ ሂንቴ ዎሲያ ዎዴ፥ ፆሳ ኣማኔና ኣሳዳን፥ ጮ ሜላ ዛሬዋ ዳሪሶፒቴ፤ ኡንቱንቱ ሃሳያ ዳሩዋን ሲሴቴ ጊዴ ቆፒኖ።
23359	MAT 6:8	ሄዋ ዲራው፥ ሄ ኣሳዳን ሃኖፒቴ፤ ኣዪሲ ጎፔ፥ ሂንቴ ኣቡ ሂንቴና ኮሺያዋ ሂንቴንቱ ዎሳናፔ ካሴቲዴ ኤሬ።
23361	MAT 6:10	ኔ ካዉቴይ ዮ፤ ኔ ሼኒ ሳሉዋን ሃኔዳዋዳን፥ ሳዓንካ ሃኖ።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23377	MAT 6:26	ፓሊያ ካፋቱዋ ፄሊቴ፤ ኡንቱንቱ ዜሪኪኖ፤ ጫኪኪኖ፤ ዲዪያንካ ቆሊኪኖ፤ ሺን ሳሉዋን ዴዒያ ሂንቴንቱ ኣዉ ኡንቱንታ ሚዜ፤ ሂንቴንቱ ኡንቱንቱፔ ሎይ ዳርኪቴ?
23379	MAT 6:28	«ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ።
23383	MAT 6:32	ኣዪሲ ጎፔ፥ ሄ ኡባባ ፆሳ ኣማኔናዋንቱ ዳሪሲዴ ኮዪኖ፤ ሄ ኡባይ ሂንቴና ኮሺያዋ ሳሉዋን ዴዒያ ሂንቴንቱ ኣዉ ኤሬ።
23409	MAT 7:24	«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።
23410	MAT 7:25	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና።
23413	MAT 7:28	ዬሱሲ ባሬ ሃሳዪያዋ ዉርሴዳ ዎዴ፥ ኣሳይ ኢ ታማሪሲያዋን ማላሌቴዲኖ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23427	MAT 8:13	ሄዋፔ ካላ ዬሱሲ ፄቱዋ ካፑዋ፥ «ኔ ሶይ ባ፤ ኔኒ ኣማኔዳዋዳን ኔው ሃኖ» ያጌዳ፤ ፄቱዋ ካፑዋ ቆማይ ሄ ሳቲያንካ ፓፂ ኣጌዳ።
23428	MAT 8:14	ዬሱሲ ጴፂሮሳ ሶይ ቢዴ፥ ኣ ቦሎታታ ቆፁዋ ሃርጋዴ ጊሴዳዉኖ ቤዔዳ።
23436	MAT 8:22	ሺን ዬሱሲ ኣ፥ «ኔኒ ታና ካላ፤ ሃይቄዳዋንቱ ባሬንቱ ኣኃ ሞጊኖ» ያጌዳ።
23437	MAT 8:23	ዬሱሲ ዎንጊሪያን ጌሎዴ፥ ኣ ካሊያዋንቱ ኣናና ቤዲኖ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23441	MAT 8:27	ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ።
23442	MAT 8:28	ዬሱሲ ጋሊላ ኣባፔ ሄፊንን ዴዒያ ጌርጌሴኖና ጌቴቲያ ጋዲያ ፒኔዳ፤ ኢታ ኣያናቱ ኦይቄዳ ላዑ ኣሳቱ ሄ ጋዲያን ዴዒያዋንቱ ዱፉዋፔ ኬሲዴ፥ ኣናና ጋኬቴዲኖ። ኡንቱንቱ ዳሮ ኢታ ጊዲያ ዲራው፥ ኦኒኔ ሄ ኦጊያና ኣናው ዳንዳዪቤና።
23443	MAT 8:29	ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ።
23445	MAT 8:31	ኢታ ኣያናቱ ዬሱሳ፥ «ኔኒ ኑና ኬሲያዋ ጊዶፔ፥ ሂኒ ጉዱን ዉዲያ ጊዶ ዬዳርኪ» ያጊዴ ዎሴዲኖ።
23446	MAT 8:32	ዬሱሲ ኡንቱንታ፥ «ቢቴ!» ጊና ኡንቱንቱ ቢታናቱዋፔ ኬሲ ቢዴ፥ ጉዱንቱዋን ጌሌዲኖ። ጉዱን ዉዲ ኡባይ ካካ ላንቂያና ካጆቲዴ፥ ኣባን ጌሊዴ፥ ሚቴቲ ኣጌዲኖ።
23447	MAT 8:33	ጉዱን ዉዲያ ሄሚያዋንቱ ባቃቲዴ ካታማ ቢ ኣጌዲኖ፤ ቤዳሳን ኢታ ኣያናቱ ኦይቄዳ ኣሳቱ ሃኔዳባ ኡባ ኦዴዲኖ።
23448	MAT 8:34	ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23456	MAT 9:8	ሺን ዳሮ ኣሳይ ሄዋ ቤዒዴ ያዬዲኖ፤ ኣሳው ሃዋ ማላ ማታ ኢሜዳ ፆሳ ጋላቴዲኖ።
23458	MAT 9:10	ዬሱሲ ማቶሳ ጎሌን ቁማ ማናው ኡቲ ዴዒሺን፥ ቃራፃ ኣኪያ ጮራ ኣሳይኔ ናጋራንቻቱ ዪዴ፥ ኣናናኔ ኣ ካሊያዋንቱና ኢቲፔ ጋዪታን ኡቴዲኖ።
23459	MAT 9:11	ኢቲ ኢቲ ፓሪሳዋቱ ሄዋ ቤዒዴ፥ ዬሱሳ ካሊያዋንታ፥ «ሂንቴና ታማሪሲያዌ ቃራፃ ቃንፂያዋንቱናኔ ናጋራንቻቱዋና ቁማ ኣዪሲ ኢቲፔ ሚ?» ያጌዲኖ።
23462	MAT 9:14	ሄ ዎዴ ዮሃኒሳ ካሊያዋንቱ ዬሱሳኮ ዪዴ፥ «ኑኒኔ ፓሪሳዋቱ ኡባ ዎዴ ፆሜቶ፤ ሺን ኔና ካሊያዋንቱ ኣዪሲ ፆሚኪኖ?» ያጊዴ ኣ ኦቼዲኖ።
23463	MAT 9:15	ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23475	MAT 9:27	ዬሱሲ ሄዋና ኣዴ ቢያ ዎዴ፥ ላዑ ቆቃቱ ባሬንቱ ቃላ ቁ ኡዲዴ፥ «ዳዊቴ ናዓው፥ ኑና ማራሪኪ» ያጊዴ ኣ ካሌዲኖ።
23476	MAT 9:28	ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። ኡንቱንቱ፥ «ኤ ጎዳው» ያጊ ዛሬዲኖ።
23477	MAT 9:29	ሄዋፔ ጉዪያን፥ ዬሱሲ ኡንቱንቱ ኣይፊያ ባሬ ኩሺያን ቦቺዴ ኡንቱንታ፥ «ሂንቴው ሂንቴንቱ ኣማኑዋዳን ሃኖ» ያጌዳ።
23479	MAT 9:31	ሺን ኡንቱንቱ ቢዴ፥ ሄ ጋዲያ ኡባን ዬሱሳባ ኦዴዲኖ።
23480	MAT 9:32	ኡንቱንቱ ኬሲዴ ቢያ ዎዴ፥ ኣማሬዳ ኣሳይ ኢታ ኣያናይ ኦይቂና ዱዴዳ ቢታኒያ ዬሱሳኮ ኣሄዲኖ።
23481	MAT 9:33	ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ።
23482	MAT 9:34	ሺን ፓሪሳዋቱ፥ «ኢ ኢታ ኣያናቱዋ ካፑዋ ዎልቃን ፃላሃቱዋ ኬሴ» ያጌዲኖ።
23514	MAT 10:28	ኣሹዋ ዎያዋንቶ ያዮፒቴ፤ ኡንቱንቱ፥ ሼምፑዋ ዎናው ዳንዳይኪኖ። ሺን ሼምፑዋኔ ኣሹዋ ጋናሚያን ዪሳናው ዳንዳዪያ ፆሳሲ ያዪቴ።
23515	MAT 10:29	ላዑ ሱኒያ ካፋቱ ሳንቲሚያን ዛሊዔቲኪኖ? ሂንቴንቱ ኣዉዋ ሼኒያ ጊዳና ዮፔ፥ ሄ ሱኒያ ካፋቱዋፔ ኢቲናካ ሳዓን ዎዴ ባዩኩ።
23533	MAT 11:5	ቆቃቱ ፄሊኖ፤ ዎባቱ ሃሜቲኖ፤ ኦሉ ኦይቄዳዋንቱ ፓፂዴ ጌዪኖ፤ ቱላቱ ሲሲኖ፤ ሃይቄዳዋንቱ ዴንዲኖ፤ ሂዬሳቱ ዎንጋላ ሚሺራቹዋ ሲሲኖ።
23536	MAT 11:8	ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።
23540	MAT 11:12	ፃማቂያ ዮሃኒሳ ዎዲያፔ ዶሚዴ፥ ሃቼ ጋካናው፥ ሳሉዋ ካዉቴታ ዳሮ ናቄታው፤ ሚኒ ባፄቲያዋንቱ ኢዞ ዴሚኖ።
23541	MAT 11:13	ኣዪሲ ጎፔ፥ ናባቱ ኡባቱኔ ሙሴ ሂጊ ዮሃኒሳ ዎዲ ጋካናው፥ ቲምቢቲያ ሃሳዬዲኖ፤
23544	MAT 11:16	«ሺን ታኒ ሃ ዎዲያ ኣሳ ኣያና ሌሚሶ? ኡንቱንቱ ቆጫን ኡቲያ ናና ማላቲኖ፤ ኡንቱንቱ ባሬንቱ ላጌቱዋ ፄሲዴ፥
23545	MAT 11:17	‹ኑኒ ሂንቴንቶ ሂፂፂያ ፑኔዶ፤ ሺን ዱሪቤይኪታ፤ ዬኩዋ ዬካ ኬሴዶ፤ ሺን ዬኪቤይኪታ› ያጊኖ።
23546	MAT 11:18	ኣዪሲ ጎፔ፥ ዮሃኒሲ ፆሚዲኔ ዎዪኒያ ኤሳ ኡሼናን ዪና ኡንቱንቱ፥ ‹ኣ ቦላ ኢታ ኣያናይ ዴዔ› ያጌዲኖ።
23547	MAT 11:19	ታኒ፥ ኣሳ ናዓይ፥ ማዴኔ ኡሻዴ ዪና፥ ኡንቱንቱ ታና፥ ‹ሃ ናፊሳማኔ ዎዪኒያ ኤሳ ኡሺያዋ ቤዒቴ፤ ቃራፃ ቃንፂያዋንቱናኔ ናጋራንቻቱዋና ሲቄቴ› ያጊኖ፤ ሺን ፆሳ ኣዳ ኤራቴይ ባሬ ኦሱዋን ቱማ ጊዲዴ ቤቴ» ያጌዳ።
23559	MAT 12:1	ዬሱሲ ሄ ዎዴ ሳምባታ ጋላሲ፥ ቲሻ ባንጋ ጊዶና ኣሺን ኣ ካሊያዋንቱ ኮሻቲዴ፥ ቲሻ ባንጋ ዱዴ፥ ሙሳ ዶሜዲኖ።
23560	MAT 12:2	ሺን ፓሪሳዋቱ ሄዋ ቤዒዴ ዬሱሳ፥ «ቤዓ፥ ኔና ካሊያዋንቱ ሳምባታ ጋላሲ ኦናው ዎጋ ጊዴናባ ኦኖ» ያጌዲኖ።