23217	MAT 1:4	ራሜ ኣሚናዳባ ዬሌዳ፤ ኣሚናዳቤ፥ ናዓሶና ዬሌዳ፤ ናዓሶኔ፥ ሴሊሞና ዬሌዳ።
23218	MAT 1:5	ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ።
23224	MAT 1:11	ኢስራዔሊያ ኣሳይ ኦሞዴቲዴ፥ ባቢሎኔ ጋዲያ ቤዳ ዎዴ፥ ኢዮሲያሴ ኢኮኒያናኔ ኣ ኢሻቱዋ ዬሌዳ።
23225	MAT 1:12	ባቢሎኔ ኦሞዱዋፔ ጉዪያን፥ ኢኮኒያናኔ ሳላቲያላ ዬሌዳ፤ ሳላቲያሌ፥ ዜሩባቤላ ዬሌዳ።
23226	MAT 1:13	ዜሩባቤሊ፥ ኣቢዩዳ ዬሌዳ፤ ኣቢዩዴ፥ ኤሊያቄማ ዬሌዳ፤ ኤሊያቄሚ፥ ኣዞራ ዬሌዳ።
23229	MAT 1:16	ያዪቆቤ፥ ኪሪስቶሳ ጌቴቲያ ዬሱሳ ዬሌዳ ማይራሞ ኦቼዳ ዮሴፋ ዬሌዳ።
23230	MAT 1:17	ሲሚ ዬሌታይ ኡባይ ኣብራሃሞፔ ዳዊታ ጋካናው ታማኔ ኦይዱ ዬሌታ፤ ዳዊቴፔ ዶሚዴ፥ ኣሳይ ባቢሎኔ ጋዲያ ኦሞዴቲዴ ቤዳ ዎዲያ ጋካናው ታማኔ ኦይዱ ዬሌታ፤ ኣሳይ ባቢሎኔ ጋዲያ ኦሞዴቲዴ ቤዳ ዎዲያፔ ኪሪስቶሲ ዬሌቴዳ ዎዲያ ጋካናው ታማኔ ኦይዱ ዬሌታ።
23232	MAT 1:19	ኢዞ ጊጊሲ ዎዳ ዮሴፎ ፂሎ ኣሳ ጊዴዳ ዲራው፥ ኢዞ ካዉሻናው ኮዪቤና፤ ኢባ ቆንጪሴናን ኢዞ ኣጋናው ቆፔዳ።
23237	MAT 1:24	ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ።
23238	MAT 1:25	ሺን ናዓይ ዬሌታና ጋካናው ዮሴፎ ኢዚኮ ሺቂቤና፤ ቃሲ ናዓካ ዬሱሳ ጊዴ ሱንዳ።
23239	MAT 2:1	ዬሱሲ ዪሁዳ ጋዲያን ቤቴሊሄሜ ጌቴቲያ ካታማን ሄሮዲሴ ካዉቲዴ ዴዒያ ዎዴ ዬሌቴዳ፤ ሄዋፔ ጉዪያን፥ ፆሊንቲያ ፓይዲያ ኣሳይ ኣዋይፊ ዶሊያ ባጋፔ ዬሩሳላሜ ዪዴ፥
23240	MAT 2:2	«ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23245	MAT 2:7	ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ።
23246	MAT 2:8	ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23248	MAT 2:10	ኡንቱንቱ ሄ ፆሊንቲያ ቤዔዳ ዎዴ፥ ዛዋይ ባይና ዳሮ ናሼቻ ናሼቴዲኖ።
23249	MAT 2:11	ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ ኣው ኢሞታ ሺሼዲኖ።
23251	MAT 2:13	ኡንቱንቱ ቤዳዋፔ ጉዪያን፥ ጎዳ ኪታንቻይ ኣኩሙዋን ዮሴፎ ቤቲዴ፥ «ሄሮዲሴ ናዓ ዎናው ኮዪያ ዲራው፥ ዴንዳዴ ናዓኔ ኣ ዳዮ ኣካዴ ጊብፄ ጋዲያ ቤታ፤ ታኒ ኔው ኦዳና ጋካናው፥ ያኒ ዴዓሻ» ያጌዳ።
23252	MAT 2:14	ዮሴፎ ቃማ ዴንዲዴ፥ ናዓኔ ኣ ዳዮ ኣኪዴ፥ ጊብፄ ጋዲያ ቤዳ፤ ጎዳይ ናቢያ ባጋና፥ «ታኒ ታ ናዓ ጊብፄ ጋዲያፔ ፄሳዲ» ያጌዳዌ ፖሌታና ማላ፥ ሄሮዲሴ ሃይቃና ጋካናው ኢ ያኒ ዴዔዳ።
23254	MAT 2:16	ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ።
23257	MAT 2:19	ሄሮዲሴ ሃይቄዳዋፔ ጉዪያን፥ ጎዳ ኪታንቻይ ጊብፄን ዮሴፎ ኣኩሙዋን ቤቲዴ
23260	MAT 2:22	ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ።
23268	MAT 3:7	ሺን ዮሃኒሲ ዳሮ ፓሪሳዋቱኔ ሳዱቃዋናቱ ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ?
23271	MAT 3:10	ቤፂ ሚ ፃጱዋን ቃንፃናው ጊጊ ኡቴዳ፤ ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና።
23272	MAT 3:11	«ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ።
23274	MAT 3:13	ዬሱሲ ሄ ዎዴ ዮሃኒሳን ፃማቄታናው፥ ጋሊላፔ ዮርዳኖሳ ጌቴቲያ ሻፋ ኣኮ ቤዳ።
23275	MAT 3:14	ሺን ዮሃኒሲ፥ «ታኒ ኔናን ፃማቄታናው ቤሲያ ዎዴ፥ ኔኒ ታኮ ያይ?» ያጊዴ፥ ኣ ዲጋናው ኮዬዳ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23284	MAT 4:6	«ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ ‹ፆሳይ ባሬ ኪታንቻቱዋ ኔው ኣዛዛናዋ› ቃሲ ‹ኡንቱንቱ ኔ ጌዲ ሹቻን ቤቴና ማላ፥ ባሬንቱ ኩሺያን ኔና ዴንናዋንታ› ያጌቲ ፃፌቴዳ» ያጌዳ።
23287	MAT 4:9	ቤሲዴ ኣ፥ «ኔኒ ታው ጉልባታዴ ጎዪኖፔ፥ ታኒ ሃዋ ኡባ ኔው ኢማና» ያጌዳ።
23290	MAT 4:12	ዮሃኒሲ ቃሼቴዳዋ ዬሱሲ ሲሴዳ ዎዴ፥ ጋሊላ ጌቴቲያ ጋዲያ ቤዳ።
23294	MAT 4:16	ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ።
23296	MAT 4:18	ዬሱሲ ጋሊላ ኣባ ማታና ኣዴ፥ ላዑ ኢሻቱ ጴፂሮሳ ጌቴቲያ ሲሞኒኔ ኣ ኢሻ ኢንዲራሲ፥ ሞሊያ ኦይቂያዋንታ ጊዶ ዲራው፥ ዳባ ኣባን ዬጊያዋንታ ቤዔዳ።
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23304	MAT 5:1	ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ።
23311	MAT 5:8	ዎዛና ጌሻቱ ኣንጄቴዳዋንታ፤ ኣዪሲ ጎፔ፥ ኡንቱንቱ ፆሳ ቤዓና።
23319	MAT 5:16	ሄዋዳንካ፥ ኣሳይ ሂንቴ ኦያ ሎዖ ኦሱዋ ቤዒዴ፥ ሳሉዋን ዴዒያ ሂንቴ ኣዉዋ ቦንቻና ማላ፥ ሂንቴ ፖዑ ኣሳ ሲንን ፖዖ።
23320	MAT 5:17	«ታኒ ሙሴ ሂጊያኔ ናባቱ ታማሪሲያዋ ዪሳናው ዬዳዋ ሂንቴው ማላቶፖ፤ ታኒ ፖላናው ዬዳዋፔ ኣቲን፥ ዪሳናው ያቤይኬ።
23324	MAT 5:21	«ቤኒ ኣሳው፥ ‹ኣሳ ዎፓ፤ ኣሳ ዎዳ ኦኒኔ ፒርዴታና› ጌዳዋ ሲሴዲታ።
23336	MAT 5:33	«ቃሲ ቤኒ ኣሳው፥ ‹ዎርዱዋን ጫቆፓ፤ ሺን ኔ ጎዳው ጫቄዳዋ ፖላ› ጌዳዋ ሲሴዲታ።
23342	MAT 5:39	ሺን ታኒ ሂንቴው ያጋይ፤ ‹ሂንቴው ኢታባ ኦያ ኡራው ኢታን ዛሮፒቴ፤ ኦኒኔ ኔ ኡሼቻ ባጋ ሻዪያ ባቆፔ፥ ኔ ሃዲርሳ ባጋ ሻዪያካ ኣ ቤሳ፤
23352	MAT 6:1	«ሂንቴ ሎዖ ኦሱዋ ኣሳ ቤሳናው ኣሳ ሲንን ኦና ማላ ናጌቲቴ፤ ሄዌ ዮፔ፥ ሳሉዋን ዴዒያ ሂንቴ ኣዉ ሂንቴው ጋቲያ ኢሜና።
23353	MAT 6:2	«ሄዋ ዲራው፥ ሂንቴ ኣዉዴኔ ሂዬሳው ኢሚያ ዎዴ፥ ሎዓ ማላቲያ ኢታቱ ባሬንታ ቦንቺሳናው፥ ኣዪሁዳ ዎሳ ጎሌኒኔ ኦጊያን ሃራኒ ቤዔታናው ኡዲያዋዳን ኡዶፒቴ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኣኪዲጌዲኖ።
23354	MAT 6:3	ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።
23356	MAT 6:5	«ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።
23357	MAT 6:6	ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23380	MAT 6:29	ሺን ታኒ ሂንቴንቶ ኦዳይ፤ ሃራይ ኣቶ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላካ ማዪቤና።
23388	MAT 7:3	ኔ ኣይፊያን ዴዒያ ቱሳ ቤዓካ፤ ሺን ኔ ኢሻ ኣይፊያን ዴዒያ ሱላ ኣዪሲ ፄላይ?
23407	MAT 7:22	ፒርዳ ጋላሲ ዳሮ ኣሳይ ታና፥ ‹ጎዳው፥ ጎዳው፥ ኑኒ ኔ ሱንን ፆሳይ ኪቶዋ ኦዲቤይኮ? ኔ ሱንን ፃላሃቱዋ ኬሲቤይኮ? ቃሲ ኑኒ ፆሳይ ኦያ ማላሊሲያባ ኔ ሱንን ኦቤይኮ?› ያጋናዋንታ።
23410	MAT 7:25	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና።
23418	MAT 8:4	ዬሱሲ ኣ፥ «ሲሚ ሃዋ ኦሲኔ ኦዶፓ፤ ሺን ቄሳኮ ባዴ ኔ ፓፃዴ ጌዬዳዋ ኣ ቤሳ፤ ኔ ፓፃዴ ጌዬዳዋ ኣሳ ኤሪሳናው ሙሴ ኣዛዜዳ ያርሹዋ ፆሳው ያርሻ» ያጌዳ።
23422	MAT 8:8	ሺን ፄቱዋ ካፑ ዛሪዴ፥ «ታ ጎዳው፥ ኔና ታ ሶይ ጌሊሳናው ታው ቤሴና፤ ሺን ኔኒ ቃላ ፃላላ ሃሳያ፤ ታ ቆማይ ፓፃናዋ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23424	MAT 8:10	ዬሱሲ ሄዋ ሲሴዳ ዎዴ ማላሌቲዴ፥ ባሬና ካሊያ ኣሳ፥ «ታኒ ሂንቴው ቱሙዋ ኦዳይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋዲያንካ ቤዓቤይኬ።
23426	MAT 8:12	ሺን ካዉቴን ዴዓናው ቤሲያ ኣሳይ ዎልቃማ ማ ጋርሳ ካሬ ኦሌታና፤ ሄዋን ኡንቱንቱ ዬካናኔ ባሬንቱ ኣቻ ቃናዋንታ» ያጌዳ።
23428	MAT 8:14	ዬሱሲ ጴፂሮሳ ሶይ ቢዴ፥ ኣ ቦሎታታ ቆፁዋ ሃርጋዴ ጊሴዳዉኖ ቤዔዳ።
23432	MAT 8:18	ዬሱሲ ጮራ ኣሳይ ባሬ ዩሹዋን ዴዒያዋንታ ቤዒዴ፥ ኣባፔ ሄፊን ፒናና ማላ፥ ባሬና ካሊያዋንታ ኣዛዜዳ።
23437	MAT 8:23	ዬሱሲ ዎንጊሪያን ጌሎዴ፥ ኣ ካሊያዋንቱ ኣናና ቤዲኖ።
23438	MAT 8:24	ቤታይ ዎንጊሪያ ሚታና ጋካናው፥ ኣባን ዎልቃማ ሆቢ ዴንዴዳ፤ ሺን ዬሱሲ ጌሚዒሼዳ።
23440	MAT 8:26	ዬሱሲ ኡንቱንታ፥ «ሃ ኣማኑ ፓጬዳዋንቶ፥ ኣዪሲ ያዪቴ?» ያጌዳ። ሄዋፔ ጉዪያን ዴንዲዴ፥ ጎቱዋኔ ቤታ ኣጊቴ ጊና፥ ጎቱኔ ቤታይ ጮዑ ጌዳ።
23441	MAT 8:27	ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ።
23442	MAT 8:28	ዬሱሲ ጋሊላ ኣባፔ ሄፊንን ዴዒያ ጌርጌሴኖና ጌቴቲያ ጋዲያ ፒኔዳ፤ ኢታ ኣያናቱ ኦይቄዳ ላዑ ኣሳቱ ሄ ጋዲያን ዴዒያዋንቱ ዱፉዋፔ ኬሲዴ፥ ኣናና ጋኬቴዲኖ። ኡንቱንቱ ዳሮ ኢታ ጊዲያ ዲራው፥ ኦኒኔ ሄ ኦጊያና ኣናው ዳንዳዪቤና።
23447	MAT 8:33	ጉዱን ዉዲያ ሄሚያዋንቱ ባቃቲዴ ካታማ ቢ ኣጌዲኖ፤ ቤዳሳን ኢታ ኣያናቱ ኦይቄዳ ኣሳቱ ሃኔዳባ ኡባ ኦዴዲኖ።
23448	MAT 8:34	ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23455	MAT 9:7	ጉንዴዳ ቢታኒካ ዴንዲ ኤቂዴ፥ ባሬ ጎሌ ቤዳ።
23456	MAT 9:8	ሺን ዳሮ ኣሳይ ሄዋ ቤዒዴ ያዬዲኖ፤ ኣሳው ሃዋ ማላ ማታ ኢሜዳ ፆሳ ጋላቴዲኖ።
23459	MAT 9:11	ኢቲ ኢቲ ፓሪሳዋቱ ሄዋ ቤዒዴ፥ ዬሱሳ ካሊያዋንታ፥ «ሂንቴና ታማሪሲያዌ ቃራፃ ቃንፂያዋንቱናኔ ናጋራንቻቱዋና ቁማ ኣዪሲ ኢቲፔ ሚ?» ያጌዲኖ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23467	MAT 9:19	ዬሱሲ ዴንዲዴ፥ ባሬና ካሊያዋንቱና ኢቲፔ ቢታኒያ ካሊዴ ቤዳ።
23471	MAT 9:23	ዬሱሲ ኣዪሁዳ ዎሳ ጎሌ ካፑዋ ሶይ ጋኬዳ ዎዴ፥ ዬኩዋን ዲንካ ፑኒያ ኣሳኔ ዬኪያ ኣሳ ቤዒዴ፥
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23481	MAT 9:33	ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ።
23484	MAT 9:36	ጮራ ኣሳ ቤዒዴ፥ ሄሚያ ኣሳይ ባይና ዶርሳዳን ኣሳይ ሂርጌቲያ ዲራዉኔ ኣሳ ማዲያባይ ባይና ዲራው፥ ኣሳው ቃሬቴዳ።
23502	MAT 10:16	«ቤዒቴ! ታኒ ሂንቴና ዶርሳ ዋላቱዋ ጊዶ ዬዲያዋዳን ዬዳይ። ሄዋ ዲራው፥ ሾሻዳን ጪንጫ ጊዲቴ፤ ቃሲ ሃራጲያዳን፥ ኣሺኬ ጊዲቴ።
23520	MAT 10:34	«ታኒ ሳዓሲ ሳሮቴ ኣሃናው ዬዳዋ ሂንቴሲ ማላቶፖ፤ ታኒ ቶራ ኣሃናው ዬዳዋፔ ኣቲን፥ ሳሮቴ ኣሃናው ያቤይኬ።
23523	MAT 10:37	«ባሬ ኣባ ዎይ ባሬ ዳዮ ታፔ ኣዴ ሲቂያዌ ታዋ ጊዳናው ቤሴና፤ ባሬ ኣቱማ ናዓ ዎይ ባሬ ማጫ ናቶ ታፔ ኣዴ ሲቂያዌ ታዋ ጊዳናው ቤሴና።
23524	MAT 10:38	ባሬ ማስቃሊያ ቶኪዴ፥ ታ ጌዱዋ ካሌናዌ ታዋ ጊዳናው ቤሴና።
23529	MAT 11:1	ዬሱሲ ባሬ ታማኔ ላዑ ካሊያዋንታ ኣዛዚያዋ ፖሌዳ ዎዴ፥ ሄዋፔ ዴንዲዴ፥ ካታማቱዋን ታማሪሳናዉኔ ኦዳናው ቤዳ።
23532	MAT 11:4	ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤
23535	MAT 11:7	ዮሃኒሳ ካሊያዋንቱ ሲሚ ቤዳ ዎዴ፥ ዬሱሲ ዮሃኒሳባ ሺቄዳ ኣሳሲ ሃዋዳን ያጊ ሃሳዬዳ፤ «ኣያ ቤዓናው ኣሳይ ዴዔና ሜላ ቢታ ኬሴዲቴ? ጫርኩ ቃያ ማቃ ቤዓናው ኬሴዲቴ?
23536	MAT 11:8	ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።